اشتريت سايبا تيبا 2014 باركولى....

[windofchange]

العربية فيها ايموبلايزر؟

[mhaa_eg]

العربية فيها ايموبلايزر؟

بالرجوع لمواصفات كتالوج السيارة اتضح ان بها نظام الامبوليزر فعلا
وبرضه مانع تكاثف للبخار على الزجاج الخلفى
ومجهزة بنظام مزدوج للوقود ( غاز وبنزين)
من الاخر امكانيات متعددة فى سيارة رينو لوجان من ام 86000 جنيه الشكل الجديد وموجوده بسعر 68000 والله احنا اللى كسبانين

[announcer]

العربية فيها ايموبلايزر؟

فيها ياباشا والكاسيت بباسورد....

[mhaa_eg]

الخبر ده مش اشاعه لانه بصراحه من اول شهر مايو سيرتفع سعر السيارات الهيونداى والكيا و التيبا وده من بعض الزملاء المقربين داخل السوق وداخل ناشيونال موتورز نفسها
اللى عايز يلحق بسعر 68500 وده اخر سعر للتيبا ام 2 ايرباج قبل الزيادة يتكل على الله

[announcer]

تقرير بعد 4000 كيلو :
***************
بالنسبة للعفشة ممتازة ( العفشجية قالوا انها عفشة كيا ريو بالكامل) الواحد بيفحت بيها فى الشوارع المكسرة وثابتة كفاءة الصراحة
السحب جيد جدا خاصة بعد ما العربية لينت..
غيارات الفتيس قصيرة يمكن علشان العربية 85 حصان
التكييف ممتااااااااز على الاقل فى تجربتى مع العربية بس فى ناس بتقول ان التبريد عندها مش جامد فى الحر...
قطع غيارها حتى الان هى نفسها بتاعت الكيا (غيرت بلية عجلة خلفية بخمسين جنيه فقط لاغير)
ثبات العربية على الطريق فوق فوق فوق الممتاز ...حتى على السرعات العالية ومع المناورة والغرز كمان
قفلت الابواب مش عاطفية تحس انها قفلت باب عربية 32 بس انا هجرب اغير الكاوتش بتاع الابواب واشوف النتيجة

الخلاصة:
******
مازلت اقول ان العربية مناسبة جدا للاجواء والشوارع المصرية ...عالية عن الارض /عفشتها ممتازة / تكييفها ممتاز/ قطع غيارها رخيصة / سعرها مناسب جدا

تحياتى وأى استفسار انا فى الخدمة

[slow_song]

سعر العربيه ﻻول فئه النهارده 64500 والفئة التانيه اللى فيها abs وابرباج 68500

[slow_song]

تقرير بعد 4000 كيلو :
***************
بالنسبة للعفشة ممتازة ( العفشجية قالوا انها عفشة كيا ريو بالكامل) الواحد بيفحت بيها فى الشوارع المكسرة وثابتة كفاءة الصراحة
السحب جيد جدا خاصة بعد ما العربية لينت..
غيارات الفتيس قصيرة يمكن علشان العربية 85 حصان
التكييف ممتااااااااز على الاقل فى تجربتى مع العربية بس فى ناس بتقول ان التبريد عندها مش جامد فى الحر...
قطع غيارها حتى الان هى نفسها بتاعت الكيا (غيرت بلية عجلة خلفية بخمسين جنيه فقط لاغير)
ثبات العربية على الطريق فوق فوق فوق الممتاز ...حتى على السرعات العالية ومع المناورة والغرز كمان
قفلت الابواب مش عاطفية تحس انها قفلت باب عربية 32 بس انا هجرب اغير الكاوتش بتاع الابواب واشوف النتيجة

الخلاصة:
******
مازلت اقول ان العربية مناسبة جدا للاجواء والشوارع المصرية ...عالية عن الارض /عفشتها ممتازة / تكييفها ممتاز/ قطع غيارها رخيصة / سعرها مناسب جدا

تحياتى وأى استفسار انا فى الخدمة

معلش ياباشا عندى سؤال ازاى تغير بليه بعد 4000 كيلو بس دى البليه الصينى بتعد 20000 كيلو ممكن توضيح ﻻن ده مؤشر مش حلو على الجوده بتاعت العربيه

[mhaa_eg]

والله انا اتكلت على الله وحجزت العربية التيبا دى ام 2 ايرباج زى ما قلتلكم ب68500 جنيه وان شاء الله هجيبها قسط وكل واحد بيمد رجليه على قد لحافه بس بصراحه انا مقتنع بيها بس حاسس بعد الرؤية الفعلية انها ضيقة من ورا - ممكن اخى </B>announcer تطمنى على الموضوع ده؟؟؟؟

[announcer]

معلش ياباشا عندى سؤال ازاى تغير بليه بعد 4000 كيلو بس دى البليه الصينى بتعد 20000 كيلو ممكن توضيح ﻻن ده مؤشر مش حلو على الجوده بتاعت العربيه

والله ياباشا انا طلعت بالعجلة الخلفية على حجر مدبب وكنت على سرعة ...بعدها ظهرت ونة فى العجلة كانت بتزيد مع السرعة ...البلية اللى كانت فيها made in korea يعنى بلية نضيفة مش تعبانة...وبعدين عاوز اقولك ان فى عربيات كيا ونيسان 2014 وفيها عيوب برضو...فا ده مش مقياس ...وبعدين فى الاخر البلية بخمسين جنيه وموجوده فى السوق وده مؤشر جيد لقطع غيار العربية..

[announcer]

[QUOTE=mhaa_eg;3875529987]والله انا اتكلت على الله وحجزت العربية التيبا دى ام 2 ايرباج زى ما قلتلكم ب68500 جنيه وان شاء الله هجيبها قسط وكل واحد بيمد رجليه على قد لحافه بس بصراحه انا مقتنع بيها بس حاسس بعد الرؤية الفعلية انها ضيقة من ورا - ممكن اخى </B>announcer تطمنى على الموضوع ده؟؟؟؟[/QUO

ياباشا العربية واسعة من جوه وشنطتها يركب فيها عيلة بحالها...رغم ان اللى يشوف العربية من بره يقول ضيقة ...وفى صور فى اول مشاركة فى الموضوع...

IMG_20140206_150015 - Download - 4shared

IMG_20140206_150114 - Download - 4shared

[announcer]

والله انا اتكلت على الله وحجزت العربية التيبا دى ام 2 ايرباج زى ما قلتلكم ب68500 جنيه وان شاء الله هجيبها قسط وكل واحد بيمد رجليه على قد لحافه بس بصراحه انا مقتنع بيها بس حاسس بعد الرؤية الفعلية انها ضيقة من ورا - ممكن اخى </B>announcer تطمنى على الموضوع ده؟؟؟؟

توكل على الله ياباشا...العربية جميلة جدا وجامدة وعفية وتسد فى المطبات والحفر وتكييفها محترم وصاجها جامد وقطع غيارها رخيصة ...اى ديفوهات فى العربية مقدور عليها وتتعمل وهنظبط العربية ان شاء الله

ده لينك الجروب بتاع ملاك العربية على الفيس بوك :

https://www.facebook.com/groups/601311426614730/624053331007206/?notif_t=group_activity

[slow_song]

معلش عايز اعرف حاجتين
اول حاجه / ايه اخبار الكاسيت والسماعات ياترى صوتهم كويس وفيهم صب وباند وﻻ ايه.
الحاجه التانيه/ انا شوفت العربيه فى معرض بس ﻻحظت ان الفاميه بتاعها خفيف جدا ، هل الفاميه بتاعها مثبوت فى ورقها وبالتالى بينزل على الرخصه وﻻ ايه.

[announcer]

معلش عايز اعرف حاجتين
اول حاجه / ايه اخبار الكاسيت والسماعات ياترى صوتهم كويس وفيهم صب وباند وﻻ ايه.
الحاجه التانيه/ انا شوفت العربيه فى معرض بس ﻻحظت ان الفاميه بتاعها خفيف جدا ، هل الفاميه بتاعها مثبوت فى ورقها وبالتالى بينزل على الرخصه وﻻ ايه.

الكاسيت cd mp3 usb flash وفيه الاوبشن بتاع اى كاسيت جديد equalizer / loud on off / وتوزيع السماعات امامى وخلفى يمين وشمال ...صوته حلو ولو التراكات اللى بتسمعها صوتها نضيف هتسمع صوت ممتاز ...يعنى لو غيرت السماعات وجبت سماعات بايونير مثلا هتسمع صوت حكاية

الفامية نفس الدرجة اللى بتنزل بيها اى عربية زيرو ومثبوت طبعا على الرخصة

[mhaa_eg]

توكل على الله ياباشا...العربية جميلة جدا وجامدة وعفية وتسد فى المطبات والحفر وتكييفها محترم وصاجها جامد وقطع غيارها رخيصة ...اى ديفوهات فى العربية مقدور عليها وتتعمل وهنظبط العربية ان شاء الله

ده لينك الجروب بتاع ملاك العربية على الفيس بوك :

https://www.facebook.com/groups/6013...group_activity

والله ربنا يكرمك انك طمنتنى وربنا يسترها عليك وعلينا - بس تتخيل انها قريبة فى الشكل الخارجى من النيو اكسنت؟؟؟ مش كده ؟؟
طيب وحجم الكنبة الخلفية بعد استخدامك الفعلى ايه رايك فيه؟
ولو ضفنا ليها سنسور خلفى ويلوتوث تخرج من الضمان؟؟؟؟

[announcer]

تقرير بعد 5000 كيلو .....

العربية ماشاء الله بحترمها يوم بعد يوم....
ثبات العربية على السرعات العالية عشرة على عشرة وبصراحة يضاهى أتخن عربية فى السوق

الفرامل ال abs شغالة عشرة على عشرة ولحقتنى فى اكتر من موقف على الطريق .

بالنسبة لقطع الغيار ثبت ان العفشة بتاعت الريو ....بلى العجل بخمسين جنيه عند اى واحد بتاع بلى

انا غيرت سلك الديبرياج (افتكاسة من عندى) قولت اشوف يركب بداله ايه ويمكن يطلع انعم...وفعلا طلع بتاع المازدا 323

التكييف حلو جدا وطبعا خلاص الحر دخل وجربته اكتر من مرة على الطريق....لما ببقى راكب لوحدى بشغله على اتنين فى عز الحر وبيبقى مبرد تمام التمام...

العربية ممتازة فى المطبات....تخش ع المطب بقلب جامد لان العربية عالية من على الارض

الغيارات كانت قصيرة...لكن بدأت تريح...يعنى كنت بنقل من التانى للتالت على سرعة 40 كانت بتبقى يدوب المكنة على الأخر...دلوقتى بنقل الغيار مستريح...معرفش سلك الديبرياج ده له علاقة بالموضوع ولا لأه ..بس عموما الموتور بقى فيه عافية عن اول ما اشتريت...

الخلاصة :
العربية ممتازة وسعرها ممتاز وقطع غيارها رخيصة ولحد دلوقتى فى حاجات كتير بتركب ليها من الكورى واليابانى...
فى طبعا عيوب ظاهرة فى التقفيل زى قفلت الابواب ...وده انا ظبطه على ايدى....

السنتر بيعلق ...خدتهم كده باب ورا التانى ...بس كل باب بيتعمل مابيعلقش تانى...
تحياتى