انا جبت السيبا برايد الجديده

[tawfic]

صباح الخير يا استاذ توفيق وجميع السادة المشتركين في المنتدي
بالنسبة للكوتش حضرتك غيرته ولا ايه وفي فرق لما غيرته من الاول لان الكاوتش ده تحس وانت ماشي به انك ماشي دائما على مطبات يعني لازم لما تغير الجنوط تغير الكاوتش كمان ومعلش كلفك كم

انا فعلا غيرت الكوتش امس وركبت مقاس 13/70/165 وهذه المقاس يصلح للسياره جيدا وفعلا المشكله اختفت تماما بس ناقص ارصص بس وبالمناسبه انا مركب فرده تيوانى مش عارف اسمها دلوقتى بس حلوه قوى ب210 جنيه للفرده

[tawfic]

البقاء لله يا أستاذ توفيق

الف شكر على هذه المشاعر النبيله

[moataz200730]

لو سمحتم يا جماعة انا طالب مساعدة منكم كلكم بصراحة انا كنت ناوى اشترى السايبا اللى ب 53 اللى بالعفشة الرياضية و لقيت الفرق بينها و بين الجيلى ck 2 مش كبير انا رحت اتفرجت على الاتنين بصراحة الفرق يحسب للجيلى من حيث الخامات و من حيث التقفيل و من حيث الضمان كمان 5 سنين و التوكيل محترم توب جير انا عاجبنى العربيتين و مقتنع بيهم بس عايز حد يدلنى اختار مين فيهم لانى محتار و عايز الحل و عايز عربية تقعد معايا فترة محترمة و مش حبالغ لو قلت عربية العمر لانى المبلغ اللى معايا ما جبتهوش بالساهل و محتاج ارسى على بر و يا ريت ما اسمعش كلمة ابعد عن الصينى انا عايز كلام معقول مع العلم ان بيقولوا ان موديلات الجيلى الجديدة فيها تغيير و بقت ماركة محترمة

[ahmedbakr50]

مع العلم ان بيقولوا ان موديلات الجيلى الجديدة فيها تغيير و بقت ماركة محترمة

والله فى معرض فورميولا 2009 شوفتها محترمة جدا جدا من حيث التقفيل والمتانة والخامات
بس برده الخوف من أى حاجه اسمها صينى بقى جوه الواحد خلاص

[mucho]

البقاء لله يا استاذ توفيق نأسف ع التاخير

[tawfic]

البقاء لله يا استاذ توفيق نأسف ع التاخير

كفايه على تعزيتك فى اى وقت الف شكر

[tawfic]

لو سمحتم يا جماعة انا طالب مساعدة منكم كلكم بصراحة انا كنت ناوى اشترى السايبا اللى ب 53 اللى بالعفشة الرياضية و لقيت الفرق بينها و بين الجيلى ck 2 مش كبير انا رحت اتفرجت على الاتنين بصراحة الفرق يحسب للجيلى من حيث الخامات و من حيث التقفيل و من حيث الضمان كمان 5 سنين و التوكيل محترم توب جير انا عاجبنى العربيتين و مقتنع بيهم بس عايز حد يدلنى اختار مين فيهم لانى محتار و عايز الحل و عايز عربية تقعد معايا فترة محترمة و مش حبالغ لو قلت عربية العمر لانى المبلغ اللى معايا ما جبتهوش بالساهل و محتاج ارسى على بر و يا ريت ما اسمعش كلمة ابعد عن الصينى انا عايز كلام معقول مع العلم ان بيقولوا ان موديلات الجيلى الجديدة فيها تغيير و بقت ماركة محترمة

بص ياصديقى انا هاقولك رائيى بكل صراحه لو العربيتين نفس الامكنيات والسعر قريب والسعه اللتريه واسعار قطع الغيار وبالذات قطع الغيار اسعارها كويسه ومنتشره يبقى احساسك وراحتك النفسيه اهم حاجه فى الاختيار لان الجيلى سمعتها كويسه حتى الموديل القديم منها والسايبا تعتبر امتداد للبرايد الممتازه بس هاتقدر تحقق نفس نجاحها ده الايام هاتبينو وفى الاول والاخر راحتك النفسيه مياله لائنهى فيهم وياريت تصلى استخاره والى فيه الخير ربنا يقربو منك وبالنسبه للصينى شئنا ام ابينا الغزو قادم على العالم اجمع وليس مصر فقط والايام بيننا

[sawsn]

ياريت الاستاز توفيق والاخوه القراء يشاركونى الاختيار

مساء الخير--اتمنى من القراء واستاز توفيق والاخت ميرت --وجميع من يقراأ رسالتى يجاوبنى فى حيرتى---كنت هشترى سياره رينو تجميع رومانى--وبعدين لقيت رينو المغربى نازله بكمليات اكتر --من الرومانى احترت اكتر فى اختيار التجميع رومانى ولا مغربى وكمليات اكتر من رينو رومانى مع تساوى السعر فى الرومانى والمغربى-----لكن قالولى قطع الغيار غاليه للرينو--مع انها مركه محترمه--وبعين شفت تحاوركم على السبيا برايد --مع احترامى على الصناعه الايرانيه برغم ان مصر مش عارفه ان الصناعه الايرانيه ممتازه-- كمان المغربيه ممتازه للانهم دراسه وتعامل مع فرنسا دائما اكتر تطورا ورقى من التجميع والصناعه المصريه مع احترامى واعتزازى ببلدى ولكن هذا واقع--عموما شاركونى الاختيار رينو ولا سابيا برايد وان رشحتولى رينو اشترى تجمبع رومانيا ولا رينو مغربى واكثر اضافات ولا الرينو قطع غيرها غاليه اسيب الماركه دىلانى مش عارفه حاجه عن قطع غيار الرينو غاليه ولا فى مستوى قطع غيار اليبانى والتويوتا-- محتاره---سابيا ولا رينو ياريت تفيدونى--دى اول عربيه هسوقها وهشتريها-- ياريت كل اللى يقرا رسالتى يدينى رايه----شكرا طولت عليكم----

[tawfic]

الاخت sawsn المقارنه مش مفيده كده للاسباب التاليه
--------------------------------------------
البرايد 1300 cc والرينو 1400 و 1600 وبالنسبه للفئه السعريه المقارنه للسايبا تبقى 1400
------------------------------------------------------
السايبا كامله مانيول ب 51500 الرينو المغربى كامله مانيول ب 66900
والسعر من الرابط ده http://www.nilemotors.net/Nile/showthread.php?t=64192
-----------------------------------------------------
قطع غيار السايبا
فانوس امامى 215
فانوس خلفى 145
رفرف امامى 160
شبكة امامية 95
اكصدام امامى 280
اكصدام خلفى 280
فلتر هواء 20
فلتر الزيت 20
فلتر بنزين 17
مساعد امامى 140
مساعد خلفى140
تيل فرامل 65
طقم بوجيهات 45
سلك دبرياج 18
اسطوانة دبرياج 110
دسك دبرياج 110
طنبورة عجلة امامى 85
--------------------------------------------------
قطع غيار الرينو لوجان
فانوس امامي ----------565
فانوس خلفي-----------225
اكصدام امامي----------1150
اكصدام خلفي----------1065

• فلتر الزيت 35 ج
• فلتر الهواء 60 ج
• فلتر بنزين 55 ج
• بوجيهات 90 ج
• تيل فرامل أمامي 230 ج
• تيل فرامل خلفي 350 ج
• طلمبة مياه 475 ج
• طقم كاتينه 575 ج
• سير دينامو 75 ج

وتفصليلا اطلعى على الرابط ده فى كل شئ على الرينو

http://www.nilemotors.net/Nile/showthread.php?t=29289

---------------------------------------------------
عرفتى ليه ماتنفعشى المقارنه لا فى الفئه السعريه ولا فئه السى سى ولا قطع الغيار

[heshaaam]

اتفضل

[QUOTE=sawsn;722613]مساء الخير--اتمنى من القراء واستاز توفيق والاخت ميرت --وجميع من يقراأ رسالتى يجاوبنى فى حيرتى---كنت هشترى سياره رينو تجميع رومانى--وبعدين لقيت رينو المغربى نازله بكمليات اكتر --من الرومانى احترت اكتر فى اختيار التجميع رومانى ولا مغربى وكمليات اكتر من رينو رومانى مع تساوى السعر فى الرومانى والمغربى-----لكن قالولى قطع الغيار غاليه للرينو--مع انها مركه محترمه--وبعين شفت تحاوركم على السبيا برايد --مع احترامى على الصناعه الايرانيه برغم ان مصر مش عارفه ان الصناعه الايرانيه ممتازه-- كمان المغربيه ممتازه للانهم دراسه وتعامل مع فرنسا دائما اكتر تطورا ورقى من التجميع والصناعه المصريه مع احترامى واعتزازى ببلدى ولكن هذا واقع--عموما شاركونى الاختيار رينو ولا سابيا برايد وان رشحتولى رينو اشترى تجمبع رومانيا ولا رينو مغربى واكثر اضافات ولا الرينو قطع غيرها غاليه اسيب الماركه دىلانى مش عارفه حاجه عن قطع غيار الرينو غاليه ولا فى مستوى قطع غيار اليبانى والتويوتا-- محتاره---سابيا ولا رينو ياريت تفيدونى--دى اول عربيه هسوقها وهشتريها-- ياريت كل اللى يقرا رسالتى يدينى رايه----شكرا طولت عليكم----

دى اسعار قطع غيار اللوجان الرومانى من التوكيل ف من سنة وقت نزولها واكيد هتنخفض كثير


فلتر الزيت ~~~~~~~ 35 ج
فلتر الهواء ~~~~~~ 60 ج
فلتر بنزين ~~~~~~~ 55 ج
بوجيهات ~~~~~~~ 90 ج
تيل فرامل أمامي ~~~~ 230 ج
تيل فرامل خلفي ~~~~ 350 ج
طلمبة مياه ~~~~~~ 475 ج
طقم كاتينه ~~~~~~ 575 ج
سير دينامو ~~~~~~ 75 ج
فانوس امامي ----------565
فانوس خلفي-----------225
اكصدام امامي----------1150
اكصدام خلفي----------1065

[SOBKY]

ده ايه الموضوع الكامل الوافي ده ...
ده انا حسيت اني سوقت العربية دي .
ما شاء الله عليكم ...
يا ريت الروح الجميلة دي تفضل موجودة على طول .:k8:
و الف مبروك للكل .. متاخرة انا عارف .. بس لسه شايف التوبيك حالا.

[BoudyDoudy]

السلام عليكم
عايز اقول اني كان عندي العرلبة دي( الكوري ) من 2000 الي 2005
وكانت فعلا ممتازة بكل القاييس وبعتها عشان اجيب حاجة اكبرمنها
ودلوقت حارجع اشتري نفس الموديل لزوجتي ان شاء الله لكن سمعت ان ال التو السوزوكي برضة حلوة
ياريت حد يقولنا عن تجربتة مع ال التو ولو حد يعرف السعر الاقل للاتنين الاقية فين
في اسكندرية

[age4u]

شكرا للجميع على هذا الموضوع المتكامل

وخاصة شكر للأستاذ توفيق

إن شاء الله تعالى

بعد المشورات والتفكير

وأيضا إن شاء الله بعد الإستخارة أولا وأخيرا

( وأكيد في ضغوطات من الوالدين برده :) )

ها نشتري البرايد الإيراني

( مع إني كنت بأفكر في حاجة مستعملة خفيف 2005 ، 2004 كده يعني )

وبرده قارنتها بالإسبرينزا a 113

لكن الأراء اللي قرأتها وسمعتها هي

متانة الصناعة الإيراني

الوسع أحسن

الصاج والأمان

بشنطة وتفيد إن شاء الله أما الواحد يكتب له الزواج والإنجاب فمش محتاج تغيرها قبل كذا سنة إن شاء الله

توافر قطع الغيار الجيدة الرخيصة ( سواء من التوكيل ( أو لو ها تجيب قطع غيار البرايد الكوري وتخليهم يركبوهاك في التوكيل )

والرأي أكيد كان الجديد أحسن من المستعمل

مع إنه في ظل إنخفاض المستعمل ،،، بنفس الثمن 50000 جنيه

أقدر اجيب سيارة كيا ريو ، فيرنا 2005 ، متسوبيشي كرستالة 1999 أو 2000 100% ، فيات بيترا ،، وغيره

فدعواتكم

ولو في رأي ليكم بخلاف البرايد الإيراني ) أو عيوب بسيطة أخرى ( بخلاف الصفارة في الفرامل ، التقفيل المتوسط الجودة " وده على قد السعر أنا مش معترض " ، الشعور القوي بالمطبات " بغض النظر إنك حتى لو راكب في مصر هامر ضهرك ها يتدغدغ ( يبوظ يعني :) ) من المطبات )

يا ريت كده طلب من الأستاذ توفيق

ما هي العيوب بإختصار شديد ( 10 مره معلش بنتعبك )
مش ها أقول عيوب ها أقول قصور

وكيفية تلافيه

وهل تلافيه في التوكيل والصيانة ولا مع الإستهلاك ( كثقل وعضة الغيار :) )

وجزاك الله خيرا

والبقاء لله في فقيدك الله يسكنه الفردوس الأعلى ( معلش جاية متأخر )

ومبروووك للجميع

[tawfic]

ده ايه الموضوع الكامل الوافي ده ...
ده انا حسيت اني سوقت العربية دي .
ما شاء الله عليكم ...
يا ريت الروح الجميلة دي تفضل موجودة على طول .:k8:
و الف مبروك للكل .. متاخرة انا عارف .. بس لسه شايف التوبيك حالا.

الكمال لله وحده
وياريت تنضمم معانا فى هذه الروح الجميله
والله يبارك فيك وهى لاجات متاخره ولا حاجه

[tawfic]

السلام عليكم
عايز اقول اني كان عندي العرلبة دي( الكوري ) من 2000 الي 2005
وكانت فعلا ممتازة بكل القاييس وبعتها عشان اجيب حاجة اكبرمنها
ودلوقت حارجع اشتري نفس الموديل لزوجتي ان شاء الله لكن سمعت ان ال التو السوزوكي برضة حلوة
ياريت حد يقولنا عن تجربتة مع ال التو ولو حد يعرف السعر الاقل للاتنين الاقية فين
في اسكندرية

للاسف انا ماجربتش الالتو بس ركبتها مع ناس عربيه ممتازه وبالنسبه للسايبا الموضوع بين ايدك اقراءه بتأنى واكيد فى روابط السوزوكى موضوعات عن الالتو
ودى روابط يارب تساعدك

http://www.nilemotors.net/Nile/showthread.php?t=53942

وده تقرير عن الالتو بعد 20.000 الف

http://www.nilemotors.net/Nile/showthread.php?t=63802

وربنا يوفقك فى الاختيار