انا جبت السيبا برايد الجديده

[ahmedbakr50]

وبعد اسبوع من استلامها
اخبارها ايه معاك؟؟ وهل جربت تشغل التكييف وتشوف بيأثر فى السحب ولا لأ؟

[sadeek]

شكرا على زوقك واهتمامك معلش اسئلتى كثيرة فيه بيقولوا شافوا العربيه والفتيس بيعض في الاول والثانى فهل ده صحيح والبلستيك خفيف قوى وكمان الصاج فما رايك

[sadeek]

كمان الكبالن كويسه ولا زى ال128 العربيه مريحاك فى المنعطفات ولا لا

[tawfic]

وبعد اسبوع من استلامها
اخبارها ايه معاك؟؟ وهل جربت تشغل التكييف وتشوف بيأثر فى السحب ولا لأ؟

العربيه تحفه وانهارده لسه مشغل التكيف جامد بس مش قادر احكم على السحب علشان الشوارع واقفه

[tawfic]

شكرا على زوقك واهتمامك معلش اسئلتى كثيرة فيه بيقولوا شافوا العربيه والفتيس بيعض في الاول والثانى فهل ده صحيح والبلستيك خفيف قوى وكمان الصاج فما رايك

فعلا الفتيس كان بيعض بس دلوقتى مفيش مشكله بعد 350 كيلو الفتيس ناعم وبالنسبه للبلاستيك خفيف فعلأ بس اكيد مش هانجيبها جنب العربيه ام 90 و100 الف يعنى باختصار المقارنه ظالمه

[tawfic]

كمان الكبالن كويسه ولا زى ال128 العربيه مريحاك فى المنعطفات ولا لا

العربيه مريحانى جدا فى الملفات بس موضوع الكبالن دى لسه بدرى على ماأعرف كويسه ولا

[tawfic]

:k32::k32::k32::k32::k32:

[tawfic]

انا بقى النهارده هاشرحلكم تجربتى مع الضمان انا لما استلمت العربيه كان عندى لمبه الفانوس الواطى مش منوره والنور ضارب لفوق والدركسيون كان فيه ميله خفيفه لليمين ورحتلهم وانا لسه ماأستلمتش الضمان على اساس انى كنت احاسبهم لكن حصل الاتى خدو منى العربيه لمده ساعه ورجعت وعاملين فيها كل حاجه عايزها ولما جيت احاسب لقيت الحساب 5.50 خمسه جنيه ونص تمن اللمبه بس ؟؟؟؟ ماصدقتش ده غير استقبالهم المحترم وده فى شركه الكويت والبلادالعربيه فى شارع التحرير فى الدقى وعرفت منهم ان كل قطع الغيار موجوده عندهم

[hanyfarrag]

الف مبروك بس بلاش تشغل التكييف غير لما تعدى الالف كيلو

[tawfic]

الف مبروك بس بلاش تشغل التكييف غير لما تعدى الالف كيلو

ربنا يخيك وشكرا على النصيحه

[gebreel]

1000 مبروك و ربنا يديلك خيرها و يكفيك شرها و بصراحة انا مكنتش مقتنع بالعربية دي لكن من كلامكوم عليها حبيتها بس احب اعرف من الاخ اللي معاه العربية بقالها سنتين ايه مشاكلها اكيد فيها مشاكل و تقفيلها معقوول ولا ايه
شكرا و 100000000 مبروك مرة تانية

[Mostafa Hessen]

مليوووووون مبروووووووووووك

[mucho]

ان شاء الله نويت ع شراءها بس القلق من اني هاكون من اوائل الناس اللي هايجربوها في الشوارع المصريه :)
الخوف والحيره متضايقني
بفكر اجيب من الاول واشتري ماروتي
ع الاقل دلوقت الكل ماشي بيها لدرجة ان فعلا ممكن تحصل ازمة بعد كده لما تيجي تركن العربيه وتلاقي قدامك خمسه منها ووراها خمسه مركونين زيها
لازم يوزعوا مع العربيه دي ستيكرز عليه اسم صاحب العربيه

[tawfic]

انا لسه من شويه شركه ناشونال موتورز بعتالى دعوه لمعرض فورميلا الاهرام وعرفت انهم هايعملو هناك تجربه اداء على العربيه امام الجماهيروكمان للى عايز يجربها

[youssefmustang]

الف مبروك يا كبير وربنا يكفيك شرها ويديك خيرها بأذن الله
اخوكم يوسف