انا جبت السيبا برايد الجديده

[tawfic]

النهارده كنت فى صيانه ال20 الف ودى كانت تجربتى فيها
اولا انا مازلت اذهب الى مركز الكويت والبلاد العربيه حتى بعد ان فتحت شركه ناشونال موتورز مركزين لسايبا واحد فى جسر السويس والثانى فى اكتوبر وذالك لسبب اننى ارتحت فى التعامل نفسيأ وشطاره مهنيه من الفنين بها
=========
نجى للصيانه وماحدث بها



قبل الذهاب للصيانه كنت انوى ان اغير تيل افرامل الامامى والخلفى واسطوانه الدبرياج وذالك بسبب سؤ المرور فى البلد من ناحيه ومن ناحيه اخرى بسبب اسلوب سواقتى من ناحيه تانيه
المهم كنت كلمت مهندس الصيانه قالى ان التيل موجود بس الاسطوانه خلصت من عنده وهايبعت يجيبها وسائلته هى بكام قالى ب350 جنيه كامله والفرامل اللامامى ب 79 جنيه والخلفى ب 90 جنيه
سائلته امكانيه اجيب الاسطوانه من بره ايه وهما يركبوها
قالى مافيش مانع بس هما هايضمنو التركيب بس ومش هايقدرو يضمنو قطع الغيار من بره المركز
بصراحه انا كنت عايز اعرف هل قطع الغيار بتاعه الكيا البرايد بتركب على السايبا زى ماهما قالو ولا له
وبالفعل رحت جبت الاسطوانه الاصلى الكورى من ابو زيد ب320 جنيه بتاعه الكيا برايد
ورحت للتوكيل كنت هناك الساعه 8 صباحا وجاء المهندس واخذ منى الاسطوانه وادخل السياره للمركز وقال انى سوف استلمها الساعه 4 عصرا
المهم روحت والساعه 3 لقيتهم بيطلوبونى لتذكيرى باستلام السياره الساعه 4
ورحت استلمتها وسئالت ايه اللى اتعمل فيها وكان الاتى
تغير زيت موبيل 1
تغير فلتر زيت
تغير فلتر هواء
تغير فلتر بنزين
تغير اسطوانه الدبرياج ( مع ان مهندس الصيانه قالى ممكن تقعد معاك 10 الاف كيلو بس انا قررت اغيرها بدل ما يحصل حاجه تانيه وتفتح بقها --- دى اساسا طبيعتى مابستناش الحاجه تبوظ
تغير تيل فرامل امامى وخلفى
تربيط عفشه
كشف على التكيف
تزويد زيت الفتيس
تزويد مياه المساحات والريداتير
الكشف على البطاريه
غسيل المتور
------------------
المهم دفعت 962 جنيه بعد كل ده علشان المصناعيه كانت كبيره المرادى علشان تركيب الاسطوانه وتيل الفرامل
وقالولى ان التيل والتركيب عليه ضمان لو فيه حاجه ارجعلهم
وكمان يوجد ضمان لمده اسبوع فيما يخص تركيب الاسطوانه لو فيه حاجه ارجعلهم
لقيتهم حطين كل قطع الغيار القديمه على دواسه الكرسى اللى جنبى

المهم خدت العربيه وروحت
الاداء بقى مذهل
السحب اجمد من الاول بمراحل مع انى ماكونتش بحس بمشاكل فيه بس الاداء زاد بدرجه ملحوظه
البوجيهات القديمه كانت جيده جدا بعد 20 الف كيلو ( كان ممكن تقعد 10 الف كمان )
انا عن نفسى مبسوط جدا بس كان ليه ملاحظات على المركز كانت زعجانى شويه
عدم اهتمامهم اذا كان جاء شحم على الفرش او الدوسات والمراجعه على ذالك قبل تسليمهم السياره للعميل
الى جانب انهم بيهتمو بغسيل المتور فقط ولا يهتمو ما حدث للسياره من جراء الصيانه على البودى من وجود شحم او اتساخه
لكن غير كده المعامله جيده وصيانه راوعه ( فيما يخص التركيب وليس النظافه )
ارجو ان اكون نقلت التجربه بصوره جيده

[ahmed_su]

مبروك الصيانة

بس الاسطوانة والتيل الخلفى عمرهم اطول من كده بكثير

وماكنش منهم مشاكل ملحوظة فا ايه السبب يترى لتغيرهم بدرى كده

[tawfic]

مبروك الصيانة

بس الاسطوانة والتيل الخلفى عمرهم اطول من كده بكثير

وماكنش منهم مشاكل ملحوظة فا ايه السبب يترى لتغيرهم بدرى كده

بصراحه سؤ تقدير منى فى تشخيص العيب مع ان مهندس الصيانه قالى نفس الكلام بس للاسف لم اصدقه فى البدايه وتخوفت من ان تجر مشاكل كبيره بعد ذالك
ولكن ثبت انه كان على صواب وايضأ لتبرير فعلتى انا قولت انا بحافظ على العربيه (( بس كنت اتبست فى 320 جنيه ثمن الاسطوانه ))

[waell]

استاذى العزيز توفيق

احترم لغتك فى التخاطب مع كل رواد المنتدى وانا شخصيا معجب بسيارة جدا واتفرجت علبها فى مقر المهندسين لكن بسأل على السيارة الرياضية بتباع بكام دة اول حاجة تانى حاجة انا ان شاء الله فلوسها هتكون جازة معايا فى شهر 11 ووقت ماروحت اتفرج لقيت ان العربية مكتوب عليها 2009 مش عارف هى موديل 2010 ولا لا وهل ممكن ينزل موديلات منها فى شهر 11 ولا لا لو عندك فكرة ياريت تفيدنى بنتعب حضرتك قوى وياريت لو فى مزيد من الصور اللى بتبين حجمها من الداخل وشكر جزيلا لحضرتك

[tawfic]

استاذى العزيز توفيق

احترم لغتك فى التخاطب مع كل رواد المنتدى وانا شخصيا معجب بسيارة جدا واتفرجت علبها فى مقر المهندسين لكن بسأل على السيارة الرياضية بتباع بكام دة اول حاجة تانى حاجة انا ان شاء الله فلوسها هتكون جازة معايا فى شهر 11 ووقت ماروحت اتفرج لقيت ان العربية مكتوب عليها 2009 مش عارف هى موديل 2010 ولا لا وهل ممكن ينزل موديلات منها فى شهر 11 ولا لا لو عندك فكرة ياريت تفيدنى بنتعب حضرتك قوى وياريت لو فى مزيد من الصور اللى بتبين حجمها من الداخل وشكر جزيلا لحضرتك :y_hi_3[1]:

استاذ وائل
اعتقد من الطبيعى ان يتبادل الاعضاء خاصتا وكل البشر عامتا اسلوب محترم فى التعامل مع بعض وبالتالى اعتبر انها من الاشياء المسلم بها
اما بخصوص الموديل 2010 ستكون فى الاسواق منتصف شهر ابريل كما صرحو فى التوكيل وممكن حضرتك تتأكد من كلامى لو اتصلت بيهم اما الموجود الى الان هو 2009 الدفعه الخامسه والاخيره من السنه
اما بخصوص الصور الداخليه فا انا بالفعل مصورها فى بدايه الموضوع ولكن اذا كانت غير مفيده لسياتدكم ساقوم بتصويرها مره اخرى

[meddo]

الاستاذ/ توفيق لو سمحت لدى استفسار بشأن المفتاح 0
وهو ان الريموت بعد حوالى اربعة اشهر تعرض للتلف التام فى حالة الاستخدام العادى وحاولت نسخه عند عزب كى فى شارع السودان ولم تنجح المحاولة وبعرض المشكلة على مركز الصيانة باكتوبر افادوا بانه يمكن عمل مفتاح جديد وبنفس المواصفات والخامات وله نفس عمر المفتتاح القديم وعليه رفضت عمل المفتاح وذلك لقصر فتره استخدامه وتعرضه للتلف السريع واقترح على مسئول الصيانة شراء جهاز انذار وتركيب بدلا من عمل مفتاح جديد والسؤال هلى تعرضت لنفس الموقف وما هو التصرف السليم من وجهة نظرك ؟ وذلك باعتبارك عميد الاسرة السايباوية0
ومشكور على مجهودك الرائع وتقبل تحياتى 0

[mohamedhamam]

ألف مبروك ربنا يديك خيرها و يكفيك شرها

[tawfic]

الاستاذ/ توفيق لو سمحت لدى استفسار بشأن المفتاح 0
وهو ان الريموت بعد حوالى اربعة اشهر تعرض للتلف التام فى حالة الاستخدام العادى وحاولت نسخه عند عزب كى فى شارع السودان ولم تنجح المحاولة وبعرض المشكلة على مركز الصيانة باكتوبر افادوا بانه يمكن عمل مفتاح جديد وبنفس المواصفات والخامات وله نفس عمر المفتتاح القديم وعليه رفضت عمل المفتاح وذلك لقصر فتره استخدامه وتعرضه للتلف السريع واقترح على مسئول الصيانة شراء جهاز انذار وتركيب بدلا من عمل مفتاح جديد والسؤال هلى تعرضت لنفس الموقف وما هو التصرف السليم من وجهة نظرك ؟ وذلك باعتبارك عميد الاسرة السايباوية0
ومشكور على مجهودك الرائع وتقبل تحياتى 0

اولا بعتذر عن التأخير فى الرد
ثانيا للاسف انا لم امر بهذه التجربه لانى ركبت انذار بعد حوالى 20 يوم من استلام العربيه وبالتالى بستعمل ريموت الانذار والمفتاح الاخر
بس انا شايف ان حضرتك امامك احد هذه الخيارات
اولا ممكن جدا حضرتك تروح مركز من المراكز الكبيره لعمل المفاتيح المشفره وعن طريق الرقم اللى مع حضرتك هاتعمل المفتاح وبيكون بالريموت وهاتولفه عادى على العربيه بس هايتكلف حوالى من 500 الى 700 جنيه
الحل الاخر وده انا شايف انه الحل العملى
تركيب انذار للعربيه وفى الحاله دى هاتستعمل المفتاح للتدوير فقط وكمان المساعد الموضوع ان العربيه اساسا فيها سنتر
ولو حضرتك مش بتحب تشيل جهاز الانذار والمفتاح مع بعض
فى انواع فيها جهاز الانذار متضمن المفتاح زى اللى مع حضرتك تماما
وانا شايف انه احسن حل
اولا العمر الافتراضى من سنتين الى 3 للانذار
ثمن انظف واحسن جهاز انذار بالتركيب 350 جنيه
امامك فرصه تغير الانذار بالاحدث كل سنتين او 3
حمايه للسياره من السرقه والجلوس عليها
والمراكز المحترمه كتير
انا بصراجه بتعامل مع ادريان ومركب جهاز انذار ماركه ادريان بقاله معايه 14 شهر زى الفل ولسه الجهاز الاسبير ( الاحتياطى ) فى علبته لم يستعمل الى جانب ان الجهاز فيه زرار خاص بالشنطه لوحدها كمان
يعنى من كل النواحى تركيب الانذار ارخص واحسن واجود
ومش فى السايبا فقط بل فى معظم السيارات
وارجو انى اكون قد استطاعت ان اساعدك

[tawfic]

ألف مبروك ربنا يديك خيرها و يكفيك شرها

الف شكر لحضرتك

[meddo]

شكرا جزيلا لك استاذ توفيق وتقريبا الحل الصحيح هو تركيب جهاز انذار وفى مركز ناشيونال موتورز باكتوبر المسئول نصح بجهاز اسمه وولف وقال انه لازم هو اللى يركبه عشان ضفيرة الكهربا متطلعش من الضمان0

[Samir_Adel]

ألف مليون مبروك :)

[tawfic]

شكرا جزيلا لك استاذ توفيق وتقريبا الحل الصحيح هو تركيب جهاز انذار وفى مركز ناشيونال موتورز باكتوبر المسئول نصح بجهاز اسمه وولف وقال انه لازم هو اللى يركبه عشان ضفيرة الكهربا متطلعش من الضمان0

ارجوك بلاش وولف ده ابو علبه احمر فى اسود ده من اسؤ انواع الانذارت
لكن الصح انك تجيب الانذار من بره وهو يركبه مع انه لاهايخرجك من الضمان ولا حاجه قالولى كده فى الاول قلتلهم الجهاز ده سئ ولا يمكن اركبه عندى وكمان مافهوش زرار لفتح الشنطه خصيصا ان الشنطه ملهاش مفتاح خارجى ومش معقوله كل ما أعوز افتح الشنطه افتح العربيه الاول
المهم وافقوا انى اركب الانذار بره وعادى خالص
بس ده كان فى مركز صيانه الكويت والبلاد العربيه
معرفشى مركز اكتوبر نظمهم ايه علشان انا بصراحه مرحتهوش ولا مره علشان انا مرتاح فى الكويت والبلاد العربيه

[tawfic]

ألف مليون مبروك :)

يافندم الله يبارك لحضرتك وشكرا لاهتمامك

[mohamedbarakat]

السلام عليكم لكل الشباب الموجودين بصراحه روح تعاون جميله ومثمره باذن الله انا كنت قبل كده في منتدي البيتلز وكان معانا واحد باسم الله ماشاء الله عليه وعلي ذوقه واحترامه مهندس احمد حسن كنا عاملين نفس الشغل و تبادلالاراء والخبرات بس للاسف العربيه اتباعت من شهر تقريبا وباذن الله هجيب برايد وانضم لمنتداكم الجميل اللي مش هيفرا كتير عن البيتلز
محمد بركات

[mohamedbarakat]

هيه العربيه مش لسه في الضمان علشان تغير الديسك والاسطوانه