غفوة أثناء القيادة ( كيفية تجنبها للنقاش)

[د.محمود صلاح]

أولا أحب أشكر الدكتور محمود صلاح على الموضوع الهادف

وربنا يسترها معانا جميعا

عفوا ونحب نستفيد من تجارب البعض

وسبب طرحي لهذا الموضوع هو انى تعرضت لهذا الموقف مرتين وكدت ان افعل حادث بسبب النعاس أثناء القيادة

[Ahmed Nouh]

انا اول ما اقعد قصاد الدركسيون بيجيلى حاله فوقان عجيبه , بس فى المقابل قله النوم بتعمل صداع قاتل طول الطريق بس ده بتغلب عليه بمسكنات وبتأثر فى اقل حاجه لأنى بستعملها كل سنه مره

ولو مسافر لازم اكون مجهز نفسى ونايم قبلها او على الاقل يكون معاى حد بيسوق ابدل معاه

[KHALED AYMAN]

فعلا النوم و الواحد سايق خطر جدا جدا..
انا مره كنت مسافر و طول الطريق راسى عماله يمين فى شمال ...
و لا اكنى سكران...
مره واحده صحيت لقيت نفسى داخل فى طلعه كوبرى ..
يعنى لما منى طالع الكوبرى ولا نازل من تحته انا داخل فى الخرسانه الى فى النص ...!!!
لحقت نفسى و ربنا ستر ...

[zaza_lanos]

الحمد لله
انا لو بنام اول لما اركب العربية اصحصح
ومبعرفش انام اصلاً فى العربية

[ahmedfawzy14]

بغسل دماغى بشوية مية متلجة
ومش بنشف دماغى
وطبعا الكاسيت عالى
وفاتح الزجاج

وبلاش الاكل كتير قبل السواقة مسافات طويلة

[m7nsh]

انا الحمد لله ابعد ما يكون عن النوم فى وسائل المواصلات عموما
فمابالك ونا اللى سايق ؟؟
اينعم اوقات باجى اسوق بكون تعبان وميت بس بمجرد ما امسك الدركسيون بفووق اوتوماتك كده
بس مش بحس بالتعب غير لما بانزل بقى و بابقى هموت و انام
شكرا ع الموضوع يا دك محمود :)

[Eng.Geo]

مرة واحدة غفلت وانا ماشى و عملت حادثه



واتعلمت درس انى منمش ااقل من 8 ساعات قبل السفر ولو قمت مش مركز ياما مسافرش ياما اسافر مواصلات او حتى ااجر سواق

يا ساتر يارب
انا قلبي انقبض اول ما شفت الصورة
ربنا يحمينا

[Eng.Geo]

شكرا جدا علي الموضوع
انا بحب السفر بالليل جدا اصلي بحب اشم هوا الليل والفجر بيبقي نضيف ومابنامش خالص في اي عربية حتي لو مش انا اللي سايق
انا مره كنت سايق علي الصحراوي وكنت مشغل اغاني وبعد شوية جات اغنية sway وهي شغالة كنت في سابع نومة وانا اللي سايق و محدش معايا وكنت سايق علي 150 واول ما فتحت عيني اترعبت من المنظر وهو اني مابين لوري وميكروباص وبعد الخضة ده ركنت علي جمب وشفتلي اي حته متدارية
بس ورجعت وكنت عامل حسابي في moro اللي بالقهوة وقمت مشغل بقي شوية michael jackson ومعلي الكاسيت وجرييييييت بس كل لما تيجي اغنية هادية اغيرها بسرعة

[aymansaad]

انا بعتقد ان الطرق عليها عامل يعنى الطرق المزدحمة زى الزراعى فى حركة متنمش اما طريق السويس فلعنة ينيم اللى ماينمش

[هشام.النجار]

11- اخيرا اذا غالبك الشعور بالنعاس اركن على جنب خارج الطريق تماما وفى منطقة ماهولة وحاول تريح فى مكانك حتى ولو ل 5 دقائق .

أى افكار ؟

في الغالب ألجأ للنقطة رقم 11

[NFS]

7-فى حالة القيادة بمفردك حاول تشغيل صوت كاسيت مزعج عشان ماتنامش وبلاش الاغانى الهادية اللى بتنعس

مش عارف ليه! رغم ان النقطه دى منطقيه بس لما بعلى الكاسيت ببقى عايز انام اكتر, تقدر تقول كده زى الغساله بتاعت فريد شوقى , و لما بواطى الكسيت بنتبه اكتر من الاول.

انا منعستش قبل كده, بس لما ببقى تعبان قوى بيبقى رد فعلى بطيء جدا, ياعنى لما ببص على المرايه و ارجع ابص على الطريق باخد بتاع ثانيتين علشان اترجم الطريق.

[د.محمود صلاح]

12- وانت سايق افتكر موقف عملته غلط ولوم نفسك عليه وانت سايق هتحس بتأنيب الضمير وماتنامش !!

[mohabelnegm]

أنا عادة بسافر من جنوب سينا للقاهرة,كانت مشكلتى أنى بحس بالنوم وأنا سايق...لقيت فكرة ممتازة .....دايما بجهز كيلو جزر متقطع,المجهود اللى بعملة علشان اندغ الجزر بيخلينى صاحى طول الطريق..كل لما أحس بالنوم اكل شوية جزر...فكرة ممتازة و مجربة:)

[pro_samir]

موضوع جميل

انا الحمد لله مبتحصليش خالص حتي لو مطبق 3 ايام ، كنت بعاني من الموضوع دة لأن كتير كنت ابقي مطبق ومسافرين والناس كلها تنام نوم عمييق وانا افضل مع نفسي ، النوم مبيكبسش عليا لكن المشكلة طبعا بتكون في ان التركيز وتقدير المسافات بيكون بنسبة أقل من الطبيعي ، موضوع الجري في الحالات دي بيشدني جدا وبيخليني اركز .. لكن مرة من سنة وشوية كنت هلبس لنفس السبب دة وربنا ستر وكنت عامل موضوع هنا في المنتدي

في ناس تفصل شوية ويصحي يلاقي نفسة طلع كوبري مثلا أو يلاقي نفسة هيخيش

الحل بتاع اللب دة ممتاز بجد لأنة بيفوق جدا

وفي واحد صاحبي لما يفصل خالص بيركن وينزل يغسل وشة ويقعد يجري حوالين العربية شوية هههههههه

[HeMa_LanCeR]

أقولكم علي حاجه بعملها
اصل انا بسافر كتير وخصوصا طريق مصر اسكندريه
وتقريبا كل سفري بليل وارجع الفجر يعني يادوب المشوار رايح جي بدون راحه كمان
اول ما احس اني هنام
بنزل جنب العربيه وافضل اجري حواليها شويه وممكن اجري في مكاني
بعدها حس اني فايق وكله تمام
واختر حاجه انك تغسل وشك من غير ما تنشفه علشان مسافه ما الهوا يخبط فيه هتلاقي نفسك نايم تاني