تحذير من السفر الليلة على أى طريق زراعى - خطر الموت

[wesam_salom]

فعلا الطريق وحش جدا جدا جدا
لسه واصل من طنطا
اكتر من 3 ساعات على الطريق
فيه اماكن مكنتش قادر اشوف اخر العربيه
اللى سفره مش مسأله حياه او موت يبقى بلاش احسن

[tamatemo]

فعلا يا جماعة

الطرق الزراعية سيئة جدا في الرؤية

ودلوقتي الرؤية داخل المدن سيئة "بنها علي سبيل المثال"

[wesam_salom]

هو بنها لسه موجوده
انا عديت من هناك ومشوفتش اى حاجه من على الطريق


شفت بس مصنع توشيبا طشاش

[sam07]

هنا هي الشيخ زايد متشفش كف ايدك من الشبوره

[amr_2010]

فعلا يا جماعة الشبورة شديدة و غريبة جدا

[dr.nemo]

فعلا تجربةمرعبة ربنا ما يعودها
والله الواحد كان مستني الموت في اي لحظة
ومع ذلك ....... فيه ناس ماشية بدون اي انوار
نفسي اعرف بيشوفوا ازاي وايه الحكمة من كده

[magyver]

دة انا كنت في المحل ومش عارف اروح بيتنا واللة
من كتر الشبوورة حاااجة فظيعة خليت واحد صااحبي ماشي قدامي
علشان مكتش شايف اصلا وش العرية من كتر الشبورة

[x_gomgom]

الدائري و طريق un الرؤيا فيه شبه منعدمه انا شايف قدام العربيه ب 5 متر اقصي تقدير....
يا جماعه اي حد بيفكر يسافر بكره يا ريت يستنس لحد الساعه 9 ولا حاجه على الاقل الشمس تكون طلعت....
ربنا يستر طريقكم

[dr.nemo]

انا لاحظت انها معاها حاجة سودة مش عارف تراب ولا ايه


سؤال مهم بالنسبة لي
هل كشافات الشبورة لها لازمة
يعني بتخليك تشوف الطريق والعربيات اللي قدامك
ولا برضه بتعكس النور عليك

[Samah AbdAllah]

جزاك الله خيرا يا دكتور عالنصيحة وربنا يحفظنا جميعا ان شاء الله

[د.اسماعيل النجار]

فى منطقة وسط الدلتا(كفر الشيخ-طنطا-شبين الكوم)الشبورة الان كثيفة بشكل ربما لم اره من قبل
خذوا حذركم والله الحافظ







9

[dode2002]

شبوره غريبه حتي داخل المدن الشبوره كثيفه جدا ربنا يستر

[powerofhelll]

شكرا بارك الله فيك

[speed3001]

احترس الشنبوره

السلام عليكم ورحمة الله وبراكاته

بعد التحيه عاوز بس احذر من الشبوره الرهيبه بس الكلام دا بعد تجربه الحمدلله عدت على خير

البدايه خرجت من البلد وهى فى منطقه زراعيه مجرد ما طلعت على الطريق كان الطريق اتلغى وبقيت فوق السحاب ناقص بقى اركب اسبويلار على الابابين يمين وشمال وابقى كدا سايق طياره

المهم طبعا شفت الشبوره قلت موش مشكله ربنا هيسترها وانطلقت على الطريق بسرعه جنونيه بتاع 30 كم\الساعه طبعا دا فى الشبوره وفى فرق بين العربيات والطيارات


طبعا موش شابف حتى الطبلوه والزينون بقى مجرد لوح قدام العربيه ولا مرايه وانسى بقى الطريق فا قفلت الزينون وشغلت الفوج لمبات صفر حلوين كدا والانتظار ومكمل لحد ما وصلت لمرحله الخوف ليه لان الطريق فردي رايح جاي طريق زراعي بقى المهم قلت بس مبدهاش قمت راكن وملوع ومستني اي عربيه تكون ماشيه امشي وراها بس موش اي عربيه المهم لقيت عربيه نص نقل سوقها ما شاء الله تمام قمت لحم معاه على الطريق وماسك فى ديل عربيته لحد ما وصلت طنطا

المهم بعد ما خلصت مشواري فى طنطا بقت الساعه 2 صباحا

والله فكرت اني ابات فى طنطا لحد النهار ما يطلع بس قلت برده اتوكل على الله واروح


طبعا ابص يمين او شمال اشوف عربيه مروحه معايه مفيش قلت امشي لحد ما اجيب اخري المهم مشيت بتاع كيلو وركنت خلاص مفيش طريق بجد كانت حاجه وحشه بس الحمدلله لقيت اتوبيس مروح من بتوع النقل العام قمت شابط وراه بس لقيته مشي بتاع 2 كيلو كدا وجه راكن قلت خير

كملت طريق لحد مفرق طرق وركنت تاني لقيت تاكسي ورايا ركن نزلت ووقفت معاه لانه نفسي موش شايف حاجه المهم قلتله نشوف اي عربيه ونجري وراها لو فى طريقنا وماشي صح قالي تمام

لقينا عربيه تاكسي تويتا كرسيدا معدي طياره قمنا جرينا وراه المهم اول ما حصلته لقيته بيرقص على الطريق يمين فى شمال فى يمين وهدا خالص بعدين مشي وكل شويه رايح ينزل فى الارض الزراعيه وانا وراه باكلاكسات لحد ما كان هينقلب بس ربنا ستر المشكله الاكبر ان الطريق بقى مزحلق زي الشتا بالظبط المهم ركنا وفضلنا مستنين الفرج لحد ما بعته ربنا لقيت ميكروباص جاي اول ما عدا جرينا وراه بقيت قطر ماشي ورا بعضه المهم لاحظت حاجه رهيبه اولا ماشي على سرعه بتاع 90 كيلو\ الساعه كان مفيش شبوره قلت بس دا مجنون ورايح ينتحر المهم فضلت وراه لقيته بيمشي على الخط الفاصل الي فى نص الطريق ولما تيجي عربيه فى المقابل ياخد يمينه عادي وبعد كدا يرجع على الخط لحد ما وصلنا البلد الحمدلله ربنا سترها معانا



الخلاصه والنصايح لوجه الله تعالى :
1.توكل على الله فى كل طريق ولا تنسى دعاء الركوب
ـ" بسم الله ، الحمد لله ، سبحان الذي سخر لنا هذا وماكنا له مقرنين وإنا إلى ربنا لمنقلبون "ـ ـ" الحمد لله ، الحمد لله ، الحمد لله ، الله اكبر ، الله أكبر ، الله أكبر ، سبحانك اللهم إني ظلمت نفسي فاغفر لي ، فإنه لايغفر الذنوب إلا أنت "







2. اوعى تسافر فى الشبوره الجامده دي لان فعلا موش هتشوف اكتر من الطبلوه
لو مضطر تسافر اتأكد من نور العربيه يكون لمبات هلوجين يعني اللمبات الصفر لا زينون ولا اي لون تاني .انا سمعت اللمبات الي لونها احمر بتكسر الشبوره كويس الله اعلم .
3. تشغل الانتظار طول ما انت ماشي فى الشبوره
4. اوعى تمشي لوحدك فى الشبوره واستنى لما تمشي مع عربيه او اكتر عشان تحذروا بعض والاهم ان الي فى المقدمه يكون شايف ويا سلام لو ترله او اتوبيس يبقى تمام .
5.اوعى تتهور وتفكر تعدي عربيه قدامك الكلام دا على الطرق الفرديه رايح جاي.
6. تكون الميه بتاعت المساحات مليانه والمساحات شغاله كويس وتشغل الهيتر على الزجاج الامامي فقط ودا عن تجربه عشان موش يشبر وتشغل الهيتر بتاع الزجاج الخلفي وتنزل الزجاج بتاعك شويه عشان تسمع الكلاكسات الي جايه او الي وراك .

تقريبا دا كل حاجه وربنا يسترها معانا جميعا ونسافر ونرجع لاهالينا سالمين اللهم امين
معلش طولت عليكم

[mahmoud_magdy]

واضح ان الشبوره على اجزاء كثيره من مصر ان مكانش كلها اصلا

مدينة العاشر من رمضان ( مش هتشوف اي حاجه نهائي)
انا مش شايف البيت اللي ادامنا بالنسبالي يعتبر تهيئات