تحذير من السفر الليلة على أى طريق زراعى - خطر الموت

[mr_sameh]

انا بقي امبارح كنت حاسس اني ماشي فوق السحاب راجع باليل واللي الريق مكنتش عارف احدد انا ماشي في اي اتجاه مره يمين ومره شمال واللي يضايق تلقي عربيه ماشيه وراك مستنيك يحصلك حاجه علشان يفادي نفسه بس الحمد لله كان معايا اخواتي كان كل واحد قاعد في شباك العربيه

[Ahmed Nouh]

سمعت دلوقتى ان فى حادثه بشعه على الطريق الزراعى فى اتجاه القاهره وموقفه الطريق

حد عنده معلومات

[menocomp]

الخلاصه والنصايح لوجه الله تعالى :
1.توكل على الله فى كل طريق ولا تنسى دعاء الركوب
ـ" بسم الله ، الحمد لله ، سبحان الذي سخر لنا هذا وماكنا له مقرنين وإنا إلى ربنا لمنقلبون "ـ ـ" الحمد لله ، الحمد لله ، الحمد لله ، الله اكبر ، الله أكبر ، الله أكبر ، سبحانك اللهم إني ظلمت نفسي فاغفر لي ، فإنه لايغفر الذنوب إلا أنت "







2. اوعى تسافر فى الشبوره الجامده دي لان فعلا موش هتشوف اكتر من الطبلوه
لو مضطر تسافر اتأكد من نور العربيه يكون لمبات هلوجين يعني اللمبات الصفر لا زينون ولا اي لون تاني .انا سمعت اللمبات الي لونها احمر بتكسر الشبوره كويس الله اعلم .
3. تشغل الانتظار طول ما انت ماشي فى الشبوره
4. اوعى تمشي لوحدك فى الشبوره واستنى لما تمشي مع عربيه او اكتر عشان تحذروا بعض والاهم ان الي فى المقدمه يكون شايف ويا سلام لو ترله او اتوبيس يبقى تمام .
5.اوعى تتهور وتفكر تعدي عربيه قدامك الكلام دا على الطرق الفرديه رايح جاي.
6. تكون الميه بتاعت المساحات مليانه والمساحات شغاله كويس وتشغل الهيتر على الزجاج الامامي فقط ودا عن تجربه عشان موش يشبر وتشغل الهيتر بتاع الزجاج الخلفي وتنزل الزجاج بتاعك شويه عشان تسمع الكلاكسات الي جايه او الي وراك .

تقريبا دا كل حاجه وربنا يسترها معانا جميعا ونسافر ونرجع لاهالينا سالمين اللهم امين
معلش طولت عليكم

7-ودية من عندى:
ياسلام لو معاك فوج خلفى حيبقى قشطة اوى علشان اللى جايين وراك.

[Michael_Lanos]

تقرير وزاره الداخليه عن الشبوره
ظˆط²ط§ط±ط© ط§ظ„ط¯ط§ط®ظ„ظٹط© - ط£ط®ط¨ط§ط± ط§ظ„ظ…ط±ظˆط±

بس على فكره فى الصحراوى الشبوره لغايه الاسكندريه عالبحر مش الكيلو 83 زي ما بيقولوا

[TOOLA]

الكوميدى فى الموضوع اننا اكتشفنا الموضوع ده انبارح و احنا رايحين نلعب كورة فى ملعب فى التجمعات جنب الرحاب,مش ممكن كنا عاوزين نعمل زى عادل امام فى أمير الظلام و نركب للكورة جرس,و طبعا انتا أخر رؤيتك نص الملعب بعد كده ماتشوفش أعدنا نلعب بتاع 20 دقيقة بالمنظر ده لغاية سبحان الله فرجه حل علينا فى ثانية بنبص لقينا كل حاجة وضحت و الشبورة اختفت الى حد كبير, بس النجيلة كانت كلها زحاليق مفيش حد موقعش

[N.a.j.d]

ربنا يستر علينا

[N.a.j.d]

ربنا يحمي جميع المسلمين

[Badrowi]

اللهم سلم اللهم امين

[khalid9411]

ربنا يستر يا جماعة الخير

[N.a.j.d]

كل واحد ياخد باله طويس يا جماعه وربنا هوا اللى بيسترها

[gomangy]

جزاكم الله خير

[MoHaMed HaMeD]

انبارح كده كنت راجع 10 ونص من المقط ورايح التجمع بامانه مش شايف حاجه كل العربيات مشغله الانتظار علشان نخد بالنا ومخدش يخبط ف حد والحمد الله عديت ع خير بس بجد مكنش يتشاف حاجه وربنا يستر طريقنا كلنا ان شاء الله

[JAM]

انهاردة الصبح وانا راريح أكتوبر من على الدائرى وقفت بعد ما طلعت من القومية حوالى ساعة ودا لان فى حوالى من 8 الى 10 عربيات عاملين حادثة... ربنا يسترها

[theking2690]

دى صور الشبوره عندنا فى شبرا الساعه 7 صباحا

[NaderNabil]

و دي صورة شوارع حلوان الساعة 7:30 الصبح: