الــــشـــــبـــــــورة ! *فيديو*

[Samah AbdAllah]

أجمد جو يا درش .. متتخيلش جمال الإحساس !

وما تتخيلش جمال الحوادث الى ممكن تحصل فى جو زى ده

هو الجو ده طبعا جميل بس فى البيت وانت واقف جنب الشباك وماسك مج نسكافيه فى ايدك مش وانت سايق
حمدالله على سلامتك

[WalidAdel]

بس هل فعلآ فوانيس الشبورة بتكون مفيدة فى الظروف دى؟

اه فعلا ياباشا مفيده اوي طبعا لانها بتبقي تحت مستوي الدخان فبيبقي الضوء موضح الطريق قدامك و الشبوره تحس انها منوره بس من تحت غير لما يكون النور في مستوي الدخان فالضوء يتعكش و ماتوشوفش حاجه خالص
انا شخصيا حتي لو العربيه مافيهاش شبوره بركبه للظروف اللي زي دي لان شغلي بيخليني اسافر كتير و اي وقت بغض النظر عن الجو حالته ايه و ساعات بسوق في حتت زي ماتقول كده قلب الشبوره نفسها يعني مره انا فاكر كنت في حته كده خير الله ماجعله خير يميني و شمالي زرع وانا ماشي علي حذي ترعه و قادامي حوالي 5 كيلوا عقبال ماوصل للاسفلت و الشبوره نزلت عليا وانا في المكان دا بس لولا الفانوس الشبروه الحمد لله مكنتش طلعت و روحت كانت لانوس 2004

[Mohamed.Ramah]

الله يباركلك شكرا على الفيديو بجد دا احسن جو بحبو او الشتا عما لما الدنيا بتمطر

[N.a.j.d]

شكراااااااااا

[dr.nemo]

ده انت كنت رايق قوي يا محمود
لا اللي انا شفته كان رعب رعب
طريق مزدوج ...العواميد مش شغالة
مفيش اي علامات ولا خدمات على الطريق
وخالي تماما من العربيات
انا لما قررت اني ارجع استنيت كتير على مالقيت عربية
امشي وراها وللاسف الباشا كان طافي النور ومش عارف هو ماشي ازاي

[ashouhdy]

انت مجنننننننوووووووووووووووووون كنت تركن فى الماستر تريح لحد ما الشبورة تخف ولا حاجة مجنننوووووون :))))))))))

[abogogo]

احلى جو تحس انك سائق طيارة فوق السحاب كنت على الزراعي قبل كدة وكانت الشبورة جمدةكنت ماشى لحد لما حسيت ان سايق والعربية عليها الغطى وفتحت الازاز لقيت الشبورة دخلت العربية مكنتش شايف الى جنبي ركنت في اول استراحة وقعدنا لحد ما صلينا الفجر لولا لما عرفنا نمشي فعلا يوم عمري ما هنساه

[dr_abooody]

شكراا على الفيديو

هي الاغنية اللي شغالة كانت اية ؟

[ابوهاشم]

ربنا يسترها علينا جميعا

[Eng_Mostafa_89]

مرة كنت على طريق مصر اسماعيلية ونزلت برضة شبورة
وكانت عملة زى متكون ماشي فى ستاير شوية تشوف وشوية لا وبعد حوالى كيلو دخلنا فى شبورة الرؤيا انعدمت تمام ركنا برة الطريق فى الرمل جوة شوية بعيد عن الطرق والناس كلها خافت لحد يجى يخيش فيهم فنزلت من عربيتها ووقفوا يحكوا مع بعض.لمدة حوالى سعتين عقبال ما الروسا ابتدت توضح وكملنا السير تانى
بس احلى حاجة كنا مشين حوالى 20 عربية مع بعض وكل شوية العدد فى زيادة

[bemocarlo]

شكرا يا محمود باشا علي الفيديو بس انا اسف ما قدرتش اكمله عشان مزيكا الهارد ميتال الجامده,دي مين ده صحيح؟النسخه المصري من مارلين مانسون؟
bemo,ire

[newhansol]

هوة مين الباشموهندس الى بيغنى دة
وسؤال خارج الموضوع معلش
هية العروسة كانت بتعيط لية
علشان الزفة باظط

[MoToRiZeR]

الباشمهندس اللي بيغني أهوه


موسيقار الأجيال lemmy kilmister
و الأغنية إسمها in the name of tragedy

و اللي في الأخر بتاعة أوزي أوزبورن إسمها breaking all the rules

العروسة بقي كانت بتعيط خايفة :D حاجة صعبة برضه الواحد يتقلب يوم فرحه ولا حاجة .. و مكنش ينفع نركن علي فكرة لأن لو وقفت .. واحد مش شايفك و إنت راكن هييجي يخيش فيك أكيد! تكملة الطريق هي الخيار الوحيد.

[pro_samir]

طيب متيجى نطلع رحله على الزراعى علشان تستمتع ههههه

تخيل لما تدخل بلدكم فى وسط النور وتلاقى الناس عماله تقولك حاااااسب حااااااسب الميدان تقوم واخد يمينك تلاقى برضو ناس بتزعق حاااااااااسب حااااااااااسب دخلت البنزينه ههههههههه

ولا لما تقف جنب الشجره اللى على رصيف بيتكم وتركن وبعدين تنزل تلاقيه مش بيتكم هههههههههه

متعه متعه يعنى

[gomangy]

انا مسافر انهارده باليل من سوهاج للقاهره صحراوي شرقي يا تري ايه الوضع من اول طريق الكريمات لحد ما اوصل للقاهره هل الجو هيبقي مناسب ولا ايه الوضع هيبقي
ارجو الافاده