هتعمل اية لو لقيت حد قافل على عربيتك؟؟

[Dojuar]

مرة لقيت العربية اللي قافلة عليا فيها واحدة ست و عيالها
الصراحة اكسفت ادخل عليهم فاستنيت لغاية ما سعادته شرف

عموما الواحد بيكون نفسه عربيته تكون مصفحة ساعتها مش هيبقى مشكلة

[M.Mostafa80]

أنا دايما بيحصل معايا الموقف دا عند البيت زى ما يكون المكان اللى بقف فيه في عسل مثلا أقل واجب بعملو مع الأشكال دى أفسيلو عجله أكسرو مساحه يعنى هو أنا دمى يتحرق وهو لأ
الناس بقت مستفذه بطريقه غريبه ربنا يرحمنا من الأغبياء ويباركلنا فى شويه العقل اللى فاضلينلنا

[ahmedsamir79]

بتحصل معايا كتيييير

[Ralliart]

والله دا كان عايز قلمين يعدلوه ويعرفو ان الله حق
الناس مبقتش تخاف من ربنا
واكتر كلمه بتستفزني لما يقولك ماهي واسعه يا استاذ انت مبتعرفش تسوق هات اطلعهالك
مع انه بيبقى قافل قفله سوده بس لازم قلة ادب مستحيل حد يقول آسف في الزمن ده
لدرجة ان لو حد قالي آسف ممكن انزل ابوس راسه لان ده حاله نادره

[marawansabry]

واضح اني ميش انا لوحدي اللي دمي محروق ومبقوق من موضوع الناس المحترمة اللي بتقفل عليك .. دي الناس كلها ذي حلاتي .. طب والحل يا جماعة .. ندعي عليهم مثلا .. ولا نحتسبها عند ربنا واكيد هيجي اللي يعكنن عليهم ذي معكننوا علينا وحرقوا دمنا

والله الواحد احيانا لو في حتة مفيهاش مكان للركن بلف مرة وواتنين وتلاته في نفس المنطقة لغايو ملاقي ركنة كويسة .. من نحية مقفش صف تاني واقفل على حد .. ومن ناحية تانية حفاظا على عربيتي اللي هيا اديا ورجليا .. ومن ناحية تالتة بتجنب السخافات بتاعت المرور

[أشرف العدوي]

ايه رايكوا ان مرة عربية بيكانتو قفلت هعل أربع عربيات

طبعاً مش مصدقين
و فضلت انا و الثلاثة واقفين حوالي ساعة و ربع و بردو ما جتش

كان في سور خشب قدام العربييتين الي جنب بعض واحد كسره و طلع الي هو في النص و مشي و انا سلت نفسي منها و من عربية جانبي و عربية ورايا بالعافية كأني خارج بصابونة

و اللي يغيظ كانت الهاند مشدودة و الغيار على التاني مع ان احنا كنا راكنين في مركز شباب الجزيرة يعني مش في شارع يعني مش مستاهلة ده كله

دي رسمة توضيحية
المربع الأصفر هو البيكانتو و انا الأزرق و الدواير دي عبارة عن نجيلة و أشجار و المستطيل الي بالطول ده هو السور الخشب الي اتكسر
و مشينا و ما شوفناش صاحبها حتى

[dr.amr]

اظاهر الحل انك تقنع نفسك بانك عاقل وكل اللي حوليك مجانين .. فبالتالي مينفعش تتكلم مع مجنون .. لانة ميش هيفهمك .. وكمان انت متامنش رد فعلة .. فعلت اللي انت عملت صح

ده اخيرا اللي توصلت له بعد معاناه خمس سنين في القياده في مصر
والله الواحد بقي بيشك في نفسه
بس الحل الوحيد فعلا انك تعتبر 95% من اللي حواليك مرضي نفسيين
وال 5% بصراحه يارب يزودهم

[raedegypt]

شوف الاستفزاز له حل. لما تلاقى واحد قافل عليك دة معناها هو قاصد او فاكر مكانك بتاع ابوة وملك له. رد عليه بكسر زجاج القيادة ونزل الفرامل وزق العربيه وطلع نفسك بلا هم فاضى ولما يرجع يلاقى زجاج سيارته اتكسر يعرف انه السبب والبادى اظلم بلا قله ادب . الناس ال بتقفل على بعض تحتاج لهذا النوع من الرد ليحرموا

[tutankhamoun]

شوف ......... الناس المحترمة اللي زينا لها الجنة مع البشر المعدومة الدم و الأحساس دي ........

طيب تعمل أيه في بني آدمين ......... معندهومش ريحة الأحمر ........
أمام البنك الأهلي في مدينة 6 أكتوير ......... يعني في وسط الصحراء ......... يعني في الروقان و الأماكن الفاضية تماما ........
الاقي واحد قافل على عربيتي علشان مايمشيش 20 متر !!!!!!!!!!!!!!!!!!! و كنت ناوي أعمله حاجة في العربية ( تفسيه الكاوتش مثلا ) ... بس حظه الحلو أن اللي جنبي طلع فعرفت أخرج ...

المصيبة الأكبر أن الناس أصبحت مهمله و مستهبلة على الآخر علشان عارفين أن مفيش قانون و مفيش عقاب ..... و فيه أصناف بتكون فاركة نفسها فوق الجميع ..........

و تحيا الشرطة ......... كل لما تكلمهم في حاجة يقولك .......... و أنا هاعملك أيه ؟؟؟
طيب مين اللي يعملي ؟؟؟؟؟؟؟؟؟؟؟؟
علشان كدا مفيش فايدة ................... يا نأخد حقنا بأيدينا و نبهدل نفسنا ........... يا أما تحسبن عند ربنا اللي مش بيضيع حقوق أبدا .

و حسبي الله و نعم الوكيل فيمن أوصل تلك البلاد و أهلها إلى تلك الحالة من التخلف و الجهل و اللامبالاة .

[kemoelord]

واضح اني ميش انا لوحدي اللي دمي محروق ومبقوق من موضوع الناس المحترمة اللي بتقفل عليك .. دي الناس كلها ذي حلاتي .. طب والحل يا جماعة .. ندعي عليهم مثلا .. ولا نحتسبها عند ربنا واكيد هيجي اللي يعكنن عليهم ذي معكننوا علينا وحرقوا دمنا

والله الواحد احيانا لو في حتة مفيهاش مكان للركن بلف مرة وواتنين وتلاته في نفس المنطقة لغايو ملاقي ركنة كويسة .. من نحية مقفش صف تاني واقفل على حد .. ومن ناحية تانية حفاظا على عربيتي اللي هيا اديا ورجليا .. ومن ناحية تالتة بتجنب السخافات بتاعت المرور

+11111111111 1111111111111

[seqoia]

بتحصل كتييييييييييييييييييييييييييير

[fady.bekatcho]

انا حصلت معايا مرة بس مش واحد قفل على عربيتى
لا واحد غبى جدا قفل على شارع بعربيته ركن العربيه على الشارع الرئيسى بالعرض قدام مخر شارع جانبى
وانا كنت طالع وفاكر ان حد قاعد فيها
اول ما وصلت اول الشارع ادى تلكسات ماحدش بيرد نزلت مالقتش حد فضلت قاعد تلت ساعة واقف وادور فى المحلات مافيش حد يعرف صاحبها ولما جيت ارجع الشارع كان ضيق وكان موتسكل جه وركن وقفل الشارع وبقت المساحه مش تخلينى ارجع استنين تانى لحد ما بتاع الموتسكل نزل ومشى كنت اسعتها لو شفت صاحب العربيه كنت هولع فيه

[د.محمود صلاح]

انا سيبت له ورقه فيها ما لذ وطاب من الشتايم ومشيت على رجلى

[marawansabry]

شوف الاستفزاز له حل. لما تلاقى واحد قافل عليك دة معناها هو قاصد او فاكر مكانك بتاع ابوة وملك له. رد عليه بكسر زجاج القيادة ونزل الفرامل وزق العربيه وطلع نفسك بلا هم فاضى ولما يرجع يلاقى زجاج سيارته اتكسر يعرف انه السبب والبادى اظلم بلا قله ادب . الناس ال بتقفل على بعض تحتاج لهذا النوع من الرد ليحرموا

تصدق والله فكرة حلوة .. بس الواحد قلبة ميطوعهوش يعمل كدة .. بس ممكن لو الةاحد جاب اخره واستفز للدرجة اللي تخلية يعمل كدة

شوف ......... الناس المحترمة اللي زينا لها الجنة مع البشر المعدومة الدم و الأحساس دي ........

طيب تعمل أيه في بني آدمين ......... معندهومش ريحة الأحمر ........
أمام البنك الأهلي في مدينة 6 أكتوير ......... يعني في وسط الصحراء ......... يعني في الروقان و الأماكن الفاضية تماما ........
الاقي واحد قافل على عربيتي علشان مايمشيش 20 متر !!!!!!!!!!!!!!!!!!! و كنت ناوي أعمله حاجة في العربية ( تفسيه الكاوتش مثلا ) ... بس حظه الحلو أن اللي جنبي طلع فعرفت أخرج ...

المصيبة الأكبر أن الناس أصبحت مهمله و مستهبلة على الآخر علشان عارفين أن مفيش قانون و مفيش عقاب ..... و فيه أصناف بتكون فاركة نفسها فوق الجميع ..........

و تحيا الشرطة ......... كل لما تكلمهم في حاجة يقولك .......... و أنا هاعملك أيه ؟؟؟
طيب مين اللي يعملي ؟؟؟؟؟؟؟؟؟؟؟؟
علشان كدا مفيش فايدة ................... يا نأخد حقنا بأيدينا و نبهدل نفسنا ........... يا أما تحسبن عند ربنا اللي مش بيضيع حقوق أبدا .

و حسبي الله و نعم الوكيل فيمن أوصل تلك البلاد و أهلها إلى تلك الحالة من التخلف و الجهل و اللامبالاة .


عندك حق .. حسبنا الله ونعم الوكيل في التخريب المنظم للبلد .. والبعد عن الصح وقلب المفاهيم .. واللي همهم مصلحتهم وبس واياكش يتحرق الباقين .. وفي سياسة الغابة (البقاء للاقوي ميش للاصلح) .. ربنا يخرجنا منها على خير

انا حصلت معايا مرة بس مش واحد قفل على عربيتى
لا واحد غبى جدا قفل على شارع بعربيته ركن العربيه على الشارع الرئيسى بالعرض قدام مخر شارع جانبى
وانا كنت طالع وفاكر ان حد قاعد فيها
اول ما وصلت اول الشارع ادى تلكسات ماحدش بيرد نزلت مالقتش حد فضلت قاعد تلت ساعة واقف وادور فى المحلات مافيش حد يعرف صاحبها ولما جيت ارجع الشارع كان ضيق وكان موتسكل جه وركن وقفل الشارع وبقت المساحه مش تخلينى ارجع استنين تانى لحد ما بتاع الموتسكل نزل ومشى كنت اسعتها لو شفت صاحب العربيه كنت هولع فيه

لا دي جديدة خالص .. اخد الشارع كلة لحسابة .. دا يستحق عربيتة تتشال وتترمي في مزبلة

ده اخيرا اللي توصلت له بعد معاناه خمس سنين في القياده في مصر
والله الواحد بقي بيشك في نفسه
بس الحل الوحيد فعلا انك تعتبر 95% من اللي حواليك مرضي نفسيين
وال 5% بصراحه يارب يزودهم

متهيالي يا دكتور دا اريح للواحد .. بس للاسف اية الحل لما الواحد نفسة بيتجنن .. هنا بقي تبقي المشكلة .. ووارد ان يحصل في اي وقت .. احنا برضة بشر .. بس سعتها لو الموضوع معداش على خير هيبقي الندم شديد في الاخر

[Maged_Samy]

انا سيبت له ورقه فيها ما لذ وطاب من الشتايم ومشيت على رجلى

انا كنت فى القاهرة فى مشوار مهم لمده ساعة وراجع تانى اسكندرية وفى منطقة شبرا لقيت واحد محترم ملاكى جيزة راكن صف تانى وقافل عليا بطريقة مستفذه وشادد فرامل اليد ومعشق العربيه وسألت فى القهوة المجاورة عليه ولم اجد له اثر وبعد حوالى تأخير دام ربع ساعة العربيه اللى ورايا طلعت وخرجت من مكانها ولو كده كان زمانى لسه واقف ، ومكنتش عارف اعمل ايه كان نفسى اولع فى العربيه بس العربيه ملهاش زنب كان نفسى اشوف صاحبها البارد عشان اعلمه الادب ، بس اكتفيت بوضع ورقة فى المساحة بتاعته مكتوب عليها ابقى اركن على جنب يا .......(اسم حيوان بيتحمل القسية) . ومشيت محروق دمى طول الطريق ، منه لله ونفسى اعرف فين المرور وفين القانون الجديد ولا يمكن القانون على ناس ناس اصل الباشا ال .... عربيته اربع نمر ويمكن محدش يقدر يعمله حاجه .