هتعمل اية لو لقيت حد قافل على عربيتك؟؟

[dr.amr]

معقولة يا جماعه .....كل كمية العنف دي...علشان واحد قفل علي واحد بعربية.....

يبقي فعلا مش غريبة ان الواحد يسمع في الاخبار ويقرأ في الجرايد عن الناس ايلي بتتقتل في مشاجرات بسبب ركن عربية قدام مطعم ولا اتنين داخلين عكس بعض ومحدش عايز يرجع ولا واحد قافل علي واحد....ولا واحد خبط عربية واحد تاني....

امال فين التسامح والصبر ..وكظم الغيظ...والعفو عن الناس....والاحتساب عند الله....

بسهولة كدة .....الناس تغضب لشيء تافة....وتدخل قبيلة شياطين تجري في دم الاتنين...وما تسيبهومش الا وواحد فيهم مرتكب جناية ....

ياريت الناس تفتكر ان الغضب ....من اوسع مداخل الشيطان....والانسان بيكون شبة مغيب ...وممكن وبسهولة يرتكب جريمة ...ويضيع مستقبلة....دنيا واخرة....والرسول صلي الله علية وسلم حذر من الغضب مرارا وتكرار...والسنة النبوية الشريفة مليئة باحاديث صحيحة كتير....

تخيلوا معايا لو واحد اتقتل في خناقة بسبب حاجة زي كدة وللاسف دي حصلت كتير جداااا وقريتها بنفسي في الجرايد.....القاتل هايقول اية لربنا يوم القيامة.....قتلتة علشان قفل علي عربيتي....!!!!!

لا حول ولا قوة الا بالله......ربنا يهدي ويوسع صدور الناس..

نسال الله العفو والعافية...

معاك حق
البلطجه مش جدعنه
سهل انك تغضب
{وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ}

[marawansabry]

صباح الخير ...

اسمح لي حضرتك أشارك برأيي في الموضوع ده و هو بيتكون من شقين

- الشق الاول .. و هو أني لما بأركن عربيتي بأضع في أعتباري أولا و أخرا أختيار المكان اللي بأركن فيه لعدة أعتبارات أهمها هو المحافظة علي عربيتي من أنها تكون عرضة أن حد يخبطها و لو من باب الخطأ و كمان أني ما أكونش مخالف علشان مأخدش مخالفة أو أتعرض لموقف مع رجال المرور و أخير أني ما أقفلش علي حد مش بس كده ده انا لو بأركن صف أول و لاقيت المسافة البينية بين العربيتين يادوب تدخل عربيتي ما بأركنش و بأدور علي مكان تاني ليه بقي ؟؟؟؟
هأقولك ليه ...
لنفرض أني هأركن عمودي بين عربيتين مثلا و المسافة تسمح لي بأني أدخل طيب هل الباب بتاعي هايفتح بسهولة و لا لأ ؟؟ و هل أبواب العربيتين التانيين هايفتح برضه بسهولة و لا لأ .... ليه أنا بأعمل كد ؟؟
أولا .. لو أي واحد فتح الباب بتاعه غصب عنه هايخبط لي العربية و يسيب فيها نقرة
ثانيا .. أنا بأعتبر أن ده نوع من الاذي في الطريق (أعاقة) و ده من الناحية الدينية مخالف لتعليمات ديننا الحنيف

نيجي بقي لو هأركن صف اول بين عربيتين نفس الحكاية لازم اعمل حساب أن اللي ورايا أو قدامي لما ييجي يطلع يطلع بسهولة و يسر أو لو فيه مسافة فاضية ورايا أو قدامي اخليها يا اما تسمح بركن عربية تانية بسهولة او أقفلها خالص و ده لنفس الاسباب اللي ذكرتها (خوفي علي عربيتي أولا و تيسيرا علي الاخرين ثانيا)

أما بالنسبة للشق الثاني لو لاقيت واحد قافل عليا قدامي حل من 3
1- أنتظر الشخص ده يمكن يكون نزل و مستعجل و هاييجي بسرعة لظروف طارئة (في صيدلية - في عيادة دكتور - سوبرماركت - ....)
2- اكثر من ربع ساعة ابدأ في محاولة البحث عن صاحب العربية دي
3- ممكن أحاول أخبط له عربيته لو ده مش هايؤثر في عربيتي أزاي (و عملتها قبل كده)
كان فيه واحدة باردة شايفاني جاي و كانت بتركن ورايا (معاها لانسر أوتو) المهم لما لاقيت كده شغلت الانذار من علي بعد علشان تفعم أن صاحب العربية جاي و هايطلع لكنها ركنت و نزلت من العربية المهم أنا وقفت عند العربية و ندهت لها فشوحت لي بأيديها
بعت لها المنادي فردت عليه رد مش كويس و الراجل كان مستاء جدا هنا بقي اتصرفت كالاتي :
- ركبت عربيتي و بأقص سرعة جبت مارشيدير و دخلت في الباب الخلفي لعربيتها
- طلعت قدام تاني و رجعت بزاوية و بدأت أدفع عربيتها من من جهة الرفرف الايمين الخلفي و بدأت أزحزح عربيتها لكن الرفرف دخل لجوه و أنا الاكصدام عندي و لا حصله حاجة و فضلت أكرر الحركة دي مرتين ثلاثة لحد ماوسعت لنفسي و طلعت بس كنت فعلا علمت علي عربيتها علشان تتربي

فيه كمان حل تاني .. انك ممكن تكسر الازاز الجانبي و تفتح الباب و شيفت و تحرك العصاية (لو أوتو) علي ال n أو تمور لو مانيوال و تحرك العربية

شوف شغل العافية و قلة الذوق أكيد هايقابله عافية و قلة ذوق

أسف أني طولت و أستفضت في الرد
و تقبلوا تحياتي
م/ سمير الشهاوي

اسلوب تحليلي جميل وشيق يا باشمهندس .. في دايما حكمة بتقول متحسبش حد على رد الفعل حاسب على العمل الفعل الاول .. بس انت ادبتها بزيادة

يخبط راسة فى اتخن حيط هيعملك اة يعنى ولا يقدر يعمل حاجة انت ممكن تأزية كويس بص
عايز تبهدل ظابط شرطة اعت ابعت فى شكاوى فى الظابط لان كل الشكاوى بتنظر وبيسال عنها مسالة قانونية وبيتنقل وبتتكتب فى ملفة كويس اوى وبيمسكش اى مناصب
لكن القاضى دة يعد على جنب اخر حاجة دة معندوش سلطة تنفيزية الا داخل المحكمة عندة حاجة يثبتها يجىة يثبتها هو غلطان راكن صف تانى
نيجى لبتاع انا ابويا مين دة يخدلة قلمين محترمين يعرف ان يتكلم كويس ومعظمهم ملهمش دعوة بص مدام يقولك انا ابوية ولا اخويا تعرفة انة شب .......ويخبط راسة فى الحيط
بتوع مجلس الشعب لية حصانة شخصية ضد الشرطة يعنى مينفعش يخش القسم وكدة الا برفع الحصانة الاول ولو هو هيعمل محضر يبقا هو قلى هيروح انا مليش دعوة خالص وفى كلا الحالات هما هيخدو مخلفة صف تانى بس اهم حاجة تعمل اثبات حالة وتشوف الراجل كتب اة ومتممشيش الا وهو كاتب قلى انت شيفة مش يكتب قلى البية عيزة ويمشى

دية ميزة لما تدرس حقوق وسلملى على القانون

القانون موجود يا باشا ولكنة يطبق فقط على الضعفاء واللي ملهمش ضهر والمغضوب عليهم

بص
انا بقت صبور كتير عن الاول
السن بقي :-)
بس اللي بيعصبنى جدا البرود والتغابي
عارف لما تحس ان اللي قدامك غبي فعلا
مش هاتكلمة
دي خلقة ربنا
لكن قاعد على القهوة وقافل عليا ماليش اي حتة اخرج منها
هو تخيل اني مسافر مثلا ولا ايه
وساعة الا ربع
دي التناحة اللي بتخرجني عن شعوري فعلا

عندنا عند الشغل مشكلة فعلا في الركنة الصبح
والشركة شالت جزء من الرسيف وعملتة ركنة للموظفين غير الدوريين تحت لارض جراج
ومفيش فايدة
لو جيت بعد 9 الركنة مقرفة
وعادي جدا انك لو ركنت صح يتقفل عليك
وواحدة زميلتك عربيتها اتوماتيك وتقفل عليك تحبسك بجد
والامن مايعرفهاش
عارف انا لما بتزنق في ركنة اقفل على حد بعمل ايه
بخلي العربية في وضع عدم التعشيق وانزل فرامل اليد ولو خايف تتزحزح بحطلها طوبة صغيرة
وبحط الكارت بتاعي على التابلوة وفي رقم موبايلي ورقمي الدخلي وجنبة طبعا لوجو الشركة لانه بلون احمر مميز وبحط الكارت بطريقة واضحة ومش بشيلة خالص
ورابع حاجة ابلغ الامن اني قافل على عربية كذا بلون كذا وعربيتي كذا والداخلي بتاعي كذا
واكتر من صاحب عربية اتصلو على الداخلي نزلت شيلتها مع انهم ممكن يزقوها ببساطة بس هما عشان انا احترمتهم احترمون ومارضيوش يسيبو عربيتي في وسط الشارع
بكلمك عن شركة فيها اكتر من 1200 موظف باكتر من 700 عربية
احترم الاخرين واحترم وقتهم يحترموك فورا
هينهم
ما تتوقعش يطبطبو عليك

كريم باشا اللي انت عملته في المرسيدس دة دليل على انك خلاص كنت جبت اخرك ومتهيالي كتر من الاعضاء ايدوا الحركة دي .. انا كل خوفي والله من التبعات .. وهي مرة تفوت ومرة تصيب وربنا يسترها
موضوع الكرت بتاعك دة فكرة ممتازة .. بس اخاف والله ان حد يستغل اسمك وبياناتك في اي عملية نصب .. الدنيا معدش فيها امان .. ووسائل وطرق النصب تعددت .. الجوع كافر .. كفاية تنبه على البواب او تسيب فقط رقم التليفون وتكتب جمبيه انه تليفون صاحب السيارة
حاجة اخيره الاحترام لا يجد الا الاحترام وقلة الذوق لا يقابلها الا قلة ذوق .. احنا بنتكلم في الحياة وصدي صوتنا بيرد علينا .. لو قلنا كلام كويس هنسمع ذية والعكس بالعكس

معقولة يا جماعه .....كل كمية العنف دي...علشان واحد قفل علي واحد بعربية.....

يبقي فعلا مش غريبة ان الواحد يسمع في الاخبار ويقرأ في الجرايد عن الناس ايلي بتتقتل في مشاجرات بسبب ركن عربية قدام مطعم ولا اتنين داخلين عكس بعض ومحدش عايز يرجع ولا واحد قافل علي واحد....ولا واحد خبط عربية واحد تاني....

امال فين التسامح والصبر ..وكظم الغيظ...والعفو عن الناس....والاحتساب عند الله....

بسهولة كدة .....الناس تغضب لشيء تافة....وتدخل قبيلة شياطين تجري في دم الاتنين...وما تسيبهومش الا وواحد فيهم مرتكب جناية ....

ياريت الناس تفتكر ان الغضب ....من اوسع مداخل الشيطان....والانسان بيكون شبة مغيب ...وممكن وبسهولة يرتكب جريمة ...ويضيع مستقبلة....دنيا واخرة....والرسول صلي الله علية وسلم حذر من الغضب مرارا وتكرار...والسنة النبوية الشريفة مليئة باحاديث صحيحة كتير....

تخيلوا معايا لو واحد اتقتل في خناقة بسبب حاجة زي كدة وللاسف دي حصلت كتير جداااا وقريتها بنفسي في الجرايد.....القاتل هايقول اية لربنا يوم القيامة.....قتلتة علشان قفل علي عربيتي....!!!!!

لا حول ولا قوة الا بالله......ربنا يهدي ويوسع صدور الناس..

نسال الله العفو والعافية...

يا باشا انا شايف ان الناس لغاية دلوقتي معملتش اي عنف .. كل دي امنيات للعنف .. واقصي حاجة حد عملها موضوع كسر الازاز ولا تهويته العجل .. ودا ميش هنف ولا حاجة .. دا رد فعل .. يعني بالله عليك انت لو حد قفل عليك وفضلت واقف مستنية ساعة ولا ساعتين .. وخصوصا لو بعيد عن بيت او في محافظة او مدينة تانية هتعمل ايه .. طب خد ديه .. لو لا قدر الله معاك ولدتك وتعبانة وماشية بالعافية ونازل جري توديها للدكتور لقيت حد قافل عليك .. بالله عليك ميش حاجة تحرق الدم وتخليك تكسر العربية بتاعتة على دماغة .. كلام حضرتك محترم قوي ومثالي قوي .. بس الوقت هو اللي غلط

[tigernet]

عندنا هنا كل واحد شارى عربية قسط عامل فيها ان الباشا
وهو اصل بيدفع القسط بالعفية

[snakeson2]

حصلت معاية ورا شيراتون ! وعربية الينترا وربنا سهل وعرفت اطلع بس انا مجهز معايا قلم فلوماستر دوكو محترم جدا !
كتبتلة عالقزاز شعر ودرس لن ينساة َ
وهوة دة الحل الامثل بالنسبة للموقف الي اتعرضتلة

[amrbakly]

مرة واحدة ظابط لطيف جدا

عمل نفس الحركة و قام رامي العربية قدامي و معشق علي التاني، المهم اني عارف انة قاعد علي القهوة و مكسل يقوم يشيل العربية و روحت القهوة مرتين يندهوا علية مفيش

قومت حارق و طلعت علي الرصيف لأن بالصدفة الرصيف مكانش عالي

و بمسمار لطيف نيمتلة عجلتين علي الأرض علشان يحرم يركن صف تاني و يعشق، و البواب قاعد يتحايل عليا يا بية حيجي يكلمني انا قولتلة اديلة نمرتي و خلية يعمل دكر و يوريني حيعمل اية ( كانت رخصة عربيتي بإسم لواء في الداخلية و مكنتش لسة نقلت ملكية) :b4_282:

[D . a .\ AYMAN]

أنا مرة ركنت عمودي على رصيف وكمان بين رصيفين على يميني وشمالي يعني مافيش مكان تاني للخروج غير من ورا مطرح مادخلت .. وأحلى حاجة إني كنت مسافر أبو كبيـــــــــــــــــــــــــــــر في الشرقية وقت ماكنت شغلي هناك وكمان كان آخر الإسبوع يعني راجع قرفان وتعبان جدا ومتخيل إني مش هاعمل حاجة غير السواقة لغاية البيت ... أبص ألاقي واحد قافل عليا بالعرض وحاطط العربية على الـ p أزق .. مش بيتزق طبعا ...


... فضلت مستنييه تقريبا ساعة ونص ومافيش حل تاني ... ماينفعش أمشي وأسيب العربية ... لأني الكلام ده في موقف عبود وأنا ساكن في زهراء مدينة نصر ساعتها وكمان قدرت إنه برضه ممكن يكون مسافر وهايوصل في أي أتوبيس بعد شوية ...


أحلى حاجة بقى لما جه وأنا بكلمه بقوله إنه كان المفروض على الأقل يسيب العربية من غير فرامل وفي وضع المور ... الاقي قلة الأدب إشتغلت .. وقعد يزعق بدون مناسبة ... وفيها إيه لما تستنى شوية مانا جاي من السفر برضه وتعبان وبعدين أسيبها ممورة عشان أي كلب يزقها ويرميهالي في وسط الشارع وقعد يزعق كده دقيقتين تقريبا ... من غير ما أرد عليه روحت راكب العربية وجايب مارشيدير وبضهر الـ 505 وروحت جايبله البابين بتوعه بالقايم وهوة واقف يتفرج عليها لسة هايتكلم وجاي يزعق وهايتخانق روحت عامله باي باي من الشباك وطلعت من على الرصيف اللى قدامي ومشيت

طب خدوا الى تجيب شلل دى
انا بركب عربيتى يدوب قفلت الباب لقيت واحد ركن صف تانى و ساب العربية ومشى
اديلوا كلكسات يشور لى يقولى استانا
انا انشليت جاى يقولى ايه ماتتصرف
انا فتحت فمى وتنحت و من ساعتها وانا مش بتكلم مع البهايم

بجد دي شلل أنا مش مصدق إن في ناس وصلت لكده

المصيبة الأكبر أن الناس أصبحت مهمله و مستهبلة على الآخر

المشكلة إن عمر المصريين ماكانوا كده نفسي أعرف إيه اللى حصل !!!؟ ... ومحدش يقوللى الزحمة أنا شوفت النوعيات دي برضه في محافظات رايقة ومافيهاش أي زحمة لمجرد إنه مكسل يمشي شوية زيادة يقوم جاي يقفل عليك بالعربية عشان يبقى قدام الباب

الناس كلها منورة الموضوع .. وانت يا كريم باشا نورته بزيادة .. انت قلت يا باشا ان المضوع قلب معركة .. بالله عليك بعد المعركة كان اية احساسك .. انا ميش عارف طبعا هي رسيت على اية يعني .. شتايم وخلاص ولا الموضوع وصل لمد ايد .. او حتي تكسير عربيات .. بس متهيالي في كل الحالات دي الخسارة مبتبقاش ظريفة خالص .. معنويا .. جسديا .. خسارة مديه .. وممكن يتطور الموضوع اكتر من كدة .. حسب تهور الطرفين :b4_556:

بصراحة أنا بعد ما عملت كده حسيت بندم شديد لأني كنت قاسي عليه جدا ... هوة صحيح كان البادئ بس بيتهايئلي رد فعلي كان مبالغ فيه شوية خصوصا إن الخسائر كانت من الطرفين يعني عندي برضه غيرت الفانوسين اللى ورا صحيح مبلغ تافه شوية بس برضه إتخنقت لما إتكسروا ... وعموما أهه الواحد بطل يعمل كده وبقى هادي شوية عن الأول

وبحط الكارت بتاعي على التابلوة وفي رقم موبايلي ورقمي الدخلي وجنبة طبعا لوجو الشركة لانه بلون احمر مميز وبحط الكارت بطريقة واضحة ومش بشيلة خالص

جميلة جدا فكرة رقم التلفون دي أحييك عليها وإسمحلى أعملها زيك في المواقف اللى زي كده ... ربنا يباركلك

[zidaneelwaly]

حصل الموقف مره مع والدي بس كان اليوم ده عندو ميعاد مهم جدااا
فضل واقف و الناس منتظرينه و بيرنوله
و كانت العربيه بيجو 407 و قفه غلط راح جايبلها الازاز و الفانوس بطوبه و الناس في الشارع بتتفرج و لا حد بيتكلم و انا بصراحه زعلت جدا علي العربيه عشان انا بحب العربيه دي اوي
و جه صاحب العربيه بعدها بنص ساعه اعد يولول زي النسوان و مشي في الاخر

اما عن نفسي اخري ي بفسي الكوتش
و لو مانيوال بحاول افتح الباب