اتمني الا تنخفض الجمارك .. بل اتمني ان تزيد قليلا !

[Hegazio]

تصدقو بقي .. مش نظرة طبقية ولا حاجة و الله .. بس انا مقتنع بموضوع الجمارك.. و مش عاوز الجمارك تنزل
و لما شفت في ملحق الاهرام اعلان ليه تركب توك توك لما ممكن تركب دي ب 17500 جنيه
تخيـــلو
دلوقتي انا ماشي بالعربية وسط الزحمة و العربيات التانية و الاوتوبيسات و الميكروباسات .. لا أنا عارف أمشي .. ولا الاوتوبيس .. و لا الميكروباص
تخيلو بقي لو فيه 20 - 30 واحد من اللي راكبين الأوتوبيس و الميكروباس قدرو يشترو عربيات و أشباه التوك توك ابو 17000 جنيه ( ممكن يبقي مستعمل بعد كده ب 7000 ) .. حنمشي ازاي ؟!!!
لا أنا ولا هو ولا الاوتوبيس حنعرف نمشي ..
انا شايف انه لغاية لما البلد شوارعها تنصلح .. يبقي بلاش عربيات تحت ال 40000
و مش عاوز حد يزعل مني

[ahmedsamir79]

يا راجل هو ده الحل برده

[MoToRiZeR]

طب ماهو فيه ناس كتير حالها علي قدها و شارية عربيات عشان المواصلات غير أدمية
بدل ما اللي راكب 128 موديل سبعينات .. هيركب بيكانتو ولا سيريون
و اللي راكب بيكانتو هيركب جراند بونتو ولا إبيزا موديل السنة
و اللي راكب إبيزا يركب جولف .. و هكذا
و العربيات القديمة العطلانة كل شوية و موقفة الطريق هتخف .. و كل واحد هيخاف علي عربيته الجديدة نوعاَ ما

انا مش مقتنع إن الأسعار بتقيد عدد السيارات في ظل وجود البنوك و العربيات القديمة.
و بعدين ده ميبقاش عدل إن عشان واحد مقتدر و واحد علي قده نرمي واحد في المواصلات البشعة المستحيلة و التاني نخليه من "صفوة" المجتمع راكبي السيارات المختارين لقيادة العدد المحدود من السيارات اللي بنقيده بالجمارك!

[medo980]

اه ياباشا هو ده الحل انهم يفضلوا ماشين على موضوع الجمارك لحد مايحلو ازمة المرور الى احنا عايشين فيها حرام الى بيحصل ده البلد هى هى بنفس التخطيط الى اتعمل من اكتر من خمسين سنه ايام ما كان مصر فيها 1000 عربيه بالكتير ودلوقتى بيجرى فى شوارع القاهره وحدها فقط 40000000 سياره يومياً ده كلام احصائيه كانت معموله من فتره مش كلامى انا والعدد هو سكان القاهره + سكان الأقاليم الى بيعملو فى القاهره + المواطنين الى بيجو من الأقاليم يخلصوا مصالح فى القاهره يا جماعه انا ساكن فى شبرا فى احمد حلمى هل حد يتخيل انى روحت مشوار للعباسيه من البيت ويوم سبت الى هو المفروض 75% من الناس اجازه روحت المشوار ورجعت والله العظيم فى ساعتين الى ربع مع العلم انه صد رد يعنى ماوقفتش غير 5 دقائق او اقل طب اذاى عموماً كم العربيات الى موجود دلوقتى فى مصر اكتر من اللازم ولازم يوجدو حل عشان لو فضل الموضوع على الحال ده الواحد لو رايح مشوار ينزل قبلها ب5 ساعات عشان يعرف يوصل او يمشيها احسن

[Ahmed Nouh]

هتلاقى اجمد الناس قلب فى السواقه اللى معاهم عربيات قديمه

وهتلاقى اكتر الاماكن زحاما اللى فيها عربيات قديمه بسبب الاعطال وخلافه , الحل هو نظام جديد كليا

العربيه يبقى ليها عمر برضا صاحبها او غصب عنه هتتكهن بعد الفتره دى او يدفع عليها الضرايب اضعاف مضاعفه لو عايز يحتفظ بيها , كدا البلد كلها اتملت عربيات جديده وخرجنا برا نقطه ان فى ناس بتعطل شويه وخرجنا برده برا عاده بطلجه الصاج

وبعدين بقا يتم حل المشكله الاكبر , التخطيط ثم التخطيط ثم التخطيط

الشوارع مش ضيقه ولا احنا كتير المشكله ان كلنا بنلعب فى حته واحده

[د.محمود صلاح]

الحل جذرى وليس مسكنات , نقل الكثافة السكانية

[تامر.محمد]

و بعدين ده ميبقاش عدل إن عشان واحد مقتدر و واحد علي قده نرمي واحد في المواصلات البشعة المستحيلة و التاني نخليه من "صفوة" المجتمع راكبي السيارات المختارين لقيادة العدد المحدود من السيارات اللي بنقيده بالجمارك

أصح جملة قيلت هي دي

حضرتك لما فكرت في الفكرة فكرت في نفسك بس
من حقك
لكن برده اللي بيركب الاتوبيس من حقه انه يفكر في نفسه زيك بالظبط

هاتقول لي ما لو كلهم ركبوا عربيات هانقف كلنا
هاقول لك صح
بس ان كان ده مش حل , يبقى الحل ان يبقى مجموعة من البشر ماشيين على حساب مجموعة تانية لأن ده مش عدل
و على رأي المثل , يا نعيش عيشة فل يا نموت احنا الكل :)))))
و بالتالي , لا الوضع الحالي حل , ولا ان كل دول يركبوا عربيات و خلاص حل

الحل قبل كل شيء , نظام مواصلات مدروس , و محترم , و آدمي

وقتها يمكن تلاقي كتير اوي من اللي بيسوقوا بيسيبوا عربياتهم و يستعملوا المواصلات لأنها اريح

يا رب

[El Prince]

كرهت السواقه و العربيه و الطرق كلها من كتر الزحام الدائم
مش عارف ايه اللى هايحصل لو عدد العربيات زاد عن كده
أعتقد ان السرعه هاتكون صفر

[maka]

و بعدين ده ميبقاش عدل إن عشان واحد مقتدر و واحد علي قده نرمي واحد في المواصلات البشعة المستحيلة و التاني نخليه من "صفوة" المجتمع راكبي السيارات المختارين لقيادة العدد المحدود من السيارات اللي بنقيده بالجمارك!

+1

حطوا نفسكم مكان اللى بيتمرمط فى المواصلات

و كمان الجمارك لو زودوها هنستفيد حاجة , لا طبعا مجرد شفط على الفاضى

و لو الجمارك زادت الاتجاه هيبقى لشرى القديم المستعمل و سعره هيزيد و الطلب عليه هيكتر و العكس صحيح

الشوارع مش ضيقه ولا احنا كتير المشكله ان كلنا بنلعب فى حته واحده

+1

البلد محتاجة خلخلة كل المصالح و الوزارات غير الحيوية تخرج بره القاهرة

يعيدوا فكرة مدينة السادات اللى لغوها

شبكة مواصلات سريعة يعنى بدل ما يعملى مترو من امبابة للمطار اعمل الاول من رمسيس للمدن الجديدة

يخلصوا اعمال البناء اللى بيفتحوها و بتقعد بالسنين زى نفق المشاة بتاع ميدان الجيزة بقاله اكتر من سنتين و قالب الدنيا و بيشتغلوه فيها بسرعة السلحفاة و بسمع ان تكلفته كبيرة و مع ذلك محدش هيستعمله و هيبقى عديم الجدوى

بلدنا دى محتاجة تخطيط من اول وجديد لاننا ماشينا بمبداء العشوائية فى الاداء

[M.Mostafa80]

طب ماهو فيه ناس كتير حالها علي قدها و شارية عربيات عشان المواصلات غير أدمية
بدل ما اللي راكب 128 موديل سبعينات .. هيركب بيكانتو ولا سيريون
و اللي راكب بيكانتو هيركب جراند بونتو ولا إبيزا موديل السنة
و اللي راكب إبيزا يركب جولف .. و هكذا
و العربيات القديمة العطلانة كل شوية و موقفة الطريق هتخف .. و كل واحد هيخاف علي عربيته الجديدة نوعاَ ما

انا مش مقتنع إن الأسعار بتقيد عدد السيارات في ظل وجود البنوك و العربيات القديمة.
و بعدين ده ميبقاش عدل إن عشان واحد مقتدر و واحد علي قده نرمي واحد في المواصلات البشعة المستحيلة و التاني نخليه من "صفوة" المجتمع راكبي السيارات المختارين لقيادة العدد المحدود من السيارات اللي بنقيده بالجمارك!

أويدك فى الرأى بشده

[fellacd]

والله لو الجمارك انخفضت

[zoro007]

المفروض البلد تعمر الصحراء زى 6 اكتوبر كدا متعمرت وبقت مدينه جميله علشان تخف الناس وساعتها كل واحد بدل ميبقى عنده عربيه يبقى عنده 10 ويمشى براحته شوف المساحات اللى فى مصر الغير مستخدمه اد ايه كل الناس متجمعه فى القاهره فى خرم ابره

بس احنا دايما يومنا ب 20 الف سنه

[fellacd]

والله لو الجمارك انخفضت هايكون معنى كده إن البلد انصلح حالها وبطلت الجباية اللى شغالة فى الناس عمال على بطال
يعنى يحسبلك جمارك على العربية بتوصل لحد 135% حسب السعة اللترية للعربية
ويرجع يحسبلك ضريبة مبيعات 15% على سعر العربية + الجمارك ... شوفت الحلاوة
وبعدين يضيفلك مش عارف كام فى الميه علشان مش عارف إيه
وبعد كل ده لما تييجى ترخص العربية تدفع ضرائب تانية فى المرور وكأن مفيش ضرائب ولا جمارك ولا حاجة اندفعت قبل كده
وأهو كله من دم المواطن الغلبان
طب كل ده مش بينصرف ليه على تحسين الطرق وخلافه؟؟؟
وبعدين لو العربيات رخصت هتلاقى كل العربيات القديمة اللى بتتعطل فى الطريق وتسبب التلوث وبتعمل مشاكل هتلاقى كل العربيات دى اختفت وبالتالى هتقل الأزمة
مش كده وبس .. لو المواطن ركب عربية محترمة جديدة أكيد سلوكه هايتغير وهايخاف يتصرف أى تصرف مخالف حفاظا على سلامة عربيته الجديدة الحلوة اللى فرحان بيها غير صاحب العربية القديمة اللى مش فارقه معاه حتى لو اتخبطت ألف خبطة
كمان دايما اللى بيجيب عربية جديدة بيكون دايما إيده فيها .. يعنى أى عطل بيصلحه وأى مشكلة بيحلها .. غير صاحب العربية القديمة
لكن هو قدرنا كده اللى خلى الدول اللى كانت بتركب جمال وحمير عندها احدث الموديلات بأرخص الأسعار من غير جمارك ولا يحزنون .. وإحنا بلد الحضارة .. "حضارة سبع تلاف سنة زى ما بيقولوا" مش قادرين حتى نركب حمير ولا جمال .. لأن سعرهم بقى فوق طاقة المواطن العادى .. وتقولى نفسك الجمارك تزيد ... علشان أسعار كل حاجة تزييييد تااانى !!!
الرحمة يا عاااالم ... الرحمة يا خلق ... الرحمة يا ناااااااااس ... نفوووووخى

[Hegazio]

مصلحة الجميع فوق مصلحة الفرد
يعني أنا مش فاهم .. ايه اللي حيكسبه اللي راكب اوتوبيس ماشي بالعافية انه يركب التوك توك و يفضل واقف في مكانه ؟ !!!
ده مش تفكير اناني اطلاقا .. بدليل انه فيه ناس معاها عربيات لما بتنزل وسط البلد بتركب مواصلات .. يسهل علي نفسه و علي غيره !!
ده اللي انتو بتقولوه ده هو قمة الانانية ( و انا مالي .0. هو ماليش نفس اركب عربية انا كمان ) .. مصلحة الجميع فوق مصلحة الفرد
ياريت ناخد من الصين عبرة .. السيارات رفاهية لا يتحمل ضريبتها اغلب الشعب و راكبين بسكلتات
بل الأبناء فوق طفل واحد رفاهية أيضا .. لأن مصلحة الجميع فوق مصلحة الفرد

[Morieno]

طب ماهو فيه ناس كتير حالها علي قدها و شارية عربيات عشان المواصلات غير أدمية
بدل ما اللي راكب 128 موديل سبعينات .. هيركب بيكانتو ولا سيريون
و اللي راكب بيكانتو هيركب جراند بونتو ولا إبيزا موديل السنة
و اللي راكب إبيزا يركب جولف .. و هكذا
و العربيات القديمة العطلانة كل شوية و موقفة الطريق هتخف .. و كل واحد هيخاف علي عربيته الجديدة نوعاَ ما

انا مش مقتنع إن الأسعار بتقيد عدد السيارات في ظل وجود البنوك و العربيات القديمة.
و بعدين ده ميبقاش عدل إن عشان واحد مقتدر و واحد علي قده نرمي واحد في المواصلات البشعة المستحيلة و التاني نخليه من "صفوة" المجتمع راكبي السيارات المختارين لقيادة العدد المحدود من السيارات اللي بنقيده بالجمارك!

+111111