اتمني الا تنخفض الجمارك .. بل اتمني ان تزيد قليلا !

[seqoia]

الحل حضرتك ان المواصلات تبقى آدمية زي اوروبا
وقتها حتى اللي معاه عربية هيسيبها ويروح مواصلات

يرتاح من الركنة والزحمة

[ahmedyehia515]

أنا شايف الموضوع ملووش علاقة بالجمارك.

أنا شخصياً لو فى وسائل مواصلات عامة, حكون أول واحد يبيع عربيته، أنا كنت اول واحد اشترك فى أوتوبيس الجامعة رغم ان ناس كتير اتريقت عليه اكون فى سنة رابعة و يبقى عندى اوتوبيس و دادة و الحوارات ده بس انا شايف انو وسائل النقل الجماعية بتكون احسن للمجتمع من وسائل النقل الفردية.

بس ارجع و أقول لو فى نقل عام فى مصر كنت استخدمته، لو النقل العام بيحترم الانسان كنت استخدمته، فى حد بيأمن على والدته او اخته او زوجته أو بنته تركب اوتوبيس او مترو او حتى تاكسى ؟؟؟؟

كل يوم بحمد ربنا انى عندى عربية و مش بتبهدل فى المواصلات

[رزق]

الحل حضرتك ان المواصلات تبقى آدمية زي اوروبا
وقتها حتى اللي معاه عربية هيسيبها ويروح مواصلات

يرتاح من الركنة والزحمة

كلام صح فعلا.

فعلا المشكلة كلها تخطيط و ثقافة ..

اسعار السيارات المستعملة فى اوروبا يكاد ان يصدم اصحاب القلوب الضعيفة .. و مع ذلك بيفضلوا المواصلات و حياتهم بيسطة جدا جدا , سعر الهيونداى كوبيه موديل تسعينات فى اوروبا يساوى مرتب شهر او شهرين من مرتب موظف عادى او متوسط , و بالمصرى سعرها ممكن يعادل مرتب سنة او 2 من مرتب موظف متوسط ..

معاك 100%.
أنا غلط واتفرجت على بتاع 12 season من توبجير اللي بيتعمل في انجلترا..الدولة اللي بنقول على اسعارها نار وإنها أغلى دول اوروبا..
كل مسمع تمن عربية..أبقى عايز اكسرالشاشة..عربيات "اقتصادية" حلوة جدا
من 9 ل حوالي 15 ألف سترليني, زيرو..M3ب 30 ألف.
فئة سبعة بـ 50-60 مثلا.
بورش فراري والكلام ده؟ 100000.
والمستعمل اللي بيبتدي من اقل من 500 لغاية 7000 مثلا.
لو قلنا مرتب العامل هناك 2000-3000 سترليني..وده مش كتير.
مرتباتنا الرائعة هنا كام؟

أولا حتقولي انجلترا بتاع 51 مليون نسمة واحنا 80..وموضوع إن احنا عايشين على 4% من الأرض والكلام ده (وانا معاكم 100% فيه)
حقولك لأ أنا بتكلم على ال Greater London Urban Area
اللي هي تماثل القاهرة الكبرى عندنا.
دي 8.2 مليون نسمة, زينا تقريبا, وشوارعها تحسها شوارع قرية - مش كلهم طبعا - متشيلش أكتر من حارة رايح وحارة جاي. يعني من الآخر شوارع عادية.
مع ذلك اسعار العربيات هناك قليلة جدا مقارنة بالمرتبات.

أنا كنت كاتب المثال ده لتوضيح وجهة النظر وبعيد عن الخليج اللي قرفنا بأسعاره

أنا من رأيي الجمارك يا تتشال تماما..أو عالأقل تتشال من أي عربية أقل من 2000 cc يا نشوف بيها تحسن في الطريق. يعني ماينفعش نكون بندفعلهم ملايين جمرك ورسوم وغرامات واستخدام طريق وغيره ونلاقي الطريق مكسر ومفيش نور والاهمال اللي الواحد شايفه.

وأعتقد إن فكرة زيادة الجمارك دي حترجعنا ورا 50 سنة زيادة.
هو أنا عشان عندي عربية مفكرش فالناس التانية؟
ماهو أي حد طبعا نفسه يبقى ماشي فالشارع لوحده بس مش كده

اسف طولت عليكم.

[M.Osman]

مع إحترامي لصاحب الموضوع.. انا مختلف مع حضرتك

الخلاصة مش جمارك..
الخلاصة ان لو فيه مواصلات آدمية بتوفرها الدولة معظم الناس هتسيب عربياتها و تستخدم المواصلات و تفضل السيارات الخاصة فقط للسفر مثلاً او المشاوير العائلية او كذا ..

مش زي احمد عز اللي بيقول ان المصريين اشتروا مش عارف كام عربية 2009 و فاكر ان دا دليل على رفاهية الشعب!!
هو لو بيفهم كان عرف ان الطلب الفظيع على العربيات دا بسبب عدم توفر خدمة آدمية تنقل المواظن من النقطة أ الي النقطة ب بدون مشاكل...

[ehaballam]

كل المدن القديمة زحمة ... بس ماشية ...الموضوع مش كام عربية في الطريق ...المهم النظام يا باشا

[Hegazio]

انا معاك قلبا ...

..

الموضوع لازم يكون منظومة متكاملة من طرق كافية ..يعني مش أرخص في أسعار العربيات و في نفس الوقت معملش طرق كفاية .. فعلاً السماح بزيادة عدد العربيات بدون مواجهتها بزيادة الطرق و أماكن الإنتظار هو الكارثة

بالظبط يا فندم كلامك مظبوط العربيات لو زادت فى الوضع الحالى كلنا هنقضيها مشى ..

الحل حضرتك ان المواصلات تبقى آدمية زي اوروبا ..

شكرا لكل من فهم ما لب الموضوع ..
أنا لم أقل كما ظن البعض ان يركب السيارات أغنياء الناس للأبد .. أنا أقول لا توجد في الوقت الحالي طاقة استيعابية للطرق لكميات السيارات .. و حتي ذلك التطوير .. قد تلجأ بعض الدول لإيقاف ترخيص سيارات جديدة ..
و لمن ظن أني ولدت بملعقة ذهب .. أعتقد أني من أكثر من تشعبطت في اوتوبيس سنين طويلة و انا والله متر خارجه .. و اذا قيل لي : ( هل تفضل أن تصل الي مدرستك أو جامعتك في نصف ساعة بالاوتوبيس .. أو ان تركب سيارة و تصل في 3 ساعات ) .. أفضل الاوتوبيس طبعا !!
لا أفهم كيف يدافع شخص عن أن مصلحة من يركب مواصلات تسير ببطء .. ان يركب سيارة لا تسير ؟!!!!
* نتمني ان تكون في بلدنا طرق سليمة و و اسعة
* نتمني سيارة لكل مواطن
* نتمني مواصلات أدمية
و لكن بالتخطيط .. و ليس بالبركة .. البركة زهقت من مصر .. و قد لا تستطيع ان تكمل دعمها لها

[Hegazio]

طبعا اللى مايعرفش يقول عدس .....

شكرا لكل من فهم ما لب الموضوع ..
أنا لم أقل كما ظن البعض ان يركب السيارات أغنياء الناس للأبد .. أنا أقول لا توجد في الوقت الحالي طاقة استيعابية للطرق لكميات السيارات .. و حتي ذلك التطوير .. قد تلجأ بعض الدول لإيقاف ترخيص سيارات جديدة ..
و لمن ظن أني ولدت بملعقة ذهب .. أعتقد أني من أكثر من تشعبطت في اوتوبيس سنين طويلة و انا والله متر خارجه .. و اذا قيل لي : ( هل تفضل أن تصل الي مدرستك أو جامعتك في نصف ساعة بالاوتوبيس .. أو ان تركب سيارة و تصل في 3 ساعات ) .. أفضل الاوتوبيس طبعا !!
لا أفهم كيف يدافع شخص عن أن مصلحة من يركب مواصلات تسير ببطء .. ان يركب سيارة لا تسير ؟!!!!
* نتمني ان تكون في بلدنا طرق سليمة و و اسعة
* نتمني سيارة لكل مواطن
* نتمني مواصلات أدمية
و لكن بالتخطيط .. و ليس بالبركة .. البركة زهقت من مصر .. و قد لا تستطيع ان تكمل دعمها لها

لا تعليق .. ولا داعي لهذا الأسلوب .. و انت لا تعرفني المعرفة الكافية

[turch]

والله انا شايف ان المشكله مشكلة طرق قبل ما تكون مشكلة عربيات

ما هو لو كل واحد مشي في حارته وبسرعة الطريق المظبوطه الطريق هايستوعب اي عدد بس في ناس بتحب تلعب وفاكرينها شطاره والنقل اللي بيمشي يغرز على الشمال كل ده بيعمل حوادث والكارو اللي بيمشي عكس الاتجاه واللي بيمشي في الاتجاه برضه الميكروباصات اللي بتوقف في نص الطريق تحمل او تنزل ناس هو ده اللي بيوقف الطريق مش كتر العربيات

احنا محتاجين نزود الوعي المروري عند الناس هو ده الحل في الوقت الحالي

[Morieno]

لا تعليق .. ولا داعي لهذا الأسلوب .. و انت لا تعرفني المعرفة الكافية

ممكن اكون قلت رايي بدون توضيح كافى .... لكن ....اللى ما يعرفش فعلا يقول عدس .... والغرض من المثل مش حضرتك او حضرته او اى حد بعينه ..... الغرض هوا الفكره نفسها والاتجاه دا .. اللى هو اتجاه فى مضمونه ان عادى جدا ممكن المطحونين يفضلوا مطحونين كمان سنه اتنين خمسه عشره خمسين ... ايه المشكله .... ما هما مطحونين طول عمرهم ... ماعلينا لحسن يقولوا على شيوعى ولا حاجه

المهم ... من الواضح ان الحمد لسه فى نسبه كويسه "عددا" من الناس بتفكر فى ظروف عامة الشعب. وليس فى الفئات الفوق متوسطه "لانه للاسف ماعدش عندنا فئه متوسطه" .... ودا واضح من ردود الناس اللى مش موافقه اننا نرفع اى اسعار بتاعت اى حاجه تاى اكتر من كدا

.. قد تلجأ بعض الدول لإيقاف ترخيص سيارات جديدة ..

حضرتك جاوبت على الموضوع .... إيقاف او حتى الغاء التراخيص ..... يعنى محدش هيشترى .... لكن رفع الاسعار هيبقى معناه ان الفقير هوا اللى مش هيعرف يشترى لكن الغنى هيعرف
وطبعا الدول دى هتمشى كلامها على الكل - يعنى محش هيعرف يرخص جديد غنى سواء كان او فقير

وبعدين ما احنا رابطين الحزام بقالنا كتييييييير عشان الحال تتعدل .... للاسف فى ناس ضحكت علينا وفكت الحزام من ورانا ومظبطين حالهم واحنا لسه رابطين وعاملين فيها شهداء وقديسين ..... وحتى بعد كدا الحال برده ما اتعدلتش ............. ماعلينا

ودمتم زى الفل

[mostafabakry]

القضية اكبر من جمارك عربيات او شوارع

يا جماعة انتوا متخيلين مدينة فيها 20 مليون مواطن غير اللي بيدخلوا و يخرجوا منها يوميا

القاهرة مالهاش حل تاني خلاااااااااااص
الحل انه يعمل عاصمة تاني غيرها و تكون جديدة كليا

[رزق]

القضية اكبر من جمارك عربيات او شوارع

يا جماعة انتوا متخيلين مدينة فيها 20 مليون مواطن غير اللي بيدخلوا و يخرجوا منها يوميا

القاهرة مالهاش حل تاني خلاااااااااااص
الحل انه يعمل عاصمة تاني غيرها و تكون جديدة كليا

أنا برده من رأيي إن التعداد ده جزء مش كل المشكلة.
طبعا أنا نفسي ينالوا العاصمة باللي فيها ل أي حتة تانية بس ده كلام محتاجله سنين لو قلنا بلد محترمة من اللي في بالنا..بس بنسبالنا, ممكن الموضوع ده ياخد قرن بحاله.

أنا بقول جزء المشكلة التاني في الغباء اللي بيحصل في الشوارع.
المحور مثلا يستوعب كمية كبيرة من العربيات بس مثلا اتفرج عليه لما تحصل حادثة حتى لو بسيطة..تقف وراها ب 5 كيلو مثلا.
5 حارات وبرده الناس بتحب تقف تتفرج أو تطلع الموبيل وتصور وتلاقي حارة متاخدة عشان فيها بقايا الحادثة صاج مثلا أو حاجة..متلموها على جنب!

خد عندك حاجات تخلي اجدعها شارع ب 20 حرة يتسد وماتعرفش تعمل إيه في عيشتك.

1 - كمين في عز الزحمة.
2 - حادثة زي ماقلنا.
3 - واحد عربيته تعطل وما اكثرها.
4- 2 يمشوا هادي قوي جنب بعد يكلموا بعض ويفكوا فلوس.
5- 1 ولا 2 ياخدوا الحارة الشمال ويتبتو فيها وتلاقيه ماشي نص السرعة مثلا.
6- تشريفة ويا ويلك لو رئاسية, طبعا لا تعليق.
7- تصميم الشارع ذات نفسه اللي تلاقيه اغبى منه مفيش, شارع 3 حارات مثلا وبيصب فيه 4 حارات زيادة.
8- طبعا نظريات كتيرة زي نظرية البوز ونظرية وسع كده أما نشوف الزبون ده, بتاعت التكس والميكروباص.
9 - اعمال وتصليحات في الطريق من النوع اللي لايمكن ينتهي.
المشي بين حارتين والكلام ده ممكن تدخله في أي نقطة تعجبك.

في رأيي المفروض قبل مايفكروا يعملوا أي حاجة لازم الحاجات دي تتصلح والا..ولا كانهم عملوا حاجة.

احنا على فكرة مش 20 مليون فالقاهرة ولكن أعلى رقم شفته كان 14, نحط عليهم 2 مليون زائر لقضاء حاجات..يبقى 16 مثلا .

برده, في اللي ازحم مننا كتير سكانيا زي نيويورك أو طوكيو و بيتصرفوا وبتلاقي زحمة برده..بس بيتعاملوا..مثلا وإنت ماشي ومشغل الgps ممكن تعرف الإختناقات
المرورية فين وتغير سكتك لو عرفت. وبيبقى فيه لوحات الكترونية في الطرق السريعة بتقولك مثلا إن في حادثة أو حاجة على بعد كام كيلو عشان تحاول تنزل في أقرب مخرج وتطلع بعدها.

كمان عشان دول متقدمة..حتى لما تلاقي زحمة , عشان بيتابعوا الإشارات..كله بيوصل مكان مارايح في وقت مقبول نسبيا..متلاقيش عسكري أفل عليك وتقعد نص ساعة مستني يفتحلك.

ومعلش طولت عليكم تاني

[mishtawy]

الحل جذرى وليس مسكنات , نقل الكثافة السكانية

السلام عليكم ورحمة الله وبركاته احبتي في الله ارى ان الدكتور محمود صلاح اصاب الحقيقة لان كل جنيه يصرف الان على القاهرة يزيدها قبحا بعد ان كانت من اجمل مدن العالم ولاتجد مبنى جديد تشعر فيه بالجمال ومثال ذلك بدلا من دار الاوبرا المصرية وضع جراج الاوبرا شتان الفارق واصبحت العشوائيات في كل مكان حتى في المدن المخططة مثل مدينة نصر والرائعة (سابقا) مصر الجديدة واعتادت اعيننا على العشوائيات وبالنظر الى خريطة مصر الحبيبة عبر جوجل تجد العجب (لانه عندما يقال لك اننا نعيش على 7%من مساحة مصر قد لاتشعر بذلك قدر ما تراه بعينك) والخلاصة احلم بعاصمة جديدة لمصرتكون لها طابع مميز وعلى اعلى مستويات الرقي اعلم انها تحتاج وقت وتكاليف وقد لا ارها لكن يكفي ان ارى انها بدات واشعر بمستقبل جيد لاولادنا واقترح مكان بالساحل الشمالي ودراسته بواسطة الخبراء لان المدن الساحلية عادة تكون نظيفة بسبب البحر على عكس القاهرة لوجود المقطم وطبعا اسف على الاطالة حاولت الاختصار قدر الامكان وليت احد الاخوة مجيدي الحاسب الالي ومقتنع بالفكرة يكون جروب عسى ان يصل صوت المقتنعيين بالفكرة الى اصحاب القرار

[seqoia]

أنا برده من رأيي إن التعداد ده جزء مش كل المشكلة.
طبعا أنا نفسي ينالوا العاصمة باللي فيها ل أي حتة تانية بس ده كلام محتاجله سنين لو قلنا بلد محترمة من اللي في بالنا..بس بنسبالنا, ممكن الموضوع ده ياخد قرن بحاله.

أنا بقول جزء المشكلة التاني في الغباء اللي بيحصل في الشوارع.
المحور مثلا يستوعب كمية كبيرة من العربيات بس مثلا اتفرج عليه لما تحصل حادثة حتى لو بسيطة..تقف وراها ب 5 كيلو مثلا.
5 حارات وبرده الناس بتحب تقف تتفرج أو تطلع الموبيل وتصور وتلاقي حارة متاخدة عشان فيها بقايا الحادثة صاج مثلا أو حاجة..متلموها على جنب!

خد عندك حاجات تخلي اجدعها شارع ب 20 حرة يتسد وماتعرفش تعمل إيه في عيشتك.

1 - كمين في عز الزحمة.
2 - حادثة زي ماقلنا.
3 - واحد عربيته تعطل وما اكثرها.
4- 2 يمشوا هادي قوي جنب بعد يكلموا بعض ويفكوا فلوس.
5- 1 ولا 2 ياخدوا الحارة الشمال ويتبتو فيها وتلاقيه ماشي نص السرعة مثلا.
6- تشريفة ويا ويلك لو رئاسية, طبعا لا تعليق.
7- تصميم الشارع ذات نفسه اللي تلاقيه اغبى منه مفيش, شارع 3 حارات مثلا وبيصب فيه 4 حارات زيادة.
8- طبعا نظريات كتيرة زي نظرية البوز ونظرية وسع كده أما نشوف الزبون ده, بتاعت التكس والميكروباص.
9 - اعمال وتصليحات في الطريق من النوع اللي لايمكن ينتهي.
المشي بين حارتين والكلام ده ممكن تدخله في أي نقطة تعجبك.

في رأيي المفروض قبل مايفكروا يعملوا أي حاجة لازم الحاجات دي تتصلح والا..ولا كانهم عملوا حاجة.

احنا على فكرة مش 20 مليون فالقاهرة ولكن أعلى رقم شفته كان 14, نحط عليهم 2 مليون زائر لقضاء حاجات..يبقى 16 مثلا .

برده, في اللي ازحم مننا كتير سكانيا زي نيويورك أو طوكيو و بيتصرفوا وبتلاقي زحمة برده..بس بيتعاملوا..مثلا وإنت ماشي ومشغل الgps ممكن تعرف الإختناقات
المرورية فين وتغير سكتك لو عرفت. وبيبقى فيه لوحات الكترونية في الطرق السريعة بتقولك مثلا إن في حادثة أو حاجة على بعد كام كيلو عشان تحاول تنزل في أقرب مخرج وتطلع بعدها.

كمان عشان دول متقدمة..حتى لما تلاقي زحمة , عشان بيتابعوا الإشارات..كله بيوصل مكان مارايح في وقت مقبول نسبيا..متلاقيش عسكري أفل عليك وتقعد نص ساعة مستني يفتحلك.

ومعلش طولت عليكم تاني

كلام منطقي جدا

[kh_talaat]

الحل ببساطه يتلخص زي ما قال معظم الأعضاء

وسيله مواصلات آدميه

والأمثلة كثيرة
- مترو الأنفاق
- استغلال نهر النيل واعادة تأهيل الأوتوبيس النهري
- عمل اوتوبيسات مكيفه حقيقية موديلات مرسيدس او رينو مش زي أوتوبيسات شركة النصر اللي تدهورت بعد اول سنة تشغيل

[kh_talaat]

والأهم من كل دة بصراحه واقل تكلفه هو توفير فرص عمل خارج القاهرة حتى لا تكون القاهرة منطقة جذب سكاني

وطبعا خير دليل على عدم اهتمام الحكومة بهذه المشكلة هي القرية الذكية والتي انشئت في القاهرة الكبرى ويهاجر اليها كل من يريد وظيفه من شتى محافظات مصر