عادات خاطئة بخصوص سيارتك

[د.محمود صلاح]

أنا شايف ان اكتر حاجة غلط للعربية اننا بنسوق فى شوارع مصر

حضرتك جبت من الآخر ,, ههههههه

وعودة للدراجات الهوائية والموتوسيكلات والحنطور

[Moe86]

في حاجة بردو تكاد تكون مهمة وبقت عادة عندى انى اشوف كل جنط بعد اى مشوار خصوصا المشاوير الطويلة لو الجنوط فيها واحد او كام واحد سخن او حرارته مش طبيعية يبقى فى حاجة فى منظومة الفرامل مش مظبوطة زى مثلا مستر من المساتر الفرعية مش شغال كويس او الماستر الرئيسي او او او او .....وهكذا
لذا من الضرورى الكشف الدورى

حاسأل حضرتك على حاجة و قولى رأيك
بعد مشوار سفر دايما الجنوط عندى بتبقى سخنة جدا خصوصا اللى قدام , للعلم انى بمشى بسرعة و بالتالى استخدام الفرامل بيبقى عنيف شوية , هل دة طبيعى ؟

عدم التأكد من سلامةالأطار الأحتياطي

مرة عجلة نامت منى فى نص الصحراء بعد ما رجعت من مزرعة واحد صاحبى فى وادى النطرون بالليل, الأستبن كان فاضى و مش عايز أقولكوا الموقف كان صعب قد اية

تظبط مرايات الأجناب بشكل صحيح ، المرايات مش معمولة عشان تشوف جنب عربيتك والأبواب زى ما فى ناس بتظبطها ، افتحها لبرة عشان تكشف الشارع بقدر الإمكان ويدوبك تبقا شايف شعرة من شنطة عربيتك فى المرايا هو ده الظبط الصح
وتقدر تتأكد إنها تمام لما تلاقى العربية اللى جنبك بس وراك بمقدار عربية أو اتنين تقدر تبص فى عينه مباشرة يبقا إنت غالباً ظابط المرايا كويس وكاشف الطريق مش كاشف جنب عربيتك

هو فى ناس فعلا بتعمل كدة ؟!

أنا شايف ان اكتر حاجة غلط للعربية اننا بنسوق فى شوارع مصر

حضرتك جبت من الآخر ,, ههههههه

وعودة للدراجات الهوائية والموتوسيكلات والحنطور

No comment

[OlaOsman]

موضوع هام جدا و مفيد.

شكرا لطارحه :b4_388:

[SAMEH_FOUAD]

محدش يحاول يغسل الكاوتش بالماء الا لما السيارة تبرد بقدر كافى عشان الطنابير لو جية عليها مياة وهية ساخنة مش هتبقى فيها ريجة
عند الكشف على ضغط الكاوتش يتم تزويدة بعد ماتقف بشوية عشان الكاوتش بيبقى ساخن ودرجة الحرارة فية غير مظبوطة فاكيد هيدى قرايات غلط
لو حد لقى نفسة قدام مطب صناعى ومش هيقدر يقف يدوس فرامل قبل المطب بشوية لانة طبعا مش هايلحق يقف وبعد كدة يشيل رجلة من على الفرامل على طول عشان مايأثرش على العربية وهية بتاخد المطب
عند الملفات الحادة بالنسبة للسيارات المانيوال والدفع الامامى يتم الضغط على الدبرياج لتلافى تلف الكبالن والتحميل عليها
عدم تسقيط غيارات
عينك كل عشر دقايق على حرارة السيارة واى لمبة فيها خطر اذا اضاءت فى تابلوة السيارة

[mohamed_kta]

أعتقد العصبية أو ( النرفزه ) أثناء القياده من أخطر الاشياء التى تواجهنا عند القياده ، طبعاً فيه ناس مستفزه و تنرفز التلج نفسه لكن أنا بقصد محاولة مضغ لبانه أو ألتماس العذر فى أغلب الاحيان لأن العصبيه المستمرة ممكن تساعد فى تشتيت الذهن عن التركيز فى القياده .

[SkyBird]

تعليق حاجات فى المراية قد تحجب الرؤية للزاوية البعيدة

كمان تعليق حاجات في مراية الصالون يخلي شكل العربية وحش جدا

[SkyBird]

ما تتعفاش علي المارش وماتشغلوش اكتر من 30 ثانية لان ممكن يتحرق

بالنسبالي هما 4 ثواني بس
ويتهيألي 30 ثانية كتير جدا

[د.محمود صلاح]

موضوع هام جدا و مفيد.

شكرا لطارحه :b4_388:

عفواً وننتظر رأيِك وتجربتِك