إعـــــــلان

**ahmedsrs** · 19-12-2007, 08:41 AM

تسلم على الموضوع

**mina_ramsis** · 19-12-2007, 12:34 PM

مش عارف بس انت بانى رأيك ده على استنتاج من قوة كل عربية و سعة محركها و اعتقد ان ده مش كافى علشان يبقى استهلاك البنزين فيها اعلى نظرا لكبر قوتها و سعة محركها اكيد فيه فرق فى التكنولوجيا يعنى كل المحركات ال1600 سىسى بتستهلك بنزين زى بعضعا اعتقد لا طبعا
انا مش بدافع عن العربية ولا عن الشركة بس انا بحاول اتكلم كلام منطقى من غير استنتاجات الحل الوحيد اللى يعرفنا استهلاكها مظبوط و لا لأ ان حد يجربها و يحسن الاستهلاك بنفسه

**Abdallah** · 19-12-2007, 01:20 PM

اعتقد يا احمد ان كلام اخونا hoko_mosha منطقى لان الاستهلاك ميتحكمش عليه الا بالتجربة نظرا لاختلاف طريقة بناء كل موتور والتكنولوجيا المستخدمة فيه ودليلى هو ان اللانوس ذات الموتور 1500سى سى استهلاكها اكثر كثيرا من الكورولا ذات ال 1600 سى سى ولكن هناك نقطة اخرى لفتت نظرى وهى يا ترى هما برضة بيهجصوا فى عدد الاحصنة زى عندنا هنا ولا ايه الوضع هناك؟

**PRO-DRIVE** · 19-12-2007, 02:47 PM

عبدالله و hoko_mosha

اغلب كلامكم صح
لكن مثلا حتلاقي الفرق في التقنيه الحديثه و الحديثه ( يعني من 2000 لحد اليوم مثلا )

مش كبير ابدا طيب في حد سمع عن عربيه 1000 بتستهلك اكتر من 1600 ؟؟
الفرق بين اقل 2 هو 900 سي سي مش قليل !!

تخيل الفرق بينها و بين الاودي 2800 سي سي :)
و بينها و بين الانفنتي 2500 :)

**فادى** · 20-12-2007, 05:33 AM

أنت لم تذكر الكثير من الأشياء الضرورية كى نحكم على الاستهلاك و السى السى و القوة الحصانية لا يكفون للحكم عليهم. هناك أشياء كثيرة أخرى و هى وزن السيارة و طريقة الدفع و طريقة الحقن و عدد الكامات و الصبابات, حاجات كثير جدا الى جانب طبعا أسلوب القيادة. أسف ما أوردته لا يكفى كى نكذب شفروليه, و عموما شفروليه لا تحتاج للكذب بشأن استهلاك الوقود لأن من يشترى سيارة رياضية مثل الكورفيت لن يهتم باستهلاك الوقود.

**PRO-DRIVE** · 20-12-2007, 05:52 AM

كلامك يدل علي انك حتي لم تفكر في فتح الرابط اللي انا حاطه :)

كل المعلومات اللي انت طالبها فيه

**tutankhamoun** · 20-12-2007, 07:16 AM

أغلب شركات السيارات بتكذب علشان تبيع منتجاتها
و مش شركات السيارات فقط ......... أغلب المنتجات الأخرى
و يا جدعان بصراحة خلاص الكلام مع الأستاذ فادي في الموضوع ده ملوش لازمة
الراجل مقتنع و متصور إن العربيات الياباني وحشة و فاكر إن عربيته الشاهين أفضل من جميع السيارات الياباني
خلاص هو حر في أرائه ......... بس و النبي يا برو بلاش تفتح مواضيع من دي علشان ردود الأستاذ فادي تجيب الضغط
شوف أنت كام موضوع اتفتح بخصوص جودة الياباني ( النيسان ) و برضه هو مشكك ........ و شوف موضوعي ( استطلاع للرأي عن السيارات الياباني و جودتها ) و أكتسحت آراء الأعضاء ما بين جيد جدا و ممتاز و برضه مشكك
طيب و الله العظيم أنا قلت أسأل ناس بره مصر و أتأكد 100 % و سألت واحد و بقوله فيه واحد بيقول إن التويوتا و النيسان عربيات أي كلام و مش بتعيش .... قعد يضحك و في الآخر قال لي اللي بيقول كدا يا إما شارب حاجة يا إما مش من كوكب الأرض ( لا أقصد الأستاذ فادي شخصيا فالسؤال كان عام )
طبعا آراء الأستاذ فادي هو حر فيها و نحترمها ( أشتري اللي أنت عايزه ) بس ما تحاولش تفرض رأيك على حد من فضلك و أيضا من فضلك رد بموضوعية

أقول بقى رأيي في هذا الموضوع
أنا أتفق مع الأستاذ برو درايف مليون في المية
لأن أحنا لما نقول إن فيه فروق في استهلاك البنزين في نفس الفئة يعني عربيتين 1600 وواحدة بتوفر في الوقود عن الأخرى .... ده كلام منطقي
أما لما تقولي عربيتين و فيه فرق بينهم 2500 س س ....... يبقى خلاص أنا لما أبص ببص على الفرق الكبير الكبير الكبير ده ...... ده 2500 بمقام عربيتين واحدة لانوس 1500 وواحدة أبيزا أو بولو 1000 س س
أستاذ برو درايف ............. شكرا على مواضيعك الجميلة

**mostafabakry** · 20-12-2007, 01:02 PM

صلوا عن النبي يا جماعة لبموضوع مش مستاهل كل دا

احنا الحمد لله في بلدنا الحبيب مصر اخرنا 1600 سي سي فالموضوع مش هيأثر علينا
بس انا راي ان كلام جنرال موتور اكيد مش صح لأن بعد المقارنة اللي عملها الأستاذ برو درايف
الأودي و الإنفينيتي و الكرايسلر دي شركات كبيرة و لها حجمها في صتاعة السيارات فمش معقولة يبقي كل الفرق دا في سعة الموتور و يبقي كمان الإستهلاك في البنزين اقل او اكتر لحاجة بسيطة طبعا دا مش منطقي مع اعتبار التكنولوجيا المختلفة لكل شركة في صناعة محركاتها بس عمر ما يكون الفرق بالشكل دا خصوصا وانت بتقارن ما بين شركات عملاقة و في مستوي واحد او متقارب جدا
بردك يا جماعة ماننساش ان جنرال موتور دي امريكي و طبعا احنا عارفين استهلاك العربيت الأمريكية في البنزين بتشرب شرب يعني عربية زي دي عايزلك بنزينة وراك

و كل سنة وانتم طيبين و اسيبكم بقي احسن اللحمة ريحتها نخششت في نفوخي من جوا هههههههههههههههه

**PRO-DRIVE** · 20-12-2007, 03:43 PM

شوف أنت كام موضوع اتفتح بخصوص جودة الياباني ( النيسان ) و برضه هو مشكك ........ و شوف موضوعي ( استطلاع للرأي عن السيارات الياباني و جودتها ) و أكتسحت آراء الأعضاء ما بين جيد جدا و ممتاز و برضه مشكك

شكرا علي ردك يا استاذ توت
انا لما بحط مواضيع جديده حتلاقي التواريخ بتاعتها لسه طالعه انهرده :)
و انا بحطها عشان المنتدي عامه و عشان my baby GTR

شكرا علي ردودكم :)

**فادى** · 20-12-2007, 06:06 PM

فتحت الموقع بتاع ياهو و لم أجد فيه أى شىء, المهم فتحت الموقع الأخر و وجدت أن جنرال موتورز لا تكذب يا عزيزى.
أولا, مسألة استهلاك البنزين مسألة تقديرية بحتة, و هى تعتمد على أسلوب القيادة أكثر مما تعتمد على السيارة نفسها, و طبعا تعتمد على السعة اللترية و نوعية الوقود نفسه.
ثانيا, فاتك شىء مهم, اقرأ جيدا عن هذا المحرك الرائع من شفروليه, انه سيليندراته مصنوعة من الألمونيوم و هو شىء مهم جدا, و قد اعتدنا أن يصنع عمود الكردان من الألمونيوم, و لكن أن تصنع منه السيلندرات فهذا ليس موجودا الا فى سيارات قليلة جدا, و لا أعتقد أن اليابانيين سوف يصلوا فى يوم الى شىء مثل هذا.
و الحقيقة أن المحرك المستخدم هنا هو محرك فريد من نوعه و هو الال اس, لذا هو محرك مختلف تماما عن بقية المحركات العادية.
و الأهم من هذا و ذاك, عليك أن تلاحظ وزنها الخفيف جدا جدا و هو فى حدود ال1400 كغ, لذا و مع كل هذه العوامل, خفة الوزن, المحرك الخفيف و الوزنها الخفيف جدا بالنسبة لمحرك بهذا الحجم( و هى تقنية أهنىء عليها شفروليه) محرك 7 لتر فى سيارة وزنها لا يتعدى ال1450 كغ هو انجاز تقنى و علمى بكل المقاييس, بالاضافة الى التقنية الجديدة بالكامل, و لا تنسى طبعا قلة الحمولة, فهى سيارة لشخصين فقط, أى أن متوسط الوزن الذى ستحمله قليل جدا و هو لا يتعدى ال150-200 كيلو فى أسوء الأحوال.
عزيزى برو درايف, كل ما تفعله لن ينقذ سيارتك الداتسون تلك, سيارتك اتفضحت خلاص, و أنا فضحتها و لا تحاول ابعاد التهمة عنها و لا تحاول رمى الشركات الأخرى بالكذب, و عموما هو أسلوب غريب, يعنى لو افترضنا أن شيفروليه تكذب, طيب يا عم شفروليه كذابة و أنا موافق , برضو ده ميمنعش انو النيسان برضو كذابة.
تحياتى لك و لكارلوس غصن صاحب مصنع السيارات منخفضة الجودة داتسون و رينو.

**tmz9111** · 20-12-2007, 08:30 PM

شكرا على الموضوع

**محمدايهاب** · 20-12-2007, 09:04 PM

زي ما كنت معاك يا برو درايف في موضوع النيسان المرة دي كلامك مش منطقي و أنت في الموضوع ده أخذت موقف الأستاذ فادي من الموضوع الفائت (موقف غير منطقي و لا واقعي )
بعدين يا توت عنخ أمون بردوا مداخلتة حضرتك مالهاش لزمة نهائيا و لا ترتبط بالموضوع

أنا مع فادي و فعلا أنا قرأت عن محرك الكروفت في مجلة عربيات و من مميزاته استهلاكه المناسب للبنزين بالنسبة لللسعة اللترية للعربية
كمان أنا مع الرأي القائل فين أوزان الأربع عربيات و تقنية محركاتهم و نظام الدفع الرباعي و عدد الكامات و الصمامات كل دي عوامل بتأثر في الإستهلاك
شركة جنرال موتورز أكبر 100 مرة و أعظم من نيسان و هتخاف على سمعتها أكتر بكتيير من نيسان
أنا لا أكذب نيسان و لا أكذب شيفرولية الموضوع نسبي
بعدين معلش كون أستاذ فادي أقتنع و لا لم يقتنع ده لا ينفي حقيقة جودة الياباني و جودة نيسان (خاصة Gtr و تسارعها 3.8)و محاولة اقناع الأستاذ فادي مش ضرورية و لا مهمة

**PRO-DRIVE** · 21-12-2007, 02:58 AM

أنا مع فادي و فعلا أنا قرأت عن محرك الكروفت في مجلة عربيات و من مميزاته استهلاكه المناسب للبنزين بالنسبة لللسعة اللترية للعربية
كمان أنا مع الرأي القائل فين أوزان الأربع عربيات و تقنية محركاتهم و نظام الدفع الرباعي و عدد الكامات و الصمامات كل دي عوامل بتأثر في الإستهلاك

استاذ محمد
علي فكره انا شخصيا ( و قلتها لناس )

اني مقتنع بالرقم اللي اعلنته شيفورليه

و عارف الرقم دا اتحقق ليه و ازاي بالكامل
و حقول في اخر الموضوع :)
لكني منتظر الرد من خبير السيارات العالمي :)

ثانيا, فاتك شىء مهم, اقرأ جيدا عن هذا المحرك الرائع من شفروليه, انه سيليندراته مصنوعة من الألمونيوم و هو شىء مهم جدا, و قد اعتدنا أن يصنع عمود الكردان من الألمونيوم, و لكن أن تصنع منه السيلندرات فهذا ليس موجودا الا فى سيارات قليلة جدا, و لا أعتقد أن اليابانيين سوف يصلوا فى يوم الى شىء مثل هذا.

يا جماعه حد من ملاك شيري او اسبيرانزا يردوا عليه

و طبعا ردك يا استاذ فادي مجرد هرااااااااااااااااااااااااااء
لم تذكر اي سبب حقيقي من الاسباب اللي خلت استهلاك الوقود في المحرك كدا

كل ما ذكرته يمثل 10% من سبب انخفاض استهلاك الوقود في المحرك

و احلي شئ في ردك

مسألة استهلاك البنزين مسألة تقديرية بحتة, و هى تعتمد على أسلوب القيادة أكثر مما تعتمد على السيارة نفسها

هههههههههههههههههههه
ارجوك ان تفهم اننا بنتكلم علي ارقام رسميه :)

و محاولة اقناع الأستاذ فادي مش ضرورية و لا مهمة

بالظبط فأنا في موضوع تجربه GT-R كنت بعرض الموضوع علي الناس مش اكتر :p

**فادى** · 21-12-2007, 04:52 AM

"و طبعا ردك يا استاذ فادي مجرد هرااااااااااااااااااااااااااء
لم تذكر اي سبب حقيقي من الاسباب اللي خلت استهلاك الوقود في المحرك كدا

كل ما ذكرته يمثل 10% من سبب انخفاض استهلاك الوقود في المحرك
"

أولا متشكرين على أدبك.
كلمة نفسى أقولهالك من زمان بس هتزعلك. معلش أنت الى مواضيعك كلها هراء و مبتفهمش أى حاجة فى العربيات.
يا عم هى فزورة, أنا قلت الى أعرفه, عموما أنا عارف انت هتقول ايه حرفين أو تلاتة انجليزى ترصهملى جنب بعض و الناس لما بتشوف حروف انجليزى بتتخض و بتصدق, يا عم سيبك من الهبل ده و مش كل شركة ترصلك حرفين جنب بعض يبقوا اخترعوا.
خد مثلا عندك الكومبرسور الى مرسيدس بتكتبوا على مؤخرة سيارتها عارف هو ايه؟؟؟
الرد الجاى هقولك عشان تعرف انو كلو كلام فاضى و أسماء تجارية.

إعـــــــلان

.

كذب جنرال موتورز في استهلاك الوقود

كذب جنرال موتورز في استهلاك الوقود

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment