هو انا غلطان ؟

[Ahmed Galal]

معلش حصل خير و قدر الله و ما شاء فعل بس انصحك انك تسيب مسافة شوية بينك و بين اللى قدامك على قد ما تقدر و كمان ما تجريش حتى لو الطريق جرى طالما انت جوا البلد و مش على طريق سريع

[windofchange]

ربنا سترها الحمد لله واري انه حل وسط وسليم بدل ميخرشمك ويخرشم اللي قدامك لأنو ميكروباص والحمد لله ان ربنا وفقه لأخذ الغرزة

[crazylambada]

يا جماعه انا كنت سايب مسافه بيني و بين اللي قدامي
و لو مكنتش عملت كده كانت عربيتي و عربيه اللي قدامي ادشدشت يعني مكنتش اناني و اخبط اللي قدامي علشان اتخبط و كده
و مش انا اللي كنت بجري اللي ورايا هي ديه الفكره كلها
و شكرا جدا ليكم كلكم

[mekkawy0]

الحمد لله على سلامتك.
على فكرة رغم اعتراض الكل على إنك تلمس اللي قدامك لكن ده عمليا أحسن حل.
في حالة إن في مسافة بينك و بين اللي قدامك و لا قدر الله اللي وراك لبس فيك عربيتك هتتخبط من ورا و تطير على اللي قدامك. كده ال3 عربيات إتخبطوا، لكن لو إنت لامس في عربية اللي قدامك و خبطك من ورا، أنت و اللي قدامك ككتله واحده هتطيروا لقدام مع بعض. في الحاله دي اللي قدامك مش هيتئذي. صحيح إن الخبطه عندك ورا هتكون أجمد شويه بس ده أرحم من خبطه ورا و قدام.
و في الأول و الآخر ربنا هو اللي بيسترها بس إحنا نعمل اللي علينا و نمشي صح بقدر الإمكان.

[Karim_Mohy]

اعتقد كل موقف له حيثياته......فصعب نحكم لان انت اللي سايق واكتر واحد تقدر الموقف اللي انت فيه.........بس الصح انك تحاول تعدي الموقف باقل الاضرار

وربنا يسترها علينا جميعا

[m_mekkawy]

خد بالك بس مش لدرجة انك تخبط فى اللى قدامك
اهه بتاع الميكروباص خد غرزه وطلع من وراك كان ممكن يخدها برضه ابدر من كده
انت ليك دعوه باللى قدامك مش اللى وراك اللى وراك يفادى نفسه
ومش اقدر اقولك اللى الله يحرق الأشكال المعفنه سواقين الميكروبصات

[د.محمود صلاح]

كنت قربت بدون ما تلمس اللي امامك

[M_Nabil]

بسيطة الحمد لله أنت بس كان ممكن تظبط نفسك على قبل العربية اللى قدامك بالظبط يعنى كنت تكبس فرامل ولما تكون العربية شبه وقفت تروح مريح رجلك من على الفرامل سنه صغيرة ودوس تانى بسرعة في النص متر اللى كان فاضل، بس السؤال اللى بيطرح نفسه العربية اللى قدامك وقفت فجأة ليه؟ ولا الشارع نفسه وقف ومافيش مسافات أمان كافيه بين العربيات والناس سرحانه؟ أصل القصة دى مشهورة جداً على كوبرى 6 أكتوبر الكوبرى يقف فجأة وصف عربيات تدخل في بعضيها

[crazylambada]

انا معرفش تفاصيل العربيه و قفت ليه و انا فعلا عربيتي كانت في التريحه الاخيره في اخر نص متر يعني كان ممكن اقف عند بعد نص متر
بس لما لقيت المكروباص طاير شيلت رجليا من على الفرامل في ترييحه العربيه
بالمناسبه انا لو مكنتش عملت كده مكنش حيعرف يعمل الغرزه و الدليل كبسه الفرامل الجامده اللي كان عاملها من ورايا و اول ما وسعتله كان واخد الغرزه
انا عارف ان حد يخبطني من ورا بتبقى مستفزه بس انا كنت سايب مسافه و قعدت و الله اعتذر للراجل و اعتذرله و ياريت الصوره تبقى واصله للناس و شكرا

[M_Nabil]

ما هو المفروض ياباشا تكون قارى الطريق قدامك بمعنى ماتبقاش مركز على العربية اللى أمامك فقط أنما تضرب عينك لعربيتين أو ثلاثة قدام بحيث لو حاجه مفاجأة ظهرت تلحق نفسك وتهدى من بدرى أنا عن نفسى بسوق كدة خصوصاُ لو بجرى شوية وكابس على اللى قدامي، و أعتقد الصورة واضحت للناس والحمد لله على سلامتك

[ihabchina]

الحمد لله انها جت على قد كده.. انا بشوف المنظر ده دايما على كوبرى اكتوبر لما الطريق بيبقى مفتوح ويقف مرة واحدة وتسمع اللبس ورا بعض.. الاحسن دايما انك تبقى حريص انك تسيب مسافة كبيرة تعرف تفرمل فيها براحتك ومنها تحذر اللى وراك انه برضة يلحق يفرمل وتبقى انت المتحكم فى المسافة اللى وراك واللى ادامك على كده...

بس برضة انا شايف انك عملت الصح وفاديت الغبى اللى بيجرى من وراك ده

[ahmed31031]

الحمد لله جت سليمة ربنا يستر طريقنا جميعا

[darkangel007]

ما هو المفروض ياباشا تكون قارى الطريق قدامك بمعنى ماتبقاش مركز على العربية اللى أمامك فقط أنما تضرب عينك لعربيتين أو ثلاثة قدام بحيث لو حاجه مفاجأة ظهرت تلحق نفسك وتهدى من بدرى أنا عن نفسى بسوق كدة خصوصاُ لو بجرى شوية وكابس على اللى قدامي، و أعتقد الصورة واضحت للناس والحمد لله على سلامتك

+111111
عموما ياباشا الى عملتة احسن حل من وجهة نظرى احسن من انك انكو تتخبطو انتو ال3

[crazylambada]

ما هو المفروض ياباشا تكون قارى الطريق قدامك بمعنى ماتبقاش مركز على العربية اللى أمامك فقط أنما تضرب عينك لعربيتين أو ثلاثة قدام بحيث لو حاجه مفاجأة ظهرت تلحق نفسك وتهدى من بدرى أنا عن نفسى بسوق كدة خصوصاُ لو بجرى شوية وكابس على اللى قدامي، و أعتقد الصورة واضحت للناس والحمد لله على سلامتك

متشكر جدا لحضرتك انا بعمل كده فعلا ببص من خلال ازاز العربيات اللي قدامي بس على الطرق السريعه جوا البلد في القاهره تركيزي اكتر على المرايات علشان اللي بيحبوا يكسروا
انا بجد اظاهر محتاج عين تالته اسوق بيها

[samcar]

لو كنت سايب مسافه كافيه بينك وبين اللى قدامك كان وقوفه المفاجئ مش حيزقك لموقف زى ده
للاسف هنا بيعتبروا ان ترك مسافه قلة خبره من السائق - عكس اى منطق فى العالم- بس هى دى مصر يا رب اهدى