تفتكروا الكاميرات شغالة بجد ؟

[dolly13]

انا كنت فاكرة ان الكاميرات اللى فى الاشارات دى شغالة بجد لحد امبارح بالليل
فى ميدان المحكمة فى مصر الجديدة توقفت الاشارة واذا بعربية تكسر الاشارة وتعدى والاقى الامين قام واخد مخالفة فى الدفتر
المهم اللى كان واقف جنب الراجل اللى كسر الاشارة قدم خطوة بعد علامات عبور المشاة
الامين قالله ارجع لورا شوية علشان الكاميرا ماتصوركش
طيب ولو الكاميرا بتصور هو خد نمرة الراجل ليه؟
وبعدين التانى اللى عايزه يرجع شوية ده مش المفروض ان الكاميرا صورته فعليا بمجدر ماداس على الخط والا هو كان عايزه يرجع علشان مايتصورش فيديو كمان
من الاخر كدة واضح ان موضوع الكاميرات ده كان سبوبة وخلصت خلاص ويجعله عامر

[korkor]

انا كنت فاكرة ان الكاميرات اللى فى الاشارات دى شغالة بجد لحد امبارح بالليل
فى ميدان المحكمة فى مصر الجديدة توقفت الاشارة واذا بعربية تكسر الاشارة وتعدى والاقى الامين قام واخد مخالفة فى الدفتر
المهم اللى كان واقف جنب الراجل اللى كسر الاشارة قدم خطوة بعد علامات عبور المشاة
الامين قالله ارجع لورا شوية علشان الكاميرا ماتصوركش
طيب ولو الكاميرا بتصور هو خد نمرة الراجل ليه؟
وبعدين التانى اللى عايزه يرجع شوية ده مش المفروض ان الكاميرا صورته فعليا بمجدر ماداس على الخط والا هو كان عايزه يرجع علشان مايتصورش فيديو كمان
من الاخر كدة واضح ان موضوع الكاميرات ده كان سبوبة وخلصت خلاص ويجعله عامر

ميدان المحكمه لسه مافيهوش كاميرات الكاميرات فى ميدان روكسى بس

[Samir Elshahawy]

الفكرة هي ليه احنا مش بنلتزم بالقانون من غير عسكري و لا كاميرات ؟؟

يعني لازم يكون فيه عصاية علشان نخاف ؟؟

من يومين كنت في وسط البلد و معايا خالي و كنا راجعين من باب اللوق الي ميدان الاوبرا و قبل الاشارة اللي في ميدان طلعت حرب خالي قالي خلي بالك علشان فيه كاميرا بتصور
طبعا كان ردي اني دايما مش بأنتظر كاميرا و كده كده بأقف ورا الخط و بألتزم بالاشارة

فعلا ... ليه مايكونش ده حالنا نلتزم بالاشارات و القوانين من غير عسكري و لا كاميرات و لا رادار ؟؟
سؤال نفسي ألاقي له أجابة من شعب دايما بيقول أنه صاحب حضارة 7000 سنة

مع خالص تحياتي
م/ سمير الشهاوي

[ihabchina]

لا العصاية هى اللى بتنفع بجد ومن ساعة ما اتعملت قصة الكميرات ده وكلة محترم غصب عنة وبيقف قبل خط الاشارة كمان

استاذى// الكميرات شغالة وابقى خد بالك فعلا وده من اصحابى ظباط المرور

هما بيقولوا انها بتلقط مرتين اخر ثانية فى اللون الاخضر وهى بتقفل الاشارة ومرة والاشارة واقفة بتشوف حد متخطى الخط ولا لا زى اشارة جامعة الدول او اشارات وسط البلد

والله الاحترام مفيش احسن منة وبيسهل كتير على جميع الناس وبرضة كل الناس هتوصل

[dolly13]

والله انا باشوف ناس كتير ملتزمة ولكن تلاقى قلة قليلة مندسة ممكن تعمل هرجلة ولخبطة جامدة فى الشارع وللاسف ان الهرجلة معدية وفى لمح البصر تلاقى الشارع كله باظ واللى كان ملتزم بيقرر فجاة انه يساير الاحداث ويدخل السيرك من اوسع ابوابه

[MMamdouh]

مهى المشكلة ان السواد الاعظم من الناس مبتلتزمش الا لما تبقى العصاية موجودة

MMamdouh

[Samir Elshahawy]

مهى المشكلة ان السواد الاعظم من الناس مبتلتزمش الا لما تبقى العصاية موجودة

mmamdouh

علشان كده الدنيا بقت سواااااااد

[ahmedhilmy]

انا اولا مؤيد اني اغلب الشعب المصري علشان يمشي عدل لازم تيقى ماشي و راه بالعصاية و الامثلة كتير جدا و كلنا بنقابل كل يوم مئات منها مش عشرات الشعب ده عايز يتفور و يعاد تقويمه تاني المهم ........
بعد متابعة لوضوع الكاميرات ده اكتشفت ان مش كل الكاميرات بتصور ممكن تكون موجوده فعلا بس مش بتصور طيب حد يعرف يقولي ايه اللي بيخلي الكاميرا تصور اصلا يعني في لينك بينها و بين الخط الابيض اللي علي الارض في الحقيقة لأ .
اللينك بيبقي بين الكاميرات و ال( كات ايز ) اللي قبل الخط الابيض و لحظوا ساعة مبتكون الاشارة حمرا بتبقي عيون القطط دي منورة احمر خفيف و في حالة الاخضر نفس الوضع لما تيجي حضرتك تلمسها و هي لونها احمر دي بيدي الاذن للفلاش انه يضرب و الكاميرا تصور اما في حالة عدم و جود الكات ايز دول فالحقيقة ان الكاميرات دي مبتصورش حاجة خالص و ده اللي لاحظته من متبعتهم و اللي مش مصدق يجرب بنفسه بس ميزعلش مني (ههههههههه) من المخالفات و ابقولا لحظوا بنفسكم و ربنا يسترها علينا جميعا.

[MMamdouh]

ألكاميرا ملهاش علاقة بالكات ايز... الكاميرا اللى فى وسط البلد كانت بتصور قبل وجود الكات ايز

الكاميرات شغالة بproximity sensor زى بتاع الباركنج سينسور بالضبط... اول ما اى جسم يقرب من السينسور فى حدود مسافة معينة بيدى اشارة للكامير انها تلقط صورة

لاحظ اى اشارة فيها كاميرا حتلاقى 3 اجهزة... كاميرا و فلاش و proximity sensor

MMamdouh

[Karim_Monir]

طبعا بتصور
اول ماتركبت م 6 شهور واحد معرفة فاكرها تهريج وخد مخالفات ب 12 الف جنية
وبعد التظلم وكيل النيابة نزلهم ل 3 الالاف جنيه عشان شاف ان كلهم في مدة لا تتجاوز الساعة
كان بيلاعب بنته بفلاش الكاميرا الساعة 3 الفجر
عقول بيضاء بجد

[M_Nabil]

الميدان ده لسة ماتركبش فيه كاميرات هما راكبوا اشارات جديدة بس، مرة نازل بالليل متأخر وكانت اشارتي وواحد جى طاير بسرعة وكسر الاشارة لولا انى أخدت بالى في أخر لحظة كنا عملنا حادثة سينمائية

[م/مصطفى محمود]

أنا للأسف أتصورت يوم الخميس اللى فات (عند الأسعاف) ، كان فى واحد كابس ورايا ومعرفتش أفرمل كويس فأتصورت

طبعا بتصور
اول ماتركبت م 6 شهور واحد معرفة فاكرها تهريج وخد مخالفات ب 12 الف جنية
وبعد التظلم وكيل النيابة نزلهم ل 3 الالاف جنيه عشان شاف ان كلهم في مدة لا تتجاوز الساعة
كان بيلاعب بنته بفلاش الكاميرا الساعة 3 الفجر
عقول بيضاء بجد

كان يجيبلها بال 3 آلاف جنية شيكولاتة كانت هتفرح أكتر بكتيييير

[Omar.Shawki]

طيب انا لسه متصور فى روكسى اول امبارح يوم الجمعة وكنت ناسى حكاية الكاميرات دى خالص حتى كان فى واحد جنبى اتصور هو كمان ايه فيها مخالفة ولا هتعدى ولو فى هتبقى بكام ؟ربنا يستر

[ahmedhilmy]

ألكاميرا ملهاش علاقة بالكات ايز... الكاميرا اللى فى وسط البلد كانت بتصور قبل وجود الكات ايز

الكاميرات شغالة بproximity sensor زى بتاع الباركنج سينسور بالضبط... اول ما اى جسم يقرب من السينسور فى حدود مسافة معينة بيدى اشارة للكامير انها تلقط صورة

لاحظ اى اشارة فيها كاميرا حتلاقى 3 اجهزة... كاميرا و فلاش و proximity sensor

mmamdouh

اول ما قريت ردك يا ممدوح عيني نزلت علي اللي(
اللى ميعرفش... يقول هجس ) بس انا قلت علشان مشلش ذنب حد انها مجرد ملاحظات و مش مؤكدة

طبعا بتصور
اول ماتركبت م 6 شهور واحد معرفة فاكرها تهريج وخد مخالفات ب 12 الف جنية
وبعد التظلم وكيل النيابة نزلهم ل 3 الالاف جنيه عشان شاف ان كلهم في مدة لا تتجاوز الساعة
كان بيلاعب بنته بفلاش الكاميرا الساعة 3 الفجر
عقول بيضاء بجد

كده بقت مؤكده تماما متشكرين يا كريم باشا ناخد بلنا بقى

[MMamdouh]

اول ما قريت ردك يا ممدوح عيني نزلت علي اللي(
اللى ميعرفش... يقول هجس ) بس انا قلت علشان مشلش ذنب حد انها مجرد ملاحظات و مش مؤكدة

يا باشا مفيش اى مشاكل خالص... و التعليق بتاعى المقصود بيه الناس اللى بتقول حاجات غلط و بتصر على الغلط لمجرد انها مش عايزة تعترف انها غلط او اللى بتبقى عايزة تقول اى اجابة و خلاص من باب "انا افتى اذا انا موجود"

MMamdouh