مش ممكن كل الكمية دى من الحوادث

[mshaheen1]

انا متأكد ان 90% من اسباب الحوادث غباء بشري
10% بس سوء تخطيط طرق

اتفق معاك مليون فى المية
M.Osman

[Amrrr]

و ليه جرايد , لو حضرتك بتسافر كل يوم زي حالاتي كده هاتشوف مالايقل عن 3 أو 4 حوادث في كل مرة و كلها بسبب الاهمال و الرعونة في القيادة

وليه سفر ؟؟
انا كل يوم من مساكن شيراتون لمدينة نصر والعكس او بالليل جوة مصر الجديدة حوادث واكتر من نص الحوادث بتبقى شبه اللي في الطرق الصحراوية !!! يعني عربية متدمرة تماما متفهمشي جاب منين المسافة اللي يجري فيها بالسرعة اللي توصل العربية لكدة

[hema_hn]

ازاي يا بيه بس الارقام دي اشاعه وليست حقيقه ده قانون المرور الجديد اعاد النظام والانضباط الى الشوارع المصريه والكل بقى ملتزم والطرق بقت على اعلى مستوى من الامان والجوده والتخطيط حتى السيارات بقت مطابقه لوسائل الامان ... والله انا مش فاهم هم الشرطة ولا المرور هل بيبقى ليهم وظيفه غير ان يحرصوا على انضباط الطرق ومراقبه الشوارع من المتهورين والمخالفين وفرض العقوبات عليهم , يعني هما مثلا بيشتغلوا دكاتره ولا مهندسين ولا اي حاجة تانيه ومش عندهم وقت لاداء وظيفتهم ومهامهم الفعليه !!!!!!!!!!!!!!!! ربنا يستر طريقنا واخرجنا منها سالمين يا رررررررررررررررررررررب

+1111111111111111111

[ibrahimsaad]

بجد القياده فى مصر اصبحت من اخطر مايمكن

السواقين بتوع الاجره والمنقل قلبهم ميت وسواقتهم متهوره جدا

والسواقه كلها بالدراع دلوقت

انا بقالى 4 ايام باسافر من كفرالشيخ الى اسكندريه فى دوره شغل

وخلال ال 4 ايام اصابنى هول ماحدث

يوميا لايقل عن حادثتين على طريق مصر اسكندريه الزراعى

اول يوم سيارتين نقل واحدق مقلوبه والاخرى فى تصادم مع ميكروباص وكلاهما فى حاله يرثى لها والغريب فى الامر ان الاسعاف والشرطه اخر الناس حضورا

ثانى يوم سياره نصف نقل مقلوبه وسياره نقل كبيره بمقطوره

ثالث يوم سياره نقل كبيره هشمت سياره نقل جامبو بمن فيها وسوت الكابينه تماما ورأيت بنفسى من مات ومن هشم وجهه تماما وكان منظر يدمى القلب لدرجه ان الصوره لاتزال امام عينى للان

وسياره نقل اخرى مقلوبه

اليوم الرابع سياره نصف انقلبت على الطريق الزراعى واخرى دخلت فى شجره واحتضنتها تماما ولااعتقد انه نجى منها احد وهذه على طريق دمنهور

يعنى يوميا حادثتين على الاقل وهذا فقط على طريق واحد بمصر ولكم ان تتخيلوا باقى طرق مصر

بصراحه بدأت اشعر بالخوف والقلق واشعر اننى سوف اموت كلما خرجت رغم انى اقود كما يقول الكتاب ولكن لاأمن شر غيرى