بلطجة الشوارع .. لحد أمتي ؟؟

[MMamdouh]

الشارع منفعة عامة للكل و مينفعش حد يحتكر اى حتة سواء امام بيتة او امام محلة

و معنى كدة ان اللى يطلع بعربيتة من قدام بيتة ميركنش ابدا

MMamdouh

[Kazzaz]

mohabelnegm
أتفق معاك

[ashouhdy]

الشارع منفعة عامة للكل و مينفعش حد يحتكر اى حتة سواء امام بيتة او امام محلة

و معنى كدة ان اللى يطلع بعربيتة من قدام بيتة ميركنش ابدا

mmamdouh

+11111

[kh_talaat]

أنا ليا رأى أن أى حد ساكن فى مكان ليه الحق أنه يرجع من شغله و يركن عربيته تحت بيتة,,,حط نفسك مكانه,كل يوم ترجع من الشغل و ماتقدرش تركن تحت بيتك علشان حد غريب جاى يخلص مصلحة راكن تحت بيتك فى المكان اللى أنت بتركن فيه من سنين طويله....طول عمرى بقول لازم الواحد يحط نفسه مكان الشخص اللى قدامة و هن هانقدر نتسامح و ماتوصلش ألأمور لدرجة الزعيق و الخناق.

هنا مربط الفرس ... !!!

صدقني حضرتك المبدأ دا غير صحيح لأن لو سلمنا بصحته يبقى اي صاحب سيارة مش من حقه يركن عربيته الا تحت بيته فقط

يعني حضرتك لما تكون في زيارة لقريب او رايح لعيادة دكتور او رايح تخلص اي مصلحة مش من حقك تركن تحت بيوت الناس لان دة شارعهم وعربياتهم اولى بالركن !!!!

تفتكر دة كلام مظبوط .... ؟؟؟

الشارع منفعة عامه حتى امام عمارتك او فيلتك او شقتك أو محلك

[Samir Elshahawy]

أنا ليا رأى أن أى حد ساكن فى مكان ليه الحق أنه يرجع من شغله و يركن عربيته تحت بيتة,,,حط نفسك مكانه,كل يوم ترجع من الشغل و ماتقدرش تركن تحت بيتك علشان حد غريب جاى يخلص مصلحة راكن تحت بيتك فى المكان اللى أنت بتركن فيه من سنين طويله....طول عمرى بقول لازم الواحد يحط نفسه مكان الشخص اللى قدامة و هن هانقدر نتسامح و ماتوصلش ألأمور لدرجة الزعيق و الخناق

يكون إستعمال الطرق أيا كانت طبيعتها فى المرور على الوجه الذى لا يعرض الأرواح أو الأموال للخطر أو يؤدى إلى الإخلال بأمن الطريق أو يعطل أو يعوق إستعمال الغير له ، أو يقلق الراحة أو يضر بالبيئة

ده مش كلامي ده كلام القانون و العقوبات واضحة و سبق ان ذكرتها :
- الحبس لمدة تصل الي 6 شهور أو غرامة مالية تصل ال 1500 جنيه

[Khalid_Mostafa]

أنا ليا رأى أن أى حد ساكن فى مكان ليه الحق أنه يرجع من شغله و يركن عربيته تحت بيتة,,,حط نفسك مكانه,كل يوم ترجع من الشغل و ماتقدرش تركن تحت بيتك علشان حد غريب جاى يخلص مصلحة راكن تحت بيتك فى المكان اللى أنت بتركن فيه من سنين طويله....طول عمرى بقول لازم الواحد يحط نفسه مكان الشخص اللى قدامة و هن هانقدر نتسامح و ماتوصلش ألأمور لدرجة الزعيق و الخناق.

طب انا حسلم بالمنطق ده مع اني مش موافق عليه...ممكن تقلي حضرتك لو عماره فيها 4 ادوار فقط و الدور علي شقتين ...يعني 8 عائلات بـ8 عربيات علي الأقل
ممكن تقلي حضرتك الرصيف الي تحت البيت يأخد كام عربية ...بالكتير قوي 4 عربيات...طب و الـ 4 عربيات التانيين يروحوا فين بقي ؟؟؟

[mohabelnegm]

هنا مربط الفرس ... !!!

صدقني حضرتك المبدأ دا غير صحيح لأن لو سلمنا بصحته يبقى اي صاحب سيارة مش من حقه يركن عربيته الا تحت بيته فقط

يعني حضرتك لما تكون في زيارة لقريب او رايح لعيادة دكتور او رايح تخلص اي مصلحة مش من حقك تركن تحت بيوت الناس لان دة شارعهم وعربياتهم اولى بالركن !!!!

تفتكر دة كلام مظبوط .... ؟؟؟

الشارع منفعة عامه حتى امام عمارتك او فيلتك او شقتك أو محلك

أنا لما بروح أى مكان و عايز أركن و خصوصا فى ألأماكن اللى بيكون فيها أزمه فى الركن لو قدام فيلا أو بيت و الله بدور على حارس أو حد صاحب محل و ببلغه أنى صاحب العربية دى و أنى هاركن لمدة قد كدة و لو فى حاجة أنا موجود فى المكان الفلانى(و دى هى ألأصول). الكلمة الكويسة بتلين الحديد زى ما بيقولوا.... و زى ما قلت قبل كدة نحط نفسنا مكان الطرف التانى...يعنى أى حد من ألأخوة اللى بيعترضوا لو حط نفسه فى مكان الطرف التانى أعتقد هيراجع نفسه تانى,لأن مفيش أسوأمن أنك تروح بيتك و تلاقى نفسك عمال تلف و تروح و تيجى و مش قادر تركن علشان تطلع بيتك. أعتقد أن من أبسط حقوقى أنى لو ساكن فى مكان عشرين أو تلاتين سنه أنى أركن عربيتى تحت بيتى اللى أنا زارع جنبيه شجر بسقيه و معتنى بيه و بنضف حواليه .
الشارع اللى هو الشارع دة ملكيه عامة و كل واحد يركن فيه براحته...أنما أنى أجى فى منطقة سكنيه صرف و أسيب عربيتى بدون أى أعتبار للناس اللى ساكنه فى الفيلا أو العمارة و أقول أن دة حقى...! دة يبقى مش مظبوط.

[Khalid_Mostafa]

أنا لما بروح أى مكان و عايز أركن و خصوصا فى ألأماكن اللى بيكون فيها أزمه فى الركن لو قدام فيلا أو بيت و الله بدور على حارس أو حد صاحب محل و ببلغه أنى صاحب العربية دى و أنى هاركن لمدة قد كدة و لو فى حاجة أنا موجود فى المكان الفلانى(و دى هى ألأصول). الكلمة الكويسة بتلين الحديد زى ما بيقولوا.... و زى ما قلت قبل كدة نحط نفسنا مكان الطرف التانى...يعنى أى حد من ألأخوة اللى بيعترضوا لو حط نفسه فى مكان الطرف التانى أعتقد هيراجع نفسه تانى,لأن مفيش أسوأمن أنك تروح بيتك و تلاقى نفسك عمال تلف و تروح و تيجى و مش قادر تركن علشان تطلع بيتك. أعتقد أن من أبسط حقوقى أنى لو ساكن فى مكان عشرين أو تلاتين سنه أنى أركن عربيتى تحت بيتى اللى أنا زارع جنبيه شجر بسقيه و معتنى بيه و بنضف حواليه .
الشارع اللى هو الشارع دة ملكيه عامة و كل واحد يركن فيه براحته...أنما أنى أجى فى منطقة سكنيه صرف و أسيب عربيتى بدون أى أعتبار للناس اللى ساكنه فى الفيلا أو العمارة و أقول أن دة حقى...! دة يبقى مش مظبوط.

بصراحة منطق عجيب شويه و حضرتك بتفترض انك بتيجي تلاقي المكان فاضي مش محجوز بزرع او طوبة وبدور علي حارس عشان تبلغه!!!
بمجرد متعمل ده حتلاقي الراجل استضعفك وقلك مينفعش او عرف انك زبون وحيحاول يطلع منك فلوس...ود بيجراه انه يعمل نفس الكلام مع الي بعدك وهكذا ...وبعدين نرجع نشتكي من سلوكيات البلطجية و قطاع الطرق واحنا الي بندربهم علي كده

[mohabelnegm]

بصراحة منطق عجيب شويه و حضرتك بتفترض انك بتيجي تلاقي المكان فاضي مش محجوز بزرع او طوبة وبدور علي حارس عشان تبلغه!!!
بمجرد متعمل ده حتلاقي الراجل استضعفك وقلك مينفعش او عرف انك زبون وحيحاول يطلع منك فلوس...ود بيجراه انه يعمل نفس الكلام مع الي بعدك وهكذا ...وبعدين نرجع نشتكي من سلوكيات البلطجية و قطاع الطرق واحنا الي بندربهم علي كده

على فكرة ..أنا ضد موضوع المنادى "التلح" "العواطلى"اللى واقف مابيعملش حاجة و يقولك كل سنه و أنت طيب و دول بتعامل معاهم بمنتهى قله الزوق و الجليطة و عمرى ما بديهم حاجة لأن دى المعاملة اللى يستحقوها و دول اللى الناس لازم ياخدوا موقف منهم مش من أصحاب البيوت .

[ashouhdy]

الى mohabelnegm يعنى انت مع المنظر دة حق اية بس اللى انت جى تقول علية


By ashouhdy1 at 2010-07-25


By ashouhdy1 at 2010-07-25


أنا حجيب رقم البيت و ابعت الشكوى واللى يحصل يحصل يالا

[Car's Sniper]

ادفس عود كبريت خشب فى فتحة المفتاح بتاع القفل و اكسر طرفة بحيث ميعرفش يطلعة تانى

MMamdouh

الله على الاجرام...استاااااااذ
حضرتك تعرف محى الشرقاوى يابشمهندس ؟؟

انا قررت اول ماشوف حد عامل اقفال هابوظهالوا حتى لو مش هاركن...عشان يحرم
تلمييييذك

[Donzi]

طيب سؤال لسكان فيصل تحديدا ... بتركن عربيتك فين؟!!!!
1- امام المنزل
2- شارع فيصل الرئيسى
3- جراج خاص
4- جراج عمومى

انا عن نفسى لقيت الحل جراج عمومى قريب من البيت والحمد لله.

انا و اخويا كنا بنركن قدام البيت مع العلم ان الركنة عندنا عمودي و قدام البيت مايخدش اكتر من 3 عربيات عمودي و بعد شوية الجيران اللي تحتينا و اللي فوقينا جابو عربيات و البيت اللي جنبنا بدل ما كانو عربيتين بقو خمسة و طبعا حصلت ازمة و كل يوم واحد يتخانق عشان دة مكانه و مش عاوز حد يركن فيه منهم سواق تاكسي مصمم يركن تحت شباكهو عشان قال ايه يبص على العربية - دة على اساس انه بينام مفتح في الشباك - المهم اخويا قرر يركنها في الجراج بعد العلامة بتاعة عربيته ما اتسرقت و انا بركن تحت البيت بالعفية و ساعت بركن الناحية التانية لما مش بلاقي مكان

و المستفز جدا ان في واحد جارنا في البيت اللي قبلينا و هو كمان صاحب البيت بيسيب قدام بوابته فاضي و يجي يركن قدام بيتنا و كمااااااااان يطلع العربية على الرصيف لحد ما بلاط الرصيف اتكسر و قلناله و مفيش فايدة يا اما هو بيركن يا اما مرات حضرتو تركن و احنا نتفلق فا قررنا نعلي الرصيف عشان يبطل يطلع العربية عليه

الشارع منفعة عامة للكل و مينفعش حد يحتكر اى حتة سواء امام بيتة او امام محلة

و معنى كدة ان اللى يطلع بعربيتة من قدام بيتة ميركنش ابدا

MMamdouh

+111111111

[D . a .\ AYMAN]

معلش يا جماعة مع احترامي للجميع أنا لا أؤيد فكرة المساس بسيارات الغير حتى ولو كانوا مخطئين فليس صحيح معالجة الخطأ بخطأ وكلنا عندنا عربيات وبنخاف عليها

لكن في مسأله قفل الجنزير (عود الكبريت او الأمير) فدة تمام قوي وميأذيش العربية لكن في نفس الوقت يعتبر رادع لبعض الناس اللي تخاف متختشيش

أنا متفق مع حضرتك تماما في رأيك وكنت عايز أقوله

لأن حتى لو هما غلطوا .. لو أنا غلطت أنا كمان يبقى بحط نفسي تحت طائلة العقاب وبقيت زيي زي اللى غلط قبل مني ومافيش فرق بيني وبينه ... وبعدين ماهي دي جنحة إتلاف ممتلكات الغير .. هل أنا لو إتمسكت متلبس وأنا بعمل كده من شوية بوابين أو حراس أمن هايبقى كويس لما آخد حبس أو غرامة فيها على فرض بقى إنهم مشوها قانوني

أنا ليا رأى أن أى حد ساكن فى مكان ليه الحق أنه يرجع من شغله و يركن عربيته تحت بيتة,,,حط نفسك مكانه,كل يوم ترجع من الشغل و ماتقدرش تركن تحت بيتك علشان حد غريب جاى يخلص مصلحة راكن تحت بيتك فى المكان اللى أنت بتركن فيه من سنين طويله....طول عمرى بقول لازم الواحد يحط نفسه مكان الشخص اللى قدامة و هن هانقدر نتسامح و ماتوصلش ألأمور لدرجة الزعيق و الخناق.

وليه حضرتك ماتحطش نفسك مكان اللى بيلف يدور على مكان فاضي ومش لاقي في حين إن قدامه أكتر من مكان ولكن محجوزين بالشكل ده ولو جه يركن يلاقي شوية بوابين شوية شوية هايمسكوه يضربوه لو قدروا .. ياترى شعور حضرتك هايبقى عامل إزاي

وبعدين ما هو اللى مبوظ البلد اللى إحنا فيها إنها ماشية بالعرف اللى كان من أيام الفراعنة لغاية دلوقتي وماشية بالعشم والعوض والذوق اللى حتى الناس مش فاهة معناه

الذوق معناه إني أعدي من الشارع وأسيب غيري يعدي ... مش أعدي وأدق خازوق عشان ما حدش يعدي غيري لأن ... أنا مولود ومتربي في الحتة دي وإنتوا ولاد ..... بره ومش متربيين ...... هنا

وبعدين ليه المنطق بتاع حضرتك لا يتم تطبيقه في أي بلد تانية في العالم سواء مزدحم أو غير مزدحم متقدم أو متخلف حتى على فرض صحته لكن لأ دا فقط في مصر

شرعا وقانونا لا يجوز إشغال الطريق بما يمنع إستخدام ومرور الآخرين منه بكل يسر وسهولة ودون أذى

قانونا زميلنا الفاضل المهندس سمير وضحها

أما شرعا ... فهذا إقتباس من كتاب صحيح مسلم .. والحديث مروي في البخاري وكذلك مسند الإمام أحمد وسنن الترمذي

باب النهي عن الجلوس في الطرقات، وإعطاء الطريق حقه
*حدّثني سُوَيْدُ بْنُ سَعِيدٍ. حَدّثَنِي حَفْصُ بْنُ مَيْسَرَةَ عَنْ زَيْدِ بْنِ أَسْلَمَ، عَنْ عَطَاءِ بْنِ يَسَارٍ، عَنْ أَبِي سَعِيدٍ الْخُدْرِيّ، عَنِ النّبِيّ صلى الله عليه وسلم قَالَ "إِيّاكُمْ وَالْجُلُوسَ فِي الطّرُقَاتِ" قَالُوا: يَا رَسُولَ اللّهِ مَا لَنَا بُدّ مِنْ مَجَالِسِنَا. نَتَحَدّثُ فِيهَا. قَالَ رَسُولُ اللّهِ صلى الله عليه وسلم "فَإِذَا أَبَيْتُمْ إِلاّ الْمَجْلِسَ، فَأَعْطُوا الطّرِيقَ حَقّهُ" قَالُوا: وَمَا حَقّهُ؟ قَالَ "غَضّ الْبَصَرِ، وَكَفّ الأَذَىَ، وَرَدّ السّلاَمِ، وَالأَمْرُ بِالْمَعْرُوفِ، وَالنّهْيُ عَنِ الْمُنْكَرِ".
وحدّثناه يَحْيَى بْنُ يَحْيَىَ. أَخْبَرَنَا عَبْدُ الْعَزِيزِ بْنُ مُحَمّدٍ الْمَدَنِيّ. ح وَحَدّثَنَاهُ مُحَمّدُ بْنُ رَافِعٍ. حَدّثَنَا ابْنُ أَبِي فُدَيْكٍ. أَخْبَرَنَا هِشَامٌ (يَعْنِي ابْنَ سَعْدٍ). كِلاَهُمَا عَنْ زَيْدِ بْنِ أَسْلَمَ ، بِهَذَا الإِسْنَادِ، مِثْلَهُ.
قوله صلى الله عليه وسلم: "إياكم والجلوس في الطرقات قالوا يا رسول الله ما لنا بد من مجالسنا نتحدث فيها قال فإذا أبيتم إلا المجلس فأعطوا الطريق حقه قالوا وما حقه؟ قال: غض البصر وكف الأذى ورد السلام والأمر بالمعروف والنهي عن المنكر" هذا الحديث كثير الفوائد وهو من الأحاديث الجامعة وأحكامه ظاهرة، وينبغي أن يجتنب الجلوس في الطرقات لهذا الحديث،ويدخل في كف الأذى اجتناب الغيبة وظن السوء وإحقار بعض المارين وتضييق الطريق، وكذا إذا كان القاعدون ممن يهابهم المارون أو يخافون منهم ويمتنعون من المرور في أشغالهم بسبب ذلك لكونهم لا يجدون طريقاً إلا ذلك الموضع.

[د.محمود صلاح]

كل الكلام ده غير الجماعة اللي بدون شغله ولا مشغلة غير في الإسترزاق من ركن العربيات ( السايس )

[Evo]

يا جماعة مع احترامي لكل الاراء لكن أنا ليَّ رأي مخالف شوية

هو أنا مش من حقي إني اضمن مكان وإتنين امام الفيلا بتاعتي إذا مكنش عندي جراج داخلي دي فيلا خاصة يعني ليها خصوصية عن العمارة والمفروض أركن عربيتي قدامها !

يعني مش محل أو مكان عام هنقول محدش يحتكر البارك

ومتنسوش إنه لما كان بيبني الفيلا سايب كذا متر من الارض اللي دفع فلوسها علشان الشارع والرصيف يعني قانونا الرصيف ده ملك ليه أساسا