هي خبطة العربية دي حاجة عادية؟

[r0xer]

لسة من يومين كنت عند مطلع أكتوبر اللي في التحرير و الطريق واقف طبعاً.. و المفاجئة السعيدة واحد لذيذ راكب نص نقل و راح مكمل في الباب اليمين.. الباب أتجرح و شكله بقى مشوه و البيه قاعد في عربيته مولع سجارته و لا كأنه عمل حاجة...

الواحد بيفكر يسافر تاني برة مش عشان القرش زي زمان...لكن عشان يترحم من السواقة هنا!!

[tamohsen]

العربيه اللي معايا شارينها من سنه ونص
لغايه دلوقتي اتخبطت واتجرحت واتخدشت حوالي 9 مرات
منهم 8 مرات وهي مركونه
مع اني مشاويري قليله ودايما بركن صف اول

الخسائر : خبطه البابين جهه اليمين
2 خبطه في الاكصدام الخلفي
كسر زجاج الفانوس الخلفي الايمن
ترييحه علي الاكصدام الامامي
2 عدد فن تشكيلي علي الكبوت الامامي والرفرف الايسر
حكه بالباب الايسر

بجد بقي عندي مرض نفسي قبل ماركب العربيه كل مره لازم الف حواليها مرتين تلاته لحصر الخسائر

[Khalid_Mostafa]

الخبطات و الخرابيش و الحاجات دي زي ادوار البرد كده...لازم تجيلك و مش ممكن حتعرفي تهربي منه حتي لو مشترتيش عربيه اساساً :) :) :)

[Goodle]

طيب يا جماعة.. الله يبشركوا بالخير :o

حد في الموضوع ده عنده كلمة حلوة يقولها قبل ما ننزل بالتتر؟

أنتوا بقى كلمكم بتشتكوا إن العربية بتكون واقفة وعربية تانية تخبطها :)

أنا هاحكلكوا على اللي حصل لزميلي في الشغل.. الراجل بيسافر وسايب عربيته مركونة قدام باب العمارة (فيها بواب).

والشارع بتاعهم اتجاهين وبجزيرة صغيرة في النص.. المهم أول الشارع مرتفع عن المنطقة اللي فيها عمارة زميلي.

هناك في أول الشارع على الاتجاه التاني عمارة راكنة قدامها عربية لادا قديمة..

أنا بكرر إن العربية اللادا على الاتجاه التاني من الشارع (أبو جزيرة صغيرة) وهي واقفة في المنطقة العالية من الشارع.

يرجع الباشا زميلي يلاقي البواب بيقابله من قبل العمارة ب20 أو 30 متر ويحكيله عربيته اتخبطت إزاي :)

العربية اللادا (الواقفة) فراملها سابت ونزلت مع انحدار الشارع، عدت الجزيرة وخرجت الاتجاه التاني واخدت العربية اللانوس وش في وش..

طبعا صاحب اللادا قعد يعتذر لزميلي وزميلي طبعا مش عارف يقول أي حاجة.. الراجل مالوش ذنب.

شوفتوا جمال اكتر من كده ؟؟ أهو العربيتين كانوا واقفين. :)

أظن مفيش احسن من كده ختام للموضوع ده ولا حد عند رأي ؟؟؟ :)

[FLYINGPEUGEOT]

ياباشا دى حاجه طبيعيه فى شوارعنا المصريه
عشان كده الناس بقى عندهم خبط العربيه او خدشها دا شىء عادى عشان لو حطيت الموضوع ده فى دماغك هتعملك جنايه كل يوم
كفايه سواقين الميكروباص والعيال بنت ال ....
اللى بتمشى بالمفكات والمفاتيح
وتاخدلك العربيه من اولها لاخرها
وسدءنى فى مصر حتى لو دخلت العربيه جوه الشقه هتلاقى واحد بيخبط عليك
يخش يخبطلك العربيه وينزل:d
دا لو منزلوش العربيات المواصفات المصريه مخبوطه جاهزه
مع كام خربوش فى البيبان:d

[OlaOsman]

أنتوا بقى كلمكم بتشتكوا إن العربية بتكون واقفة وعربية تانية تخبطها :)

أنا هاحكلكوا على اللي حصل لزميلي في الشغل.. الراجل بيسافر وسايب عربيته مركونة قدام باب العمارة (فيها بواب).

والشارع بتاعهم اتجاهين وبجزيرة صغيرة في النص.. المهم أول الشارع مرتفع عن المنطقة اللي فيها عمارة زميلي.

هناك في أول الشارع على الاتجاه التاني عمارة راكنة قدامها عربية لادا قديمة..

أنا بكرر إن العربية اللادا على الاتجاه التاني من الشارع (أبو جزيرة صغيرة) وهي واقفة في المنطقة العالية من الشارع.

يرجع الباشا زميلي يلاقي البواب بيقابله من قبل العمارة ب20 أو 30 متر ويحكيله عربيته اتخبطت إزاي :)

العربية اللادا (الواقفة) فراملها سابت ونزلت مع انحدار الشارع، عدت الجزيرة وخرجت الاتجاه التاني واخدت العربية اللانوس وش في وش..

طبعا صاحب اللادا قعد يعتذر لزميلي وزميلي طبعا مش عارف يقول أي حاجة.. الراجل مالوش ذنب.

شوفتوا جمال اكتر من كده ؟؟ أهو العربيتين كانوا واقفين. :)

أظن مفيش احسن من كده ختام للموضوع ده ولا حد عند رأي ؟؟؟ :)

لأ دي بأه جديدة

[Goodle]

لأ دي بأه جديدة

والله قعد يحكيلي القصة دي وانا باضحك لحد ما بطني وجعتني من كتر الضحك

[knightmido]

الخبطات دى اقدار لازم الواحد يتعرض لها .. خللو بالكو تقدرو تفكرو ان دى فلوس رزق اللى هيصلح العربية ربنا با عتهاله معاكو .. لازم توصلو زى ما ربنا رزق بالعربية وهكذا

[marsguy]

هو ليه مافيش عربيه من غير دهان؟

يعني ليه ما يعملوش عربيه ألومنيوم من غير دهان، زي الحلل كده مثلاً :)

وممكن يعملوا دهان شفاف زي المانيكير الشفاف عشان بس يحمي جسم العربيه من الصدأ

وبكده الطفل الفنان التجريدي المتأثر بحقبة الفن المسماري هايفقد إهتمامه بالرسم على العربيات عشان فنه مش هايكون واضح للعيان

وممكن يطلع فنانين جدد بيرسموا بالإسبراي مثلاً أو بينحتوا على العربيه بالشواكيش على البارد وعلى السخن :)

[fiatmomo]

هو ليه مافيش عربيه من غير دهان؟

يعني ليه ما يعملوش عربيه ألومنيوم من غير دهان، زي الحلل كده مثلاً :)

فى حضرتك .. مين قال مافيش !!

فى عربية اسمها دى لوريان De Lorean DMC-12

العربية دية الهيكل الخارجى بتاعها مصنوع من الاستنلس استيل ( المانع للصدأ ) ومش مدهونه ... يعنى لونا لون الاستنلس :).. وهية عربية امريكية الصنع وبدأ تصنيعها سنة 1981 .... كل محبين وعشاق فيلم العودة الى المستقبل( وانا منهم ) مستحيل ينسو العربيه دية .

كفاية ان تصميها كان سابق عصره ب20 سنة تقريبا .. علاشان الواحد ماينساهاش

وانا صغير كنت بحلم بالعربية دية اساسا من كتر حبى لفيلم العودة الى المستقبل Back to the future . ( اكتر فليلم اتفرجت علية بشكل متكرر فى حياتى ) .:D

http://en.wikipedia.org/wiki/DeLorean_DMC-12

راجع اللينك دة حتلاقى معلومات شيقة جداااااااااااااا عن العربية الغريبة الجميلة التحفة دية .;)

[MoToRiZeR]

امبارح و انا بجاهد في جامعة الدول لمدة ساعة و ربع عشان الف و اخش عند بنزينة موبيل on the run اللي قدام فندق اطلس .. كنت شايف في المرايا اليمين حاجة كبيرة كدة داخلة عليا .. و عمالة بتقرب .. بتقرب .. و هتشيل المرايا !! رحت ناطط من عالكرسي بحاول انقذها لأن مينفعش اتحرك ادامي عربية .. للأسف علي بال ما وصلتلها كان السواق بتاع الاوتوبيس سلم عليها و حكها الله ينور .. و كانت هذه هي القشة .. يعني شكمانات .. و كلاكسات .. و زحمة .. و مش عارف اخرج ولا حتي اروح بيتنا .. و كمان اوتوبيس !!! رحت نازل شاتمه .. قام طلعلي و علي وشه ضحكة واصلة لغاية ودنه .. و قاللي رد جابلي كل الأمراض المستعصية ..

"يا بيه هو فيه حد بيفتح المرايا اليمين !"

و بعد ما خلصت الخناقة فضلت متعكنن لأن ماشي ادامي و في جنب الاوتوبيس خط احمر من الدهان بتاع عربيتي !!

انا مش قادر يا جماعة ..
حاسس ان نهايتي هتكون في سواق مستفز انزل اقتله فا اتسجن بقية حياتي
يا اما هيرد عليا رد من الردود اللي تجيب سكتة قلبية فا اروح فيها

[moudy2002]

ياه كل الخبطات دة حصلت ليكو ..
الحمد لله انى اتخبت مرة واحدة بس وكانت سليمة
اشارة نادى السكة على الاتوستراد الطريق واقف اصلا فالمهم انا كمان وقفت وهب لمحت شاب امور كدة وراكب جنبة سنيورة وفى حالة هيام خالص . وداخل خلاص عليا من كتر صدمة السرعة الى جاى بيها تنحت فى المريا ودييييييب لابس فيها .. المهم جات فى الاكصدم نزلت وانا فى دمغى انى مش هقولة اعمل محضر وكلام من دة انا هضربة بنوية فى وشه علشان السنيورة الى جنبة تفرح بية .. بس تقريبا الامور شاف الغدر فى عينى ولاقيتة بيقلى قبل ما تكلم انا غلطان وهعمل الى انت هتقول علية . بس يا خسارة ملقتش حاجة خالص فى الاكصدام قلتلة روح يا عم وعلشان خاطر ربنا خد بالك .
قلت الحمد الله انا فعلا محظوظ ان العربيه محصلهاش حاجة برغم من شدة الخبطة ..

بعديها بيومين لاقيت واحد والعربية ركنها قدام العمارة جايب مطوة وقاطع فرديتن الكويتش اليمين
قطع حوالى 6 سم يعنى متصلاحش تانى ..
حسبى الله ونعم الوكيل فيكى يا بلد

[OlaOsman]

بعديها بيومين لاقيت واحد والعربية ركنها قدام العمارة جايب مطوة وقاطع فرديتن الكويتش اليمين
قطع حوالى 6 سم يعنى متصلاحش تانى ..
حسبى الله ونعم الوكيل فيكى يا بلد

طيب ليه الأذى ده؟

ليه بجد حب الإيذاء الشديد ده؟؟

انا عايزة اعرف هو استفاد ايه دلوقتي؟

[fiatmomo]

و قاللي رد جابلي كل الأمراض المستعصية ..

"يا بيه هو فيه حد بيفتح المرايا اليمين !"

و بعد ما خلصت الخناقة فضلت متعكنن لأن ماشي ادامي و في جنب الاوتوبيس خط احمر من الدهان بتاع عربيتي !!

انا مش قادر يا جماعة ..
حاسس ان نهايتي هتكون في سواق مستفز انزل اقتله فا اتسجن بقية حياتي
يا اما هيرد عليا رد من الردود اللي تجيب سكتة قلبية فا اروح فيها

اااااااااااه علاشان كدة بقى كل ما حد يخبطلى المراية اليمين او الشمال ... يبصلى بقرف علاشان انا فاتحهم !!!!! ممممممممممممم طيب فل جدا ده انا طلعت غلطان و مش عارف قوانين المرور:o

حاسس ان نهايتي هتكون في سواق مستفز انزل اقتله فا اتسجن بقية حياتي

انا حاسس ان ديه نهايتى انا كمان ... حنزل فى مره اضرب سواق على دماغه واطلع فيه الكبت الى جوايا لغاية مايموت .. وبما انى كدة كدة حتحبس حوقف كام ميكروباص واقتل سواقينهم بالمره ... منا رايح رايح بقى ... يبقى اريح البلد من 7 ولا 8 ...:D

[Mido80]

انا بقي كنت في اجازة في مصر وكنت ماجر عربية دايو لانوس. المهم وانا رايح بيها مشوارلقيت واحد بتاع ميكروباص قافل الطريق امامي وعمال ينزل ناس ويطلع ناس وانا كنت مستعجل. المهم بالعفية علي ما عرفت افوت منة وبعدين وصلنا لاخر الشارع وبعد كدة فية اتجاهين يمين وشمال وانا باستعد للدخول في الاتجاة اليمين افجئ بسعادة البية خبط العربية من الاكسدام الخلفي. بصراحة ما استحملتش يا جماعة ورحت نازل واكلة بوكسين في بوزة و5 6 اقلام علي وشة ورحت فاتح الباب بتاعة ومنزل وهاتك يا ضرب. المهم انا عرفتة اني ظابط شرطة. الواد فضل يعيط ويقولي يا باشا انا اسف اضربني كما بس ما تسحبش مني الرخص. طبعا انا في باسلوب الظباط باقولة " فين رخصك يالة" المهم الناس اللي في العربية الميكروباس اتاسفولي وقالولي معلش وسامحة يا باشا. رحت راكب العربية وماش واضطريت اصلحها علي حسابي. بس مانسيتش قبل ما امشي اخد النمر بتاعتة عشان اكمل الدور....