Tweet
سؤال لولبى
بم انى كنت فى اسكندرية حوالى اسبوعين تحديدا فى العجمى
ليه الاسكندرانية(الشباب - المكروباص-التاكسى-التريلات) مابيعرفوش يسوقوا
انا كنت بتريق على بتوع مصر لا والله دول نعمة
تلاقى الواد بتاع التمناية واقف وراك هاريك كلاكس مش عارف مستنى ايه تقريبا مستنى تدوس على الزرار اللى يخليك تنط فوق اللى قدامك
و لا بتوع جميع انواع مركبات الاجرة اللى بيكسر عليك حتى لو كنت سابقه
لو حد فيكم يعرف البيطاش فى وقت الذروة و يعرف شكل العربيات بتبقى ازاى بالذات قصاد مدخل بيانكى
اتفرج العربيات بتمشى ازاى -تصحيح-بتنط ازاى تبقى بتقول هانت هاتمشى تلاقى شاب من دول طالع و مد بوزه و فاكس الشعب و يقفلها تانى بس الباشا يعدى الاول و معظمهم ملاكى اسكندرية نمر سودا او نمر جديدة عليها نسر
ولا على الكورنيش قمة التخطيط الهندسى الرائع الحارة فى الطوالى واسعة عند الملفات تضيق ولا الشباب اللذيذ اللى بياخد اليوترنات بالهاند شفت واحد عملها و كان هايلبس فى اللى كان بيلف معاه
على الكورنيش سباقات فورميلا وان و الغريب انها عربيات ماينفعش تجرى لادا فرنا 128 بجنط طبعا فى عربيات عاليا برضو
ولا تلاقى عربية من السابق ذكرهم ماشية فى الحارة بتاعت اليوتيرن و مايكونش عايز يلف و يروح رامى عليك من غير اشارة عشان مايلبسش فى البتاعة اللى فى الارض مش عارف اسمها ايه
فى طريق الساحل تلاقى الواد بتاع البى ام ماشى 180 اقل واجب و ياخد الغرزة من هنا تبص تلاقى البى ام بتلعب من ورا تبص على النمر تلاقيها اسكندرية
هو فى ايه مع ان اسكندرية اكتر مدينة شفت فيها تنظيم مرورى فى الجمهورية بعد شرم
الرخصة فى اسكندرية بالذات لازم تبقى من 21 سنة و اى حد سايق تمناية او مكروباص او التريلات بتوع الماكس مايسوقش تانى
اسكندرية مدينة جميلة جدا
ناسها كويسين
سواقينها وحشين
فى النهاية لكل قاعدة شواذ
بم انى كنت فى اسكندرية حوالى اسبوعين تحديدا فى العجمى
ليه الاسكندرانية(الشباب - المكروباص-التاكسى-التريلات) مابيعرفوش يسوقوا
انا كنت بتريق على بتوع مصر لا والله دول نعمة
تلاقى الواد بتاع التمناية واقف وراك هاريك كلاكس مش عارف مستنى ايه تقريبا مستنى تدوس على الزرار اللى يخليك تنط فوق اللى قدامك
و لا بتوع جميع انواع مركبات الاجرة اللى بيكسر عليك حتى لو كنت سابقه
لو حد فيكم يعرف البيطاش فى وقت الذروة و يعرف شكل العربيات بتبقى ازاى بالذات قصاد مدخل بيانكى
اتفرج العربيات بتمشى ازاى -تصحيح-بتنط ازاى تبقى بتقول هانت هاتمشى تلاقى شاب من دول طالع و مد بوزه و فاكس الشعب و يقفلها تانى بس الباشا يعدى الاول و معظمهم ملاكى اسكندرية نمر سودا او نمر جديدة عليها نسر
ولا على الكورنيش قمة التخطيط الهندسى الرائع الحارة فى الطوالى واسعة عند الملفات تضيق ولا الشباب اللذيذ اللى بياخد اليوترنات بالهاند شفت واحد عملها و كان هايلبس فى اللى كان بيلف معاه
على الكورنيش سباقات فورميلا وان و الغريب انها عربيات ماينفعش تجرى لادا فرنا 128 بجنط طبعا فى عربيات عاليا برضو
ولا تلاقى عربية من السابق ذكرهم ماشية فى الحارة بتاعت اليوتيرن و مايكونش عايز يلف و يروح رامى عليك من غير اشارة عشان مايلبسش فى البتاعة اللى فى الارض مش عارف اسمها ايه
فى طريق الساحل تلاقى الواد بتاع البى ام ماشى 180 اقل واجب و ياخد الغرزة من هنا تبص تلاقى البى ام بتلعب من ورا تبص على النمر تلاقيها اسكندرية
هو فى ايه مع ان اسكندرية اكتر مدينة شفت فيها تنظيم مرورى فى الجمهورية بعد شرم
الرخصة فى اسكندرية بالذات لازم تبقى من 21 سنة و اى حد سايق تمناية او مكروباص او التريلات بتوع الماكس مايسوقش تانى
اسكندرية مدينة جميلة جدا
ناسها كويسين
سواقينها وحشين
فى النهاية لكل قاعدة شواذ
Comment