عذاب السواقة فى اسكندرية

[medo2o1o]

انا بسمع الكلام ده من ناس كتير في القاهرة ...بس تعال اسكندرية واقعد مع الإسكندرانية و شوف بيقولوا ايه علي السواقة في القاهرة .....انا عن نفسي في القاهرة راكن العربية و بركب المواصلات العامة

وبصراحة الظواهر بتاعت السباقات و اليوترن بالهند شفت دي مشفتاش بصراحة في إسكندرية حتي في الفجر (انا بنزل علي الكورنيش في الفجر كتير)

بالنسبة لبتوع الميكروباصات و ما شابه فدول معاك حق فيهم ولكن دي ظاهرة عامة حتي في القاهرة كمان

بس حاجه واحده مش فاهمها .....ليه العربيات الي ذكرتها متنفعش تجري ؟؟؟ وبالتحديد الفرنا ...يا راجل دي معروف عنها انها جراية حتي

والله ماقصدى عربية بعينها انا كتبت دول عشان كانوا اكتر العربيات انتشارا
الفرنا عربية محترمة اكيد لكن ثبات ضايع بس ده اللى اصدى عليه
اما الهاند دى شفتها فى اكورنيش قصاد كفر عبده و فى العجمى بالهبل

[r0xer]

اللي عايز يتفرج على اسكندرية..يتفرج عليها في شهر 1.

انا نزلت اسكندرية السنة دي في اول يوم من السنة الجديدة، والحقيقة انا مكنتش مصدق ان دي مصر أصلاً...قمة النظام والتحضر و الطرق نضيفة جداً و الناس مبتسمالك و بتعديك لدرجة خلوني اراجع اسلوب سواقتي كله من تاني.

اسكندرية بتاعت الصيف بتكون تحت الاحتلال...اسكندرية الحقيقية في انا شفتها في شهر 1 و عرفت ليه الفنانين الكبار بيحبوها أوي.

[medo2o1o]

اهلا بيك و شكرا اذوق حضرتك مش حقول غير كده

يا باشا لو زعلت منى حقك عليا
بس انا ماغلطش فى اهل اسكندرية دول على عينى و راسى و كفاية انهم وقفوا جنب اهلى وقفة ماتخيلتش ان فى ناس كدة و من غير ما يعرفوهم
انا باتكلم على فئة من الناس حددتهم فوق اكيد فى منهم محترمين لاحظت انتشارهم فى اسكندرية عن القاهرة

[medo2o1o]

اللي عايز يتفرج على اسكندرية..يتفرج عليها في شهر 1.

انا نزلت اسكندرية السنة دي في اول يوم من السنة الجديدة، والحقيقة انا مكنتش مصدق ان دي مصر أصلاً...قمة النظام والتحضر و الطرق نضيفة جداً و الناس مبتسمالك و بتعديك لدرجة خلوني اراجع اسلوب سواقتي كله من تاني.

اسكندرية بتاعت الصيف بتكون تحت الاحتلال...اسكندرية الحقيقية في انا شفتها في شهر 1 و عرفت ليه الفنانين الكبار بيحبوها أوي.

الصراحة نفسى اروح اسكندرية فى الشتاء
بس معاك فى موضوع نظام المرور هناك عشرة على عشرة و المواصلات الحكومية ادمية عن القاهرة
و كفاية هواء المغربية بتاع البحر فظيييع بجد مدينة 100 100

[Ghamrawy]

نصيحة منى
علشان تستمتع باى حاجة فى حياتك يبقى لازم تشوف الناس بتعمل ايه و تعمله انت فى وقت تانى او بطريقة تانية غير الناس
يعنى الجمهورية كلها بتيجى اسكندرية فى الصيف ...تعالى انت فى الشتا
الناس كلها بتروح العجمى و مارينا روح انت حتة تانية
بالنسبة لحميرة الميكروباص و التاكسى فدول يعتبروا مجرمين حرب و حلال فيهم اى حاجة غير ادمية
الملاكى فيه و فيه برضوا
فى ناس محترمة و ناس تستاهل معاملة حقيرة

[power]

يا باشا لو زعلت منى حقك عليا
بس انا ماغلطش فى اهل اسكندرية دول على عينى و راسى و كفاية انهم وقفوا جنب اهلى وقفة ماتخيلتش ان فى ناس كدة و من غير ما يعرفوهم
انا باتكلم على فئة من الناس حددتهم فوق اكيد فى منهم محترمين لاحظت انتشارهم فى اسكندرية عن القاهرة



ياباشا حصل خير واحنا كلنا اخوات بس مره كده تعالي في الشتا وشوف الاسكندرانيه اللي علي حق وتنورنا والله

[mo7a_mo7a]

طب انت من اسبوعين بتقول كده امال انا اللي مزروع في الهيصة دي طول الصيف اعمل ايه؟؟

[SHNORY]

اول سبب لتهورنا في السواقه
من نص ساعه كنت ماشي علي الكورنيش وشويه ناس مصيفين بيعدوا ووقفوا العربيات
وانا كنت اول عربيه
وقف واحد منهم قدام العربيه بالفانيله والشورت (الساعه 2ونص صباحا)
وواقف يقولي خطبه مسمعتش منها حاجه
روحت فارك العجل بس زعلت اني مشيلتهوش لانه بني ادم غبي
احنا بنعرف نسوق
وبنسوق كويس اوي
لدرجه اننا مغربلين ومركبين الناس الرعب وبقم يتكلموا علينا علي المنتديات
وحوادثنا قليله بالنسبه لقله ادبنا في السواقه
انما انتم عربياتكم بتتخبط وهي واقفه
سبب تاني من اسباب سواقتنا الغشيمه
معاليكم لما بتيجوا تمشوا وتاخدوا حارتين بعربيه واحده
او لما حد يحب يستنطع ويرمي البوز
تلاقي فركه اسكندراني رجعته مكانه تاني
احنا بنمشي في حوارينا الا فئه معينه بتاعه الغرز
----------------------------------------------------
بعد اذنكم
انا مش كل فتره حدخل اتكلم مع حد مش عاجباه سواقه اسكندريه
ويدخل يقول في حقنا كلام ملهوش لزمه ويحرق دمنا
اللي عاجبه ييجي ويتاكل منه غرز ويترمي عليه ويتخبط كمان اهلا وسهلا
اللي مش عاجبه يركن عربيته تحت مصيفه ويبقي يتمشي علي رجله او يركب مواصلات اتقاء لشرنا
بلدنا واحنا حرين فيها
شوارعنا وحافظينها
بنعرف نعديها علي رجلينا وبعربياتنا
يا ريت كفايه تجريح علشان الوضع زاد اوي
الي بيسوق علي قده ولسه بيتعلم يبقي ينزل شارع ابوقير
اهو موازي للكورنيش وزي الفل
ومحدش بيتخبط فيه ولا بياخد غرز