جيل جديد من أجهزة الرادار علي الطرق المصرية

[pharonicking]

تفتكر حضرتك أن الرادار حارس فعلا ؟؟
طيب حارس من أيه ؟؟ و ضد مين ؟؟

أكيد حضرتك سمعت عن حادث الدائري الجديد النهاردة عند نزلة القطامية و ده ثالث حادث بعد تركيب الرادارات الثابتة الجديدة

أذا لم يحدث وجود مثل هذا الحارس أي تأثير بل علي العكس أزداد تحدي الناس له

كما أن لي رأيا في موضوع كون الرادار صديق أم عدو ..
- هو صديق في حال أذا ماكان الغرض منه هو ألزام الجميع بالسرعات القانونية و عدم تخطيها و الالتزام بالحارات المرورية
- أما أذا كان الهدف منه هو جمع و جباية المال بتحصيل غرامات و تصالح و هذا الكلام الفارغ و بعد كده نكمل جري يبقي هو عدو

لذلك أطلقت عليه عدو و ليس صديق لأن الكوارث بعده في أزدياد

مع خالص تحياتي
م/ سمير الشهاوي

كلام مضبوط الرادار برد لحماية الناس وفى مصر لجباية الناس:b4_237:

[MMamdouh]

موضوع هايل يا باشمهندس

بس انا برضة من المعترضين على كلمة "عدو" لان العداوة مش حتيجى الا لو انا خالفت القانون... يعنى فى الاصل الخطاء بيجى منى انا الاول و بالتالى الرادار بيشوف شغلة

MMamdouh

[Horsepower]

تفتكر حضرتك أن الرادار حارس فعلا ؟؟
طيب حارس من أيه ؟؟ و ضد مين ؟؟

أكيد حضرتك سمعت عن حادث الدائري الجديد النهاردة عند نزلة القطامية و ده ثالث حادث بعد تركيب الرادارات الثابتة الجديدة

أذا لم يحدث وجود مثل هذا الحارس أي تأثير بل علي العكس أزداد تحدي الناس له

كما أن لي رأيا في موضوع كون الرادار صديق أم عدو ..
- هو صديق في حال أذا ماكان الغرض منه هو ألزام الجميع بالسرعات القانونية و عدم تخطيها و الالتزام بالحارات المرورية
- أما أذا كان الهدف منه هو جمع و جباية المال بتحصيل غرامات و تصالح و هذا الكلام الفارغ و بعد كده نكمل جري يبقي هو عدو

لذلك أطلقت عليه عدو و ليس صديق لأن الكوارث بعده في أزدياد

مع خالص تحياتي
م/ سمير الشهاوي

السلام عليكم باشمهندس سمير,
طبعا شوفت الحادث لأن عملي في التجمع الخامس و الطريق الدائري طريق الذهاب والعودة من العمل ... بس إسمحلي أختلف مع حضرتك في الربط بين وقوع حوادث و تطبيق أدوات رقابية (الرادارات) ... وطبعا مش مبرر أن يقال إن الناس بتعند بسبب الرادارات فا الحوادث زادت ... وبرضه مش مع حضرتك إني أقول إن الرادارات في مصر لجمع المال ... هو فيه حد في مصر أو أي مكان إتلقط رادار ظلم؟ إللي بيخالف بيعاقب.

أرجو حضرتك تتقبل كلامي بصدر رحب,

[د.محمود صلاح]

نفسي أشوف أجهزة كشف الرادار ميسرة وسهلة ودقيقة

[hazemhassan]

ودة صورة الموجود على المحور
شكرا على موضوعك

[D . a .\ AYMAN]

موضوع أكثر من رائع

أحب كمان أضيف حاجة

وهى إن من أسباب تغيير اللوحات القديمة ووضع اللوحات الجديدة بدلا منها .. وكان بصراحة سبب جوهري عند الداخلية هو تعرف الكاميرات الحديثة على الوان اللوحات والعلامات المائية عليها من تلقاء نفسها دون وجود العامل البشري ... وهو الأمر الذي يحدث في الرادارات الثابتة اللى حضرتك بتتكلم عنها

وطبعا معنى الكلام ده إن أي واحد لسة مركب النمر القديمة الكاميرات الثابتة مش هاتقدر تحدد نوع عربيته وبالتالي نوعية السرعة المفترض سيره عليها .. بس بصراحة مش عارف رد فعلها إيه في الحالة دي لأني معرفش البرنامج بتاعها مكتوب إزاي .... إحتمال يبقى رد فعلها إنها تسجل المخالفة الأعلى وخلاص عملا بمبدأ الحداية مابترميش كتاكيت


الف شكر يابشمهندس سمير على الموضوع المفيد ده

[D . a .\ AYMAN]

موضوع أكثر من رائع

أحب كمان أضيف حاجة

وهى إن من أسباب تغيير اللوحات القديمة ووضع اللوحات الجديدة بدلا منها .. وكان بصراحة سبب جوهري عند الداخلية هو تعرف الكاميرات الحديثة على الوان اللوحات والعلامات المائية عليها من تلقاء نفسها دون وجود العامل البشري ... وهو الأمر الذي يحدث في الرادارات الثابتة اللى حضرتك بتتكلم عنها

وطبعا معنى الكلام ده إن أي واحد لسة مركب النمر القديمة الكاميرات الثابتة مش هاتقدر تحدد نوع عربيته وبالتالي نوعية السرعة المفترض سيره عليها .. بس بصراحة مش عارف رد فعلها إيه في الحالة دي لأني معرفش البرنامج بتاعها مكتوب إزاي .... إحتمال يبقى رد فعلها إنها تسجل المخالفة الأعلى وخلاص عملا بمبدأ الحداية مابترميش كتاكيت


الف شكر يابشمهندس سمير على الموضوع المفيد ده

[ehab]

طبعا الموضوع ممتاز جدا

كرهنا للردارات انا شايف اسبابه لحاجتين ان طريقته مش بتكون علشان تحميك لا عشان تضحك عليك انه بيكون مستخبين بيه و كدا ممكن يكون الثابت بيعوض النقطة دي لكن الي لا جدال عليه

ان مش كل الي هيخالف الردار هيتعاقب يعني احنا بنشوف ناس ماشية من غير نمر دول هيتجابوا ازاي و برده في ناس معفين من دفع المخالفات

اظن ان لما حاجة معمولة علي الكل و الاقي ان بتطبق علي البعض
يبقي العضو الفاضل معاه حق يسميه عدو .

[Samir Elshahawy]

السلام عليكم باشمهندس سمير,
طبعا شوفت الحادث لأن عملي في التجمع الخامس و الطريق الدائري طريق الذهاب والعودة من العمل ... بس إسمحلي أختلف مع حضرتك في الربط بين وقوع حوادث و تطبيق أدوات رقابية (الرادارات) ... وطبعا مش مبرر أن يقال إن الناس بتعند بسبب الرادارات فا الحوادث زادت ... وبرضه مش مع حضرتك إني أقول إن الرادارات في مصر لجمع المال ... هو فيه حد في مصر أو أي مكان إتلقط رادار ظلم؟ إللي بيخالف بيعاقب.

أرجو حضرتك تتقبل كلامي بصدر رحب,

أكيد أنا مش معترض علي كلام حضرتك أو الاخوة الافاضل اللي علقوا علي عنوان الموضوع و متشكر جدا لحضراتكم علي لفت نظري لتلك النقطة

لذا فقد طلبت بالفعل من الادارة تغيير عنوان الموضوع

تتبقي نقطة مهمة و معلومة جديدة حصلت عليها ..

أثناء سفري بالامس علي طريق القطامية / السخنة و بعد أن ألتقطني الرادار توقفت بالكمين و أنا معترف بالمخالفة و سددت ال 150 جند و لكني أستغليت الفرصة لسؤال الظابط و التحدث معه و بصراحة أجابني الرجل بكل صراحة ووضوح , و من خلال ذلك الحديث أود أن أضيف المعلومات التالية عن أجهزة الرادار الجديدة :
- الجهاز بالفعل يعمل بالتعرف علي اللوحات الجديدة و لكن هذه الخاصية غير مستخدمة حاليا نظرا لعدم تعميم اللوحات الجديدة علي كل السيارات
- الجهاز يتعرف علي السيارات (ملاكي - أوتوبيس - نقل) بالحجم و يكون مظبوط مسبقا بسرعة كل هدف حسب حجمه أو بتعبير أدق طوله و بالتالي يستطيع التعرف علي النقل المخالف
- هناك حدود لتجاوز السرعة بالفعل علي كل طريق حسب السرعات المسموح بها و ترجع الي تقدير الظابط فمثلا :
1- طريق القاهرة / الاسكندرية .. السرعة القصوي 100 كم/ساعة
و نسبة السماح تصل الي 110 كم/ساعة
2- طريق القطامية / السخنة .. السرعة القصوي 120 كم/ساعة
و نسبة السماح تصل الي 125 كم/ساعة

كما تحدثت مع ظابط الكمين عن الرادارات الجديدة و أخبرته بالمعلومات التي حصلت عليها و أكد لي أنها جميعها صحيحة و سألني عن طبيعة عملي و كيفية حصولي علي تلك المعلومات فأخبرته و كان مندهشا , كما اخبرته عن رأيي في موضوع الرادارات و الكمائن و التصالح الفوري و أكدت له أن النظام السابق و الذي كان يعتمد علي سحب الرخص كان أفضل لأن كثير من الناس تدفع قيمة التصالح و تستمر في تخطي حدود السرعة و هنا اجابني بأني علي حق و لكن تلك هي سياسة البلد كما أكد لي أنه في بعض الحالات تحدث تجاوزات بناء علي أوامر عليا

لذا فأنا مازلت عند رأيي من أن الرادار بهذه الطريقة عدو و ليس صديق لكني مع ذلك نزولا علي رغباتكم طلبت من الادارة تغيير العنوان

مع خالص تحياتي
م/ سمير الشهاوي

[kono]

كان نفسى من زمان اعرف فكرة الردار ايه
وحضرتك شرحت الفكرة مشكورا
بس للاسف
انا مش فاهم حاجة :((((((((((

[M.Elsheikh]

شكرا على المعلومات المفيده

[MMamdouh]

, كما اخبرته عن رأيي في موضوع الرادارات و الكمائن و التصالح الفوري و أكدت له أن النظام السابق و الذي كان يعتمد علي سحب الرخص كان أفضل لأن كثير من الناس تدفع قيمة التصالح و تستمر في تخطي حدود السرعة و هنا اجابني بأني علي حق و لكن تلك هي سياسة البلد كما أكد لي أنه في بعض الحالات تحدث تجاوزات بناء علي أوامر عليا

بس انا شايف يا هندسة ان النظام الحالى احسن... ايه لزمة سحب الرخصة طالما فى الاخر انا حدفع قيمة المخالفة؟؟

انا شايف ان سحب الرخصة ما هو الا تعسيف على الفاضى خصوصا ان الرخص بتضيع و نفضل نجرى وراها بين مرور الدراسة و المرور الخاص بينا لحد ما ترجع و نجدد فى وصلات و خلافة.... و فى الاخر ندفع برضة قيمة المخالفة

MMamdouh

[مصراوي جدا]

في جريدة الأهرام بتاريخ اليوم 8-8-2010

http://www.ahram.org.eg/252/2010/08/08/25/32952/219.aspx

رادارات علي الدائري لمطاردة عفاريت الأسفلت
كتب ـ أيمــن فــاروق:

أخيرا لعنة الطريق الدائري ستجد الحل وستكون شبكة الرادارات الثابتة والمتحركة سيفا مسلطا فوق رؤوس المخالفين والمتجاوزين في السرعة والمتلاعبين بأرواح المواطنين بعد أن سفكت دماء كثيرة علي أسفلت هذا الطريق الملعون لأشهر عديدة.


البداية.. ستكون16 رادارا ثابتا بدأ تشغيلها بالفعل في الأيام القليلة الماضية بطول وعرض هذا الطريق, تجربة الساعات الماضية كانت ناجحة بكل المقاييس حيث أسفرت عن تسجيل40 ألف مخالفة والبقية تأتي عشرات الرادارات الأخري في الطريق خلال العام الحالي طبقا لخطة وزارة الداخلية في ضبط السرعة والأمن معا علي هذا الطريق الذي يسلكه يوميا مئات الآلاف من السيارات وعدة ملايين من المواطنين.
خطة التنفيذ التي بدأها اللواء شريف جمعة مساعد أول وزير الداخلية تهدف في المقام الأول إلي فرملة حوادث الأسفلت من اليوم علي طريق الموت المسمي بالطريق الدائري وردع مجاميع السائقين المخالفين والسكاري ومتناولي المخدرات وحبوب الهلوسة الذين يستهينون بأرواح المواطنين والأبرياء علي مدارالساعة.
وصرح اللواء شريف جمعة بأنه تنفيذا لتعليمات السيد حبيب العادلي وزير الداخلية بشأن التصدي للحد من حوادث هذه الطرق, تم تركيب16 رادارا ثابتا علي الطريق الدائري من بداية تقاطعه مع طريق السويس شرقا ولمسافة35 كيلو مترا جنوبا في الاتجاهين, وأوضح أن هذا العدد يعد هو المرحلة الأولي التي سيستمر استكمالها للطريق الدائري بأكمله خلال هذا العام.
وأشار مساعد وزير الداخلية لقطاع الشرطة المتخصصة إلي أن الإحصاءات التي قامت بها الإدارة العامة للمرور خلال الأسبوع الأول من تركيب تلك الرادارات أسفرت عن تسجيل عشرات الآلاف من المخالفات المرورية تتعلق بتجاوز السرعة المقررة وانخفاض حوادث التصادم بنسبة50%.
وأضاف أنه تم وضع العلامات الارشادية والتحذيرية بالطريق الدائري قبل كل رادار بمسافة كيلو متر بهدف إعلام قائدي السيارات بوجود أجهزة الرادار وذلك لأن المقصود ليس تسجيل المخالفات وتحصيل مبالغ الغرامات بل الهدف الرئيسي هو الانتباه للطريق وسلامة مرتاديه, وقرر أنه يتم إرسال صورة السيارة المخالفة علي محل إقامة مالك السيارة لإعلانه حتي يتمكن من التوجه إلي نيابات المرور المختصة لسداد الغرامة التي تبلغ قيمتها150 جنيها خلال الأيام الثلاثة الأولي للمخالفة.
وردا علي سـؤال حول مدي الاستفادة من التجارب السابقة, أشار اللواء شريف جمعة إلي أن تجربة تركيب عدد مناسب من الرادارات الثابتة والمعلن عنها بمحور26 يوليو من عامين تقريبا أثبتت الاحصائيات انخفاض نسبة الحوادث علي المحور بنسبة70%, كما أدي الإعلان عن وجود الرادار بعلامات إرشادية علي بعد كيلومترين إلي التزام قائدي السيارات بالسرعات المقررة ومن ثم الانتباه إلي الطريق فانخفاض الحوادث.

ودي الصورة المرفقة في الجريدة

[Karim_Monir]

موضوع اكثر من رائع يا باشمهندس
وممكن تبقي تجمعة اليل انت عايزة سواء اللي جمعتة من الظابط او الكتب وتعيد ترتيب الموضوع وصياغتة وتنزله تاني بعد التنقيح بالمعلومات اللي حصلت عليها
خاصة اجابة سؤالي عن موقف النقل من المخالفات
شكرا جزيلا
تحياتي
كريم

[WalidAdel]

بس انا شايف يا هندسة ان النظام الحالى احسن... ايه لزمة سحب الرخصة طالما فى الاخر انا حدفع قيمة المخالفة؟؟

انا شايف ان سحب الرخصة ما هو الا تعسيف على الفاضى خصوصا ان الرخص بتضيع و نفضل نجرى وراها بين مرور الدراسة و المرور الخاص بينا لحد ما ترجع و نجدد فى وصلات و خلافة.... و فى الاخر ندفع برضة قيمة المخالفة

mmamdouh

ياباشا النظام الاول كان احسن لسبب واحد هو ان لو حضرتك تخطيت السرعه اول مره هاتتحسب الرخصه و تاني مره علي نفس الطريق انت معاك وصل هايتسحب الوصل و تاخد غيره و تالت مره (تكرار المخالفه 3 مرات في مده لاتزيد عن 3 ايام) هاتبقي قضيه و تتوقف عن السواقه 6 شهور و ذلك لتعمد تخطي السرعه لما فيها من خطوره علي الارواح لكن دلوقتي انت بتدفع و تمشي حتي لو عملت مخالفات سرعه 50 مره اهو كله من فلوسك
المعلومه دي انا عرفتها من الكيم اللي بعد طنطا كان معايا وصل و مش عليه تاريخ فالظابط سالني كانت امتي المخالفه دي قولتوا من اسبوعين قالي خالي بالك لو اتكررت المخالفه مره تانيه و وتالته في مده لاتزيد عن 3 ايام هاتتحول لقضيه و تتوقف عن السواقه 6 شهور