وأخرتها مع التاكســـــــــــــى !!

[Xpert]

هعهعهع .. انا امبارح كنت في الحرفين (مش امبارح السبت برضه ؟) اهه كان السبت اللي فات و خلاص .. نزلت جبت فتيس للعربيه من الحرفين :
وانا رايح : اجره بني سويف-القاهره 8 جنيه .. + جنيه و ربع المشروع بتاع مدينه السلام بتاع رمسيس ده .. قول 10 جنيه ..
من هناك راجع بقي و معايا فتيس :
من الحرفيين لحد المنيب : 30 جنيه تاكسي غير ان احنا ال2 (انا و السواق) كنا جاعنين .. نزلنا كلنا ب ** جنيه .. من المنيب لحد بني سويف 15 جنيه بالعراك و الراجل معرفه كمان (اجرتين عشان الفتيس) و تاكسي من الموقف لحد بيتنا 2 جنيه (اجره موحده في بني سويف هنا) ...
______________الاجمالي :
اجمالي خساره هعهعهعهعهع

كله يهون علشان الحج فتيس هعهعهع (حاجه سبيشيال عندنا في البي ام معروف باسم فتيس الدوج ليج .. او الالبينا .. او الاولاني تحت )

[Xpert]

بس بصراحه يا باشا 2.5 قليل
ده انا مره كنت رايح الكليه من مصطفي النحاس (هندسة المطريه) و كان عندي امتحان و ركبت معاه و كل حاجه و عمال يتكلم معايا السكه كلها علي ان الحاجات غليت و كده و انا فاهم انو بيلف و يدور عشان اديله اجره كويسه انا قلت شكله كده هيقرفني اديله 2 جنيه زياده و خلاص و اريح دماغي (هو المشوار اصلا 10 جنيه) بس راح في نص السكه كده و هو بيتكلم علي ارتفاع الاسعار و انها بتأثر في كل حاجه و كده قالي انا مثلا هاخد منك 25 جنيه في المشوار ده و انا مدايق انا من كتر ما مستغرب من الي قاله ضحكت قلت اكيد بيهزر رحت قلتله ما تخليها 30 احسن :D
قالي لا عشان انت شكلك ابن حلال بس و مش عارف ايه و كلام التسبيت ده حاخد 22 و معرفش اشمعنه الرقم ده اللي اختاره يعني رحت قلتله انت بتهزررررر و شديت معاه طبعا و من كتر الزعيق الي كان بيزعقه حسيت ان هو الي علي حق و انا الي غلطان :D بس راح منزلني عند نص السكه كده (بعد النزهه بشويه ) و كان عايز 10 جنيه طبعا انا مرضتش و بعد خناقه جامده و الناس اتلمت اديته ال 10 عشان اخلص و كان ورايه امتحان و خدها و برضه اعد يزعق و يدعي و حاجه زباله يعني و ركبت تاكسي تاني و خد 6 جنيه لغايت الكليه و حليت حلو في الامتحان الحمد لله :)
اسف علي التطويل بس لما شفت الموضوع افتكرت الراجل المجنون ده :@

هههه بتفكرني و انا رايح القاهره امبارح .. الاجره 8 جنيه معروفه و ساعات السواقين بيرفعوا الاجره .. فالتباع و هوه بيلم الاجره (عربيه معرفه برضه ) سالناه الاجره كام قال 8 .. قلتله لاء يا راجل .. طب خد 10 .. قالك لاء 8 .. طب يا عم و النبي خد 10 قعد يضحك :D و حاسبناه علي 8 برضه :D

[tutankhamoun]

يظهر ان مافيش فايدة و لازم نعمل فيهم زى الاعلان بتاع ميلودى :)

+10000000000000000000000

تمام كدا ....... و معاهم بتوع الميكروباص :D :D

[Mido80]

و الخمسة جنيه دي لكل المشاوير و لا ايه؟

ايوة 5 جنية ولو حتي هاخدة الففة مصر كلها. ظابط شرطة بقي....هههههههههههه