حادث جديد مروع يتسبب في شلل الحركة علي الدائري

[Samir Elshahawy]

الاخوة الكرام ..

أسعد الله صباحنا و صباحكم جميعا بكل الخير ووقانا ووقاكم من شر الطريق و خاصة الطريق الدائري

اليوم صباحا أثناء توجهي الي أبورواش و قبل مروري علي كوبري المنيب بلحظات سمعت نشرة المرور بالاذاعة لأجد تحذيرا عن وقوع حادث كبير علي كوبري المنيب قبل منزل البحر الاعظم في الاتجاه القادم الي المعادي

و ماهي ألا ثواني حتي شاهدت الحادث بنفسي لأري الاتي :
- سيارة ميكروباص معجونة تماما و نصها الامامي متدلي من علي سور الكوبري و الونش بيرفعها
- خلفها سيارة نصف نقل و الكابينة مهشمة تماما
- علي بعد أمتار منها و في الحارة اليسري سيارة أخري ربع نقل محطمة أيضا
- بعدهم بقليل 5 سيارات ملاكي مختفية معالمها علي الجانبين الايمن و الايسر من الطريق

و بالطبع سيارات الاسعاف متوقفة و عمالة تشيل في جثث و رجال المرور و الشرطة في كل مكان

بعد الحادث الطريق متوقف لمسافة لاتقل عن 7 كم

الحكاية بقي أيه ...
- سواق الميكروباص هدي سرعته ووقف كالعادة في الحارة اليمين علشان ينزل راكب
- وراه عربية نقل مسرعة دخلت فيه و ظبطته و دفعته للأمام و كاد أن يسقط من علي الكوبري
- جاي أيضا عربية أخري ربع نقل بسرعة فدخل في النص نقل و أتطوح الي الحارة اليسري
- قوم أيه ... 5 عربيات ملاكي مرة واحدة وجدت الطريق أمامها مقفول فحدث ماحدث من هرج و مرج و خسائر

كل ده حصل رغم وجود الرادارات و اللجان و الذي منه

و بعدين .... و اخرتها أيه بس في الناس دي

حسبي الله و نعم الوكيل في كل مهمل و ظالم و مفتري

م/ سمير الشهاوي

[ahmedsamir79]

لا حول ولا قوة إلا بالله

[magdy1963]

ياستار يارب ربنا يسترها معانا ومعاكم قولو أمين

[Conspirator]

ربنا يسترها معانا

[zanativich]

والله ما موضوع رادار
موضوع تخاف وغباء

[Sharky]

منه لله اللى ادى ترخيص للميركوباصات علشان يتشغتلوا

[abogogo]

منه لله اللى ادى ترخيص للميركوباصات علشان يتشغتلوا

حضرتك ربنا كارمك وكارمني وكارم ناس تانية كتيرة بعربية ..... في ملايين غيرنا ماعندهمش النعمة دي فابيستعملوا الميكروباص اضطرارا عشان الدولة مش موفرة شبكة نقل ركاب محترمة او طرق محترمة ايضا سلوكياتنا نتيجة غياب العدالة كل العوامل دي تؤدي الى كثرة الحوادث واحتلالنا مرتبة محترمة بين الدول الاكثر حوادث في العالم
وربنا يسترها علينا جميعا ويحفظنا من كل سوء .... آمين

[تامر.محمد]

لا حول ولا قوة الا بالله

[hegazyhany]

حضرتك ربنا كارمك وكارمني وكارم ناس تانية كتيرة بعربية ..... في ملايين غيرنا ماعندهمش النعمة دي فابيستعملوا الميكروباص اضطرارا عشان الدولة مش موفرة شبكة نقل ركاب محترمة او طرق محترمة ايضا سلوكياتنا نتيجة غياب العدالة كل العوامل دي تؤدي الى كثرة الحوادث واحتلالنا مرتبة محترمة بين الدول الاكثر حوادث في العالم

وربنا يسترها علينا جميعا ويحفظنا من كل سوء .... آمين

المشكله مش الميكروباس - المشكله فى سواقين الميكروباس اللى دون المستوى فى قياده دراجه مش عربيه فيها 15 روح - حسبى الله و نعم الوكيل على اللى اداهم رخص يموتوا فى البشر

[factorialx]

ما هو ياريت ميكروباصات الدائري دي تقف على جانب الطريق في الshoulder بتاعه لأ دولا بيقفوا عادي خالص
أنا مره كنت هلبس في واحد عشان نزلت ميدان لبنان اللي بتخليك تاخد أصى اليمين غصبن عنك

[Nistelrooy]

لا اله الا الله

[ASKAFRAWY]

لا حول ولا قوة الا بالله
حسبنا الله و نعم الوكيل

[Abo_Lina]

ميكروباص - ربع نقل - نص نقل - مقطورة
فتش عن هذه المفردات تجدها السبب في أغلب الحوادث

[د.محمود صلاح]

الإلتزام بقواعد المرور يجنب الجميع الضرر .. يقف في أقصى اليمين لتجنب الإصطدام به من الخلف .

[hishamnasr]

نفسي افهم ايه الناس ليه متبمشيش بسرعة القصوي المحددة

نفسي اعرف ليه كل واحد ماشي بالسرعة الي هو عوزها بدون احترام الاخرين

وما فائدة الخطوط التي في الارض علي ما اظن انها حارات للسيارات بحيث كل واحد يمشي في حارته

وليه العربيات ماشيه لازقه في بعضها من ان يكون بين كل سيارة امان


والسؤال الاهم الي امتي هنفضل في حالة الفوضي والتسيب وعدم المبالاة بارواح الاخرين والي متي لا يوجد قانون رادع لهؤلاء الناس

ان دليل تحضر البلاد من نظام الطرق والمواصلات