حادث جديد مروع يتسبب في شلل الحركة علي الدائري

[zizo_mkz]

انا للاسف رحت الشغل من الهرم لمدينة نصر فى ساعتين

[M.ABDEEN]

سواقيين الميكروباصات بصراحة عايزيين اعدام في مكان عام

[rasim]

لا حول ولا قوه الاه بالله

على فكره الرادار ساعات شغال وشاعات مش شغال
يعنى الواحد يمشى بسرعه جدا ثو عند الرادر يهدى ثم يسرع تانى كيف بقى ؟؟؟؟؟؟؟؟؟؟؟؟؟

[abogogo]

حضرتك ربنا كارمك وكارمني وكارم ناس تانية كتيرة بعربية ..... في ملايين غيرنا ماعندهمش النعمة دي فابيستعملوا الميكروباص اضطرارا عشان الدولة مش موفرة شبكة نقل ركاب محترمة او طرق محترمة ايضا سلوكياتنا نتيجة غياب العدالة كل العوامل دي تؤدي الى كثرة الحوادث واحتلالنا مرتبة محترمة بين الدول الاكثر حوادث في العالم
وربنا يسترها علينا جميعا ويحفظنا من كل سوء .... آمين

المشكله مش الميكروباس - المشكله فى سواقين الميكروباس اللى دون المستوى فى قياده دراجه مش عربيه فيها 15 روح - حسبى الله و نعم الوكيل على اللى اداهم رخص يموتوا فى البشر

ما هو ده قصدي ايضا كلمة سلوكياتنا يندرج تحتيها اسباب كتيرة منها عدم احترام قوانين المرور الرشاوي والمحسوبية في استخراج الرخصة كتيرا من الميكروباصات ملك او مشارك فيها امين شرطة ودي بتدي السائق دفعه من اللامبالاه في القيادة ضياع الحقوق وبهدلة المظلوم في الحوادث في اقسام الشرطة لو ملهوش ضهر ايضا الفهلوه اللى بنتميز بها احنا المصريين دون خلق الله وحجات تانيه كتير كلنا عارفنها

[MMamdouh]

الإلتزام بقواعد المرور يجنب الجميع الضرر .. يقف في أقصى اليمين لتجنب الإصطدام به من الخلف .

هو اساسا الوقوف على الطريق الدائرى غلط سواء يمين او شمال

MMamdouh

[memo_p910]

حسبنا الله ونعم الوكيل دي نتيجة منظومة الفساد والفوضى

[amr100]

لا حول ولا قوة إلا بالله والله يرحم الجميع

[N.a.j.d]

لا حول ولا قوه الا بالله

[Samir Elshahawy]

اللي حصل ده نتيجة أهمال و جهل الكل مشترك فيه

- السواق اللي وقف علي طريق زي ده علشان ينزل راكب مش المفروض أنه يتواجد عليه
- الراكب نفسه اللي بيطلب من السائق أن ينزله في طريق سريع
- المرور اللي بيشوف المواقف العشوائية علي الدائري و في الملفات و الميادين و بيطنش

لسه و انا راجع من طريق الاسكندرية الصحراوي كان قدامي ميكروباص (ألترامكو) طبعا الباب مفتوح و 3 (أي و الله 3) واقفين معرفش ازاي علي العتبة بتاعة الباب , و مش بس كده ده ماشي يمين و شمال و أنا وراه مرعوب من أن واحد من الثلاثة يقع و يبقي تحت عربيتي و مضطر أسيب مسافة بيني و بينه و كل ما اجي اعديه من الشمال يقفل عليا و طبعا انا مش عايز أعديه من اليمين لنفس السبب

المهم هو وقف تحت كوبري المحور و انا كملت و لاقيت أمين شرطة كان موقف فيرنا ماشي عكسي و الراجل راح مطبق المبلغ المحترم في أيده و أنا دخلت و بلغته بالميكروباص فبص لي بأستغراب و قالي هو فين و لما شاورت له عليه قالي لما ييجي هنا هأعمل له مخالفة

كده ببساطة ... مع أن الموقف نفسه غلط و في مكان غلط و أمين الشرطة واقف علي بعد أمتار قليلة منه

مافيش فايدة ....
بصراحة الحل هو بقاء الوضع علي ماهو عليه حتي يتم تصفية فريق الجهلاء و المهملين بواسطة أفعالهم علي الدائري و غيره

مع خالص تحياتي
م/ سمير الشهاوي

[MMamdouh]

حضرتك ربنا كارمك وكارمني وكارم ناس تانية كتيرة بعربية ..... في ملايين غيرنا ماعندهمش النعمة دي فابيستعملوا الميكروباص اضطرارا عشان الدولة مش موفرة شبكة نقل ركاب محترمة او طرق محترمة ايضا سلوكياتنا نتيجة غياب العدالة كل العوامل دي تؤدي الى كثرة الحوادث واحتلالنا مرتبة محترمة بين الدول الاكثر حوادث في العالم
وربنا يسترها علينا جميعا ويحفظنا من كل سوء .... آمين

كون اى شخص لا يمتلك سيارة لا يعتبر سبب لانه يخالف القانون و المنطق و يبرطع فى الشوارع بمزاجة

MMamdouh

[Richman]

طالما الميكروباصات وعربيات المقطورة ماشية فيه، يبقي مش هنخلص من الحوادث

[engahmedsamy]

ربنا يسترها معانا

[lolly136]

ربنا يسترها علينا إن شاء الله

[Abo_Lina]

كون اى شخص لا يمتلك سيارة لا يعتبر سبب لانه يخالف القانون و المنطق و يبرطع فى الشوارع بمزاجة

mmamdouh

احنا دايما نختلق الأعذار للخطأ إلى أن يصبح طبيعي و شيئ دارج

[mr_sameh]

يارب استرها معانا