حد يساعدنى مش لاقى لوحات فى المرور

[NaderNabil]

انا هالغي اشتراكي من هذا الموضوع عشان بيفكرني بأسوأ أيام حياتي في ترخيص العربية:(

بس الحمدلله اترخصت :)

و ربنا مايوري حد اللي شوفته!!!

[msalah2008]

انا هالغي اشتراكي من هذا الموضوع عشان بيفكرني بأسوأ أيام حياتي في ترخيص العربية:(

بس الحمدلله اترخصت :)

و ربنا مايوري حد اللي شوفته!!!

طيب ادعيلى انها تنتهى معايا وابقى لما افتكرها اقول يااااااااااااااااااااااااه كانت ايام سوده وانهى اشتراكى فى الموضوع انا كمان

[NaderNabil]

ربنا يوفقك و يفتح قدامك كل الشبابيك...و يجعل كل ورقك سليم...ويملي مخزن النمر...أمين:)

[hazem_khidr]

معاذ و نهه
ما اختلفناش
و كل حاجه ماشه بالواسطه
بس فيه قنوات ممكن انك تاخد حقك منها
يعني السايت بتاع الداخليه دا بيجيب نتيجه و انا متاكد
لو واحد و اتنين اشتكوا بيحققوا مع المشكو منه و رئيسه كمان.

[Hondawy_2008]

معاذ و نهه
ما اختلفناش
و كل حاجه ماشه بالواسطه
بس فيه قنوات ممكن انك تاخد حقك منها
يعني السايت بتاع الداخليه دا بيجيب نتيجه و انا متاكد
لو واحد و اتنين اشتكوا بيحققوا مع المشكو منه و رئيسه كمان.

يا باشا يعني الداخليه مش عارفه اللي بيحصل صباح الخير بالليل :D دول بيقسموا معاهم وكله من دم الشعب حسبي الله ونعم الوكيل فيكي يا بلد!!!!!!!

[hazem_khidr]

يا باشا يعني الداخليه مش عارفه اللي بيحصل صباح الخير بالليل :D دول بيقسموا معاهم وكله من دم الشعب حسبي الله ونعم الوكيل فيكي يا بلد!!!!!!!

معاك في كل كلمه
بس السايت دا وزير الداخليه بنفسه بيتابعه
و انت بتبعت الشكوي علي مكتب الوزير
و لما بتروح للجهه المختصه بيحققوا منها باهميه اكبر
انا جربتها و فعلا جابت نتيجه.

[basha_2005]

ده اسمه الامين مصطفى

ده انا هددته انى هأذيه لو متكلمش بأدب

هو كان عارف انا جاى من عند مين, فمقدرش يفتح بقه لما اتعصبت عليه

فى الاول كان بيغلس و حاجات من دى,

دخلت بعد اما زعقت له عند ايمن عبدالجبار, قالى تعالى يوم كذا ركب نمر, و قد كان

الله ينور عليك ...........

هو الأمين مصطفى ده اللى بيعامل الناس أكنهم من طينة وهو من طينة تانية

أما أيمن باشا عبد الجبار فحدث ولا حرج

كل شوية يطلع بره مكتبه ويزعق للناس اللى واقفة ( منهم ناس فى سن والده ) ويقولهم اللى مش حيمشى من هنا هبهدله وحوريله وكلام من كده

وشوية ودخلتله واحدة قالتله انا من شركة ..... للسياحة ومعايا ...... وعايزة اركب نمر

ياباشا العسكرى ثوانى وكان مخلصلها كل حاجة

حسبنا الله ونعم الوكيل

[modux]

تييييييييييييييييت علي مصر

مع اني بحبها :(

[M_HaFeZ]

حاجه ********************************
حط مكان النقط كل الكلام اللى ممكن تتخيله

[meedoo]

على فكره انا رخصت عربيتين فى مرور مدينه نصر و رئيس الوحده شخص محترم جدا كل الموضوع تروح بدرى الساعه 8 ص و هو بيديلك ورقه حجز للنمره عشان تستلمها يعنى الموضوع منظم

[Matrixawy]

على فكره انا رخصت عربيتين فى مرور مدينه نصر و رئيس الوحده شخص محترم جدا كل الموضوع تروح بدرى الساعه 8 ص و هو بيديلك ورقه حجز للنمره عشان تستلمها يعنى الموضوع منظم

الموضوع غير منظم اطلاقا لان الساعة الثامنة صباحا ليس من المواعيد الرسمية للمرور و هو فقط لمن يعرف ذلك بالصدفة البحتة .
و حقيقة هذا الموضوع انها سياسة غير معلنة بتخفيض حجم تسليم النمر على مستوى مصر و على جميع وحدات مرور القاهرة خاصة
و اذا ذهبت فى المواعيد الرسمية و طلبت نمرة يقول لك الموظف فوت علينا بكرة او مر علينا الاسبوع الجاى و لا يقول لك ابدا تعالى قبل ما المرور يفتح علشان تستلم نمرة او ان هناك عدد معين من النمر يصرف يوميا فى حدود 20 نمرة لكل وحدة مرور و كل ما تروح بدرى تضمن نمرة و كل هذا يحدث فى السر و لا نعرفه الا بالصدفة و هناك من يصرف نمر فوق هذا العدد بالرشوة و الوسطة و فى اى موعد و يكفى ان اقول انه فى بعض وحدات المرور الناس بتصلى الفجر و تذهب لتقف طابور حتى يطولوا نمرة واحدة من العشرين نمرة التى يصرفونها يوميا يبدو هذه البلد بتتفنن فى عذاب الناس .

[wsamir]

انا الحمد لله لسه بدرى على الرخصة بتاعتى اخر 2009 مع انى لما رخصت بردة طلعوا عينى فى مرور فيصل و دفعت رشوة غصب عنى مع ان العربية تابعة لنفس المرور و مغيرتش النمر و قعدت من الساعة 9 صباحا حتى الرابعة عصرا لاستلام الرخصة
حسبنا الله و نعم الوكيل ...

[basha_2005]

ياريت لو الموضوع منظم محدش حيعترض خالص
يعنى مثلا لو أدولك ورقة بتاريخ الحجز وقالولك تعال بعد اسبوع او اتنين وهما التزموا بأرقام الحجز فعلا ، مكنش يبقى فيه اى مشكلة
انما المشكلة انه بيقولك لما تييجى نمر حنبقى نتصل بيكم

وتروح بعدها بيومين تلاتة مثلا ، يقعد يتريق علينا ويقولنا كنتوا فين امبارح ده كان فيه 100 نمرة

ولما تقوله مش انتوا قلتوا لما تيجى نمر حنتصل بيكم ؟ يقوم الباشا يرد يقولك ايه؟ هو احنا حنسلم النمر ولا حنتصل بيكم ؟؟؟؟؟؟؟؟؟؟؟؟؟؟؟؟؟؟؟؟؟

طب ياعم ايه الحل يقولك بكل برووووووووووووووووووود سيبوا تليفوناتكم وحنبقى نتصل بيكم ؟؟؟؟؟

شفتوا تهريج اكتر من كده ؟؟؟؟؟

فعلا عدم احترام لآدمية الناس ، وفساد ذمم ، وضمائر واخدة اجازة .... أجازة ايه ؟ دى ضمائر طلعت معاش ولا مقدمة استقالاتها!!!!!!!!!!!!!!!!!!!!!!!!!!!!!!!!!!

حسبنا الله ونعم الوكيل

" ماورد أعلاه عن تجربة فعلية فى مرور حلوان المحترم "

[Hondawy_2008]

يا رب يبقى الدور على مصر و الله أنا كرهت كل حاجه في البلد دي وعمرها مهيتصلح حالها خلاص .......... قال مصر بتتقدم بينا قال ههههههههههه.......البلد بتتحرك كلام مظبوط بس بتتحرك لورا و الله و هتفضل تتحرك لورا

[iguana]

اعتقد ان الرشوة دى شىء بقت شىء عادى فى كل ادارات المرور ..... من كام سنة كده اتسحبت منى رخصة العربية بتاعتى علشان حزام الامان والكلام ده بعده صدور قانون المرور الجديد وبدء تطبيق فعليا مع العلم انى عمرى مع عملت اى مخالفة بعربيتى من حوالى عشر سنين لحد الوقت الحالى وحتى ساعة ما اتسحبت منى علشان الحزام معرفشى هتصدقوا لو قولتلكوا انى فى اليوم ده كنت رابط حزام الامان طول اليوم ومجرد ما نزلت من العربية اجيب حاجة ورجعت تانى نسيت اربط الحزام المهم النصيب لاقيت لجنة فى وشى على طول والظابط كان مصر على سحب الرخص علشان يعنى القانون الجديد ...واالقصة والرواية والكلام ده بقى اللى انتوه عارفينه .....المهم رحت الادارة علشان اجيب الرخص وكان معايا توصية من ضابط شرطة "رتبة" وباعت معايا امين شرطة علشان ادفع الغرامة واخلص . المهم ندور على الرخصة فى الادارة شمال يمين والرخصة مش موجودة ضاعت يعنى الله اعلم نسأل الموظف المختص يطنش ويقول معرفش راحت فين خلاصة الكلام لا التوصية نفعت ولا حاجة عارفين اللى حصل الامين اللى معايا قاللى هات خمسة جنيه وحطها تحت الورق للموظف وطبعا الموظف قالى ممكن تسبنى خمس دقايق وسبحان الله بقدرة القادر لاقيت الرخصة ظهرت والموظف اللى كان مطنش وبيقوللى معرفش راحت فين بيطلعها من الدرج بتاعه ......حاجة غريبة طبعا الرشوة بقيت حاجة عينى عينك كده ولو ما دفعتش مصلحتك عمرها ما هتخلص..وكل ده علشان خمسة جنيه!!!! حسبى الله ونعم الوكيل ..على فكرة ادارة المرور اللى انا بقصدها دى فى الاقاليم والكلام اللى حصل ده فى ادارة مرور الشرقية اللى هى اسوء ماتكون فى المعاملة علشان كده برخص عربيتى كل تلت سنين ولو فى اكتر هعملها علشان ماشوفشى خلقهم...!!!!