إعـــــــلان

**MoHaMed HaMeD** · 04-10-2010, 02:01 AM

يسعدنى ياكريم انى اكون اول من يرد عليك

انا اولا عرفت المنتدى ده عن طريق صديق لما فكرت انى عايز اشترى سياره جديده قال لى ادخل هنا وهتلاقى مقارنات وكل حاجه بالفعل عملت اكونت وبدأت الف ع جميع الاقسام وخصوصا قسم المقارنات لاجد ضالتى فاعجبت بالرينو لوجات وشرح الكافى الوافى من الاعضاء عنها وبالذات الاستاذ نبيل فكان المنتدى هو السبب الرئيسى ف شراء هذه السياره
ثم بعد ذللك شدنى التعاون الجميل الذى يوجد بين الاعضاء وانى كل واحد ممكن يخدم التانى دون مقابل اى دون تبادل مصلحه كما هو شائع ف مجتمعتنا الان
والترابط وكانى حاسس انى وسط عائلتى تمام والاحترام المتبادل والنظام والاداره الحاكمه والقادره ع الحفاظ ع هذه المؤسسه لكى تكون ف المقدمه لان النظام هو اساس نجاح اى شئ وهذا هو مارايته هنا ف المنتدى

طبعا انا كنت داخل المنتدى ومعلوماتى عن السيارات قليله جدا ولكن بعد دخولى هنا تعرفت ع كثير من المعلومات والاسرار والخبايا عن معظم السيارات وهذا ف حد ذاته شىء كويس جدا طبعا غير تجارب الاعضاء والمناقشات التى استفد منها كثير وطبعا ل يوم يبقى نفسى اتعرف ع الاعضاء هنا ونكون متواصلين ف كل الاحوال لهذا كانت دائما بحاول انى احضر المقابلات لعشان اتعرف ع الاعضاء الذين يسعون الى جعل نايل موتورز ف المقدمه.

وحضرتك كنت عامل موضوع عن افكار لاعضاء عن كيفيه تحسين المنتدى والوصول بيه الا المقدمه دائما وقد ابديت راى هناك

وشكرا لموضوعك الرائع هذا وماتقدمه للمنتدى والاداره كلها ودمت يانايل موتورز ف تقدم دائما

محمد حامد

**omar-saad** · 04-10-2010, 02:23 AM

انا دخلت على نايل موتورز بالصدفة من جوجل كنت بعمل بحث على جوجل على حاجة فى العربية
وبعدين كان الموضوع فيه ردود للمهندس سبعاوى
وعجبتنى فعلا رودوده واراؤه الصائبة
ومن ساعتها عملت العضوية وبقيت واحد منكوا
بالنسبة للاستفادة انا طول عمرى العربيات من هواياتى
ولكن كانت معوماتى عنها بنسبة 40%
ولكن انا كملت الباقى من هنا
وخصوصا حاجات كتير فى الميكانيكا وفى جميع موديلات العربيات المختلفة فى السوق
وجميع المعلومات المتاحة عنها والعيوب المزايا الخ.............
واكتر حاجة شدتنى لنايل موتورز ان الاعضاء متعاونين جدا وبيقدموا كل المعلومات والخبرات اللى عندهم بدون حواجز
وفعلا الشخصيات المحترمة كتيييييييييييييييييير جدا هنا
ودى اكتر حاجة مميزة نايل موتورز برضة
ولو ان فى الفترة الاخيرة العصبية زادت اوى بين العضاء وبقى قى ختناقات كتير جدا
ودى اكتر حاجة مزعلانى ونفسى انها تقل
بجد انا اشهد لنايل موتورز انه منتدى مصرى محترم فى خبرات كتيرة جدا لاى حدعايز يتعلم يعنى ايه عربية بالمعنى الكامل
ويارب من نجاح لنجاح باذن الله

**adel_2346** · 04-10-2010, 02:36 AM

استفاده ومعلومات جامده جدا وريا رب يتطور كمان وكمان

**ابو ليلى** · 04-10-2010, 02:40 AM

اقول ايه ولا ايه ولا ايه الكلام كتير جدا

البداية كما هى العادة البحث عن سيارة ومعرفه اراء الاعضاء فيها من خلال التجارب الفعلية وكالعادة ايضا كان من خلال منتدايات عديده ومنها نايل موتورز ولكن وجدت الفارق هنا
ويرجع فى الاساس الى الاعضاء المحترمين الذين لم يبخلو بأى معلومة او رد على اى سؤال وفعلا تم شراء السيارة وانتهى الغرض ....ولكن وجدنى مشدود بدرجه شديده الى المنتدى ......وجاء على وقت انى اهملت عملى ووقت حدثت مشاكل زوجية بسبب المنتدى من كثر اهتمامى بهذا المكان.

الفكرة انى وجدت نفسى هنا رجعت للكتابة كما الماضى وجدت التشجيع والاهتمام
بمواضيعى ....
وجدت الاحترام والحب بين الجميع .....
وجدت الاخوة وروح التعاون بدون الانتظار للمقابل ....
وجدت اصدقاء جدد ينتظرون بفارغ الصبر لمقابلة تجمعنا
وجدت ادارة ناجحه وحازمه ولا تفرق بين عضو قديم او جديد
اصبحت انتمى للمكان وبدورى استلمت الرايه من قبلى واحاول ان افعل اى شى يفيد المكان كما انا استفدت منه ......

انا كنت متابع جيد لعالم السيارات ولكن منذ انتمائى الى هذا المكان
تولد لدى معلومات وخبرات لم ولن اتخيل مهما قرأت كانت ستكون بهذه القيمة وهذا راجع لان المعلومات تكون عملية وليس نظرية..... تجارب الاعضاء تكفى ان ينشأ بها مجلدات خاصه بعالم السيارات .

من الصعوبة ان تظل ناجحا على طول الخط ولذلك تحتاج دائما الى العمل والجهد والمصابره حتى تحافظ على هذا النجاح كما هى حال الدنيا ...
المنتدى فى حاجه الى ان ينتقل من فترة الهواة الى فترة الاحترافية من مشرفين متفرغين حتى ولو كان بأجر من محررين اخبار من اخراج احترافى للمواضيع
من تجميع اخبار من كل انحاء العالم

محتاج الى ان يكون راعى للاحداث التى تخص عالم السيارات فى مصر

احتراف بكل ما تشمله معنى الكلمة ......
جاء الوقت ان يكون للمنتدى مكان خاص به يحمل اسمه ويتم فيه كل ما يخص المنتدى من بيع منتجات المنتدى وعمل لقاءات مع الاقسام كل فترة فى بيتنا وليس بالخارج .

يتم عمل مقابلات صحفية مع مديرين المبيعات واصحاب الشركات الخاصة بالسيارات لمعرفه كل ما هو جديد بالسيارات ويكون ذلك بواسطة محررين المنتدى .

على ان يتبع بانشاء صحيفه خاصه تحمل اسم نايل موتورز كخطوة بعيدة المدى خاصة بالسيارات

نايل موتورز اسم سوف يظل دائما فى الاذهان بفضل ادارته الناجحه واعضائه المميزيين

**ahmed88hassan** · 04-10-2010, 02:50 AM

عرفت المنتدي عن طريق العضو
levelpower
كنت داخل لأن انا من عشاق العربيات
كنت داخل كويس
ودلوقتي تمام .
اللي شدني : قسم لكل ماركة - قسم التعديل - البيع والشراء
استفدت قدر لا بأس بيه
اكتر حاجة مميزة كانت جديدة بالنسبة ليا - المقابلات
كنت متابع معظمها مع اني محضرتش ولا واحدة

**mr_sameh** · 04-10-2010, 04:24 AM

انا بقي عرفت المنتدي من جوجل كنت عاوز اشتري عربية لاخويا والحمد لله اشترتها من خلال المنتدي
من خلاله اتعرفت علي ناس كتير معرفة شخصية
شدني لية تنظيم الاقسام يعني اي حاجه عاوزها اكيد هتلاقيها
وكمان تشعر بانه كل يوم فيه تجديد
معرفش مين اتوقف ولا الموضوع اللي اتقلب لخناقه وكمان مين صالح مين واعتذرله
وكمان عرفت من عليه حاجات كتير وغير وجهة نظري في اشياء منها للاحسن ومنها للاسؤ
بصراحه منتدي محترم ناس متعاونين ادارة فعاله ومشرفين يقظين
انا بعتبر المنتدي اكبر موسوعه للسيارات في مصر
بارك الله في كل القائمين علي المنتدي

**ahmed_mido1889** · 04-10-2010, 10:38 AM

انا عرفت نايل موتورز عن طريق واحد كان كاتب علي كونتكت كارز"وداعا كونتكت كارز واهلا نايل موتورز"
ومن يومها انا لاجئ علي نايل موتورز
واستفدت منه كتير في حاجات كتير مكنتش اعرفها
لدرجه اي حاجه في العربيه ممكن امد ايدي فيها
ويوم لما كنت قاعد لوحدي واهلي مسافرين السعوديه العربيه باظت والاخوه في قسم الدايو هما اللي قالولي ايه العيب
وقالولي اصلحه فين واجيب قطع الغيار منين لدرجه والدي لما رجع وجرب العربيه حس ان العربيه بقت احسن من الاول
بيقولي انت صلحتها فين لما قولتلها عالمكان يقولي وانت ايه اللي وصلك لهناك وعرفت الصنايعي ده منين

**نور القمر** · 04-10-2010, 11:37 AM

المشاركة الأصلية كتبت بواسطة karim_monir مشاهدة المشاركة

السلام عليكم ورحمه الله
الموضوع باختصار عن المنتدى وعنك انت شخصيا
انت دخلت المنتدى ازاي
وصلت ليه ازاي
بحث-صديق-اعلان-الخ الخ
بحث
بعد ماخلصت غرضك الي بتدور عليه في المنتدى
ايه اللي شدك تكمل فيه
الشكل-التنظيم-الادارة وسياسة المنتدى-تعاون الاعضاء- تعمل صداقات-الخ
تعاون الاعضاء
ايه اكترما يميز نايل موتورز في نظرك

التعاون-المحبة -المقابلات الشهرية-الادارة-تنظيم المحتوى-جودة المحتوى-تجارب الاعضاء الفعلية-الخ
المحبة والتعاون وتجارب الاعضاء.. جميع ماسبق
نيجي لاهم نقطة :
ايه حصيلتك الفعلية من خبرات السيارات اللي طلعت بيها من المنتدى
يعني كنت داخل ابيض يا ورد ماتعرفش العربية الملاكي من النقل
ابيض يا ورد
ولا عندك شوية معلومات ويا دوب بتعرف الرداتير من الموتور
ولا معلوماتك اشد وعايز تعرف الفرق بين المواتير
ولا عايز تعرف ازاي تصلح عربيتك بايدك
الخ الخ الخ
عايز اعرف كل واحد خد ايه من المنتدى وفاده في ايه
ودور على ايه(كمنتدى مصري متخصص في السيارات فقط) ولم يجده
في انتظار ارائكم وكتابتكم باستفاضة من اجل تحسين وتطوير مكانة المنتدى

تحياتي
كريم منير
رئيس مجلس الادارة

استفدت معلومات عامة عن انواع السيارات الاكثر شعبية في مصر ومميزتها وعيوبها
الى جانب علاقات صداقة وتواصل اجتماعي ووجداني مع الاعضاء

**Karim_Monir** · 04-10-2010, 12:35 PM

هايل
في النتظار المزيد
الموضوع له علاقه احصائية بتطوير المنتدى وتجميع لاارائكم وانتم عايزين منه ايه في الفترة الجاية
منتظر مشاركة من كل اللي يشاهد الموضوع

**ahmed-moga** · 04-10-2010, 12:45 PM

بيقولوا خير الكلام ماقل ودل نايل موتورز اول مادخلتها عن طريق عم جوجل علشان اعرف حاجات عن العربيه بتاعتي ويارتني كنت عرفت مكانها قبل ما اشتري العربيه ومع مرور الوقت اكتشفت ان نايل موتورز جامعه كبيره جدا ومتخصصه في جميع المجالات حتي الأنسانيه علمتني اشياء كثيره جدا في كل حاجه حتي في كيفية التعبير عن ارائي الشخصيه اشياء لم اتعلمها حتي في دراستي العليا فشكرا نايل موتورز وبالنجاح والتوفيق والي الأمام دائما وابدا

**أبو إياد** · 04-10-2010, 12:46 PM

سبب معرفتى بنايل موتورز هو عربيتى العربيه اللانسر البيضا كانت بتاعه والدى رحمه الله وكان قرارنا انا واخواتى هو بيع العربيه ورغم علاقاتى قررت انى ابيعها لشخص غريب علشان ماشوفش العربيه تانى بعد بيعها لانها كانت عزيزه عليا وفى الاخر مابعناش العربيه بس عرفت نايل موتورز بسببها لان اول مشاركه ليا كانت اعلان بيعها

بعد ما خلصت غرضى من المنتدى شدنى اوى قسم الورشه وده لان درايتى بعالم السيارات لا باس بها والحمد لله استفدت وافدت الكتير ولقيت ان المساعده لوجه الله ليها راحه نفسيه رهيبه

واكتر حاجه لقيتها مميزه فى نايل موتورز هى اعضائه ورغم ان كل واحد ليه عيوبه الا ان مميزاته كانت بتمحى اى عيب وده بسبب الحب والتعاون والتسارع فى عمل الخير وايصال المعلومه لاى عضو محتاج مساعده

بالنسبه للحصيله بقا انا الحمد لله عندى معلومات كتير جدا عن السيارات وده كان بسبب مجالى السابق اللى اكسبنى خبره كبيره عن السيارات الموجوده فى مصر

واخيرا يعلم الله انى احببت جميع الاعضاء هنا وادعو الله ان يديم هذه المحبه وان يستمر هذا المنتدى الى الابد ودائما فى المقدمه ويزداد محبى الخير والناس اللى فعلا افتقدها الواحد فى حياته الفعليه

**heshamzaky** · 04-10-2010, 12:54 PM

و الله يا كريم باشا موضوع حلو بس دة عاوز رد كبير و طويل جدا حا ارد علية بأستفاضة بس موضوع جميل جدا جدا

Comment

Comment

إعـــــــلان

.

استفدت ايه ومنتظر ايه من نايل موتورز

استفدت ايه ومنتظر ايه من نايل موتورز

Comment

Comment

Comment

Comment

Comment

Comment

Comment

Comment

Comment

Comment

Comment

Comment