ازاي انضف عربيتي بنفسي ؟؟؟؟؟؟

[samirsaid1]

هو ايه اللى يخلى الكاوتش اسود غامق

[black_cres]

طبعا العنوان باين

دلوقتي انا مش بسأل علي الكار كير
انا بسأل علي النظافه العاديه

انا بدي البواب 10 جنيه بينضفلي العربيه من جوه ومن بره بتتمسح

فانا عاوز اهتم بالعربيه زياده

يعني مثلا
عاوز اعرف ازاي انضف الجنوط السبور

كان فيه حد هنا قال ان البيبسي بينضف الكاوتش ويخليه تحفه

ان شاء الله حعمل كده

فيه مكنسه كده بتتباع في التوفيقيه مش عارف بكام

وانضف التابلوه بأيه
عشان يلمع وفي نفس الوقت ميلمش تراب

كذلك الفرش الجلد

كان فيه عرض كده نازل في بنزينه شل
مناديل مبلله كده للفرش والتابلوه

انا بستخدمها وجميله صراحه

فيه اقتراحات تانيه ؟؟؟؟

بكره شكل الموتور وهوا مترب ومزفت كده
انضفه ازاي

تفتكروا ايه تااني ناقص

بالنسبة للتابلوه
فيه فكرة عندي بسيطة جدا
حضرتك هتروح لأي عطار وتجيب منه قول بجنيه مثلا فازلين (ماتقولوش بأقل من كدا عشان مايضربكش) وتيجي على التابلوه وتحط حطة صغيرة وتفضل تفردها بحتة قماش لحد ما مايبقاش ليها اثر هتلاقي ان التابلوه بدأ يلمع بس خد بالك بتحتاج انك تفضل تعمل في التابلوه جامد بحته قماش نضيفة عشام مايبقاش فيه اثر للفازلين لانك لو سيبت له اثر هيلم لك تراب الدنيا كله وبعد كدا الموضوع مش هيبقى محتاج اكتر من منديل تمسح التابلوه بيه كلم اما تلاقي عليه تراب
انا كنت بعمل كدا مع تابلوه البيجو (الله يرحم ايامها)
بالنسبة للكاوتش
حضرتك لما تبقى بتغسل العربية هات كيس صابون سايل وتحط حبه منه على فوطة وتدعكهم في الكاوتش وتسيبه لحد ما ينشف هتلاقي لونه عامل زي الفحم
الجنط
مش هيبقى محتاج اكتر من انك تعمله بفوطة مبلولة
المكنسة
بالنسبة للمكنسة انا سمعت عنها فعلا لكن انا بخاف من اي حاجة ممكن تتوصل بكهربا العربية فالو لقيت مكنسة بالشحن دا يبقى كويس (ولو سمحت لو لقيتها تقولي جبتها منين لاني دايخ على وحدة )


ونصيحة مني ابعد عن الغسيل بمسدس المياه اللي في بنزينة دا الا في الطوارئ يعني لو رايح عشان تغسل الشاسيه وكدا غير كدا بلااااااااااااااااش

[ahmad--ezzat]

سيبك من موضوع غسيل الجنوط دة....لان انت فى مصر وكل شويه هتتلطخ طين وتراب

[SS]

أنا كان قلبى حاسسس ان الجنوط الجديدة مش هيجى من وراها غير القلق...عشان كده سيبت لك القديمة

مالهم يعنى...دول حتى سود و مش هيبان فيهم حاجة.....و معاهم طقم طاسات قلق

فانا هاخد الجداد عشان اريحك منهم....و انت عارف مفيش احسن من حاجة الفابريكة....و اذا كان ع الكاوتش و فرق المقاس

فما تقلقش هابدل معاك و مش هادفعك فرق

[M.Elgergawy]

طبعا العنوان باين

دلوقتي انا مش بسأل علي الكار كير
انا بسأل علي النظافه العاديه

انا بدي البواب 10 جنيه بينضفلي العربيه من جوه ومن بره بتتمسح

فانا عاوز اهتم بالعربيه زياده

يعني مثلا
عاوز اعرف ازاي انضف الجنوط السبور

كان فيه حد هنا قال ان البيبسي بينضف الكاوتش ويخليه تحفه

ان شاء الله حعمل كده

[justify] [/justify][justify][/justify][justify]
يا ميكي تغسل الجنوط بمياه وعليها بريل وبالنسبة للكاوتش بعد متغسله كويس بالمياه تمسحه بسفنجة وعليها رغوة البريل وتسيبو من غير متغسلو بالمياه
[/justify]
فيه مكنسه كده بتتباع في التوفيقيه مش عارف بكام
[justify]
سيبك منها بتبوظ على طول مفيش أحسن من مكنسة البنزينة
[/justify]
وانضف التابلوه بأيه
عشان يلمع وفي نفس الوقت ميلمش تراب
[justify]
أي ملمع تابلوه يكون كويس في نوع انا جربته علبه كدا ابيض في احمر تركي كبيرة في حدود 15 جنيه بترش وتسيبه حوالي 5 دقائق وبعد كدا تمسح بفوطة ولو مش عايزه يلمع اوي بعد دقيقتين بس امسح بالفوطة
[/justify]
كذلك الفرش الجلد

كان فيه عرض كده نازل في بنزينه شل
مناديل مبلله كده للفرش والتابلوه

انا بستخدمها وجميله صراحه

فيه اقتراحات تانيه ؟؟؟؟

بكره شكل الموتور وهوا مترب ومزفت كده
انضفه ازاي
[justify]تغسل الموتور بالبخار كل فترة في بنزينة وطنية اللي هي بعد الحي السابع طريق المقطم والتجمع على اليمين ب 25 جنيه ولو عايز تنظف الفرش والسقف كلوا بيتنظف تمام هناك [/justify]
تفتكروا ايه تااني ناقص
مش ناقص غير انك تنضف عربيتك
ارجو مشاركتي في الاراء

[ainshouka]

كنت بستعمل رابيدو على الكاوتش وكان بيدى نتيجة حلوة لكن بعديها بيومين بترجع ريما لعادتها القديمة

الحل الاحسن بعد متغسل الكاوتش نضف الطريق اللى حتمشى فيه والكاوتش حيفضل معاك اسود علطول

[samirsaid1]

الأجزاء البلاستيك اللى فى الصالون بتاع العربية مش نظيفة وخايف اغسلها بحاجة متزود عليها ميه عشان ماتنزلش على الفرش الموكيت وتبل وتوسخة فعاوز حاجة للتنظيف ( مثل الأبواب من الداخل ومكان فرامل اليد والتابلوة وحوالين الأبواب

[kar!m]

الحل الاحسن بعد متغسل الكاوتش نضف الطريق اللى حتمشى فيه والكاوتش حيفضل معاك اسود علطول

جامده دى :-)

[A.Saad]

الأجزاء البلاستيك اللى فى الصالون بتاع العربية مش نظيفة وخايف اغسلها بحاجة متزود عليها ميه عشان ماتنزلش على الفرش الموكيت وتبل وتوسخة فعاوز حاجة للتنظيف ( مثل الأبواب من الداخل ومكان فرامل اليد والتابلوة وحوالين الأبواب

get
armor all
بينظف الاجزاء البلاستيك
مش تستعمله للقماش والفرش والدزاسات والدركسيون

[No Comment]

طب بعد اذنكم ... ممكن أعرف ايه اللى ممكن ينضف الفرش الاصلى بتاع العربية ... الفرش مش جلد هو قماش وشيمواه حاجة زى كدة .

[devilishtigers]

بس يا صبحي انا بستخدم ارمول اوول الزجاجة الكبيرة في تنضيف التابلوه والدركسيون والفتيس والباب والاكر و... و..... تقريبا كل حاجة في العربية معادا الفرش وبيعمل نتيجه هايلة بجد ولو عملت مقابلة هوريك النتيجة بعينك بس بعد الامتحانات
اشتريت من السوبر ماركت السفنجة بتاعة المواعين اللي بتكون ناعمة (اشتريت 6) ومخلي واحدة انظف بيها التراب وواحدة برش عليها ارمول اوول وامسح المكان اللي انا عايزه.
ومن بره هاتلك الشامبوه بتاع العربية وحط مقدار غطا او 2 على المياه اللي البواب بيغسل بيها وهتظبط الدنيا.
بالنسبة للتراب اللي جوه العربية روح البنزينة وريح نفسك (المكنسة عندهم كويسة).
لو عايز الكاوتش يلمع بجد في مره كنت بشتري حاجات من هايبر ولقيت فوم (مش متذكر الاسم) ودا للعجل فقط بس كان ب 55 جنيه واستخسرت اجيبه. وبردو من منتجات ارمول اوول.

[M.Nasr]

اقتراحات ونصايح جميلة اوى الف شكر لكل من شارك بنصايحه

[A.Saad]

اشتريت من السوبر ماركت السفنجة بتاعة المواعين اللي بتكون ناعمة (اشتريت 6) ومخلي واحدة انظف بيها التراب وواحدة برش عليها ارمول اوول وامسح المكان اللي انا عايزه.

ممكن تستعمل الفوط الميكرفايبر
هتكون انعم بكتير من السفنجة

[hossamhookman]

نضف الماتور بالهوا بس
و ممكن تنضف الشنطة كمان بالهوا
فة واحد جمب بيتى رهييييييييييييب
بياخد 25 جنيه و يقعد ينضف فى العربية يجى ساعتين
كل حاجه و زى ما تقولوا بيعمل

[devilishtigers]

ممكن تستعمل الفوط الميكرفايبر
هتكون انعم بكتير من السفنجة

إن شاء الله اجربها
انا سمعت عنها قبل كدا بس كنت ناسي اسمها