ازاي انضف عربيتي بنفسي ؟؟؟؟؟؟

[snakeson2]

طبعا موضوع انك تغسل العربية بنفسك جميل
كفاية انك بتبقي بتنضفها بضمير وعايزها عروسة
بص ياكبير انا استخدمت مواد كتيرة وماركات كتير جدا
انظفهم واحسنهم منتجات سوناكس بتتباع في سبينس وكارفور
بجد وهم ونظافة ومفعول .
الجلد لية مادة بتنضف وتلمع وترجعة جديد والطابلوة كذلك
امسح بسفنج وده احسن كتير من الفوطة ولما تخلص خالص ممكن تمشي الفوطة
الكاوتش عليك وعلي بخاخة تحط نصها مية ونصها بيبسي وترش منها بعد متغسل كدة احسن وانظف وتقعد معاك كتير
سوناكس من اغلي المنتجات في السوق بس طبعا الاحسن في الحفاظ والنظافة
ونصيحة هات ديتول مطهر بخاخ سبراي ورش منه عند فلتر التكييف هيلغي البكتيريا والروائح الكريهة وخلافة البخاخ دة بيقتل الجراثيم عشان البرد وكدة
انا هحاول اصورلك الحاجة الي بنظف بيها وهيا من الاخر في الجون مش هتتعب نفسك وهتوفر كتيير

[mailo]

بص يا باشا إنت تنزل تعمل شوبينج في كارفور أو سبينس هتلاقي سبراي للجنوط والكاوتش والتابلوه
وتيجيب معاهم الفوطة الفيبر دي وكمان هتلاقي مقشة نونو كده بـالجاروف بتاعها عشان الحتت اللي ماتوصلهاش المقشة العادية
من بره بـقه مفيش أحسن من شغل الميكروباص جردل مية على شوية بريل وال فوطة تشتغل -العادية مش الفيبر- اتفرج على أي موقف كده وهتلاقي السواقين شغالين طول اليوم وفيه عيال بتعمل كده بـ 3 جنيه للميكروباص :) بس خد بالك متعملش زي البواب عندي مابيعمل ويسيب العربية تنشف لوحدها عشان غير إنها هتجير الدهان بتاعها بيبوظ لو اتعرضت للشمس كتير

فكرة ديتول على فلتر التكيف دي تحفة آخر حاجة وجامدة جدا

أما الموتور بقى فيه في البنزينه غسيل كيماوي وده أحسن من الجاز بس أنا معرفش هو فعلا حلو ولا لأ على المدى الطويل

[saadelden]

انا عايز اغسل فرش الكراسي و عايز مكان كويس يظبطهملي
طبعا الفرش شمواه مش جلد !!!!!!!!!