المتسبب الحقيقي لمذابح السيارات علي كوبري المنيب

[MohssenRashed]

الشهادات العلمية ليست مقياس لرجاحة العقل... ما ممكن تلاقى واحد جاهل و تلاقية نزل من النفق او طلع الكوبرى و لو سالتة ليه؟ يقولك بعفوية "هو العمر بعزقة؟"... مع انة ممكن يكون لا بيعرف يقراء ولا يكتب

mmamdouh

انا معاك بس على الاقل يبقو قدوة لو عيل صغير شايف ظابطو لا دكتور ولا مهندس ولا ..... و هو نفسوا يبقى زيو هيقلدو صح؟

[MMamdouh]

صح

MMamdouh

[Samir Elshahawy]

الفكرة بقى ان المشاه بتعدى من اى حتة و السلام و فى اى وقت و باى طريقة... و المتوقع ان قائد العربية هو اللى يحافظ على ارواحهم... اللى مش واخدين بالهم ان جزئئية الحفاظ دى عبارة عن 3 نقط فقط لاغير و هما:

1- السير حسب السرعة القانونية و بشكل لا يعرض الاخرين للخطر
2- فى لحظة الحادث ان تستعمل اله التنبية و الفرامل
3- الا يكون فى مقدرك اتخاذ اى اجراء اخر كان يمكن ان يؤدى لتفادى الحادث

عايز أقولك أن كل الشروط دي كانت متوفرة
1- السرعة كانت بالفعل حوالي 90 كم/ساعة
2- الفرامل تم أستخدامها و بأقصي قوة مني و من كل السيارات لدرجة أن جميع السيارات تقريبا توقفت ماعدا الحارة اليمين
3- كل اللي عملته أني شغلت الانتظار ووقفت انتظر أن العربيات اللي جاية من ورايا تصطدم بي او بالعربية اللي وقفت علي شمالي

يعني فعلا كل اللي كان ممكن يتعمل علشان ماتخبطش أنسان أتعمل و بنجاح لكن كان من الممكن ان انا و غيري اللي نكون ضحايا بعد كده

و كل ذنبي أيه اني راكب عربية مش ماشي علي رجلي

[abd_el_7amid]

يقف نص ساعة او حتى ساعة لغاية لما لطريق يتصادف ان مفيش اى عربية معدية و يعدى هو

امال يعنى يلبس 30 واحد فى بعض و احتمال ان تحصل خسائر فى الارواح يكون كبير جدا او ممكن يحصل اى شرز مع تنقيط بنزين عرية تنكها اتخرم و تبقى كارثة

استاذ سمير كان بيقول ان بسبب اللى كان بيعدى ده كان فى عدد كبير من العربيات هتلبس فى بعض دا غير العربية اللى وقفت بعرض الطريق

ياباشا انا ماقولتش انه مش غلطان .... بس بينى وبينك هوا الدائرى بيفضى من العربيات السريعة؟؟؟؟
انا من 3 او 4 سنين لما كنت بعدى الدائرى قبل ما جيب العربية ... كنت الاقى الطريق شبه كويس ينفع اعدى
وفجاءة تلاقى صاروخ جاى من ورا بابقى مش عارف اروح فين و يا حبذا لو بياخد غرز ببقى مش عارف افاديه ازاى...

[د.محمود صلاح]

الكل مشترك في المشكلة المرورية ومن ضمنهم المشاة

[Dr.SherifMansy]

المشكلة فى ثقافة عبور الطرق عندنا ، و هى تتمثل فى النقط التالية..

• اقصر الطرق بين نقطتين الخط المستقيم ، يبقى تعدى من مطرح ما تحب بدل ما تلف و تمشى علشان توصل لمكان عبور المشاة أو الكوبرى أو النفق.
• الكبارى و الأنفاق فيها سلالم و طبعا الطلوع و النزول متعب ، فعدى منين ما تحب اسهل من التعب فى الطلوع و النزول..
• خطوط عبور المشاة الغرض منها لعب الأولة ، و طبعا انت عايز تعدى مش تلعب ، يبقى ابعد عنها ...و شوف حتة تانية تعدى منها...
• قائد السيارة هو المسئول اولا و أخيرا ... مش البعيد راكب و انت على رجليك ، يبقى هو المسئول ، و عليه التوقف او مفاداتك باى طريقة تعجبه ، يتحرق حتى ... دى مشكلته هو...
• لما تعدى ادى ضهرك للعربيات ... و فيها فايدتين ، اولا السواق يفتكر انك مش شايفه فيحس بالذنب و يعمل المستحيل علشان يفاديك ، و ثانيا لو هاتتخبط خلاص ماتشوفش الموت و هو جاى ، زى ما بيغطوا عينين المحكوم عليه بالأعدام...
• لو جماعة امسكوا ايدين بعض و ارفعوها لفوق و عدوا طابور واحد .... قال يعنى كده السواق هايبقى مجبر يقف ، هايخبط مين و لا مين ؟؟؟ (مع ان الطريقة دى بتزود احتمالات الحوادث لأن مش الكل بيعدى فى نفس الوقت، الشارع فعلا بيتقفل بطابور المشاة) ...و طبعا الوقوف دى مسئولية السواق زى ما قلنا قبل كده ...
• تبقى معلم لما تخبى نية عبور الطريق ... خليك واقف و بص فى جميع الأتجاهات ما عدا نهر الطريق ، و فجأة ارمى نفسك و ابدأ فى الجرى ... هاتبقى احلى مفاجأة للى بيعدى و اللى سايق !!!...
• يا سلام بقى لو تطبق النقطة اللى فاتت مع الثقة بالنفس اللا متناهية ، يعنى تتمشى بدل ما تجرى ، و تعتبر الشارع فاضى خالص ...
• مافيش مانع تقف فى نص الطريق تنادى على حد معاك و مارضيش يعدى ... هى يعنى الدنيا طارت ؟؟؟

دى القواعد اللى على بالى دلوقت ... لو حد عنده زيادة ياريت نضيفها..

و ربنا يستر طريقنا جميعا..

و تحياتى

[mahmoud_anwar]

انا بقا حصل ليا موقف انا قولت علي الست الله يرحمها وربنا يرحمنا من المتخلفين الي بيسوقه عربيات
في مره كنت نازل شارع الهرم مع صحبي بليل بشتري ملابس ومعايه عربيه واحد قريبي شاهين
وكنت قارص بيها علي الشمال واذا من بعيد القي عربيه وقفه في الشمال فا طلعت منه زي الغرزه
والقي ست بتعدي الشارع وفي وش العربيه احلف لك بي الله ان العربيه مش بتاعتي بس قولت في دهيه
دوست فرامل علي اخرها ولا تقني بدوس دبرياج العربيه نزلت بكل عزمها علي وشها وطبعآ حمدت ربنا الف حمد وشكر لك يارب
ان الست ما اتحركتش طبعآ عكست الدريكسيون علي النحيه القادمه من غير ما ابص في مرايه وقولت زي ماتيجي تيجي لي ان المتخلف الي وقف علي الشمال ده هو السبب الطريق مفتوح يعني مينفعش يقف علي الشمال علشان يعدي حد
ثانيآ وانا ببص واريه والست عدت لقيتها وقفت علي جمب من الصدمه بجد انا مش بشكر في نفسي ولا بقول مايكل شوماخر
بس ربنا لسه شايف ان ليه عمر تعيشه والله وجه العربيه بعيد عنها بس بي 3 خطوات يعني لو انا فكرت اعملها كا مهاره مكنتش هاتعيش لكن ده بفضل ربنا وده لان ربنا مش كاتب ليه الموته هذا
والحمدالله ربنا سترها معايه الف حمد وشكر لك يارب

[ahmed_mido1889]

والله كنت بكلم اختي في حوار الحوادث
كنت بقولها سبب معظم الحواداث واحد تتييييت بيعدي الطريق و واحد ابن تيييت بياخد غرزه غير ادميه

[احمد ابراهيم]

الكارتة زادت دلوقتى يا ابو حميد... انا دفعت 200

mmamdouh

مش مشكلة يا كبير ادفع 200 و اخلص من بهيمه بلا عقل و مش هتتسئل عيها فى حاجة لانه هو اللى غلطان احسن ما مجموعة عربيات تلبس فى بعض و ممكن يكون فى اصابات او لا قدر الله خسائر فى الارواح دا بقى غير تكاليف الاصلاح اللى اكيد هتعدى ال 200 جنية

يعنى تشيله و تدفع 200 تبقى انت الكسبان فى الاخر


ربنا يسترها علينا و على المشاة و يجنبنا المخاطر

بس المشكلة فعلا ان معظم الناس معندهومش ثقافة انهم يعملو اى حاجة بطريقة صح
و لا تعدية طريق و لا اكل و لا شرب و لا لبس و لا حاجة بعملها بفكر صح او زى ما الناس اللى عملتها عشان غرض معين

يعنى بردو بعض الناس فاكر عشان انه راكب عربية لازم يقفل امبير

هى دى اتعملت عشان تبقى عربية تتوافر فيها عوامل الراحة و الامان و توصلك من مكان لمكان فى وقت مناسب متعملتش عشان تبقى طيارة

او اللى معاه زينون مثلا و تلاقيه مشغله على العالى فى منطقة زحمة او مش طريق سفر تبقى عايز تنزل تديله بالقلم

احنا كبشر فى دولة معينة معندناش ثقافة الاستخدام الصح للحاجة طبعا مش كل الناس اكيد فى ناس بتعرف ازاى تتصرف و ازاى تستخدم الحاجة صح

[ahmed_mido1889]

اعتقد انك تقصد عقاب على المشاه الى بتخالف القوانين لان قائدى السيارات بتتراقب سرعاتهم و تعاملهم مع الاشارات الضوئية و فى حالة الحوادث العقوبة بتبقى غرامة و سجن

اللى بيعدى من اى مصيبة على الطريق محدش بيقولة تلت التلاتة كام...

Mmamdouh

+1111
حضرتك انا حصل معايا موقفين واحد ربنا ستر والتاني الحمدلله شيلت الراجل بس كان في المعادي في الرب و كان راكب عجله وكسر شمال مره واحده لرجه اني بقيت احك في الرصيف وانا كابس فرامل علشان افاديه
والاول كان في الاوتوستراد عند مطلع كوبري الدويقه اتنين ستات كانو عالرصيف اللي في الاتجاه التاني
عدو الشارع جري فجاه لاقيتهم قدام بووز العربيه في الحاره التانيه كبست فرامل واسمع احلي صريخ فرامل في الاسفلت وكان ورايا جراند شيروكي ويميني نيسان صني و مالي مرسيدس 200
كله كبس فرامل والجيب كانت هتلبس فيا من ورا واللي يطلق عليهم بني ادمين عو الطريق وجريو واحنا اللي كنا هنلبس في بعض نصطفي مع بعض

[محمد ابراهيم 1]

المشكلة فى عقليات الناس يا استاذى...

ما فى اى حتة فيها اسوار الناس بتنط السور و تعدى على رجليها برضة زى الاوتوستراد عند الحتة بتاعت منزل كوبرى التونسى... مع ان فيه كوبرى عبور مشاه فى الحتة دى تحديدا

mmamdouh

البشر فى جميع البلاد زى بعض تماما

الفروق بينهم بتبقى بسيطة جدا

اللى بيفرق بينهم فى السلوك هو درجة الوعى ومدى الخضوع للقانون

المصريين لو تم توعيتهم بمخاطر عبور الطرق وتم عمل كاميرات مراقبة وتفعيل القوانين وتطبيق عقوبه على المخالف منهم ستنخفض نسبة المخالفات 95 %

[tarekmomo]

فعلا الناس بتعدى من غير ما تقدر سرعة العربيات الجاية عايز الزل ما يعدى الكل يقفلو

[Rerii]

ههههههههههههههههههههه اراهن ان الراجل فى الاخر بصلكوا باستغراب وهو بيعدى كأن بيقولك انت ازاى ماشى على طريق سريع اصلا

هو ده التطور الطبيعى للحاجه الساقعة

هو انت لسه نازل مصر امبارح وللا حاجه ؟؟؟

[tutankhamoun]

البشر فى جميع البلاد زى بعض تماما

الفروق بينهم بتبقى بسيطة جدا

اللى بيفرق بينهم فى السلوك هو درجة الوعى ومدى الخضوع للقانون

المصريين لو تم توعيتهم بمخاطر عبور الطرق وتم عمل كاميرات مراقبة وتفعيل القوانين وتطبيق عقوبه على المخالف منهم ستنخفض نسبة المخالفات 95 %

يا أستاذ محمد كلامك صحيح بنسبة كبيرة

و لكن

الناس بتشوف الحوادث كل يوم و محدش بيتعظ
الناس بتنزل تعدي امام عربيتك و شايفاك جاي بسرعة علشان الناس أصبحت معندهاش صبر و محدش عايز ينتظر اللحظة المناسبة للمرور

حاجة بقى كمان بتفقعلي مرارتي

يقولك ا لأعمار على الله و ينزل قدام القطار
سواق عندنا في الشركة ....... كان بيجري جامد و الطريق مش سامح و أنا قاعد و حالتي سيئة جدا من الرعب
المهم أجبرته يهدي سرعته .......... و بقوله أيه اللي بتعمله ده

رد الرد الطبيعي ......... الاعمار بيد الله ؟

[ahmed_mido1889]

يا أستاذ محمد كلامك صحيح بنسبة كبيرة

و لكن

الناس بتشوف الحوادث كل يوم و محدش بيتعظ
الناس بتنزل تعدي امام عربيتك و شايفاك جاي بسرعة علشان الناس أصبحت معندهاش صبر و محدش عايز ينتظر اللحظة المناسبة للمرور

حاجة بقى كمان بتفقعلي مرارتي

يقولك ا لأعمار على الله و ينزل قدام القطار
سواق عندنا في الشركة ....... كان بيجري جامد و الطريق مش سامح و أنا قاعد و حالتي سيئة جدا من الرعب
المهم أجبرته يهدي سرعته .......... و بقوله أيه اللي بتعمله ده

رد الرد الطبيعي ......... الاعمار بيد الله ؟

المشكله ان احنا بنعمل الغلط ونرجع نقول قضاء وقدر