الكورى ... هل فعلا مظلوم ... مناقشة موضوعية من واقع تجربة

[Mahmoud Nagieb]

إزيكم يا شباب

كنت عاوز النهاردة نتكلم فى موضوع ثقافة الشعب المصرى فى التفريق بين العربيات .... والمقولة الشهيرة ( ده عربية كورى يا بيه )

أولا اللى خلانى اعمل الموضوع ده .. انى كان معايا عربية هوينداى اكسيل مو 97 .... عربية كورى تقفيل مصرى كمان

العربية ده كانت اصيلة جدا واعطالها قليلة (بإستثناء التكيف) ودايما كانت بتعطل يا قدام الميكانيكا يا قدام البيت
وانا بصراحة كنت مبهدلها غرز وحرق وسرعات والكلام ده .... بس دايما كنت بقول فى عقل بالى العربية ده لو عملت بيها حادثة مش هطلع منها ... لان صاجها كان ورق بمعنى الكلمة ... وكمان ده فى الاول والاخر .... عربية كورى

المهم من كام شهر كده ماشى انا والحاج على الاوتوستراد بالليل ماشى على الشمال عادى خالص سرعتى طبيعية فى حدود 100-110 ... وفجأة الاقى تريلا طلعت من اليمين وعاملة كروس بعرض الطريق بسرعة جدا ... لسة بدوس فرامل وبحود الدركسيون دخلت فيها بسرعتى تقريبا

المهم انا قبل الاصطدام مباشرة كان فى بالى انى ما اكبسش فرامل جامد علشان اعرف احود ... بس ملحقتش لان التريلا كانت سريعة

أثناء الاصطدام بقى انا كان فى بالى انى هلاقى المقطورة ده عندى فى كابينة ... لان طبعا السرعة كانت عالية

بس المفاجأة بقى (والحمد لله ) انى طلعت سليم الحمد لله ماعدا بعض الكدمات من اثار الحزام ... صحيح العربية اتدمرت ووش العربية اتشحور خالص .... بس فى الاخر الحمد لله كابينة القيادة كانت سليمة بالرغم ان الاصطدام كان عنيف

فهنا بقى انا بدأت اسال نفسى .... العربية الكورى ده قالتلى لأه فى ايه

غرز وشد وعمرها ماكسفتنى ... ده ياما خدت بيها غرز كنت بطلع بيها من اجدعها عربية فى الزحمة
اعتمادية واعطال .... بصراحة معدل الاعطال كان بيقترب من الزيرو طول ما الواحد كان بيحافظ على الصيانة الدورية
عفشة ونعومة .... العربية ده عفشتها كانت ناعمة جدا
توافر قطع الغيار واسعارها ... اسعار قطع الغيار زى ال 128 كده ومتوفرة جدااا

وفى الاخر (بعد ستر ربنا ) العربية شالتنى فى حادثة بشعة وطلعت سليم (بعد ستر ربنا والحزام ).... وده لا فيها ABS ولا AirBag ولا الكلام ده

العربية بعد لما بعتها .... عرفت من اللى اشتراها انه جابلها نص امامى روحت بصيت عليها لاقيتها ما شاء الله كأنها ما اتخبطتش

طب إحنا عاوزين ايه تانى من عربية غير كل ده ..... ويجى فى الاخر يقولك يا بيه ده عربية كورى

بجد عاوز اعرف ارائكم فى الموضوع ده

ايه الفرق الجوهرى بين الكورى والعربيات التانية اللى مخللى الشعب المصرى بيعامله معاملة العبيد ومطلع عليه اشاعات الدنيا كلها

[ashouhdy]

دة تخاطر افكار بقى او الوحى وصلك متأخر عنى شوية كااام شهر كدة :))))

[Mahmoud Nagieb]

دة تخاطر افكار بقى او الوحى وصلك متأخر عنى شوية كااام شهر كدة :))))

لا ده عقبال ما اشتركت فى المنتدى وخدت عليه ( انا ماليش فى حوار المنتديات ده اصلا )

حاسك متضايق من الفيرنا او كلامى معجبكش

[mada_76]

والله انا شايف ان الكوري تعتبر عربيات كويسة جدا بس مش جدا جدا ولا ممتازة . يعني نقدر نقول فوق المتوسط .
انا راي ان اللى بينقص فيها الثبات شوية على الطريق وخامات التقفيل والصالون ده غير عوامل الامان . انا معايا هيونداي على فكرة يعني مش من اعداء الكوري لكن كان نفسي تكون الحاجات دي موجودة في العربية .
اعتقد ان المشكلة في الوكيل اللى بيلغي ال abs و ال air bags والفولاذ والحساسات وحاجات كتير عشان يرخص من سعرها .
انا مرة كنت في التوكيل ( غبور ) وسالت مدير القطاع التجاري ليه الشماسات عندي مافيهاش مرايات زي كل عربيات الدنيا ( ده ال 127 فيها مراية في الشماسة ) قالي لو كنا نزلنا المراية معاها كانت العربية سعرها غلى حوالى 2000 جنيه .
طيب مين السبب ؟؟؟؟؟؟؟؟؟؟؟؟؟؟؟ مش عارف
باختصار عشان ماطولش انا شايف ان الكوري حلو اوي لبلدنا وشوارعنا والجو هنا .

[rompo10]

ياباشا انت بتقول العربيه اتشحورت لو عربيه الماني ماكنش حصلها كده وكانت دوسه الفرامل جابتك ووقفت دا كله طبعا بعد ستر ربنا علينا

[ashouhdy]

لا ده عقبال ما اشتركت فى المنتدى وخدت عليه ( انا ماليش فى حوار المنتديات ده اصلا )

حاسك متضايق من الفيرنا او كلامى معجبكش

لأ خالص والله بس اصل انا عملت نفس الموضوع من فترة :)))) بس مش عايز احط اللينك عشان محرقش الموضوع دة...

خلى كلة يدخل تانى ونعمل حوارات ومناقشات جديدةة :))))

[Mahmoud Nagieb]

والله انا شايف ان الكوري تعتبر عربيات كويسة جدا بس مش جدا جدا ولا ممتازة . يعني نقدر نقول فوق المتوسط .
انا راي ان اللى بينقص فيها الثبات شوية على الطريق وخامات التقفيل والصالون ده غير عوامل الامان . انا معايا هيونداي على فكرة يعني مش من اعداء الكوري لكن كان نفسي تكون الحاجات دي موجودة في العربية .
اعتقد ان المشكلة في الوكيل اللى بيلغي ال abs و ال air bags والفولاذ والحساسات وحاجات كتير عشان يرخص من سعرها .
انا مرة كنت في التوكيل ( غبور ) وسالت مدير القطاع التجاري ليه الشماسات عندي مافيهاش مرايات زي كل عربيات الدنيا ( ده ال 127 فيها مراية في الشماسة ) قالي لو كنا نزلنا المراية معاها كانت العربية سعرها غلى حوالى 2000 جنيه .
طيب مين السبب ؟؟؟؟؟؟؟؟؟؟؟؟؟؟؟ مش عارف
باختصار عشان ماطولش انا شايف ان الكوري حلو اوي لبلدنا وشوارعنا والجو هنا .

مراية ب 2000 جنيه ... ليه هيا هتجيب صورتى وش وضهر ولا ايه بالظبط ..... ده استهبال والله

بص انا معاك فى حتة الخامات والصالون ( مع انى محستوش فى الاكسيل ) بس حسيتوا فى الكورى الجديد .....

عموما بشكرك على رايك بشدة

[Ashraf_Ibrahim]

دي كوري يا بيه
ميعرفش ان الكوري دا العبد الأسود اللي طلعان عينه على الطريق
زي مانت قلت بالظبط
عربية بتتبهدل وحمالة قسية وبتاعة شغل
تشد تلاقيها
تحمل تلاقيها
تمرمطها تلاقيها برده
وفي الحاوادث مبتقولش لا برده
انا عامل حادث مع لانسر بالفيرنا بتاعتي وسبحان من خرجها من الحادثة بحكة بسيطة في الرفرف قدام بينما اللانسر جابت باب ورفرف ومرايا
دي كوري يا بيه
مهي كوري اهين ومش بتقول لا لأي حاجة
قطع غيار رخيصة جدا
وعربية ممتازة جدا
ايه عيبها؟
ثبات ضعيف شوية بعد ال 120؟
مش عيب هي اداءها كدة وعلى سعرها
حتى اللي تلاقي معاه عربيات غالية اغلبه تلاقيه برده جايب عربية كوري
تلاقيه راكن المرسيدس او البي ام او الفولكس او اي عربية غالية وبيخرج بالكوري
اصل دي بتاعة البهدلة وبتاعة الزحمة
واول ميكون رايح مناسبة وكدة تلاقيه قام مطلع الحتة الألماني من الجراج وراكن العبد الكوري في الحوش -حتى مستكلفش انه يدخلها الجراج عشان يكافئها بشوية راحة على خدمتها ليه ولكن رماها عادي جدا وكأنها عديمة القيمة
مش هي دي اللي شايلاك على طول ولا عمرك اديتها امر وقالتلك لا؟!
انا مش بقول ان الكوري هو احسن العربيات
ولكن صدقا عشان عربية كوري تعيش في بلد يزي بلدنا هذا ان دل انما يدل على اتقان الصناعة الكورية فعلا
كفاية كمية المطبات اللي العربيات دي بتاكلها والطريق السيء اللي ماشية فيه على طول
حقيقة
احترامي للمارد الكوري |!

[Mahmoud Nagieb]

ياباشا انت بتقول العربيه اتشحورت لو عربيه الماني ماكنش حصلها كده وكانت دوسه الفرامل جابتك ووقفت دا كله طبعا بعد ستر ربنا علينا

يا باشا المسافة كانت قريبة فعلا مكنش ينفع اعمل حاجة غير انى احود ... وكمان ملحقتش
فيه موضوع هنا عن عربية جيتا اتدمرت ومفتحش الايرباج فيها .... المانى اهو ... طبعا مش بقلل من الالمانى بس بقول بلاش المبالغة فى موضوع امكانيات الالمانى او حتى اى صناعة تانية

لأ خالص والله بس اصل انا عملت نفس الموضوع من فترة :)))) بس مش عايز احط اللينك عشان محرقش الموضوع دة...

خلى كلة يدخل تانى ونعمل حوارات ومناقشات جديدةة :))))

يا رااااااجل .... تصدق مشفتوش .... طب ما تعمل فيا جميلة و تقولى النتيجة النهائية

[ahmed_mido1889]

الكوري بحس انه ثباته مش وحش
تسارع ممتاز
حماله اسيه وبهدله
قطع غيار برخص التراب ومن عند البقال
يعيبها فقط الفرامل ضعيفه
يعني الصراحه نادرا لما بشوف عربيه كوري مقلوبه
بلاقي كله لابس بالوش مش اكتر

[ashouhdy]

دة كان رأيى وماااازاااااااااااال


دايما مشتوم و مظلوم

الكورى العادى بتاعنا اللى منتشر ..... لانوس اكسنت فيرنا ماتيز نوبيرا الانترا ....... ع طول الشتيمة نازلة تلعن ترابنتييييييين عيلتة مع انة الواحدد لو فكر شوية حيكتشف ان الكورى

أحلى عربية فى مصر

قبل ما نتخانق نتكلم واحدة واحدة ..... الأبن مثلا نجح فى الثانوية ييجى الاب يجيبلة اية ع قد سمعة عربية كورى رخيصة ام 60 او حاجة و خمسين او اواخر حتى الستينات عشان الواد (يخبط بيها براحتة)

او واحد ربنا كرمة شوية وقدر يجمع مبلغ وراح جابها او واحد عمل جمعية و قبضها الاول و غير عربيتة ال128 اللى بقالها 45سنة بتتكحور فى شوارعنا و جاب الحتة اللى ب باور و تكييف وياعم وسع

او واحدة جبتها لبنتها او اب جايبها لمراتة توصل العيال و هكذا

حنلاقى مثلا الولد اللى لسة مستلمها من ابوة مطلع عيين اللى مصنعينها هاتك يا فرك و حرك و يشيل فيها 12 او 15 من شللتة و يطلع ع العجمى يفرم العربية و يحطلها بنزين 80 (مش عارف لية لما حد يفكر يحط 80 بدل 90 دايما برضة تطلع عربية كورى) قال يعنى هى ناقصة !! المهم يوفر تمن البنزين و يروح يشييش بية هو و صحابة او مثال تانى الراجل اللى قبض الجمعية يركب هو و مراتة و حماتة و حماة و اولادة و جوز عم المدام كلهم بتحشروا فيها و هاتك يالف ويطلعوا عينها ودة من مسمى الراجل جاب عربية جديدة من العربيات الحلوة دى ياولية اللى بتجرى بتاعة الشباب ولازم نستخدمها بقى

وتلاقى ياحببة عينى ع العربية لا راجل ملاحق ع اقساط الجمعية اللى قبضها و ولا ع صيانتها او حاجاتها اللى خلاص كفرت من الهرس !! او نيجى مثلا ع الام اللى بتوصل بيها عيالها !!! مش عارف لية عمرى ماشفت (بقالى 14سنة بسوق) واحدة ست محملة اورطة عيال وراها و (بتنقى) البلاعات ذى اللى بينقى الجوافة من صندوق البيبسى الا وهى راكبة عربية كورى طالع عيين ابوها !!!

او بقى ياسلام بقى بقى بقى عالراجل السوييق اللى فاهم جابها و عمل صيانتها لحد ال 35الف (بالضبط) وجة ع صيانة ال 40 بالذات وقالك ما كفاية كدة ما هى ماشية ذى الفل اهو و التوكيل ولاد تييييت حرامية !! (طبعا كلنا عارفين لية كلة بيطنش الصيانة بالذات عند ال40 او ال 60)!!!!! المهم و بعد كدة يدور ع حزمبقول الميكانيكى يكمل صيانتها بنفسة !!

ولا اية كمااااان تلاقى الراجل الباشا !! اللى راكب المانى ذى الفل ويمكن اقل حاجة فيها مثلا جيتا يجيب 4 عربيات المانى (يركنهم) و يجيب واحدة كورى (للبهدلة) !!!!! يعنى هى دى دايما بنت البطة السودة انا مش فاهم !!!!

الباشا يلف بيها البلد!! ببلاليعها و قرفها وياخدها يصيف بيها بالعيال و يديها لابنة و دايما (حمادة او توتو) يلف بيها فى القرية حبتيين يفرمها ... ولما ييجى الباشا ع طلعة جامدة فرح او قرية محترمة او عزاء او اى حاجة فيها برستيج تلاقى العروسة الالمانى طلعة من الجراج (شبة زيرو) عاملة (1800كيلو) بالعافية وتلاقية سايقها و مبسوط ويقولك (المانى ياعم يقطع الكورى و قرفة) وتلاقى الشغالة (الكورى) عاملة 160الف فى اول 6شهور و متخبطة من كل حتة ومش بعيد تلاقى نقرة (ع السقف)!!!!

يعنى بنزين 80 و خدمة فووووق الشاقة ومفيش صيانات و بهدلة فوق الوصف و ياجماعة (سبحان الله) مش بتقول لأ !! (دى باردة اوى بجد) و كمان حوادث تلاقى قطع غيار زفت تلاقى (ما دايما ييجى صاحبها يقولك ياعم دى كورى تعبانة استرخص) و اخلى القطعة الاصلى (للالمانى مثلا) !!!

وييجوا الناس تقولك اصل الكورى قطع غيار رخيصة مش معمرة لكن الالمانى اوعى وووشك بتعيييييش !!!! طب مالازم ياباشا ههههههههه مش معمرة عشان بتعمل 40الف كيلو فى سنة وشوية و قطعة سيادتك الالمانى بتعمل 5الاف فى 4سنييييين !!! يعنى تاخدها تبهدلها وتطلع عينها ولما مساعد يرزع او تضرب فرامل ترووح منك تيجى تشتم فيها !!

ياخوانا مش كلة بيعامل عربياتنا (الكورى) ب (حب) ذينا 90% من الشعب يقولك الكورى دى عربية زبالة بهدل فيها براحتك ولما ربنا يفتحها علية يجيب واحدة المانى جديدة بدل (القديمة اللى اصلا مامشيتش) وتلاقى نفس العربية الكورى بتاعة البهدلة هى هى موجودة بتاخد نبتشية جديدة !!!!!!!

لأ لأ لأ استنى انا مخلصتش !!!

نيجى بقى الباشا يبيعها (اصلها خربت) و عاملة (324583489384كيلو) مييين يشتريها وواحد تانى بسييط يديها لابنة او بنتة او مراتة او هو شخصيا يطلع عييننها من جديد !!!!

وبعد كل دة يقولك الكورى ووحش !!!!


من موقعى هذا !!! اتحدى ان فى عربيات المانى بتتهان ذى ما الكورى بيتهان فى شوارعنا ولو مش مصدقنى ركز شوية وانت سايق وافتكرنى :)))))

وافتكر ياللى بتشكك فيها ان يوم ما مساعد المانى يضرب الكورى يجيب 4 بسرعة و يعيش 80% من عمر الالمانى فى خدمة (مستحيلة) و حرام حتى ع (البهائم) لكن مساعدك الالمانى (ماسترجلش) و (اتخربش) ذى ماالكورى بيحصلله !!!



اللى خلانى اكتب الكلام دة لأن واحد معرفة جاب اوبترا (زيرو) وبيحطلها بنزين 80 و عربيتة التانية (فانتزيا) بيحطلها (بنزين مقطرر!!!) وجاب الاوبترا عشان خايف ع الفانتازيا (اصل تعوريتها ياحمد جامدة) وقاللى الاوبترا اهى كدة كدة عربية تعبانة وعمرها الافتراضى معروف 5 سنيين و اقلب

[mailo]

باقولك إيه هي أي عربية لو كانت خدت الخبطة في الوش كنت هتلاقي التريللا على حجرك فيها
مش شرط تكون كوري يعني ميامى المعني اتشحور
بس الفرق إن لما الالمعني تخش فيحطة مثلا عشان تتشحوار لازم تكون على 160 مثلا الكوري كفاية عليها 100 بس

هو الالمعني معدلات الأمان أعلى فيها شوية من الكوري والمفروض إن قطع الغيار معمرة شوية أكتر من الكوري يعني مثلا القطعة فلكري بتتغير على 10000 في الالماني تغيرها على 40000 مثلا يعني يعني من الآخر ال Quality أعلى شوية والكماليات أكتر وأأمن شوية بس مش مبتعملش حوادث ولو عملت حادثة جامدة شوية مش هتفرق هندي من الماني
عندك مثلا الكروز بتوقع الموتور بتاعها عالارض لو الخبطة جامدة قوي عشان المطور يايدغطش عالكابينة فالحوادث الجامدة هي الشاسيه بتاعها متصمم كده
وأهِه كوري

بس هتلاقي الأمان أعلى شوية فالالماني وال تكنولوجي كمان يعني مثلا 523 موديل 98 كان فيها كل options اللي فالسيراتو 2010 وأكتر شوية غير بقى قوة الموتور والثبات وكده
الكوري مش وحش بس فالمقارنة مايسدس

[organic_magic]

طيب لو الكلام كدا ليه اغلب العربيات التاكسي اللي شغاله في جميع المحافظات صبح وليل مبتقفش كووووووووووري

انا ركبت كوري مرتين بس المرتين العربيتين تقفيل كورى والاتنين اتوماتيك مش عارف فيه فرق بينهم و بين التقفيل المصري ولا لا

يعنى المقوله علشان نصححها نقول - متركبش كورى تقفيل مصرى واركب تقفيل كورى ولا ايه ؟؟؟

[ICE_MAN]

دة كان رأيى وماااازاااااااااااال


دايما مشتوم و مظلوم

الكورى العادى بتاعنا اللى منتشر ..... لانوس اكسنت فيرنا ماتيز نوبيرا الانترا ....... ع طول الشتيمة نازلة تلعن ترابنتييييييين عيلتة مع انة الواحدد لو فكر شوية حيكتشف ان الكورى

أحلى عربية فى مصر

قبل ما نتخانق نتكلم واحدة واحدة ..... الأبن مثلا نجح فى الثانوية ييجى الاب يجيبلة اية ع قد سمعة عربية كورى رخيصة ام 60 او حاجة و خمسين او اواخر حتى الستينات عشان الواد (يخبط بيها براحتة)

او واحد ربنا كرمة شوية وقدر يجمع مبلغ وراح جابها او واحد عمل جمعية و قبضها الاول و غير عربيتة ال128 اللى بقالها 45سنة بتتكحور فى شوارعنا و جاب الحتة اللى ب باور و تكييف وياعم وسع

او واحدة جبتها لبنتها او اب جايبها لمراتة توصل العيال و هكذا

حنلاقى مثلا الولد اللى لسة مستلمها من ابوة مطلع عيين اللى مصنعينها هاتك يا فرك و حرك و يشيل فيها 12 او 15 من شللتة و يطلع ع العجمى يفرم العربية و يحطلها بنزين 80 (مش عارف لية لما حد يفكر يحط 80 بدل 90 دايما برضة تطلع عربية كورى) قال يعنى هى ناقصة !! المهم يوفر تمن البنزين و يروح يشييش بية هو و صحابة او مثال تانى الراجل اللى قبض الجمعية يركب هو و مراتة و حماتة و حماة و اولادة و جوز عم المدام كلهم بتحشروا فيها و هاتك يالف ويطلعوا عينها ودة من مسمى الراجل جاب عربية جديدة من العربيات الحلوة دى ياولية اللى بتجرى بتاعة الشباب ولازم نستخدمها بقى

وتلاقى ياحببة عينى ع العربية لا راجل ملاحق ع اقساط الجمعية اللى قبضها و ولا ع صيانتها او حاجاتها اللى خلاص كفرت من الهرس !! او نيجى مثلا ع الام اللى بتوصل بيها عيالها !!! مش عارف لية عمرى ماشفت (بقالى 14سنة بسوق) واحدة ست محملة اورطة عيال وراها و (بتنقى) البلاعات ذى اللى بينقى الجوافة من صندوق البيبسى الا وهى راكبة عربية كورى طالع عيين ابوها !!!

او بقى ياسلام بقى بقى بقى عالراجل السوييق اللى فاهم جابها و عمل صيانتها لحد ال 35الف (بالضبط) وجة ع صيانة ال 40 بالذات وقالك ما كفاية كدة ما هى ماشية ذى الفل اهو و التوكيل ولاد تييييت حرامية !! (طبعا كلنا عارفين لية كلة بيطنش الصيانة بالذات عند ال40 او ال 60)!!!!! المهم و بعد كدة يدور ع حزمبقول الميكانيكى يكمل صيانتها بنفسة !!

ولا اية كمااااان تلاقى الراجل الباشا !! اللى راكب المانى ذى الفل ويمكن اقل حاجة فيها مثلا جيتا يجيب 4 عربيات المانى (يركنهم) و يجيب واحدة كورى (للبهدلة) !!!!! يعنى هى دى دايما بنت البطة السودة انا مش فاهم !!!!

الباشا يلف بيها البلد!! ببلاليعها و قرفها وياخدها يصيف بيها بالعيال و يديها لابنة و دايما (حمادة او توتو) يلف بيها فى القرية حبتيين يفرمها ... ولما ييجى الباشا ع طلعة جامدة فرح او قرية محترمة او عزاء او اى حاجة فيها برستيج تلاقى العروسة الالمانى طلعة من الجراج (شبة زيرو) عاملة (1800كيلو) بالعافية وتلاقية سايقها و مبسوط ويقولك (المانى ياعم يقطع الكورى و قرفة) وتلاقى الشغالة (الكورى) عاملة 160الف فى اول 6شهور و متخبطة من كل حتة ومش بعيد تلاقى نقرة (ع السقف)!!!!

يعنى بنزين 80 و خدمة فووووق الشاقة ومفيش صيانات و بهدلة فوق الوصف و ياجماعة (سبحان الله) مش بتقول لأ !! (دى باردة اوى بجد) و كمان حوادث تلاقى قطع غيار زفت تلاقى (ما دايما ييجى صاحبها يقولك ياعم دى كورى تعبانة استرخص) و اخلى القطعة الاصلى (للالمانى مثلا) !!!

وييجوا الناس تقولك اصل الكورى قطع غيار رخيصة مش معمرة لكن الالمانى اوعى وووشك بتعيييييش !!!! طب مالازم ياباشا ههههههههه مش معمرة عشان بتعمل 40الف كيلو فى سنة وشوية و قطعة سيادتك الالمانى بتعمل 5الاف فى 4سنييييين !!! يعنى تاخدها تبهدلها وتطلع عينها ولما مساعد يرزع او تضرب فرامل ترووح منك تيجى تشتم فيها !!

ياخوانا مش كلة بيعامل عربياتنا (الكورى) ب (حب) ذينا 90% من الشعب يقولك الكورى دى عربية زبالة بهدل فيها براحتك ولما ربنا يفتحها علية يجيب واحدة المانى جديدة بدل (القديمة اللى اصلا مامشيتش) وتلاقى نفس العربية الكورى بتاعة البهدلة هى هى موجودة بتاخد نبتشية جديدة !!!!!!!

لأ لأ لأ استنى انا مخلصتش !!!

نيجى بقى الباشا يبيعها (اصلها خربت) و عاملة (324583489384كيلو) مييين يشتريها وواحد تانى بسييط يديها لابنة او بنتة او مراتة او هو شخصيا يطلع عييننها من جديد !!!!

وبعد كل دة يقولك الكورى ووحش !!!!


من موقعى هذا !!! اتحدى ان فى عربيات المانى بتتهان ذى ما الكورى بيتهان فى شوارعنا ولو مش مصدقنى ركز شوية وانت سايق وافتكرنى :)))))

وافتكر ياللى بتشكك فيها ان يوم ما مساعد المانى يضرب الكورى يجيب 4 بسرعة و يعيش 80% من عمر الالمانى فى خدمة (مستحيلة) و حرام حتى ع (البهائم) لكن مساعدك الالمانى (ماسترجلش) و (اتخربش) ذى ماالكورى بيحصلله !!!



اللى خلانى اكتب الكلام دة لأن واحد معرفة جاب اوبترا (زيرو) وبيحطلها بنزين 80 و عربيتة التانية (فانتزيا) بيحطلها (بنزين مقطرر!!!) وجاب الاوبترا عشان خايف ع الفانتازيا (اصل تعوريتها ياحمد جامدة) وقاللى الاوبترا اهى كدة كدة عربية تعبانة وعمرها الافتراضى معروف 5 سنيين و اقلب

الله ينور عليك ياباشا....والله انت جبت من الاخر و قلت كل اللى نفسى اقوله.

[A_H_M_A_D]

أنا كتير بحس إن العربيات الكوري هي ياباني بس في إصدار إقتصادي شوية

بمعنى إنك تلاقيها قريبة جدا من الياباني في الإمكانيات و الكماليات و الأداء والإعتمادية , طبعا الياباني أفضل بس الكوري مش أقل كتير

وفي نفس الوقت فرق السعر بينهم يغريك بأنك تجيب الكوري و تسيب الياباني , على الأقل لغاية ماربنا يوسعها عليك و تجيب الياباني , وبرضه مش هاتحس إن ناقصك كتير