الكورى ... هل فعلا مظلوم ... مناقشة موضوعية من واقع تجربة

[M.Osman]

ثالثا بقى وده حاجة لاحظتها .... ان مبيعات الكورى ده فى زيادة مطردة ... يعنى اللى يقولك الكورى ده فى اوروبا ملهوش اثر ياريت يراجع نفسه .... كنت بتفرج على فيلم Inseption وكان فيه لقطة راكبين عربية فارهة لاقيتها (Hyundai Gensis) الجديدة ..... يعنى اهو عندهم ثقافة انهم يستخدموا عربيات كورى وعادى تطلع فى الافلام الامريكية

خلي بالك ده بيكون إعلان
بنسميه product/brand endorsement

لأن زي ما كان واضح .. العربية كانت واضحة جداً في الفيلم و دي بتحصل مش بس مع العربيات ..لكن ايضاً مع منتجات كتير زي الموبايلات :)

What is a Product Endorsement?

[Mahmoud Nagieb]

خلي بالك ده بيكون إعلان
بنسميه product/brand endorsement

لأن زي ما كان واضح .. العربية كانت واضحة جداً في الفيلم و دي بتحصل مش بس مع العربيات ..لكن ايضاً مع منتجات كتير زي الموبايلات :)

What is a Product Endorsement?

زى فول امريكانا فى فول الصين العظيم كده ..... بس والله العربية كانت عاملة شغل عالى ... القطر خبطها خبطة جامدة وكانت شغالة زى الفل

[minicooper20]

احكيلكو قصه صغيره اوى ياراب تستحملونى
انا ابويا سنه 1999 جاب عربيه دايو جوليت كان شغلو فى السخنه و كان بيجى و يروح بيها كل يوم
سنه 2002 والدتى خادتها و هو جاب واده كرولا والدتى بهدلتها تقريبا خبطيطها كلها و بعدين هيا خدت كرولا و العبد لله خد الجوليت سنه 2006 و الله العظيم انا عملت كل حاجه بالعربيه دى ممكن تتعمل فرك و شد و جرى و خبط علمت عليها 6 اصحابى السواقه كان كلهم بيستلفوها منى وااله العظيم شافت ايام سودا و سفر و عملت 360 الف كيلو و حيات ربنا 360 الف كيلو و كل الكانت بيتخدو زيت و بنزين و حبيت صيانه فلاتر بوجيهات مقص كت يوم مقول صرفت ادفع 300 400 جنيه و يوم مجيت ابيعها جبتلها ماتور ب 2000 جنيه و شدتها سمكره و دوكو و بعتها ب 48 الف جنيه سنه 2009 كانت عروسه و الخدها شاب ساكن جنبى عمال يفرم فيها هو و اختو و العربيه ميتقولش لا
دلوقتى احنا معانا جيتا و باراتى و انا ماشى فى حوار ابيزا بس مش هنسا العربيه البجد عملت فيها كل حاجه و مفيش يوم قليتلى لا
هههههههههههههه يوم مجبتلها طقم جنط الراجل بيقولى هتركب للدايو جنوط حرام عليك دى كورى يا بيه ماتستهلش
هههههههههههه اكنى رايح اجنط عجله

[MBhead]

هيا مش وحشة هيا علي اد فلوسها
يعني عربيه اقتصادية و بتستحمل و بتادي الغرض
بس مثلا الماني حاجة تانية انا كان معايا مرسيدس w114 280 موديل 68 (الخنزيرة) يعني من الستينات و خدتها من ولدي و انا عندي 18 سنة و كنت مهبدلها و العربية عمرها و الله وقفت مني و عمرها ماعملت حركة كده ولا كده ..و جات عليا ايام مكنتش بنزل من العربية و سفر لمسافات طويلة و سرعات عالية و صيانات قليلة جدا جدا جدا يعني كنت بعمل اكتر من 100 كليو العربية ماتغيرش فيها الا قطع غيار مستهلكة و لازم تاخد بالك ان الكلام دا بعد ماعدي اكتر من 30 سنة من تصنعها بس انا كنت براعي العربية اووي
و بعتها بعد اربعين سنة من تصنعها و لحد قبل ماتتباع كانت العربية دي واقفة زي ماهيا و تركبها راحة و فخامة و ثبات و بس تلمس البنزين العربية ماتصدق موتور 6 سلندر طير و عيش زي ما انت عايز
مثال تاني .كان مع ولدي زمان مرسيدس w126 500SEL (التمساحة) كنت و انا صغير بخدها من ورا ولدي بالليل و اطلع اتعلم عليها السواقة و كنت بفركها و اطلع عنها جري و استهبال و كنت ايامها في الاعدادي ...و العربية ولا الهوا
مثال تلات . كنت راكب عربية مرسيدس W220 S430 و بجري بيها و الدنيا زي الفل ماشي 150 160 و فردة كاوتش قدام ضربت و العربية و الله محدفتش و لعبت ولا حسيت بحاجة ان يا اللي متربي علي المرسيدس لحد دلوقتي مش عارف و مش قادر افسر ازااي العربية متلعبش علي سرعة زي دي ...
دا الالماني و عندي امثلة تاني كتييير بس عشان موجعش دماغكو
اما الكوري مش وحش و ليه مميزات بردو عن الالماني يعني الكوري عربية اقتصادية لما يتكسر منك فانوس عادي بمبلغ بسيط حتجيب واجد جديد اما الالماني مش مبلغ بسيط ... دا غير استهلاك البنزين يعني الخنزيرة اللي كانت معايا كانت بتعمل بالصفيحة 100 كم(طبعا 90) اما الكوري ممكن تعمل بالصفيحة 250 كم..... و لما ضربت فردة العربية الS430 دخت عشان اجيب الفرودة عشان عرضها245 و الجنط19 اما الكوري الدنيا زي الفل عند اي حد بتاع كاوتش من غير ماتدور حتي و عندك ماركات كتتير تختار بينهم
و اكيد برده العربيات الكوري عملية و بتستحمل و كل حاجة بس بتفرق في الخامات و جودة الصناعة و كلام من دا ..ياما لو الكوري عربيات لما تركب تلاقي الباب وقع ماكنتش اتباعت
و في الاول و في الاخر كلها عربيات و بتادي الغرض اما لو حد ركيب و كييف دي موضوع تاني خالص

[tamatemo]

الكوري دلوقتي عامل زي البيجو والفيات زمان

تقدر تعتمد عليه وسعره حنين

[horas3000]

طب انا عندي سؤال صغير
لو الاسعار في مصر زي بره و تمن الفيرنا يجيب كرولا و تمن السيراتو يجيب كامري
ملاك الكوري كنتوا هتجيبوه و لا هتركبوا العربيات دي و بدائلها

[ahmedbasto]

انا فعلا دلوقتى بدأت أحترم الكورى لنها أثبتت جدارة رائعة وصاجها جميل وفيها أوبشنز حلو وسعرها على اد اللى مع الناس وعربيات مريحة يعنى انا لسه مجرب البيكانتو الجديدة مكنتش عايز أنزل منها والله مريجة وعفشتها ناعمة وموتورها استجابته حلوة جدا

[SAMEH_FOUAD]

متفق معاك و فعلا عربيتي العزيزة السابقة (اللانوس) كنت بأغير لها تيل فرامل كل 20000 كم و بالاضافة لطقم فلاتر كامل (بنزين - هوا - زيت) و لو اتأخرت عن كده ممكن السحب يقل و أبدا بقي في دوامات مالهاش اخر

لكن تعالي بقي للياباني :
- الياريس : داخلة علي 60000 كم و الحمد لله تيل الفرامل زي ماهو و فلتر البنزين برضه زي ماهو
- الكورولا : برضه 59000 كم و التيل لم يتم تغييره و شكل الفلاتر كلها أصلي ماحدش جه جنبها و مع ذلك العربية جابت ال 180 كم/ساعة علي طريق الاسكندرية ببساطة و بأقول عليها مكتومة

أكيد طبعا فرق السعر مش من فراغ و لكن .... مش شايف برضه أن هما مزودينها شويتين في حكاية السعر دي سواء للكوروي أو الياباني أو الاوروبي ؟؟

اكيد طبعا اليابانى مستهبل فى السعر والكورى بيستهبل اكتر يعنى

العربية بتبقى خارجة من المصنع فول اوبشن بسعر كذا , العربية دية هتنزل مصر يروح الوكيل شايل منها كل حاجة وعاملها فئات ( فاضية - هاف اوبشن - فول اوبشن - هاى لاين ) وكل واحدة يزود عليها عشرة الاف جنية لحد مايوصلها للسعر اللى هو عايزة وتبقى العربية اصلا واقفة بأقل من السعر اللى بيبيعها بكتير ومش بيكفية كدة وبس لأ دة الحاجة اللى ب100 يبيعها ب500 وعارف انك هتشترى والحاجة السليمة ييغيرهالك بردة مانت مش شايف حاجة

لكن بقى فية حاجة لو هنتكلم عن الكورى بينزلك عربية فاضية مافيهاش غير ( تكييف- كاسيت - زجاج كهرباء -باور) وب95 الف جنية هل يعقل انى ادفع المبلغ دة فى عربية فاضية تفتقر الى عوامل( الامان والثبات والخامات كلها بلاستيك )

صح مش دة اللى بيحصل

لكن اليابانى بيغلى عليك لكن بيديك عرييات فيها abs-ebd-2 airbag-كمبيوتر معلومات +ثبات عالى +خامات

عيوبة بقى بتبقى العربية منخفضة عن الارض + قطع غيار غالية + مواتيرة ممكن ماتبقاش فى قوة الكورى ( مش عيب ماتور لأ عشان( وزن العربية مناسب لوزن السيارة )

وبردة بالنسبة للرد على ان الكورى بيطور ومبيعاتة بتتزيد ( من وجهة نظرى ان دلوقتى العالم داخل على مشاكل اقتصادية كتير وفى نفس الوقت عايز يركب عربيات تريحة من الزحمة والقرف البديل اللى قدامة عن اسعار اليابانى المبالغ فيها مافيش قدامة غير الكورى +قطع غيارة الرخيصة وتناسب اى واحد تخلية يعرف انة مهما حصل فى العربية فى الاخر مبلغ بسيط جدا هيرجعها تانى ( دة محليا )

عالميا بقى : محش يقارن العربيات هنا بهناك الكورى هناك فول اوبشن وخامات وحتى الفرق وصل للتقفيل فى الصاج نفسة واللحمات بتاعة الشاسية وهية دية الحاجات اللى بيتم اختبارها وبياخدوا نتائج منها

لكن والله لو عربية من عندنا تم اختبارها لتاخد نص التقييم اللى حصلت برة يعنى لو خدت 8 من 10 هتاخد هنا 4 من 10

للاسف الشرق الاوسط كلة لية خط انتاج غير خط انتاج السوق الامريكى والاوروبى

محدش سأل نفسة لية ملحق اخبار السيارات بيقعد يختبر سيارات محدش اصلا يعرف ماركاتها ويجيبهالك بالتفصيل كأنك نازل تشتريها بكرة ومعاك 3 , 4 مليون جنية ومش عارف توديهم فين

والخ...... ويطلعلك النتائج ومين كسب والعيوب بالتفصيل كأننا هنشترى تانى يوم

لكن عمرك شوفت مقارنة بين هيونداى النترا - شيفرولية اوبترا او كروز او سيراتو ويقولك مين احسن ومين اثبت واية عيوبهم

لكن الكلام كلة سيارة كاملة المواصفات وحش على الطريق - ابعادها مثالية جدا وتحس بالراحة التامة - جودة خامات وتقفيل من اجود الانواع , وتيجى تركب تلاقى كل دة فى الارض وطبعا كلنا عارفين الكلام دة بيتقال لية

معلش انا يمكن خرجت عن الموضوع شوية بس متعلق بية من طريق غير مباشر وهو الاعلان لمصلحة الوكيل اولا مش للزبون انة يختار صح وفى الاخر تلاقى حوادث كتير ( كاوتش ضرب - عربية عامت - فرامل سابت - الدركسيون علق - العربية بطلت وهية ماشية مرة واحدة - العربية فراملها ضعيفة الخ..........

[M.Osman]

طب انا عندي سؤال صغير
لو الاسعار في مصر زي بره و تمن الفيرنا يجيب كرولا و تمن السيراتو يجيب كامري
ملاك الكوري كنتوا هتجيبوه و لا هتركبوا العربيات دي و بدائلها

مش على حسب بلد الصنع .. على حسب الماركة :)
يعني بالنسبة لي لو كورولا و النترا و سيفيك بنفس الثمن هشتري السيفيك .. لأني من عشاق ماركة هوندا بالإضافة للتصميم و الإنتريور و المميزات الأخرى اللي بتعجبني

لكن لو كامري مع سوناتا... اعتقد سهل اوي اني اختار السوناتا ... او حتى جينيسيس فوق الأفالون.. :)
يعني المقارنة هتكون بين منتج و منتج و ليس على حسب بلد الصنع و الماركة فقط!

بس انا عايز اعرف
لية الناس لما بتتكلم على الكوري بتقول قطع الغيار رخيصة .. بينما الرخيص اللي فيها هو قطع غيار الفيرنا و الانوس بس .. و جميع الأجيال الجديدة اسعار قطع غيارها مش رخيصة ولا حاجة!!

بشمنهندس سمير... تيل الفرامل بيستهلك على حسب الإستخدام ... انا ماشي 55 الف كم بتيل الفابريكة في الفيرنا..
هل كدا مقياس على ان قطع الغيار معمرة ام لأ ؟

و اغلب مستخدمي الفيرنا و اللانوس بيستخدموا قطع غيار غير اصلية .. ممكن ده اللي مدي الإنطباع عن عمرها القصير.. إلخ
تاني الفيرنا و اللانوس مش مقياس للكوري.. لأنه قطع غيارهم الإستهلاكية زي البوجيهات و الفلاتر عمرها اقصر فعلاً و بتتغير على فترات اقصر عشان العربية رخيصة
الفيرنا ب65 و الياريس ب 120 باين
اكيد فيه فرق ...فئتين مختلفتين تماماً في السعر

[ahmed_mazda323]

الياباني ياباني حتي لو سيقاه تهاني
العربيات الياباني تعيش ب 50 سنة هي والعربيات الألماني
وأبسط دليل شوف مثلا العربية الفولكس البيتلز موديل 1964 بتجري علي الطريق ازاي
وشوف العربيات الياباني ايضا الموديلات القديمة انا معايا مازدا 323 موديل 1983 وبسم الله ماشاء الله عليها
أما بالنسبة للكوري لالالالالالالالالالا أعتقد ان في عربية كوري تقدر تعيش حتي اكثر من 20 سنة
تغور العربيات الكوري والصيني أم صاج ورق وقطع غيار غير معمرة

[MBhead]

الياباني ياباني حتي لو سيقاه تهاني
العربيات الياباني تعيش ب 50 سنة

انا اشك في الياباني انو يعيش 50 سنه
الالماني طبعا دا توب العربيات حتي بره مصر كل الناس بتشكر في الصناعة الالمانية
و طبعا بعدها الصناعة الامريكية بس دي عربيات حميلة جدا بس للاسف متنفعش في مصر
و عندك الانجليزي و الايطالي و الفرنساوي (الاوروبي عاما)
و بعد كده الياباني
من واقع خبرتي و عشقي للسيارات الكلاسيك و نادراا انك تلاقي عربية ياباني بينهم

[Ahmed Nasser]

انا عربيتى موديل 1997 يعنى اكتر من13 سنة خدمة
ولغاية الان جرى شد وغرز وقلة اعطال وثبات
انا قريت مشاركات لنا س بتقول ان الدايو نوبيرا افشل عربية فى مصر
مع انها محترمة جدا

الكورى بصراحة متهان وطالع عينة
على راى صاحب الموضوع ماهى كورى يابية