افضل كاوتش للأداء الرياضى

[1.8Tee]

السلام عليكم,

عاوز اجيب كاوتش لجنوط مقاس 16 و الكاوتش عاوزة يبقى 205/50/16.

اية افضل نوع و موديل اية وياريت منين.

شكرا.

[AkramArafa]

اكيد وبدون تفكير وانتا مغمض عينك المفروض اول ما تسمع كلمه رذاضي يجي في بالاك كاوتش النسر

[KHALED AYMAN]

مهو الفكره قبل الكاوتش ..انت عامل حسابك فى كام ؟؟
عموما اعتقد افضل كاوتش ..سبورت كونتننتال ..

[tigernet]

افضل كاوتش رياضى من الانواع الموجودة فى السوق البريدجستون

[1.8Tee]

اكيد وبدون تفكير وانتا مغمض عينك المفروض اول ما تسمع كلمه رذاضي يجي في بالاك كاوتش النسر:copy of m-s5:

انا بقول كدة برضة :)....

مهو الفكره قبل الكاوتش ..انت عامل حسابك فى كام ؟؟
عموما اعتقد افضل كاوتش ..سبورت كونتننتال ..

لسة معملتش حسابى فى مبلغ معين, بس عاوز حاجة كويسة.

كنت عاوز اعرف لو حد عندة فكرة عن اية الانواع و الموديلات الموجودة.

شكرا.

افضل كاوتش رياضى من الانواع الموجودة فى السوق البريدجستون

شكرا يا باشا.

[a7mode]

البريدجستون والميشلان والكونتنينتال حلوين اوى

[mhmdalsaadany]

البريدجستون طبعا بلا منازع

[msafa]

البريدجستون انشف شوية و تقريبا ملوش صوت خااالص
انا جبت الميشلان الاسباني عشان انعم و بيخفف الاحساس بالمطبات

[1.8Tee]

انا اخدت لفة سريعة و رحت لمحل فى احمد عرابى لقيت عندة كومهو مقاس 205/45/16 و الفردة عاملة 430 جنية.

شكرا على الردود.

[SAMEH_FOUAD]

فية كاوتش اسمة achilis platinum ( اكليس بلاتينيوم) الكاوتش دة صناعة ماليزى انا جربتة عمل معايا 60 الف كيلو شوف الفردة جميلة جدا سواء فى ثبات او فرامل بس يعيبها حاجتين ( صوتها عالى شوية لانها بتميل الى الرياضية - ناشفة فى المطبات ) وعيب اخر بشوفة فى كل الكاوتش وهو ان الفردة بعد ال40000 الف بدأت اى مسمار داست علية او زجاج مكسور يدخل فى اى مكان فى الكاوتش ودة معناة ان المطاط بتاع الفردة جودتة قلت وبالتالى بردة كان بيعمل نوع من عدم التماسك ماكانت علية الاول والكلام دة بعد ال40000 الف كيلو ويمكن اكتر وسعر الفردة مقاس 16 هيعمل حوالى 450 جنية

مميزاتها ( rotation - sport - نقشة رياضية متعددة المجارى - تيل كلها - سرعات v )

[Formulator]

اللى جربتهم فـ الجولف والبرافو 205/55 R16:
Bridgestone Potenza Adrenaline:
870 جنيه الفرده, جامدة وبتستحمل المسامير والزجاج. ممكن تقعد 60K كم, تسارع وغرز عرض وفرامل فـ مياه أو رمل... ملهاش حل
عيوبها: مش Extreme Silent زى مابيقولو.. صوت عالى عـ السرعات, وبتحتاج وقت عشان تسخن وتمسك فـ الأرض

Continental SportContact 3:
تقريبا نفس البريدجستون فـ الأداء بس فرفورة (حساسة للمسامير) وصوتها اعلى عـ السرعات, بس انعم فـ المطبات وطلعتها من الثبات جامده موووت

واللى جربته فـ الألفا 156 2000cc Selespeed: 225/45 R17
Pirelli PZero Rosso:
أجمد من الأثنين وتماسك رهييييييب.. بس بتتاكل بسرعة وقعدت أقل من 40K كم, وكمان كانت الفرده حوالى 1000 أو أقل (مش متأكد الصراحة) يعنى غالية أوى
ومانصحكش بأى كاوتش كورى لأن ده أول عوامل الأمان.. خصوصا لو هتركبه فـ اللانسر اللى مسقطلها موتور 1.8 Turbo

[N.a.j.d]

طب لو كانت الكوتشه ناشفه حلها ايه يعني لو نقلل ضغط الهواء الى 28 او اقل حتبقى كويسه ولا ايه.؟

[ashouhdy]

potenza

or

Achilis

[Formulator]

طب لو كانت الكوتشه ناشفه حلها ايه يعني لو نقلل ضغط الهواء الى 28 او اقل حتبقى كويسه ولا ايه.؟

لأ...دى بتبقى طبيعة الـstructure بتاع الطبقات (هى كده)... المرونة قليلة فـ الـrubber المستخدم, حسب الـbehaviour اللى مصنع قاصده

وموضوع تقليل ضغط الكاوتش لـ 28 مش هيفرق كتير+ انه غلط جدا:
استهلاك بنزين زيادة, تقل فـ الـhandling, وكمان تآكل سريع للـside-wall بتاع الكاوتش
عموما للأستخدام الرياضى.. لازم ضغط الكاوتش يعلى 32 - 34 عشان تجرى كويس..
أو حسب الموصى به لكل عربية عشان ممكن يؤثر عـ الثبات لو على زيادة عـ اللزوم
بتبقى فيه ضبطه optimum مابين الأتنين بتدى: جرى+ثبات+استهلاك كويس

[E30power]

رياضى رياضى يبقى السليكس ..وبرجيستون ادرينالين بوتنزا .....لو عايز اعلى اداء

انا عن نفسى مش برتاح الا فى الرودستون او ممكن علشان مفيش كاوتش بيعمر معايا .... بس عموما رخيص نسبيا وسرعات معاك مبيقلش لاء ومش بيتمسح بسرعة فى اللعب