السواقة ملهاش كبير .. دي نتيجة السرعة الجنونية

[نور القمر]

والله يا جماعة انا مش عارفة اكتب ايه
بس متضايقة وزعلانة على عمي ياما عمل حوادث موت بسبب السرعة الجنونية وبردو متعظش وكررها تاني
يعني زماااان نزل في الابراهيمية باسرته واطفاله قبل الفجر والعناية الالهية انقذته وربنا بعت له اللي يشوفه وهو بيقع والناس انقذوهم
ومن تلات اربع سنين اتدحرج من جبل في طريق نويبع بكرولا كانت جديدة وربنا نجاه والعربية اتدمرت
من كام يوم ماشي على سرعة 200 !! على الصحرواي الغربي والعربية اتقلبت بيه ولولا ستر ربنا وان اولاد اخواته كانوا وراه كل واحد بعربيته محدش يعرف كان جراله ايه
لحقوه الحمد لله بس عنده كسر في دراعه ورجله وعمل عملية شريحة ومسامير
وعذاب وآلام العملية اكبر من الحادثة نفسها
فهل من متعظ ؟!
السواقة ملهاش كبير ومهما كنت متمكن انت متعرفش ظروف طريقك ايه

[Angel_wolf]

ربنا معاه ويقوم بالسلامة ان شاء الله

[sayed911]

بصراحة انا لو من الناس المقربين منه لو راجل طريقة سواقته كده ده الصح يتمنع من السواقة لا قدر الله معلش يعني محدش ها يقعد يستنى لحد ما يشوف الراجل وهوة بيعمل حاجة في نسفه وواضح انه من محبي السرعة فأنا من رأيي اولاده او الناس المقربين منه يمنعوه من السواقة نهائيا وبالمرة لأنه بالطريقة دي بيعرض اولاده هوة قبل نفسه للخطر وانا شايف انه يتعينلوا سواق احسن 38473 مرة من انه يتعرض للخطر ده كل يوم .... والحمد لله على كل شئ ..

[tom_gr]

يساتر يارب

المشكلة لو كان شاب واعزب كنا قلنا براحته هايشيل مسئولية نفسه

انما الاسرة الى هو مسئول عنها دول يعملوا اييييييييييييه؟

اللهم اعف عنا

[MISS_MONA]

الحمد لله ان ربنا سترها معاه
بس ده لازم يقلل السرعه عشان ده ادمان مش بسهوله يحصل لازم يدرب نفسه الاول

[Ashraf_Ibrahim]

السواقة ملهاش كبير فعلا
ألف سلامة عليه بس لازم يعرف ان ربنا بيقول
ولا تلقوا بأيديكم إلى التهلكة
وحياتنا دي مش ملكنا دي ملك اللي خلقنا فلازم نحافظ عليها
وكمان دا مش بيكون لوحده يعني يحافظ على اولاده واسرته على الاقل لو هو مش خايف على نفسه
ربنا يهدينا جميعا يارب ويقومهولكم بالسلامة ان شاء الله

[نور القمر]

هو طول عمره سواقته جنونية وحوداثه حوداث موت ومتعظش
ولسه بعد العمر ده كله بيسوق كدة معتقدش انه هايتغير
طبعا عشان العملية والكسور هايقد كذا شهر ميسوقش
ربنا يهديه ويشفيه

[ahmed_h_g]

الف سلامه عليه وربنا يهدينا

[ahmed_mido1889]

هي فعلا ملهاش كبير انا بعد 5 سنين سواقه بدون حادثه او حكه واحده في العربيه
ومفاداه حواداث مووت
اتغريت وقولت انا سواق ومحدش قدي وعرفت الم العربيه ازاي
تاني يوم كنت شايل واحد علي كبوت العربيه بس الحمدلله جت سليمه

[فتح الباب]

نحن كبشر علينا ان نقول انها مهنة عجز وربنا يشفيه يارب

[eldell]

ربنا يشفيه ويقومه بالسلامه

[Ros]

ربنا يقومه بالسلامه يارب جربت انا الموضو ع العمليه ديه قبل كده مؤلمه للكل ليه و لاهله ربنا يقومه بالسلامه

[hemalotfy]

حمدلله على سلامته ويارب يتعظ ويحط صورة عائلة في ذهنه وهو سايق ويعرف ان في اسره مستنياه

[Hussein_Emara]

ربنا يقومه بالسلامه ان شاء الله

و ياريت العائلة تدرس موضوع السواق الخصوصي

[Karim_Mohy]

حمدا لله علي السلامة وربنا بيهدينا جميعا