السواقة ملهاش كبير .. دي نتيجة السرعة الجنونية

[Ghamrawy]

ربنا يشفيه
انا عندى والد صديقى كده
الحل هو سواق خصوصى بالعافية و عربية جامدة مليانة وسائل امان و حفظ الله قبل كل ده طبعا

[Eng.Geo]

مش عارف أيه طريقة كلامك معاه
بس في حاجات ممكن تخليه يبطل سواقة لو عايز
لو عايزة أفكار هاقول خلي حد هو بيحبه يوصلهاله

عندي كتير والله
أقلها الموضوع اللي في توقيعي
وفي فيديوهات وحاجات تانية تخليه مش عارف يحط رجله علي دواسة عربية

أعتقد اللي ركب معايا الفترة اللي فاتت .. يقدر يقول انا كنت أيه وبقيت أيه !

ربنا يحميه

[نور القمر]

الله يسلمكم جميعا
واذا كان على السواق ياما شغل سواقين ومكنش بيعجبه سواقتهم ويجبرهم على السرعة
ويا اما هم يمشوا او هو يمشيهم
وحتى العربية كانت كورلا خليجي فول اوبشن موديل السنة اللي فاتت اواللي قبلها طبعا بقت عجينة
لكن مع السرعة الجنونية هتعمل له ايه وسائل الامان
تفتكروا بعد العمر ده كله ممكن يتغير
هو ممكن الحادثة دي تغيره نوعا ما
ربنا يقومه بالسلامة

[mr_vampire]

المقولة اللي ماشي بيها ( مهمااااااااااااااااااااااااااااااااا كانت قدرتك فالسواقة ومهمااااااااااااااااااااااااااااااا كانت امكانيات عربيتك فالحادثة بتحصل في ثانية ولابسط ولاتفه الاسباب).

ربنا يعافيه ويقومه بالسلامة ان شاء الله

[mr_vampire]

كان فيه احد الاعضاء حط فيديو هنا عن حوادث السيارات وفعلا جاب نتيجة كبيرة جدا مع اغلب الاعضاء اللي شافوه لانه وجع قلوب الناس بجد فلو حد من الشباب فاكره ياريت يجيبه والاخت ( نور القمر ) تفرجه لعمها وان شاء الله يكون سبب.

[نور القمر]

يا فامبير ده المفروض حوادثه تتاخد تتعمل فيديوهات للناس عشان تتعظ
انا كتبت عن 3 حوادث بس
لكن حوادثه الحقيقية اكتر من كدة كتير
انت مش متخيل يعني ايه يقع في ترعة الابراهيمية وكان معاه طفلتين اقل من سنتين والعربية بتغطس منه وزوجته رافعه بنت واخوه رافع بنت
تخيل لو اخوه مش معاه كانت بنت منهم غرقت !!!
و مرة زمان على الطريق الزراعي بسبب السرعة دخل في شجرة وموت جاموسة
اهل القرية كانوا هايموتوه بسبب الجاموسة لولا انه طلع تمنها فورا

[rasim]

السلام عليكم
ربنا يشفية
وابقوا بيعو الالعربية وخلاص

[mr_vampire]

يا فامبير ده المفروض حوادثه تتاخد تتعمل فيديوهات للناس عشان تتعظ
انا كتبت عن 3 حوادث بس
لكن حوادثه الحقيقية اكتر من كدة كتير
انت مش متخيل يعني ايه يقع في ترعة الابراهيمية وكان معاه طفلتين اقل من سنتين والعربية بتغطس منه وزوجته رافعه بنت واخوه رافع بنت
تخيل لو اخوه مش معاه كانت بنت منهم غرقت !!!
و مرة زمان على الطريق الزراعي بسبب السرعة دخل في شجرة وموت جاموسة
اهل القرية كانوا هايموتوه بسبب الجاموسة لولا انه طلع تمنها فورا

عندك حق ده فعلا الوضع متأخر اوي. خلي بناته بقي يروحو يقولوله اوعا تموتنا يابابا بأيدك لأن مش كل مرة تسلم الجرة.

المشكلة ان الواحد لما بيشوف حادثة بسسسسسسسسسسس بيركب الهوا وبيخاف يركب عربية اصلا انما عمك واضح انه بيزداد قوة واصرار بعد كل حادثة. السؤال اللي يفرض نفسه بقي بيزداد اصرار علي ايه؟؟؟؟؟؟؟؟؟؟؟؟؟؟؟؟ هو فيه تحدي للموت؟؟؟؟؟؟؟؟؟

ده حتي اللي بيحب يجري بيجري بس لما بيكون لوحده انما لو معاه حد وخصوصا اطفال بيمشي علي قشر بيض.

ربنا يستر طريقنا جميعا

[mailo]

هي فعلا ملهاش كبير انا بعد 5 سنين سواقه بدون حادثه او حكه واحده في العربيه
ومفاداه حواداث مووت
اتغريت وقولت انا سواق ومحدش قدي وعرفت الم العربيه ازاي
تاني يوم كنت شايل واحد علي كبوت العربيه بس الحمدلله جت سليمه

بصرة بس متقوليش في أبوأشرف وبوزلك الازاز وعملته عند الراجل اللي بعد الزعيم

[ahmed_mido1889]

بصرة بس متقوليش في أبوأشرف وبوزلك الازاز وعملته عند الراجل اللي بعد الزعيم

خلاص انت عرفت انا عملت الحادثه فين وركبت الازاز فين بلاش فضايح
استر عليا الله يسترك

[Car's Sniper]

1000 سلامة عليه...ماتجيبلى نمرته عشان اتعرف عليه..مع انى من يوم الثورة ماقامت وانا مابعديش ال120 احتراما لمبادىء الثورة

[Ashraf_Ibrahim]

والله رغم ان الواحد عارف ان مفيش رادارات غير اني محترم السرعات القانونية رغم عدم وجود مرور اساسا !

[misoalex]

لا حول ولا قوه الا بالله

ربنا يشفيه

بس لازم تفكرو معاه فى حل

لان اظن انه لو بطل سواقه بسرعه حتبقى لفتره مؤقته بعد الحادثه

لانه على كلامكم عمل كذا حادثه مشابهه