حمله ضد سواقه الميكروباصات و النقل.....جمد قلبك

[3mr Farrag]

اكيد طبعا كلوا عارف قد ايه اتخنقنا من سواقه الميكروباصات و النقل و الحاجات العجيبه ديه
طيب ايه الحل......
المعامله بالمثل.....
هتقولي ازاي ازنق علي ميكروباص مكسر ....
عني مش هيفرق معاه انه يخبطني....
اقولك متخفش ...خليك ورايا بس
انا بلا فخر الحمد لله بظبط اي حاجه هلاميه علي الطريق ...و مابقاش يفرق معايا
مش معني اني مش بيفرق معايا يعني اخبط العربيه...
لأ...كله بالعقل...
انا وصلت مرحله ازنق علي النقل و اتوبيسات التقل العام و الترامكوا.....و اسبتهم و اتنح عليهم
و اوقفهم و اوقف الطريق معاهم....معنديش اي مشكله
و محدش بيعرف يفح بقوا معايا.....علشان هو عارف انه حمار و غلطان....فا مش يعرف يقول حاجه

جــــــــــــــــــــــــــــمد قلبــــــــــــــــــك
متقولش يا عم هو احنا فايقين كل شويه نوعد نزنق....
لأ...لازم تفوق.....
لأن بعد فتره ما كل الناس تمسكهم تطحنهم هيبطلوا ينزنقوا و يسوقوا عدل


جمد قلبك...
اشرب ديو:)

[sab3aawy]

انا دايما بعمل الكلام ده لما بكون راكب العربية الريجاتا، دكتور احمد سمير حضر تجربة معايا ثبتت فيها واحد من بنى الأخضر (المينى باص الأخضر المفترى بتاع اوعى وشك)

فربنا يقومهالى بالسلامة علشان ارجع اعلم العصاه دول الأدب

[3mr Farrag]

بشمهندس سبعاوي....
حضرتك كده هتبوظلي الحمله :)
انا كلامي ان جمد قلبك بعربيتك العاديه
مش لازم يكون عندي عربيتين واحده لوقت السواقه الظريفه و واحده fighter
لأ....اعتبر عربيتك 2 في 1 ....
يعني تبقي ماشي بيها كعربيه عاديه.....و وقت ظهور العدو
تدوس علي الزرار و اقلبها fighter ........




جمد قلبك

[ZALABANY]

أنا معاكم قلبا وقالبا وما عنديش أي مانع إني أزنق على ميكروباص نقل أتوبيس إنشاالله حتى أتوبيس نهري أنا اتخنقت خلاص وفعلا انا بمشي فى الشارع متحفز لأي بني آدم سايق ميكروباص بالذات ولا المني باص الأخضر ده راخر اللي بقى مشكله وأنا موافق على الحمله دي ومعاكم ايه رأيكم نطبع استيكر ونلزقه على العربيات ضد سواقين الميكروباص والأتوبيس ونعملها حمله قومية لمحاربة سائق الميكروباص

[cybrarian]

الفكرة والله كويسة يا جماعة، بس طبعا لازم نحط في بالنا اننا نتحمل الخسائر اللى ممكن تحصل، يعني مثلا لو زنقت على اتوبيس او عربية ترامكو مكسرة واتخبطت من ورا ما تزعلش

وعلى فكرة يا 3mr Farrag كلامك مظبوط انهم مش بيقدروا يتكلموا لان ده شيئ طبيعي بالنسبة ليهم، على فكرة انا جديد في السواقة وبعمل كدة بشكل طبيعي من غير حملة ولا غيره ولو حد اتكلم بعمل عبيط ومركز في السواقة

اما فكرة حبيبي zalabany2007 حلوة بس هاتولع الدنيا وتخليها حرب سيارات بشكل رسمي

[محمد عز]

ياجماعه ليه كلوا مصر انه يقابل الهمجيه بهمجيه زيها

[ahmedfd]

إسمحولي أختلف معاكم ...
هوا إحنا لما نعمل زي الميكروباص ما بيعمل... مهو كدة الدنيا هتبوظ لما الفئة المثقفة الفاهمة تلجأ للأساليب دي...
هو حد من حضراتكو فاكر و لا حتى في الأحلام إنه لما يثبت ميكروباص و يعطله دقيقتين ولا تلاته كدة هوا خسر أي حاجة... ؟؟؟!!!!
بالعكس ده بني أدم غالباً ضارب قرصين عاملينله دماغ و لا بانجو و ماشي متوه و لا حاسس بيك أصلاً و إنت بس اللي حرقت دمك و بالتأكيد ولا هتكسب أي حاجة... وبالتأكيد كمان هوه مش هيحرم يقف و يعطل الشارع تاني....
و كمان إسمحولي بعيد عن كلام السلبية و الحوارات دي... إنتوا مش دوركم تمشوا في الشوارع تصطادوا سواقين الميكروباص و تعلموهم السواقة و الصح و الغلط ... أولاً هما مش هيتعلموا ثانياً إنتوا عملتوا زيهم بالظبط و عطلتوا الشارع زيهم بالظبط....
طب فكر كدة في واحد مستعجل و عنده مشكلة و لا مصيبة و جاي ورا و مستعجل على دكتور و لا إمتحان و شايف سعادتك ماشي منشف دماغك مع الميكروباص و معطل الطريق... هيتنقدك إنت مش الميكروباص خالص...
على الأقل الميكروباص و لا التاكسي هتلاقي اللي يقولك ماهو غلبان و بيركب ناس غلابة و قسط العربية و الكلام المحفوظ ده و إستحملهم .......لكن إنت مبررك إيه؟؟؟

طبعاً أنا مش عايز أتطرق لنقط تانية زي إن عيار البانجو يكون عالي شوية يقوم الباشا يخبطك و لا يثبتك هوا و ينزل هوا و المنادي اللي معاه و يبلطجوا عليك و ممكن قوي يكون معاهم مطوة و لا حاجة ... و ساعتها كمان هتلاقي كل ميكروباصات مصر واقفة حواليكوا و معتبرينك من الكفار....

أيه رأيكم..... صح الكلام الغلط ده؟

[TAG_Turbo0]

زمان ايام الادا كنت بدخل فى وسط الـ (ولا بلاش) بقلب جامد
لكن دلوأتى بخاف أعمل دملغى بدماغهم العربية البروتون مش بتاعة الكلام ده
انا شايف الحل الوحيد فى الناس دول ان رخصهم تتسحب ومرجعش غير لما يدخلوا اختبارات تانى

[Nile_Storm]

انا بقيت اعمل كده و عربيتي لسه مكملتش شهرين :)
و زود عليهم كل من يطلق عليها مدام اعتماد :)

[3mr Farrag]

إسمحولي أختلف معاكم ...
هوا إحنا لما نعمل زي الميكروباص ما بيعمل... مهو كدة الدنيا هتبوظ لما الفئة المثقفة الفاهمة تلجأ للأساليب دي...
هو حد من حضراتكو فاكر و لا حتى في الأحلام إنه لما يثبت ميكروباص و يعطله دقيقتين ولا تلاته كدة هوا خسر أي حاجة... ؟؟؟!!!!
بالعكس ده بني أدم غالباً ضارب قرصين عاملينله دماغ و لا بانجو و ماشي متوه و لا حاسس بيك أصلاً و إنت بس اللي حرقت دمك و بالتأكيد ولا هتكسب أي حاجة... وبالتأكيد كمان هوه مش هيحرم يقف و يعطل الشارع تاني....
و كمان إسمحولي بعيد عن كلام السلبية و الحوارات دي... إنتوا مش دوركم تمشوا في الشوارع تصطادوا سواقين الميكروباص و تعلموهم السواقة و الصح و الغلط ... أولاً هما مش هيتعلموا ثانياً إنتوا عملتوا زيهم بالظبط و عطلتوا الشارع زيهم بالظبط....
طب فكر كدة في واحد مستعجل و عنده مشكلة و لا مصيبة و جاي ورا و مستعجل على دكتور و لا إمتحان و شايف سعادتك ماشي منشف دماغك مع الميكروباص و معطل الطريق... هيتنقدك إنت مش الميكروباص خالص...
على الأقل الميكروباص و لا التاكسي هتلاقي اللي يقولك ماهو غلبان و بيركب ناس غلابة و قسط العربية و الكلام المحفوظ ده و إستحملهم .......لكن إنت مبررك إيه؟؟؟

طبعاً أنا مش عايز أتطرق لنقط تانية زي إن عيار البانجو يكون عالي شوية يقوم الباشا يخبطك و لا يثبتك هوا و ينزل هوا و المنادي اللي معاه و يبلطجوا عليك و ممكن قوي يكون معاهم مطوة و لا حاجة ... و ساعتها كمان هتلاقي كل ميكروباصات مصر واقفة حواليكوا و معتبرينك من الكفار....

أيه رأيكم..... صح الكلام الغلط ده؟

استاذ احمد انا اختلف معاك في الرأي
طيب و ليه ما تبصش علي الموضوع من زاويه تانيه......
تخيل انت مكان سواق الميكروباص ولا اي وسيله متخلفه تانيه.....و عمال تزنق علي خلق الله
و مش عامل حساب لحد.....
و ما فيش حد بيقولك اي حاجه ولا كأن في حاجه حصلت.....
هل كده بقي هتقول ....لأ الناس اللي في الشارع دول محترمين و ولاد ناس....
هبطل ازنق عليهم تاني .....و هبقي سواق برنس هادي ...:):)
اكيد لأ طبعا.........
اما بقي تخيل الموقف بالعكس.....
ان الناس بقيت عماله تزنق عليك و تنح و ترخم .....لما تزنق علي حد
تخيل كده كل ما تمشي خطوه و تزنق علي واحد...يروح يزنق عليك و يوقفك و يعطلك
مش برضوا يزهق من العطله ديه و وجع الدماغ.....و ممكن يمشي عادي ذي البنأدمين

و حضرتك بتقولي احنا هنمشي نصطاد في الميكروباصات.....
اكيد لأ .....مش يعني لو غظب عنوا مثلا حدف عليك لأي سبب ما من غير قصد....
اروح امسكوا و ازنقوا و اطلعوا علي الرصيف.....
لأ طبعا مش ده قصدي....
انا قصدي اتعامل معاهم ذي ما بيعملوا قصد....مش امشي يعني اخانق دبان وشي
لأ...لو بس حد زنق عليا او رخم

و ارجو ان تكون فهمتني

[3mr Farrag]

أنا معاكم قلبا وقالبا وما عنديش أي مانع إني أزنق على ميكروباص نقل أتوبيس إنشاالله حتى أتوبيس نهري أنا اتخنقت خلاص وفعلا انا بمشي فى الشارع متحفز لأي بني آدم سايق ميكروباص بالذات ولا المني باص الأخضر ده راخر اللي بقى مشكله وأنا موافق على الحمله دي ومعاكم ايه رأيكم نطبع استيكر ونلزقه على العربيات ضد سواقين الميكروباص والأتوبيس ونعملها حمله قومية لمحاربة سائق الميكروباص

هي فكره مش بطاله .....
بس اكيد هيبقي حرب ذي ما قال cybrarian استاذ
و تلاقي الشارع كلوا عمال يزنق علي بعضوا:) ذي عربيات الملاهي

[vet mitcho]

رجعولي بس ال 504 القديمة وانا اوريهم
بس المشكلة انك لازم تتلط طبعا انا ازنق على الناس دوول لكن على البطئ فقط و في الاشارات لكن في الظروف العادية بنفضلهم
لانك مثلا لو معاك 2007 او 2008 اي خبطة لا قدر الله في الفبريكة عربيتك قلت 5000 جنيه اقل ما فيها واتخانق واضرب براحتك

[mahamedaraby]

ياجماعه والله مشكله سواقين الميكروباص ان هو بيبص على اى حته فى الطريق ماعدا ادامه يعنى ماشى عمال يبص على الزبون ده على اليمين والشمال وطبعا ولا فى دماغه السواقه ولا الطريق وياسلام بقى لو ميكروباص جانبه ونفس الخط وفاضى كمان اتفرج ياجدع على احلى دراج ممكن تشوفه فى حياتك

ياجماعه انا شايف ان الموضوع اكبر من كده

[lightspeed]

فعلا والله معظم سواقين المكروبصات بقوا حاجه صعبه..... قلبينها( نيد فور سبيد)
بس انا اعرف واحد كان بيأدبهم;) من كتر متخنق منهم
اى ميكروباص يزنق عليه يقوم ماشى على يمين الميكروباص(وطبعا الميكروباص هينزل ويطلع زباين من اليمين) ويفضل ماشى جنبه المكروباص يسرع هو يسرع لو المكرباص هدى هو يهدى (يخليه ميعرفش يركب زباين) لحد ما يخنقه وبعدين يسيبه:p

[cazanova555]

جمد قلبك واخبط عربيتك :):):)

انت عارف السواقين دول تنحين ليه وباردين ؟

لانهم 24 ساعه علي الطريق لازم يكونو باردين

بس انا ياويله الي يقف قدامي يركب زبون ويتنح

علي طول اطلع دماغي من الشباك وخش يابن ال ........... انتو عارفين الباقي