حمله ضد سواقه الميكروباصات و النقل.....جمد قلبك

[دموع الثلج]

انا اختلف معاك بصراحه فى الفكره مش معنى ان سواق ميكروباص عربجى وبيسوق العربيه وهو فى ايده سجاره مخدرات ومستبيع للطريق اجى انا بئه اعمل زيه

ولو ماشى عكس الاتجاه اروح اعكس الاتجاه زيه عشان ازنق عليه

طبعا الكلام برضوه على النقل كله حاجه زفت فى زفت خصوصا على الطرق الدائريه مهزله وبما انى لو تنحت وجمدت قلبى وعملت كده مع واحد همجى ممكن تكبر فى دماغه ويخبطنى لانه عارف الخبطه فى عربيتى هتاثر فيا جامد وكمان مش هيصلح لى حاجه لا قدر الله لكن هو ولا هتفرق معاه لى ماشى حتى من غير ابواب لانه غالبا العربيه بتكون مش بتاعته وهو سواق عليه متفرش معاه خالص

ضيف بئه على الملعون الميكروباص والزفت النقل المسخوط التوك توك ده انا نفسى بجد بجد ربنا يولع فيه يعنى ده مهزله بكل المقاييس وخصوصا اللى بيسوقوا التوك توك
اغلبهم من متعاطى المخدرات وبيسوقوا بغباوه ماهم مش فى وعيهم يا حرام
واللى غايظنى ان الحكومه خلاص هترخص للتوك توك عشان يعملوا سيوله مروريه فى الشارع

انا من يومين كنت ماشيه ومهديه بطلع مطب لقيت جاى فى وشى ميكروباص فولكس وجمبه توك توك بيسابقه عشان يعدى قبله راح الميكروباص مرخم وحادف يمين على التوك توك رح خبطه وحدفه على عربيتى لانى مهديه عند مطب يعنى على اخر ثانيه ربنا سترها حدفت بعربيتى على الشمال ركب الرصيف بعجله .......

والمصيبه كل واحد فيهم قام بص على عربيته وضحك ومشى ولا حتى اعتذار

فلذلك مش هقول غير ربنا يهد القوى والمفترى وسواقين التوك توك والميكروباص

[KarimAbulEla]

مع انى فرحت جدا بهذه المشاركة لانها بداية الطريق فى ايجاد حل لهذا الموضوع اللى كرهنى فى السواقة و الشارع و الناس كلها بس ارجع و اقول كما قلت سابقا فى مشاركة اخرى ، الناس دول سواقين الميكروباصات يبتعاملوا - مع موضوع الكسر على العربيات المجاورة و الوقوف فى وسط الشارع بلا انتباه للعربيات الاخرى و الكثير من الافعال الاخرى - بلامبالاة تماما و فى نفس الوقت هما تربوا على هذا يعنى هذا يعتبر شىء له زى الهواء اللى بيتنفسوه ، يعنى ممكن تلاقى سوق ميكروباص بيكلم معاك كويس و ابن حلال لو انت قاعد جمبه فى المقعد الامامى لكن ساعة السواقة تلاقيه بيكسر على عباد الله اصحاب العربيات الاقل منه فى الحجم ( الملاكى ) ، و طبعا زى ما قال الزملاء ان دول لا يفرق معاهم هذا الكلام و هذه الحملة لن تكون رادع اطلاقا من وجهة نظرى
لكن انا اعتقد و هذا مجرد اعتقاد اننا لو قدرنا نوصل شكوى من عدد لا بأس به اعضاء المنتدى الى وزارة الداخلية او ادارة المرور من سائقين الميكروباص و حاجاتنا كسائقين ملتزمين الى من يظبط الطريق من رجال المرور بحيث يكون هناك مراقبة فعلية لحالة الطرق و الشوارع و ايقاف و ردع كل من يحاول تحويل الطريق الى ساحة العاب كمبيوترية اعتقد ممكن هذا ممكن يجيب نتيجة و لو بصفة موسمية ، فرجال المرور هم الوحيدين على ردع سواقين الميكروباص و هم الوحيدين القادرين على الزام جميع السائقين - الغير ملتزمين بالاداب القيادة - بالنظام و اتباعه لكنهم لا يؤدوا دورهم فى هذا كاملا و يعتبروا وجودهم فى الشارع فقط هو لاخذ المخالفات و هذه هى المهزلة و بسبب هذا اصبح كل الناس سواء كان سائقين ميكروباص او نقل او ملاكى يفعل ما يشاء بدون رقيب
طيب والله العظيم انا منساش مرة و انا فى رمضان شوفت مندوب شرطة بيتخانق مع سواق عربية نقل اصر انه يخش عكس الاتجاه فى شارع البطران اللى موازى للمريوطية و ووقفه و نزله من العربية و تشابك معه ، طبعا هذا ليس معناه ان هذا صح ، بس لو لكل رجال المرور تعاملوا مع المواقف المشابهة بنوع من الحزم كان الموقف يكون افضل بكثير مما عليه الحال الان

و لهذا اعتقد انه دورنا لتسليط الضوء على تفعيل دور رجال المرور المغيب تماما فى الشارع المصرى

تحياتى

[tutankhamoun]

يا جماعة الموضوع ده بقى مٌتعب بجد
يعني أنا بحس إني بحارب جيش و أنا منفرد وحيد

أصل المشكلة مش في سواق الميكروباص بس
الأسوء هم سائقي الميكروباص
النقل
الشباب الملعون بتاع الغرز و خلافه و اللي فاكر نفسه ماسك دراع أتاري و بيلعب على التليفزيون أو قاعد على الكمبيوتر و بيلعب need for speed
و بعدين تيجي نسبة السائقين اللي مبيعرفوش يسوقوا أصلا
و بعدين الستات
و بعدين الأخوة محبي السرعة

----------------

مفيش أي التزام من أي نوع
مفيش أي أحترام لأي حد

---------------
و الله العظيم ساعات بحس و أقول في نفسي
يا سلام لو في مدفع آلي على سطح العربية
بحيث كل غبـــــــــي و هم كثيرون .......... يعمل أي حركة معايا
أطلق عليه طلقة مميتة ........ تأخذ أجله و يغور في ستين داهية

--------------
بس أرجع أقول .......... حــــــــــــــــرام ...مينفعش

و بعدين أصلا مينفعش أركب المدفع ده..... و لو مكنش حرام .... و لو مكنش ضد القانون !!!!!!!!!!! كنت لن أتوانى في تركيبه و قتل الأغبياء

--------------
بس أنا زهــــــــــــــــــــقـــــــــــــــت
..............و طــــــــــــــــــهــــــــــــــــقط
و حسبي الله ونعم الوكيل

[د-احمد عبد اللطيف]

انا نفسى في دبابه او نصف مجنزره عشان اللى يكسر عليا افرمه وبكده نقضى على ازمات كتير في البلد

[CryptonX]

انا حفظت شكلك و عارف عربيتك يا عمر ..

و حوصي كل سواقين المكروباصات الي بشوفهم عليك !

و جمدلي قلبك :)

--------------------------

D:

[MMamdouh]

in my opinion... this is the ultimate solution:

every body should own a gun... and shoot the MOFOrs at sight

MMamdouh

[3mr Farrag]

ايه يا جماعه ده:(
انتوا محبطين جدا.....
و محسسين اني عايش في بلد تانيه....
هو معني اني بقول تعامل معاه بالمثل....يبقي لازم اخبط عربيتي
و ادخل فيه ....
لو كل واحد هيوعد يقول لأ يا عم مش هينفع....
يبقي هنوعد طول عمرنا طالع عينينا من القرف ده....
و الله انا معايا عربيه زيكوا....مش دبابه يعني
و طبعا كله بأمر الله .....و انا مش غشيم ذي ما انتوا متخيلين ....
الموضوع ببساطه ...متكبرش دماغك و تخاف منه .....

[tarekkasaby]

انا على طول بعمل كده لغاية امبارح عملت كده مع واحد ابن ..... سواق ميكروباص حكلى الرفرف
ابن .............
بس للاسف ده مش حل لانه خناقات و مشاكل و وجع قلب
المشكله ان حتى لو حرقت له دمه او خبطه سلوكه حيفضل زى ما هوه يعنى حيعمل كده معايا و مع غيرى الحل انه سلوكيات الناس دى تتعدل ازاى ماعرفش

وبصراحه لما ببقى بال 128 ولوحدى بدون المدام ونور بخش و مايهمنيش

[CryptonX]

in my opinion... this is the ultimate solution:

every body should own a gun... and shoot the MOFOrs at sight

MMamdouh

lol
Agreed
+10 Mofos :D

[king_de_egypt]

انا عملت كدا مع مكروباص رخم ركنت قدامو و قفلت الشارع و نزلت قعتلو على شنطه العربيه بتاعتى :d صباح التناااحه بقى و هو بصراحه مقدرش يتكلم عشان عارف او غلطان

[د.أحمد سمير]

باختصار .. لو عايز تأدب ميكروباص اشتري أوتوبيس .
ولو عايز تأدب أتوبيس اشتري تريللا
ولو عايز تأدب تريللا اشتري تريللا بمقطورة .

أما التزنيق على الميكروباص بعربيتك فهذا يعتمد على عدة أشياء :
أولاً : أن تلفت انتباهه أنك تزنق عليه ، فنسبة كبيرة منهم مهما زنقت عليه لا يلتفت لذلك ولا بياخد باله أصلاً ، ولو لم يلتفت إليك يبقى كل حرقة دمك جت ببلاش .

ثانياً : اتساع الطريق والسرعة الطبيعية للطريق ... يعني لو الطريق واسع هتلاقيه رمى على أي حد وراه وهوب طلع منك بسرعة فيها تغابي شديد ، وبالتالي مش هتقدر تكمل .
يعني باختصار لو ماشي في طريق ضيق وسرعته بطيئة ممكن تعمل كدة براحتك ، لكن محدش يحاول يقنعني إنه يقدر يعمل كدة على الدائري أو المحور والطريق مفتوح .

ثالثاً : احذر القيام بهذه العملية في طريق سريع مزدحم حيث أسهل شيء إنه يشد معاك ويلبسك في أي حاجة خاصة لو كنت على يمينه .. لازم تكون أمامه بالضبط .

رابعاً : متطولش في هذا الأمر فأنت توقف مصالح ناس غلابة راكبين الميكروباص .

خامساً : أغلس حركة تعملها هي الحركة الشائعة لدى سائقين الميكروباص والنص نقل والتاكسيات ... يرمي عليك رمية غبية ، ويطلعلك إيده قال يعني : سوري مخدتش بالي ، وهو متعمد مع سبق الإصرار والترصد .. علشان بس يمتص غضبك وفي الوقت نفسه يعمل اللي هو عايزه .. اعمل كدة معاهم هتحس بشعور مختلف .

ملحوظة : الناس غالباً بتبعد عن السائق الذي يعتبرونه غبي أو متهور أو مش واخد باله بجد .... حاول تستهبل شوية وتحسسهم بكدة خصوصاً وانت قافل إزاز العربية ولابس نظارة الشمس .. بس المهم تكون واخد بالك وعامل حسابك كويس ( يعني متلبس نظارة الشمس بالليل).

هذا الكلام لا يعني أني موافق عليه كلية .. ولكنها محض إرشادات
تقبلوا جميعاً خالص مودتي

[elpasha009]

أحييك جدا يا أستاذ عمر على إنك فتحت الموضوع ده.أنا كان نفسي أفتحه من زمان بس كنت متأكد من ردود الأفعال بتاعت الناس إنها مش موافقة.أنا شخصيا بعمل كده من ومان جدا وخصوصا مع التريلا وعلى الطرق السريعة وده أحد مشاركاتي:

http://www.nilemotors.net/Nile/showthread.php?t=16991

وعلى فكرة الحركة ده بتجيب نتيجة 80% وبتخلي السواقين يمشو في اليمين فترة لحد ما انا أختفي :)

[Karim_Monir]

نفس اللي بعملة يوميا على اي طريق
وكنت وانا رايح العاشر وراجع كل يوم خاصة النقل التقيل وسواقين السيلحة اللي بيبقي قدامهم بوكس والله بزنق عليهم عشان بياخدو طريقي
ومرة سواق بوكس ومعاه ظابط قاللي وسع الطريق قولتلة مش من حقك هيا تشريفة ولا ايه
ده ضيف وانا اهل البلد ولو مش عاجبك خد نمرة عربيتي ووريني هاتعمل ايه
وماقدرش يعمللي اي حاجة
اما التريلات حدث ولا حرج
اجي قدامة بمسافة كافية واقوم ضارب انتظار وافرمل
يهدي شوية شوية وينقل النص
اقوم ناقل النص معاه
يقوم ناقل يمين اقوم سايبة وماشي
اي واحد كدة محمل او فاضي ما بتفرقش معايا الا لو مستعجل قوي