تحذير من اصلاح الكاوتش في بنزينة مصر للبترول أول عباس العقاد

[محمد أنور]

انا حصل معايا الحوار دة تاني يوم طلعت فيه الرخصة و خدت عربية السيد الوالد و رايح بيها الجامعة .. قلت لما ازود العجل فدخلت بنزينة شل على ترعة المنصورية فالهرم قالي العجلة دي لازم يتكشف عليها .. قام حط عليها صابون لقا خرمين قالي هعملهملك الخرم ب 5 جنيه قلتله ماشي .. عملهملي قالي هطمنلك على بقيت العجلة قعد يلف فيها كل ما يلف يلاقي خرم يدب خابور لغاية ما فالاخر لقيته بيقلي العجلة طلع فيها 10 اخرام يعني 50 جنيه .. وانا كنت نازل مش معايا غيرهم فالمحفظة .. دفعتهملو بكل احترام و رجعت ركنت العربية فالبيت و مرحتش الجامعة يومها :d:d

[casperinoo]

ياجماعه ايه الشنبر ده واشتريه منين

[Yarisawy]

شكرا يا رجاله انكوا قلتوا اماكن بيع الكمبوريسور

حسام

[AANIS]

واضح انها بقت مافيا
حصل معايا نفس الموضوع في بنزينه التعاون في صلاح سالم من أربع أيام
دخلت ازود هوا وبقدره قادر العجله طلع فيها اربع تخرام الخبور ب 10 جنيه
وكان لسه بيلف العجله ويشوف فيه تاني ولا لأ مسكت الواد ظبطه
وقولتله شيل كل الخوابير الي انتا عمال تدقها
وخليتو يفك العجله و خليته يركب لزق عادي من جوه الفرده
عالم ولاد ستين في سبعين
حسبنا الله ونعم الوكيل

[fakoussa]

الشنبر يا سيدى الفاضل يعنى كاوتش داخلى - و الافضل تشترى واحد تخليه معاك علشان لو حصل الموقف دا ليك و قالك الكاوتش محتاج خوابير طلعله الكاوتش الداخلى و قوله حطه . و طبعا بكده تبقى بوظت عليه السرقة .

[casperinoo]

وتمنه كام ...ولازم طبعا يبقي مقاس الكاوتش!...معلش يا شباب تعبنكو معانا

[kamel_sh]

لا اله الا الله
ربنا يهدى

[abdelaziz-waleed]

لا حول ولا قوة الا بالله
مش عارف انا الناس ديه ازاي بيجيلها نوم بعد السرقة دي كلها وازاي يأكلو ولادهم من الفلوس المسروقة ديه. وفي الاخر نقول الفساد بيزيد في البلد ما هو كل المفسدين اتربو وكلو وشربو من حرام طبيعي انهم يكونو مفسدين. ربنا ياخدهم كلهم

[wlng76]

نصيحة:
1. بصفة عامة اوعى تتعامل مع بتوع الإطارات فى محطات البنزين لإن أسعارهم غالية جدا, وكمان لو انت عندك مسمار, لازم هو بالعدة اللى ماسكها فى ايده يخرمله خرمين تلاته علشان الحساب يتقل.
2. من عند أبو الجوخ اشترى مجموعة كاملة (علبة لحام جاهزة -تقريبا 50 قطعة بـ7.5 واللى بتركبها عند بتاع الكاوتش بـ5 جنيه) - (عدد 5 بلف تيوبليس - على الأقل - الواحد تمنه جنيه واللى بتشتريه من عند بتاع الكاوتش بـ 5 جنيه) وهتلاقى عند أبو الجوخ كل اللى ممكن تحتاجه تانى, وطبعا دا مش علشان تصلح الكاوتش بنفسك, بس علشان وقعت فى ايد واحد نصاب وقالك يابيه الحاجة غالية, اديله 3 جنيه مصنعية وركب الحاجة اللى انت شاريها.

[sunmoonstar76]

انا حصل معايا نفس الموضوع في بنزينة جديدة في طريق الاسماعيلية

[Hatem Sallam]

نفس الكلام فى بنزينة التعاون الى فى صلاح سالم بعد البانوراما

مضبوط ...أنا برضه فى البنزينة دى الواد طلعلى 4 اخرام و اللزقة ب 10 جنيه مع انى بعد كده لقيتها ب 5 فقط

حسبى الله و نعم الوكيل

[theaboos]

انا تقريبا كان هيتعمل معايا الحركة دة
كنت مركب جنوط و كاوتش جديد
و روحت بنزينة توتال املى بنزين و احط هوا في الكاوتش
راح الراجل قالي العجلة دة مخرومة
و ممكن نصلحها كدا وهيا و اقفة في مكنها من غير مانفك ؟؟؟؟؟؟؟
طب و ازاي غير معقول
كان ممكن يخرمة و يقولي اهو كان مخروم و الله اعلم ممكن يدفعني كام
بصراحة الضمير انعدم في البلد

[HeMa1981]

انا بتحصل معايا بصفة مستمرة ومسمعتش كلامه ابداً
بتوع بنزينة مش فاكر هى شل ولا التعاون اللى هى اودام وطنية وانت جاى من طريق الفيوم وحدائق الاهرام
كل ما احط نبنزين من عندهم " مبحطش الا لما تكون مزنئة لأنى مش بحب المحطة دى ابداً "

لازم بتاع البنزين كل مرة يئولى الكاوتش عاز يتبص عليه وعمرى ماسمعت ولا هسمع كبلمه


اما العكس بئا

محطة موبيل اللى قبل الميريلاند الواد بتاع الزوايا اللى هناك
بعد ما بيظبط الزوايا يئولك ظبط العجل بس مش فى المحطة هنا عشان بتاع الكاوتش اللى هنا وحش والله اعلم بالناس !

[peranha]

اضم صوتي لكم واذكرلكم محطه شبيهه ومش عارف اسمها ولكن لو طلعت الدائري من ميدان لبنان رايح علي اسكندريه .. قبل منزلطريق اسكندريه الزراعي ب 400 متر ..ونفس الاسلوب والطريقه وغرمت 70 جنيه وقالي انت مشيت علي زجاج عربيه مكسور

[medo1970]

اللى مضيعنا قلت الضمير وربنا يرحمنا من الفساد

لمشاهدة برامج التليفزيون حمل هذا البرنامج الجميل

http://uploaded.to/?id=dwzz2r