أكثر العربيات مبيعا في التاريخ (حتى ٢٠٠٦)

[Chicco]

أعتقد إن الكثير يعرف إن الكورولا هي أكثر السيارات مبيعا في التاريخ و لأني بحب تويوتا حاولت أدور على مين المنافسين اللي ممكن ينافسوا كورولا تحديدا ..فلقيت القائمة ديه ..الموضوع منقول و مترجم بتصرف

١- تويوتا كورولا : من ١٩٦٦ = ٣١،٦٠٠،٠٠٠ (١٠ أجيال )
أكثر سيارة مبيعا في التاريخ...أكثر سيارة مبيعا في العالم ٢٠٠٥ ....و أكثر سيارة مبيعا في اليابان ٣٦ سنة :)

٢- فورد إف ١٥٠ : من ١٩٤٨ = ٢٩,٠٠٠,٠٠٠ (١١ جيل )
أكثر سيارة مبيعا في الولايات المتحدة لمدة ٢٣ سنة متتالية

٣- فولكس فاجن جولف : من ١٩٧٤ = ٢٥٬٠٠٠٬٠٠٠ ( ٥ أجيال )
تخطت الاسطورة بيتلز عام ٢٠٠٢ لأول مرة

٤- فولكس فاجن بيتلز : ١٩٣٨ - ٢٠٠٣ = ٢١,٥٢٩,٤٦٤
أول عربية تصل ل ٢٠ مليون في المبيعات و أكثر تصميم إتباع من غير تغيير

٥-فورد اسكورت: ١٩٦٨- ٢٠٠٣ = ٢٠،٠٠٠،٠٠٠ (٦ أجيال )
أكثر سيارة مبيعا لفورد خارج أمريكا

٦- هوندا سيفيك :من ١٩٧٢ = ١٦،٥٠٠،٠٠٠ ( ٨ أجيال )

٦مكرر - فورد موديل تي : من ١٩٠٨ - ١٩٢٧ =١٦،٥٠٠،٠٠٠
تاني أكثر سيارة مبيعا لنفس التصميم بعد البيتلز و أول سيارة تصل ل ٥ و ١٠ و ١٥ مليون سيارة

٨- نيسان صني (سنتر ا- بلسار ) : من ١٩٦٦ = ١٦،٠٠٠،٠٠٠ (١٠ أجيال )

٩- فولكس فاجن باسات : من ١٩٧٣ ١٥،٠٠٠،٠٠٠ (٥ أجيال )

١٠- لادا ريفا : من ١٩٨٠ ١٣،٥٠٠،٠٠٠
السيارة أوقف تصديرها ١٩٩٧ و لكن تصنع للان في روسيا و مصر

١١- شفرولية امبالا : من ١٩٥٨ = ١٣،٠٠٠،٠٠٠ ( ٨ أجيال )
أكثر سيارة "full size" مبيعا

١٢ - فورد فيستا : من ١٩٧٦ = ١٢،٠٠٠،٠٠٠ (٦ أجيال )

١٣ - أولدز موبيل كتلاس : ١٩٦١ -١٩٩٩ ١١،٩٠٠،٠٠٠ (٦ أجيال )

١٤- اوبل كورسا : من ١٩٨٢ = ١١،٠٠٠،٠٠٠

١٤ مكرر - كرايسلر ميني فان من ١٩٨٤ = ١١،٠٠٠،٠٠٠
بما فيها كرايسلر تاون اند كنتري ، دودج كارافان و بلايموث فوياجر

١٦- مازدا ٣٢٣ (فاميليا -بروتيجي) ١٩٦٣ - ٢٠٠٣ = ١٠،٠٠٠،٠٠٠

١٦ مكرر - تويوتا كامري من ١٩٨٣ = ١٠،٠٠٠،٠٠٠ (٥ أجيال )

١٨- بي إم دبليو الفئة الثالثة من ١٩٧٧ = ٩،٥٠٠،٠٠٠
أكثر سيارة مبيعا في فئة السيارات المميزة

١٩- فيات أونو : من ١٩٨٣ = ٨،٨٠٠،٠٠٠
منهم ٦ مليون سيارة داخل أوروبا حتى ٢٠٠٤

٢٠ - رينو كليو : من ١٩٩١ = ٨،٥٣٥،٢٨٠
أكثر سيارة فرنسية مبيعا :)

لبقية القائمة الرابط أهو

http://en.wikipedia.org/wiki/List_of_bestselling_vehicle_nameplates

[PRO-DRIVE]

مكنتش اعرف ان فورد ليها موديلات كتير كدا كنت اعرف بس اف150

شكرا علي الموضوع المفيد :)

الغريب بقي ان لا فيات ولا بيجو اكتر السيارات انتشارا في مصر في سنوات الثمانينيات و التسعينيات موجودين في اول 20

فيات سياره واحده بس


شكرا علي الموضوع :)


و الغريب اكتر ان سوبارو ليجاسي باعت اكتر من بيجو 504 في مده زمنيه اقصر

مع ان معروف ان سوبارو من اخر الشركات اللي ممكن تعمل ارقام مبيعات


بس شوفوا كميه العربيات الياباني اللي فوق 504 فخر بيجو :D

[ams]

موضوع هايل
bettle تصميمها فعلا حلو قوى

Lada Riva

دى لادا 2107 صح ؟

[Chicco]

دى لادا 2107 صح ؟

أعتقد كده يا باشا و لو إن الموضوع مافيهوش صور بس قايلين إن العربية تنتج في مصر:)

برو باشا لا شكر على واجب يا جميل ....خيرك سابق ;)
الارقام ما بتكدبش يا باشا و مش معقول الناس ديه كلها مش فاهمة .....مش مجاملة و الله بس سوبارو ديه حكاية
أما بالنسبة ل بيجو ٥٠٤ فيكفي أن أقول إن أكثر سيارة فرنسية مبيعا هي رينو كليو (حتى لو كانت اللي مش بتنزل في مصر:D )

[أبو عبدالله]

الغريب بقي ان لا فيات ولا بيجو اكتر السيارات انتشارا في مصر في سنوات الثمانينيات و التسعينيات موجودين في اول 20

فيات سياره واحده بس

وده اللي دائما بنقوله هنا يا احمد
ان الناس علشان مصر مكنتشي تعرف غير الفيات والبيجو والمرسيدس بس

والناس في الخليج والخارج راكبين العربيات الياباني واسبور كمان
يبقى الياباني مكنش له تواجد

يعني لما تيجي تقارن المازدا 323 او 929 موديل 82 عز المعمعه بتاعت بيجو وفيات في مصر

فرق شاسع في الاداء والتابلوه والماتور والفتيس والتكييف والعفشه وكل حاجه

بس يظهر ان الناس مجربتشي العربيات دي حتى دلوقتي

[Mzeid]

شكراَ على المعلومات القيمة جداَ دي ..
:):)

[hazem_khidr]

مكنتش اعرف ان فورد ليها موديلات كتير كدا كنت اعرف بس اف150

شكرا علي الموضوع المفيد :)

الغريب بقي ان لا فيات ولا بيجو اكتر السيارات انتشارا في مصر في سنوات الثمانينيات و التسعينيات موجودين في اول 20

فيات سياره واحده بس


شكرا علي الموضوع :)


و الغريب اكتر ان سوبارو ليجاسي باعت اكتر من بيجو 504 في مده زمنيه اقصر

مع ان معروف ان سوبارو من اخر الشركات اللي ممكن تعمل ارقام مبيعات


بس شوفوا كميه العربيات الياباني اللي فوق 504 فخر بيجو :D

و دا لان البيجو بتغير تسمياتها :) و الفيات كمان:)
مش معتمدين علي تسميه واحده.
يعني مثلا الجولف كانت طالعه تحل محل البيتلز و لو كانت اتسمت نفس الاسم كان زمان البيتل او الجولف معديه الرقم دا.
البونتو مكان الاونو و لو جمعت مبيعات البونتو مع الاونو كانت اخدت موقع محترم في القائمه:).
نفس الوضع بالنسبه للبيجو لو جمعت ال 504 مع ال 505 كانت بقي ليها رقم جامد.

[Chicco]

منور الموضوع يا حازم باشا
يا باشا إنت تويوتاوي دلوقت خليك مع الجانب الفائز :D

البونتو كانت موجودة مع الاونو في نفس الوقت .... مش حاسس إن الجولف امتداد للبيتلز كل واحدة ليها طبع مميز و مختلف ....أما البيجو لو سلمنا إن ٥٠٥ هي هي ٥٠٤ فالسؤال :لو بيجو كنت حاسة إن إسم ٥٠٤ قوي ليه غيرته

[hazem_khidr]

منور الموضوع يا حازم باشا
يا باشا إنت تويوتاوي دلوقت خليك مع الجانب الفائز :D
و بعدين يا باشا انا اوربي اصيل و ما اقدرش استغني عن الاوربي مهما حصل و انتظر مني مفاجأه قريب;)

منور باصحابه يا باشا :)

البونتو كانت موجودة مع الاونو في نفس الوقت

الونتو نزلت سنه 95 و اخر عربيه اونو خرجت من ايطاليا سنه 94 و بعد كده بدات تنتج في بولندا زي ال 128 لما فيات استغنت عنها و اتجمعت في يوغوسلافيا.يعني البونتو الوريث لشرعي للاونو :)

....أما البيجو لو سلمنا إن ٥٠٥ هي هي ٥٠٤ فالسؤال :لو بيجو كنت حاسة إن إسم ٥٠٤ قوي ليه غيرته

لا بيجو بتعتمد تسميه جديده مع كل جيل جديد
بيجو مرتبه تسميتها كالاتي
اي موديل من 3 ارقام
في المنتصف رقم (0)
الرقم الايسر بيدل علي فئه السياره و كل ما كبر الرقم كل ما كبر حجم السياره (106.206.306.406.706) و هكذا
الرقم الايمن بيدل علي جيل السياره
يعني مثلا فئه ال 400 لما تيجي تشوف تتابع الفئات حتلاقيها كالتالي
(403.404.405.406.407 )\
فحتلاقي ان كل موديل بيعتبر تطور للموديل السابق له .
يعني لو جمعنا كل الكميات من عائله ال 400 او ال 500 حيبقي رقم محترم .
اتمني اني اكون قدرت ابسط مفهوم تسميه بيجو :)

[فادى]

و دا لان البيجو بتغير تسمياتها :) و الفيات كمان:)
مش معتمدين علي تسميه واحده.
يعني مثلا الجولف كانت طالعه تحل محل البيتلز و لو كانت اتسمت نفس الاسم كان زمان البيتل او الجولف معديه الرقم دا.
البونتو مكان الاونو و لو جمعت مبيعات البونتو مع الاونو كانت اخدت موقع محترم في القائمه:).
نفس الوضع بالنسبه للبيجو لو جمعت ال 504 مع ال 505 كانت بقي ليها رقم جامد.

أتفق معك تماما يا أستاذ حازم, التويوتا كورولا بنفس الاسم لمدة 36 عاما, و تباع فى أكثر الأسواق استهلاكا للسيارات, و فى فترة زمنية منتعشة اقتصاديا ارتفعت فيها مبيعات السيارات بشكل كبير بالاضافة طبعا الى كونها سيارة شعبية.
و لا أعرف ما هو سر العادة اليابانية فى الحفاظ على اسم السيارة مع تغييرها تماما, هل الحصول على اسم جديد هو صعب لهذه الدرجة أم ماذا؟
من نيسان صنى الى تويوتا كورولا الى هوندا سيفيك, حقيقة لا أعرف ما السر, ربما تشبها بالشركات الأميركية التى اعتدنا منها هذا الأمر فى بعض طرازاتها مثل شفروليه كورفيت و شفروليه كامارو و بونتياك فيربيرد, أعتقد أن هذا هو السبب الرئيسى.

[Chicco]

\/\/\/\/
كورولا بتتباع من ١٩٦٦ يعني ٤٢ سنة يا باشا ....
لو العربية أكتر عربية بتتباع في التاريخ يغيروا اسمها ليه ؟ طبيعي تتغير كل مواصفتها ولا يعني تفضل نفس الشكل و الامكانيات لعشرات السنين زاي الناس الوحشيين التانيين :p

الشركات بتغير إسم الموديل لما ينتهي أي فايدة منه ..يعني لو فيه الخير ما كانش رماه الطير ..جولف أهيا ما شاء الله عليها بنفس الاسم من ساعة ما طلعت

شكرا يا حازم باشا على الأفادة.....عارف و الله:o.... أبويا الله يرحمه كان عنده ٤٠٤ و بعدين ٥٠٤ .....زمااااااان:)

[فادى]

\/\/\/\/
كورولا بتتباع من ١٩٦٦ يعني ٤٢ سنة يا باشا ....
لو العربية أكتر عربية بتتباع في التاريخ يغيروا اسمها ليه ؟ طبيعي تتغير كل مواصفتها ولا يعني تفضل نفس الشكل و الامكانيات لعشرات السنين زاي الناس الوحشيين التانيين :p

الشركات بتغير إسم الموديل لما ينتهي أي فايدة منه ..يعني لو فيه الخير ما كانش رماه الطير ..جولف أهيا ما شاء الله عليها بنفس الاسم من ساعة ما طلعت

شكرا يا حازم باشا على الأفادة.....عارف و الله:o.... أبويا الله يرحمه كان عنده ٤٠٤ و بعدين ٥٠٤ .....زمااااااان:)

لا يا سيدى الموضوع ملوش دعوة باسم السيارة, معروف أن الشركات التى تقوم بترقيم سياراتها لا يمكن أن تبقى السيارة برقم واحد, أما السيارات التى تسمى باسم شىء معين فهى تبقى بنفس الاسم لمدة طويلة, و هى عادة أمريكية فى الأساس, و اليابانيين , و بما أنهم يقلدون الأمريكيين فى كل شىء تقريبا, يفعلون مثلهم, و مثلا عمر الكورفيت و سمعتها أفضل من الكورولا بكثير.

[PRO-DRIVE]

ردا علي استاذ فادي مازدا 323 ارقام ولا انا مش واخد بالي ؟؟

و بي ام الفئه التالته ارقام برضه ولا لا ؟؟

و الاتنين في اول 20


يا جدعااان مدام سمعه العربيه ماشيه و كويسه ليه يغيروا اسمها ؟؟


و لو تلاحظوا العربيات الياباني المشهوره من سنه ما نزلت و هي ابأسمها
مبتتغيرش كل شويه رقم و اسم
سيفيك اكورد كورولا كامري ليجاسي امبريزا من مازدا 3 لاند كروزر

مش سسبب مقنع

و عشان حازم باشا

بقي بيجو 504 باعت 3 مليون عربيه و 405 باعت 2 مليون و 500 الف

يبقي مجموعهم 5 مليون و 500 الف و دا ممكن يشفع ليها انها تبقي في المركز ال31


يعني برضوا مازالوا برا اكتر 20 هاها

مثلا عمر الكورفيت و سمعتها أفضل من الكورولا بكثير

و موجود ياباش من الياباني اللي يأدب الكورفت :d

انت مش شايف اللون البرتقالي من توقيعي ولا ايه :d

و دي حلبه يعني تحمل السرعه تحمل السرعه ملكش اي حجه :d

[Chicco]

ردا علي استاذ فادي مازدا 323 ارقام ولا انا مش واخد بالي ؟؟
و بي ام الفئه التالته ارقام برضه ولا لا ؟؟
و الاتنين في اول 20
يا جدعااان مدام سمعه العربيه ماشيه و كويسه ليه يغيروا اسمها ؟؟

+1
كنت حاقولها :D
عربية ناجحة و بتبيع سواء إسم (جولف) أو رقم (بي إم الفئة التالتة ) بتحافظ على اسمها
عربية فشلت يبقى تغير اسمها ....اكو مثلا في تويوتا ...بالمناسبة حد سمع عن بي ام الفئة الثامنة؟
كورولا ديه أسطورة و مفيش زيها ...عربية شعبية بقى و لا مهلبية ما تفرقش:p
أما بيجو فلو ٥٠٤ كانت تقدر تصمد كانوا حافظوا على الاسم .....بيغيروا لمجرد إلتغيير يبقى غلط و أكبر غلط;)

[PRO-DRIVE]

أما السيارات التى تسمى باسم شىء معين فهى تبقى بنفس الاسم لمدة طويلة, و هى عادة أمريكية فى الأساس

نوعا ما متفق معاك ان الاسماء اساسا هي عاده امريكيه

بس تقدر تقول ايه علي لكزس و كل اسماء عربياتها و انفنتي و كل اسماء عربياتها و اكيورا و كل اسماء عربياتها برضه



ثانيا معني كلامك ان فولكس بتقلد امريكا ؟
و معني كلامك ان اوبل بتقلد امريكا
و فيات بتقلد امريكا
و الفا روميو بعض موديلاتها بتقلد امريكا
و لمبورجيني بتقلد امريكا
و فيراري في بعض عربياتها برضه بتقلد امريكا

.....بيغيروا لمجرد إلتغيير يبقى غلط و أكبر غلط

المشكله انهم مش عارفين ان العربيات اللي بتفاخروا بيها دي هي سبب انسحاب بيجو من السوق الامريكي !!

...بالمناسبة حد سمع عن بي ام الفئة الثامنة؟

البينا b12 :) كان اشهر انتاج للفئه دي

بس هما وقفوا انتاجها تقريبا صح ؟ عشان كنت قريت من فتره انهم عاوزين يعيدوا احيائها برضه !!