أكثر العربيات مبيعا في التاريخ (حتى ٢٠٠٦)

[Chicco]

تقليد إيه بس يا فادي باشا ؟ ما هي العربيات لا إسم لا رقم لا خلطة من الاتنين ....ما سمعناش عن عربية موديلها بيشار إليه بحاجة تانية


برو باشا بي إم الفئة التامنة فعلا اتوقف انتاجها مع الاسف ...أصلي كنت بحبها جدا :o...بس العربية فشلت:( ......ما سمعتش عن مشروع احيائها ...لو عرفت حاجة يا باشا ما تنساش أخوك:)

[فادى]

يحاول الأخ برو و الأخ شيكو ترسيخ مفاهيم غريبة جدا, لذا يجب أن نوضح.
أولا استبدال اسم السيارة ليس دليلا على فشلها, و عدم استبداله ليس دليلا على نجاحها, فاستبدال الاسم لو كان اسما رقميا طبيعى جدا, لأن الرقم يعبر عن جيل معين, لذا فان استبداله منطقى.
أما لو كانت السيارة لها اسم لفظى, فان عمر هذا الاسم يمكنه أن يمتد لفترة أكبر بطبيعة الحال, و لكن تغيير الاسم غالبا ما يعبر عن مفهوم جديد للسيارة, الشركة تغير الاسم كنوع من الاشارة الى أن هذه السيارة جديدة تماما, و ثورة جديدة, و ليست مجرد تطوير للطراز القديم, رغم أن هذا ليس صحيحا دائما فى الواقع, و لكن كنوع من الدعاية, و هى أشياء تعتمد على السياسة التسويقية للشركة, و أحيانا تقوم الشركات باعادة انتاج طرازات ناجحة مثل مينى, و فيات 500, و فولكس فاجن بيتل, و هذا يحدث غالبا مع السيارات التاريخية فقط, و الكورولا لا تدخل ضمن الطرازات التاريخية, لأن التاريخ لا يعرف حجم المبيعات, بل حجم التغيير الذى أحدثته السيارة و الثورة التى أشعلتها.
حجم المبيعات ليس دليلا على أى شىء سوى نجاح الشركة فى الدعاية لمنتاجتها, لأن معظم المستهلكين فى السوق الأمريكى لا يعرفون الفروق بين سيارة و أخرى, الأمريكيون لا يدققون فى مواصفات السيارة و جودتها كما نفعل نحن فى مصر, فالمصريون شعب فى معظمه يعى جيدا ماذا يشترى, أكثر من الأمريكيون بكثير.
و عموما عادة ابقاء الاسم لفترة تزيد على عشرات السنين هى عادة أمريكية كما أسلفنا, و لم نرها مع الشركات الأوروبية سوى مع فولكس بيتلز و جولف, لكن هذه كانت طرازات استثنائية, و قد نراها مع فيات بونتو اذا امتد هذا الطراز الى عشر سنوات أخرى, لأنه طراز استثنائى هو الأخر, لأن كل من هذه الطرازات هو ثورة أوروبية على صعيد التصميم و المفهوم, و لكن ليس بالضرورة على صعيد المبيعات.
أما موضوع وجود بيجو و فيات فى السوق الأمريكى من عدمه, فقد شرحت سبب خروجهم من السوق الأمريكية قبل ذلك, و قلت انه مخطط, تمهيدا لدخول اليابانيات السوق الأمريكى.

[PRO-DRIVE]

فاستبدال الاسم لو كان اسما رقميا طبيعى جدا, لأن الرقم يعبر عن جيل معين, لذا فان استبداله منطقى.
أما لو كانت السيارة لها اسم لفظى, فان عمر هذا الاسم يمكنه أن يمتد لفترة أكبر بطبيعة الحال, و لكن تغيير الاسم غالبا ما يعبر عن مفهوم جديد للسيارة, الشركة تغير الاسم كنوع من الاشارة الى أن هذه السيارة جديدة تماما, و ثورة جديدة, و ليست مجرد تطوير للطراز القديم, رغم أن هذا ليس صحيحا دائما فى الواقع

طيب انت كدا بتعترف ان السيارات الاوروبيه بتستخدم الاساليب الدعائيه الرخيصه دي

لأن معظم المستهلكين فى السوق الأمريكى لا يعرفون الفروق بين سيارة و أخرى, الأمريكيون لا يدققون فى مواصفات السيارة و جودتها كما نفعل نحن فى مصر, فالمصريون شعب فى معظمه يعى جيدا ماذا يشترى, أكثر من الأمريكيون بكثير.

علي الاقل فولكس بيتلز حققت اكبر مبيعات في امريكا

طبعا ساعتها كان عندهم مفهوميه كبيره هاها
بس دلوقتي بقوا جهله

و عموما عادة ابقاء الاسم لفترة تزيد على عشرات السنين هى عادة أمريكية كما أسلفنا

هو حضرتك اسمك فادي بقالك اد ايه ههههه

عندي حاجه ناجهه بأسمها

اديني ادني سبب اني اغيره !! سبحان الله

خروجهم من السوق الأمريكية قبل ذلك, و قلت انه مخطط, تمهيدا لدخول اليابانيات السوق الأمريكى.

بيجو خرجت بأنسحاب مش "اتطردوا"

[Chicco]

يحاول الأخ برو و الأخ شيكو ترسيخ مفاهيم غريبة جدا, لذا يجب أن نوضح

يا باشا الحقيقة إن احنا عملاء يابانيين فبنحاول نرسخ الأفكار ديه بغض النظر عن صحتها ...انما حتقول إيه عن الناس إلي اشترت العربيات ديه كمان عملاء ولا إتضحك عليهم

أولا استبدال اسم السيارة ليس دليلا على فشلها, و عدم استبداله ليس دليلا على نجاحها, فاستبدال الاسم لو كان اسما رقميا طبيعى جدا, لأن الرقم يعبر عن جيل معين, لذا فان استبداله منطقى

تفسر بأيه تغيير إسم الموديل غير إنه فاشل ....أوروبا و أمريكا و اليابان ....معرفش الصين بأه حتعمل إيه
حتى الأرقام لما مازدا غيرت ٣٢٣ بقت مازدا ٣ ......بي إم ما غيريتش أرقام الفئات الناجحة ....ما قلتش يعني حاجة عن الفئة التامنة اللي فشلت .....و حتى مرسيدس حتغير ال-A-class الفاشلة :p

أما ٥٠٤ ديه ماتت و شبعت موت عاملة ذي المريض اللي مات اكلينيكيا و متوصل بالاجهزة لابقائه حيا .....عربية هايلة في وقتها آه انما أسطورة ما حصلتش لا .....علما باني عارفها كويس و سقتها كمان ;)

عموما عادة ابقاء الاسم لفترة تزيد على عشرات السنين هى عادة أمريكية كما أسلفنا, و لم نرها مع الشركات الأوروبية سوى مع فولكس بيتلز و جولف, لكن هذه كانت طرازات استثنائية, و قد نراها مع فيات بونتو اذا امتد هذا الطراز الى عشر سنوات أخرى

يعني إنت قلت جولف و بيتل و نسيت باسات و قلت كمان بونتو و نسيت اونو
كل دول ثورات في عالم السيارات انما اليابانيات الساحرات فشنك

حجم المبيعات ليس دليلا على أى شىء سوى نجاح الشركة فى الدعاية لمنتاجتها, لأن معظم المستهلكين فى السوق الأمريكى لا يعرفون الفروق بين سيارة و أخرى, الأمريكيون لا يدققون فى مواصفات السيارة و جودتها كما نفعل نحن فى مصر, فالمصريون شعب فى معظمه يعى جيدا ماذا يشترى, أكثر من الأمريكيون بكثير.

المبيعات عمرها ما كانت دعاية و بس مع أول شكوى أو مشكلة المبيعات بتقل و الارقام المذكورة من العالم كله شرقه و غربه شماله و جنوبه .....حكاية المستهلك الامريكي العبيط و المستهلك المصري الحويط الفهلوي ديه صعبة شوية .....يا ريت ما كنش ده يبقى حالنا :(

[فادى]

بالنسبة لمرسيدس و بى ام فى, الموضوع بسيط جدا,
هما مش ثابتين على اسم واحد و لا حاجة, هم ينتهجون نظاما متفردا لتسيمة السيارات, فهم يقسمون انتاجهم الى فئات, بى ام فى ترقم هذه الفئات الى 3, 5, 7, و مرسيدس تعطى لكل فئة حرف, سى, اى, اس, ثم يتبعون ذلك الرقم أو الحرف برقم يعبر عن حجم المحرك, سى 200 أى الفئة العائلية الصغيرة المترفة, و حجم المحرك 2000 سى سى, و هكذا, و فى رأيى هذا أفضل نظام لتسمية السيارات, لأنه و بمجرد معرفة اسم السيارة, يمكنك استنتاج حجم المحرك, و فئتها الحجمية.

[Chicco]

حلو يا باشا و ما إختلفناش.... فين بقى الفئة الثامنة من بي إم اللي فشلت فشلا ذريعا لا يضاهيه إلا فشل ال-A class من مرسيدس ......الموديل فشل إختفى الاسم ده اللي قصدي عليه

[hazem_khidr]

حلو يا باشا و ما إختلفناش.... فين بقى الفئة الثامنة من بي إم اللي فشلت فشلا ذريعا لا يضاهيه إلا فشل ال-A class من مرسيدس ......الموديل فشل إختفى الاسم ده اللي قصدي عليه

بالضبط يا شيكو باشا
الموديلات دي اختفت زيها زي الكريسيدا بالضبط;):D

[Chicco]

تويوتا ياما غلطت يا باشا مفيش حد منزه .... غلطوا في الاكو غيروا الاسم لياريس و بدلوا العربية تماما ......إيه رأيك فيها ؟:D;)
بصراحة شديدة أنا ما أعرفش حاجة عن الكريسيدا غير النقاش إلي كان بين mtema و silverlan إلي في منتدى التويوتا :o

[hazem_khidr]

تويوتا ياما غلطت يا باشا مفيش حد منزه .... غلطوا في الاكو غيروا الاسم لياريس و بدلوا العربية تماما ......إيه رأيك فيها ؟:D;)
بصراحة شديدة أنا ما أعرفش حاجة عن الكريسيدا غير النقاش إلي كان بين mtema و silverlan إلي في منتدى التويوتا :o

تصحيح بسيط
اسم ياريس دا قديم و كان بيطلق علي الهاتش باك منها في اوربا و السيدان بس اللي كانت بتنزل عندنا و اسمها ايكو و انا شفت كام عربيه في مصر باسم ياريس فعلا.
الكريسيدا يا سيدي في الخليج زيها زي ال 504 هنا في مصر ان لم تكن اقل منها شويه.
لكن كانت ناجحه في الخليج فقط و غيروا اسمها و دا مش من طبيعه تويوتا انها تغير الاسماء الا لو موديل فشل بعكس بيجو .
تسميه بيجو بتعبر عن الاجيال يعني لما بتغير عربيه لازم تديها الرقم الجديد بتاع الفئه لانه بيعبر عن جيل احدث من اللي قبله.
و دا نوع من التميز
يعني لما تقعد مع حد و تساله معاك عربيه ايه؟؟
تلاقيه بيقولك 505 ّّّّّّّّّّّّّّّّّّّّ!!!!!!!!!!!!!!!
من الرقم دا تعرف انه يقصد ان معاه بيجو موديل 505 سنه الصنع من 80 ال 90
من غير ما يقولك بقي بيجو 505.
اما مثلا تعالي لعربيه زي الكورولا
لو سالت حد معاك ايه لو قالك كورولا بس ما تقدرش تحدد شكلها الا لو عرفت موديلها و لازم تبقي خبير بالموديلات علشان تعرف اني موديل انتج سنه كذا .

[Chicco]

ألف شكر يا باشا على معلومة الكريسيدا ....
بس مفيش حد بيسأل حد على بيجو اللهم إلا في فرنسا و شوية بلاد في أفريقيا و المحروسة ....انما تويوتا في كل مكان
إسم ايكو كان موجود فعلا مع ياريس في فترة من الفترات لكن إختفى تماما دلوقت ....ده اللي قصدي عليه ....و بعدين يا باشا إنت معانا و لا مع الناس التانيين:D

[hazem_khidr]

هههههههههههههههههه
انا معاكم انتم الاتنين مش متحيز لحد:):)

[محمدايهاب]

في كام ملحوظة
1- في 11 عربية من 20 بتتباع في مصر
2- نجاح عربية زي فورد فيستا على مر العصور و حتى الأن بيلقي الضوء على عدم وجود العربية دي بذات في مصر خاصة انها اقتصادية في سعرها كمان
3- الفرق بين الكورولا و أقرب الملاحقين و هي الجولف كبييير جدا

[Chicco]

\/\/\/
ملاحظات حضرتك في محلها و فعلا تحتاج تحليل لأسبابها

[TAG_Turbo0]

الادا ريفا الى هى 2015 - 2017

[Mosso]

قصدك 2105-2107 يا Tag :d
و في رأيي الشخصي ان الكريسيدا مفشلتش ابدا
احنا كان عندنا كريسيدا قبل كده و العربيه ممتازه مقارنة بعربيات اوروبي حديثه
و بالنسبه لملاحظات الاستاذ محمد ايهاب انا اعتقد ان السوق هنا ماشي حسب السياسه التسويقيه
يعني من الآخر الي يقدر يقنع الزبون
زي غبور مثلا
انما هنا في مصر عمرنا مفكرنا في انهي عربيه احسن و انهي عربيه الي تقدر تناسبنا فعلا
مش زي بره السوق مفتوح و الي عايز يركب حاجه بيركبها
انما هنا معندناش غير انواع محدوده بس منقدرش نفكر ابعد منها