أعتراض طريق المارة

[joe_techno]

طبعا يا جماعة انا متفق معاكم في كل الكلام اللي حضراتكوا بتقولوه بس انا ليا وجهه نظر تانية انا بشوف اني الناس اللي بتعمل كده مظلومه من الدنيا اصلا نذودها احنا ليه يعني هما لو عندهم حاجة تانية يعملوها ولا مصدر رزق تاني كانوا عملوا كده؟؟؟؟؟
طبعا انا مبعممش و في ناس كثير منهم استغلاليين بس احنا منعرفش مين فيهم استغلالي و مين فيهم فعلا محتاج فعلي الاقل لو مش هنساعدهم يبقي بلاش نضايقهم اكثر

[Bassem Taha]

طيب حد يشوفلي حل

طيب حضراتكم بتتكلموا علي مواقف عابرة او مش دائمة
لكن قولولي انا بقى اعمل ايه في السياس اللي عندنا لو حد من المنصورة هيعرف انا بتكلم علي ايه
عندنا في المنصورة شارع اسمه بنك مصر وده مخصص للدكاترة وطبعاً الاقبال شديد علي الشارع ده
اهو الشارع ده لوحده فيه 5 سياس يعني لو هربت من واحد يجيلك اللي بعده
وانا ساكن في الشارع ده وكرهت اني اركن فية بسببهم لأن كل لما اركن واجي اطلع يجيلي واحد وماشاء الله مش هقدر اوصف لحضراتكم هما اخلاق اد ايه ومحترمين اد ايه لدرجة ان في مرة كنت نازل يوم الجمعة مع والدتي بعد الصلاة و الشارع فااااااااضي و مفيش ناس اجازة بقى وطلعت بالعربية لقيت واحد جاي يجري من بعيد وبيقول ( ايوااااااااااااااااااا ) عملت نفسي مش شايفة و كملت مفيش 2 متر وسمعت شتيمة جميلة اوي لسه فاكرها لحد دلوقتي طبعاً مقدرتش امسك نفسي ولسه بفتح الباب لقيت والدتي مسكتني وقالتلي متعملش عقلك بعقله و قامت مديالو الجنية حار ونار في جدته
المهم بعد ما رجعت و ركنت في نفس المكان ماهو الشارع فاضي بقى لقيتو جايلي تاني و بيقولي معلش يا بيه حقك عليا انا مكنتش اعرف انك من المنطقة وبيديلي الجنية تاني يا عييييييييييييييييييني انا قلبي اتقطع في المشهد ده طبعاً مخدتوش منو تاني
بس من يومها وانا مبركنش هناك وخلاص اتخنقت لازم اركن العربية بعيد علشان مبحبش الاستهبال وممكن في مرة اعمل مشكلة جامدة ومش بعيد احبسوا وانا مبحبش اذية الناس

[dr.hazem]

طبعا يا جماعة انا متفق معاكم في كل الكلام اللي حضراتكوا بتقولوه بس انا ليا وجهه نظر تانية انا بشوف اني الناس اللي بتعمل كده مظلومه من الدنيا اصلا نذودها احنا ليه يعني هما لو عندهم حاجة تانية يعملوها ولا مصدر رزق تاني كانوا عملوا كده؟؟؟؟؟
طبعا انا مبعممش و في ناس كثير منهم استغلاليين بس احنا منعرفش مين فيهم استغلالي و مين فيهم فعلا محتاج فعلي الاقل لو مش هنساعدهم يبقي بلاش نضايقهم اكثر

وهوا انا لو سايس هشوف شغل ليه من اساسه؟؟؟
منا بأجر حاجه ببلاش وباخد فلوس عمال على بطال


انا شايف ان كل واحد بيدي حد من دول فلوس فهو متواطئ معاه وبيشجعه انه يفضل طول عمره سايس وطول عمره شحات وفي منهم شباب وسليمين وزي الفل
كل اللي بيعملوه فحياتهم انه يقول
ايوة ياباشا بس كده توووووت توووووت صفارتين وهوب خد منك جنيه
ومش بعيد بالجنيه ده على جنيه من حد تاني هوب جابله بكت سجاير (ولو على قد كده كويس)
وكل ده عشان انت اديته واعنته عالفساد وربنا بيقول
(ولا تؤتو السفهاء اموالكم التي جعل الله لكم قياما)


تحياتي

[mahamedaraby]

بص انا معاك فى كل حاجه ماعدا الراجل بتاع البنزينه ده لازم تديله نص جنيه على الاقل علشان معظهم شغال بدون راتب شغالين على التبس بتاع البنزين ده فده الوحيد اللى من حقه الفلوس

[SYD]

علي فكرة كلام hm سليم 100 في ال100 وخصوصا انه بيستعين بالقرآن
بس لحد دلوقتي ماشفناش حل مناسب
هل نطنش ونسبب لنفسنا مشاكل مع ناس ممكن تكون اقل مننا واخلاقهم غير اخلاقنا
انا مرة كنت ماشي علي رجلي وواحد سايس بيطلع واحد طبعا بصوت عالي تعالي يا باشا وبصوت واطي انا بس الي سمعته بيقوله تعالي يا خويا تعالي وراح لاسعه شتيمة
طبعا مافتحتش بقي بس قولت اه من اللئيم اذا اكرمته
ولا مثلا نبلغ البوليس عنهم
ولا تدوسه تموته
انا مش عارف
وبعدين انا كنت بعمل حركة ، لو انا الي ركنت بنفسي وهو بس طلعني بديلو نص جنيه علي اساس انها نص خدمة، لقيتها مش نافعة معاهم
كنت بطلع امريكاني واجري، لقيتها مش نافعة لأني ساعات بدوخ عشان اركن عند الشغل وببقي متأخر وبقول ممكن ينفعني في يوم
ومرات كتيرة جدا الاقي الركنة الجميلة وبعد ما اقف الاقيه ظهر زي الشيطان اقوم مدور العربية وماشي
ومرة مسكت واحد هزقته بس صعب عليا والمدام عاتبتني، كنت نازل اشتري باين زبادي او حاجة زي كدة المهم لقيت تاريخ الانتاج قديم شوية فا ماشتريتش اساسا رجعت لقيته ماسح العربية وبغض النظر عن اني ماشتريتش حاجة كانت الساعة واحدة ونص بعد نص الليل يعني هتلمعلي العربية اتعايق بيها وانا نايم مثلا
حاجة بجد تغيظ تبقي نازل تشتري حاجة بمليم وتدفع اتاوة جنيه مقابل انه مسح العربية مع اني بدفع للبواب شهريا فلوس عشان يلمعها ويغسلها

والله المستعان
،
،

[dr.hazem]

بص انا معاك فى كل حاجه ماعدا الراجل بتاع البنزينه ده لازم تديله نص جنيه على الاقل علشان معظهم شغال بدون راتب شغالين على التبس بتاع البنزين ده فده الوحيد اللى من حقه الفلوس

يا عزيزي
انا راتبي 241 جنيه ونص
ههههههههههههههههههه
اي نعم ده مش فلوس بس اسمي باخد راتب
تأكد تماما ان لو مفيش راتب ولا يمكن هيشتغل ويشوفله حته تانيه احسن

[graffittiii]

لو كان في شغل ليهم ماكنوش عملو كده
دول اغلبهم سكان العشوائيات ساكنين ف عشش ولم يتلقو اي نوع من التعليم متوقعين منهم ايه ..
هما طلعو لقو ابوهم بيعلمهم الشحاته .. دا غير نظرتهم لينا ان احنا ولاد تييييييييت وراكبين عربيات وواكلينها والعه يبقي ليه بقي مايرخمش عليك ويشتمك ولو طال يكسر العربية هيكسرها ..
لو بدانا من النهاردة نحل مشاكل الناس دي ف سكن معقول وشغل في اي مصنع ولو ب 200 ج ف الشهر يبقي ممكن مشكلة ولاد الشوارع تتحل بعد 10 سنين ...
فما بالك ان احنا مش هنبدا أصلا دا غير انهم بيزيدو يعني الرزالة هتتحول بعد كده لضرب وخناقات ف كل اشارة وجريمة ..

زمان كان الأطفال الصغيرين بيشتغلو ف جمع القطن او في الاجازات في اي مصنع كوكا او جمع البلاستيك اوغيرها

مصر بلد الكئابه (( الكنانة سابقا )) .. أسف يابلدي ..

[mahmoud_anwar]

ياباشا انتا قولت كل حاجة صح انا علشان شغلي في التحرير فا بشوف كل دة لا والاغرب العيال دي تلقيها بتضرب مخدرات في قلب الطريق وايه ومافيش حد قادر عليهم الي زي دول لو البلد تجمعهم كده في خندق واحد ويجبة رشاش الي ويريحونا من اشكلهم
انا هحكي لك علي موقف خالي مرة واحدة شحاتة خبطط واحنا قعدين قالت له حاجة لله ومطلعة رشتا ولله اصل مش عارف ايه حالتة ايه وانا بجري عليه خالي قاله هاتي الرشتا دي وانا هجبلك العلاج دة وتعالي خدية من بكرة قالتلة لا اديني بس حاجة لله عالم بنت ستين في سبعين
لا وفي نظام شحاتة دلوقتي عجيب اصل انا مش كل الاوقات بخرج بي عربيتي سعات ببقا مليش نفس اسوق فا بروح موصلات
تلقي في المين باص الي هيا عربيات الجمعية تطلع واحدة معها ورقة مكتوب فيها مش عارف زوجها توفي وطرق له معاش 64 جنية وهيا عندها كام عيل وايجار الشقة 400 جنية ؟ انا بصراحة مش عارف هل كلمهم حقيقي ولا هيا موضوة لي ان كل الورق الي بتطلع اي شحاتة تانية بتكون كتباه بنفس الكلام كفاية شحاتة بقا وكفاية تسول البلد لزم تطهر شوية

[husseinsalah]

بص انا معاك فى كل حاجه ماعدا الراجل بتاع البنزينه ده لازم تديله نص جنيه على الاقل علشان معظهم شغال بدون راتب شغالين على التبس بتاع البنزين ده فده الوحيد اللى من حقه الفلوس

11111111111111111111111111

[beshomilan]

كلام الاخوة كلهم مظبوط وياما بيحصل معانا كل ده فكل الاشارات..والمصايب بقى لما يجيلك عيال وفأيدها الكلة وبتشمها وبيمسحلك الازاز وعايز منك فلوس وتقولو الله يسهلك وهو مش مدرك كلامك ومش فاهمه ولا سامعه..قولولى تعملو ايه فى الموقف ده؟؟
الكلام ده فى اول شبرا قدام الموقف عند عمارة بنك الاتحاد الوطنى

[graffittiii]

لو كان في شغل ليهم ماكنوش عملو كده
دول اغلبهم سكان العشوائيات ساكنين ف عشش ولم يتلقو اي نوع من التعليم متوقعين منهم ايه ..
هما طلعو لقو ابوهم بيعلمهم الشحاته .. دا غير نظرتهم لينا ان احنا ولاد تييييييييت وراكبين عربيات وواكلينها والعه يبقي ليه بقي مايرخمش عليك ويشتمك ولو طال يكسر العربية هيكسرها ..
لو بدانا من النهاردة نحل مشاكل الناس دي ف سكن معقول وشغل في اي مصنع ولو ب 200 ج ف الشهر يبقي ممكن مشكلة ولاد الشوارع تتحل بعد 10 سنين ...
فما بالك ان احنا مش هنبدا أصلا دا غير انهم بيزيدو يعني الرزالة هتتحول بعد كده لضرب وخناقات ف كل اشارة وجريمة ..

زمان كان الأطفال الصغيرين بيشتغلو ف جمع القطن او في الاجازات في اي مصنع كوكا او جمع البلاستيك اوغيرها

مصر بلد ال ..(( الكنانة سابقا )) .. أسف يابلدي ..

[ihabchina]

يا عزيزي
انا راتبي 241 جنيه ونص
ههههههههههههههههههه
اي نعم ده مش فلوس بس اسمي باخد راتب
تأكد تماما ان لو مفيش راتب ولا يمكن هيشتغل ويشوفله حته تانيه احسن
:ka_che1[1]::ka_che1[1]:

حازم

انت نسيت تقولهم انك بتشتغل دكتور امتياز فى القصر العينى!!

[destaroser]

لو كان في شغل ليهم ماكنوش عملو كده
دول اغلبهم سكان العشوائيات ساكنين ف عشش ولم يتلقو اي نوع من التعليم متوقعين منهم ايه ..
هما طلعو لقو ابوهم بيعلمهم الشحاته .. دا غير نظرتهم لينا ان احنا ولاد تييييييييت وراكبين عربيات وواكلينها والعه يبقي ليه بقي مايرخمش عليك ويشتمك ولو طال يكسر العربية هيكسرها ..
لو بدانا من النهاردة نحل مشاكل الناس دي ف سكن معقول وشغل في اي مصنع ولو ب 200 ج ف الشهر يبقي ممكن مشكلة ولاد الشوارع تتحل بعد 10 سنين ...
فما بالك ان احنا مش هنبدا أصلا دا غير انهم بيزيدو يعني الرزالة هتتحول بعد كده لضرب وخناقات ف كل اشارة وجريمة ..

زمان كان الأطفال الصغيرين بيشتغلو ف جمع القطن او في الاجازات في اي مصنع كوكا او جمع البلاستيك اوغيرها

مصر بلد الكئابه (( الكنانة سابقا )) .. أسف يابلدي ..

لا يا باشا.......الولاد دى مش بتسرح كدة فى مناطق نفوذ بالبلطجة يعنى الولد الى في الشارع في بلطجى مسرحة مقابل حياخد الى معاه ويديلو الفتات والفتات ده 400 جنيه شهريا يشرب بيها سجائر وكولا ولما يكبر يتصارع هشان يسيطر على اشارة او على شارع ببساطة لو الولد دة شحت 12 ساعات حيعدى عليه حوالى 700 عربية حنقول 10% حيدفع في المنوسط جنية 70*1=70 جنية يوميا في الشهر 2100


اما بالنسبة للباركينج.....اول ما مكان يبقي بيركن فية ناس كتير يطلع بلطجى ويسيطر عليه ثم يبتدى يقسمة من الباطن وبعدين يسلمه لواحد مقابل اجر شهري وهكذا


المهم انا ححكى عن تجربة ليا في الصين

كنت ماشى مع صديق ليا صيني وطلع لينا شحات (الشحاتين هناك شكلهم عادى ونضيف) ومعاه علبة بلاسنيك
عشان تحطلو فيها الفلوس من باب الشياكة (القنعرة المصرية) حطيط ايدي في جيبي وطلغت فلوس عشان اديهاله(وانا مش عارف ربنا حيحسب هالى ايه صدقه ولا اسراف) لقيت الصينى مسك ايدى وهو زعلان و قالى لا رحت مرجع الفلوس وقولتله قى ايه قالى امثالك من الاجانب هما الى خلو الناس دى موجودين لانكم لو ما اديتهمش حيدورو على شغل بدل ما الفلوس بتيجي كدة بالساهل

[Nistelrooy]

ولا الي يطلع لك باسبور .. ويقولك يا اخي انا ليبي ولا سوداني وابني بتعالج والحمدلله عالجتة وبدور علي الفلوس علشان اسفرة تاني ومش عارف اية .. !!

[Nistelrooy]

طيب حضراتكم بتتكلموا علي مواقف عابرة او مش دائمة
لكن قولولي انا بقى اعمل ايه في السياس اللي عندنا لو حد من المنصورة هيعرف انا بتكلم علي ايه
عندنا في المنصورة شارع اسمه بنك مصر وده مخصص للدكاترة وطبعاً الاقبال شديد علي الشارع ده
اهو الشارع ده لوحده فيه 5 سياس يعني لو هربت من واحد يجيلك اللي بعده
وانا ساكن في الشارع ده وكرهت اني اركن فية بسببهم لأن كل لما اركن واجي اطلع يجيلي واحد وماشاء الله مش هقدر اوصف لحضراتكم هما اخلاق اد ايه ومحترمين اد ايه لدرجة ان في مرة كنت نازل يوم الجمعة مع والدتي بعد الصلاة و الشارع فااااااااضي و مفيش ناس اجازة بقى وطلعت بالعربية لقيت واحد جاي يجري من بعيد وبيقول ( ايوااااااااااااااااااا ) عملت نفسي مش شايفة و كملت مفيش 2 متر وسمعت شتيمة جميلة اوي لسه فاكرها لحد دلوقتي طبعاً مقدرتش امسك نفسي ولسه بفتح الباب لقيت والدتي مسكتني وقالتلي متعملش عقلك بعقله و قامت مديالو الجنية حار ونار في جدته
المهم بعد ما رجعت و ركنت في نفس المكان ماهو الشارع فاضي بقى لقيتو جايلي تاني و بيقولي معلش يا بيه حقك عليا انا مكنتش اعرف انك من المنطقة وبيديلي الجنية تاني يا عييييييييييييييييييني انا قلبي اتقطع في المشهد ده طبعاً مخدتوش منو تاني
بس من يومها وانا مبركنش هناك وخلاص اتخنقت لازم اركن العربية بعيد علشان مبحبش الاستهبال وممكن في مرة اعمل مشكلة جامدة ومش بعيد احبسوا وانا مبحبش اذية الناس

مش عارف دي منطقتك يعني المفروض يكون ليك مكان تحت بيت حضرتك ولو جيت ولقيت السايس مركن حد المفروض هو الي يديك فلوس ع العطلة الي هتعطلها علشان تلاقي راكنة تانية .. المفروض كلهم يعرفوا انك من سكان المنطقة ومحدش ياخد منك فلوس نهائي !!