أعتراض طريق المارة

[dr.hazem]

حازم

انت نسيت تقولهم انك بتشتغل دكتور امتياز فى القصر العينى!!

ياهوبا مش عايز حد يشمت فيا بس
هههههههههههههههههههههههه
فضحتنا ياعم

وبعدين يجيلك يقولك دكاتره سيس بتعمل اضراب وسايبين العيانين يموتو

احلى حاجه من يومين معدي من الطوارئ بسلم على اصحابي اللي هناك واذ ب واحد بيسب الدين والاهل وكل اللي انت عايزه

ومع ذلك بنقول رضا والحمد لله,,,,

ولا الي يطلع لك باسبور .. ويقولك يا اخي انا ليبي ولا سوداني وابني بتعالج والحمدلله عالجتة وبدور علي الفلوس علشان اسفرة تاني ومش عارف اية .. !!

ساعات في ناس بتكون محتاجه فعلا

حصلت مره معايا من 3 سنين
كنت نازل من المترو الساعه 6 ونص الصبح لقيت واحد شكله مش شكل شحات خالص وبيقولي بعد اذنك انا محتاج

قلتله محتاج ايه واجيبهولك
قالي انا والله مدرس وادي بطاقتي اهي وللاسف المحفظه ضاعت مني ومش عارف اروح لأهلي وعايز اركب اوتوبيس وقالي رقمه وبيقولي خد البطاقه خليها معاك وانا ارجعلك الفلوس
سألته الاجره كام قالي جنيه والراجل فعلا خد الفلوس وجري عالشارع ووقف اوتوبيس


فساعات بيبقى في ناس محتاجه والشحات بيبان من منظره صدقني,,,


تحياتي

[hoksha]

كل ده كوم واللي بيحصل معايا كوم
انا كل ما انزل عباس العقاد ومثلا تكون معايا ختطبتي او والدتي الاقي واحد طلع زي الشيطان ويقوم رامي ليمون ويقعد يتحايل عليا اني اخده طب انا مش عاوز ليمون ولو رفضت الاقي نظرة عتاب من والدتي او ختطبتي كأني معنديش رحمة
والا بقى عند فرغلي اللي في مدينة نصر في حبة اطفال محتاجين الحرق وتحس انهم عاملين زي الامير لازقين ليك ومهما تقولهم مفيش برده مصممين واللي اكتشفته اني العيال دي امهاتهم بيكونوا قاعدين ومرة والله شفتهم بيعدوا الفلوس اللي واخدنها اكتر من مرتبي في الشهر ومن ساعتها حلفت ولا مليم ليهم تاني

[Bassem Taha]

مش عارف دي منطقتك يعني المفروض يكون ليك مكان تحت بيت حضرتك ولو جيت ولقيت السايس مركن حد المفروض هو الي يديك فلوس ع العطلة الي هتعطلها علشان تلاقي راكنة تانية .. المفروض كلهم يعرفوا انك من سكان المنطقة ومحدش ياخد منك فلوس نهائي !!

يبقى حضرتك متعرفش المنطقة دي العمارات السكنية في الشوارع الجانبية ودي فيها محلات و كل واحد فارش ادام محله لــ 10 متر كده يعني مينفعش تركن

[أحمد الجندى]

بما ان الموضوع تحول لطرق الشحاتة بشكل عام ففيه برضو لما تكون مع زوجتك واولادك تلاقى واحد مرة واحدة حط ايده على راس ابنك أو بنتك وبدأ يقرأ عليه قرآن ولما يخلص تبتدى وصلة الشحاتة

وكان فيه شحات عجوز جدا بيقف عند دار القضاء العالى طريقة الراجل فى الشحاتة تعتمد على اسلوب الدبانة! يعنى لما يشوف حد يلزق فيه ومايسيبوش لغاية اما ياخد نصيبه وكان بينشن تحديدا على الستات وللاسف الطريقة كانت ناجحة لانها محرجة جدا والراجل مقرف فكانوا بيدفعوا أى حاجة علشان يخلصوا ، أنا لما كنت بشوفه كنت ببقى مستفز منه جدا بس الحق يتقال مرة واحدة ست اديتله كتف قانونى الراجل كان حايسافر فيها

[رزق]

أنا مفيش حاجة بتعفرتني أكتر من شحاتين الدائري (أكتوبر)
بيبقى واقف في الحر والشمس و حاله يصعب على أي حد وانا قاعد في التكييف وحاسس بالذنب
بس عارف إني لو اديتله مليم حيلبد هناك كل يوم (وهو هناك كل يوم فعلا)

[SYD]

المشكلة لسة عندنا احنا
فينا احنا
في ناس بتتخيل انه كدة بيزكي عن ماله
وناس تانية بتديلوا من باب انه سائل (بسم الله الرحمن الرحيم واما السائل فلا تنهر)
وفي ناس متصورة انه صادق في كلامه
وانا عندي اكتر من حجه علي عدم صدقه
زي مثلا لو حد فينا من مرتادي المقاهي ، انا من سكان فيصل واخره تحديدا يوميا الوجوه واحدة وشارع فيصل شارع طويل مليان محطات لو انا مثلا في نصه بقضي مشوار بقابل نفس الناس الي بتعدي عليا علي المقهي مع أني مش مواظب علي المقهي يعني كل اسبوعين مرة
والروشتة الي من تاريخ سنتين فاتو وبيغلفها عشان ماتدوبش
والي يوقع طبق بيض ولا كيس لبن ويقعد جمبه يعيط ساعتين ويلم حقه 3 او 4 مرات
والي يعدي عليك وقولك عايز اجيب اكل انا جعان واحد صاحبي خده قاله اجيبلك سندويتش قاله لا شكرا وسابه اعتقد انه شحات وبيشحت من غير كسوف تتخيل الكرامة والنخوة هتاخده وتحرقه لو انت جيبتله ساندويتش!!!!!
ياباشا الناس دي منظمة وليهم قائد واعتقد شوفنا الكلام دة في الافلام بيخطفوا العيال دي ويسرحوهم واعتقد الشرطة بتبقي عارفة اوكارهم ومناطقهم واحنا بنساعدهم زي شوفت كدة فيلم الحرافيش طول ما محدش قادر عليا ولا بيقف قصادي انا الفتوة وهاخد اتاوة لكن لو حد وقفلي او منعني زي سليمان الناجي اسم الله عليه هريح علي جمب في الصالون
اعتقد الحل فينا احنا ياما نبقي ايد واحدة لمحاربة هذه الظاهرة المتفشية في مجتمع حنين وقلبه ضعيف زي مجتمعنا ياما نقعد ساكتين وماتزعلش علي فلوسك الي بتتاخد منك قهرا
انا معاك ان في قلة قلة قلة مؤدبة وبجد نازلة تاكل عيش مش تشحت وربنا قال عليهم
بسم الله الرحمن الرحيم
لِلْفُقَرَاْءِ الَّذِيْنَ أُحْصِرُوْا فِيْ سَبِيْلِ اللهِ لاَ يَسْتَطِيْعُوْنَ ضَرْباً فِيْ الأَرْضِ يَحْسَبُهُمُ الْجَاْهِلُ أَغْنِيَاْءَ مِنَ الْتَّعَفُّفِ تَعْرِفُهُمْ بِسِيْمَاْهُمْ لاَ يَسْأَلُوْنَ النَّاْسَ إِلْحَاْفاً وَمَاْ تُنْفِقُوْا مِنْ خَيْرٍ فَإِنَّ اللهَ بِهِ عَلِيْمْ
زي مثلا واحدة ست بجد باين عليها غلبانة (مش فقيرة ولا شحاتة) بتبيع مناديل ومش عايزة صدقة يعني لو قابلت واحدة زي كدة وحبيت تديها الي فيه النصيب من غير ما تاخد منها مناديل هتلاقيها رفضت ولازم تبيعلك او خد فلوسك تاني
هي دي الي ينطبق عليها الاية الكريمة
واعتقد هي دي احق الناس بنصيبها في مالي زي بردو ما ربنا قال
وللصدقة فوائد كثيرة حضراتكم اعلم مني بيها
لكن احنا دلوقتي عايزين حلول لنتصدي مشكلة اعتراض طريق المارة وخصوصا راكبي السيارات في الاشارات او في اماكن الانتظار ببجاحة وسوء ادب وخصوصا مع الذين لا يجيدون التعامل مع هؤلاء الصنف من الناس زي اختي واختك وزوجتي وزوجتك وبنتي وبنتك وااحنا ايضا انا وانت مش بلطجية ولا عندنا انا اسف قلة ادب عشان نوقفهم عند حدهم
والله المستعان
،
،

[zegzaag]

انا هقولك على حاجه بشوفها لما بتفرج على الاجانب

الشحاته بيكون ليها مقابل يعني بتديلو فلوس نظير حاجه هو عملها

بمعنى ان الراجل الي بيشحت بيلعب مزيكا وواقف او راسم لوحه وحاططها جمبو قدامو طاقيه مثلا وقاعد ملوش دعوه بحد انته بتتفرج او بتسمع لو عجبك شغلو بتحطلو حاجه كتقدير يعني ليه

[Elawany13]

انا هقولك على حاجه بشوفها لما بتفرج على الاجانب

الشحاته بيكون ليها مقابل يعني بتديلو فلوس نظير حاجه هو عملها

بمعنى ان الراجل الي بيشحت بيلعب مزيكا وواقف او راسم لوحه وحاططها جمبو قدامو طاقيه مثلا وقاعد ملوش دعوه بحد انته بتتفرج او بتسمع لو عجبك شغلو بتحطلو حاجه كتقدير يعني ليه

العالم ديه متقدمه فى كل شيئ
حتى الشحاته

[sara2001]

ولا الي يطلع لك باسبور .. ويقولك يا اخي انا ليبي ولا سوداني وابني بتعالج والحمدلله عالجتة وبدور علي الفلوس علشان اسفرة تاني ومش عارف اية .. !!

حصل معايا الموقف ده بالضبط
سيده وابنتها من السودان كان زوجها بيتعالج هنا في مصر
والتأشيره والتذاكر راحت عليهم
في الأول ما فهمتش هما عايزين ايه بعد الحكايه دي
فوضحوا انهم عايزين يشتروا تذاكر طيران علشان يرجعوا بلدهم
ودفعت حاجه على سبيل المساعده بعد ما وضحت لهم ان مش معايا مبلغ شراء التذاكر
والله اعلم كانوا صادقين ولا لأ؟

[saadelden]

السايس عند الكليه عندنا قفشته انهارده بيشرب حشيش !!
و علي عربيتي كمان !!

طب دا اعمل فيه ايه ؟؟

انا في فتره كنت بركن بعيد عنه عشان ما ادفعش
بس المكان الي كنت بركن فيه جت شركه الغاز و حاطه فيه مواسير و سدته

الاسبوع دا لقيته جايب عيلته معاه تقريبا و ماسكين المنطقه كلها
و الي يركن لازم يدفع !!


شيء مستفز و عمري ما شوفته في مكان غير عندنا في مصر
و انتشرو بطريقه غريبه ف الشهرين دول .. كل حته اجي اركن فيها الاقي سيادته طلعلي من تحت الارض و يعلمني ازاي اركن !!
6 سنين سواقه و مستني حد يركني ولا يطلعني من الركنه !

[Nistelrooy]

يبقى حضرتك متعرفش المنطقة دي العمارات السكنية في الشوارع الجانبية ودي فيها محلات و كل واحد فارش ادام محله لــ 10 متر كده يعني مينفعش تركن

مممممم حاجة تهزق لو جيت تحت بيتك ومتلاقيش راكنة !!! علشان واحد راكني مثلا وقاعد علي القهوة ؟؟

اصل عندنا كدا وبروح اجيبة من القهوة هههههههههه رغم اني حاطط حديد قدام الجراج بس بيقفوا برضوا قدام الجراج .. مش عارف اعمل فيهم اية ..


ولا واحد تاني ركن قدام الجراج قبل كدا وانا شايفة بسالة هتطول .. قالي لاء هشرب كوباية شاي وجي .. واعد بتاع 5 ساعات بيشرب في كوباية الشاي ؟؟

[Nistelrooy]

حصل معايا الموقف ده بالضبط
سيده وابنتها من السودان كان زوجها بيتعالج هنا في مصر
والتأشيره والتذاكر راحت عليهم
في الأول ما فهمتش هما عايزين ايه بعد الحكايه دي
فوضحوا انهم عايزين يشتروا تذاكر طيران علشان يرجعوا بلدهم
ودفعت حاجه على سبيل المساعده بعد ما وضحت لهم ان مش معايا مبلغ شراء التذاكر
والله اعلم كانوا صادقين ولا لأ؟

ما تقوليليش في اكتوبر لاني شوفت واحدة في اكتوبر وبشوفها كتير كل يوم بتلف بس بدون بنتها !

[sara2001]

ما تقوليليش في اكتوبر لاني شوفت واحدة في اكتوبر وبشوفها كتير كل يوم بتلف بس بدون بنتها !

لأ كانت في محي الدين في المهندسين

[SYD]

الاسبوع دا لقيته جايب عيلته معاه تقريبا و ماسكين المنطقه كلها
و الي يركن لازم يدفع !!

انا كمان عند الشغل بتاعي كدة بس مش عارف اقرايب ولا لا
بس منتشرين في المنطقة بشكل
سياس
بوابين
افراد امن عند السفارات
يا راجل افراد شرطة
كله عامل فيها سايس علي الرصيف الي بيقف عليه

حاجة تزهق بجد
والاكثر موضوع يركن مكانك تحت بيتك دي، يااااا بوي علي الحركة بتطير العقل من نافوخي والله النهاردة رحت جبت الراجل من محله هو فاتح محل موبيلات في الشارع الي جمبي واحيانا بلاقي ناس ساكنة بعيد عني باميال ومسافات غير طبيعية لدرجة اخويا اخر مازهق راح فمرة راقب واحد بارد حبيتين والله بيحلفلي انه مشي وراه بتاع ربع ساعة ولما زهق رجع وماكملش ورا الراجل كأن تحت بيتي في حلاوة مثلا ده هما شجرتين يتم
واكتب ورقة والزقها بلزقة كدة لونها بني عريض وشفافة مابتطلعش من الزجاج ولا بالطبل البلدي ومرة لزقتها لواحد ابرد من الي فات علي كبوت عربيته اختفي بعدها

والله المستعان
،
،

[Bassem Taha]

مممممم حاجة تهزق لو جيت تحت بيتك ومتلاقيش راكنة !!! علشان واحد راكني مثلا وقاعد علي القهوة ؟؟

اصل عندنا كدا وبروح اجيبة من القهوة هههههههههه رغم اني حاطط حديد قدام الجراج بس بيقفوا برضوا قدام الجراج .. مش عارف اعمل فيهم اية ..


ولا واحد تاني ركن قدام الجراج قبل كدا وانا شايفة بسالة هتطول .. قالي لاء هشرب كوباية شاي وجي .. واعد بتاع 5 ساعات بيشرب في كوباية الشاي ؟؟

اعمل زي الناس ما بتعمل اكتب ممنوع الوقوف لعدم الاحراج وبين قوسين ( اكتب الشتيمة اللي تعجبك )
وانا اضمنلك ان مفيش حد هيقف تاني