أحذروا .... طريقة جديدة لسرقة السيارات

[ahmed76]

السلام عليكم ورحمة الله وبركاته

انا ليا واحد زميلي في الشغل عربيته لانوس اتسرقت الساعة 4.30 العصر كان راجع من التجمع رايح ناحية المعادي اتسرقت منه قبل كارفور على الدائري ....

الجديد بأه انها اتسرقت منه ازاي .......

عربية فيها 3 أشخاص خبطته من ورا وهو ماشي راح راكن ونزل يتخانق معاهم راح واحد مثبته بمطوة وضربه والتاني خد المفاتيح وراحوا واخدين العربيتين وبالسلامة ....

ألذ حاجة بيقولي الناس كانت بتتفرج علينا وفاكرينها خناقة بين اللي خابطين بعض ......

ربنا يحفظكوا ويعوض عليه خير ان شاء الله .....

شكرا على التحذير
ولو اى حد خبطنى بعد كده هاطلع من الشباك واقوله الله يسامحك
طيب على الاقل ياريت حضرتك تحط مواصفات العربيه وتليفون صاحبها
واللى يشتبه فى عربيه يبلغ عنها

[mhkash]

الطريقة قديمة بس ماكنوش بيسرقو العربية
كانو ينشلو اي حاجة من جنبك
وكانت بتحصل كتير قوي من راكبي الدراجات الصينية
وحصلت معايا شخصيا
وخبط العربية 3 مرات وكان نفسي اتخانق معاه
خاصة انه كان بيركن على جنب
ولما لاقاني بطنشة بقي يجي يخبط على العربية يقولي خبطتني كنت هاتوقعني
اقوم مبتسم بغيظ واقله معلش حقك عليا
اللي وراه يهبد على العربية يقولي هاتموتنا وتقولنا معلش
اتمالك غيظي مانا فاهم اللعبة
وسيبتهم ومشيت ومشيو يدور على ضحية جديدة
وانا هديت وشبه ركنت لغاية ما مشيو
بس اول مالطريق فتح وبقي فاضي حرقت غيار وقمت زنقت عليهم بجنب العربية لغاية مالبستهم في الرصيف وطلعو عليه بالموتسيكل وشوفتهم بيتخرشمو وطرررررت :-)
زبالة وحلال فيهم قطع الرقاب

[hemalotfy]

الحرامية دول عندهم ذكاء كل يوم حيله شكل لو بيستخدموه صح هتفرق معاهم دنيا واخره

[M_Marwan]

بصراحه أنا بفكر أشترى سلاح

معظم جيرانى شايلين سلاح والموضوع عمال يزن فى دماغى

أيه رأيكو ؟؟؟

[boamengo]

شكرا للتوضيح

ربنا يستر علينـا

الواحد يبقي سايق ومعاه طبنجة او الـى صغنن فى التابلوه عشان يعرف يتعايش مع الناس دي

[mohamedbook]

جديد الموضوع دة ربنا يستر

[virus2007]

السلام عليكم ...

تسمحلى انقل الموضوع دا وانشروا على النت عشان الناس كلها تعرف ؟

[MOUSTAFA_SAAD]

ربنا يسترها

[زينة الله]

لا حول ولا قوة الا بالله العلى العظيم ... اللهم أحفظنا

شكرا على التنبيه

[beshomilan]

يانهار..للدرجادى انعدام الامانه والضمير..الناس دى هتقف قدام ربنا ازاى بعد كده لما يسرقوا شقا حد؟؟

اوافق على تنفيذ حكم الاعدام على كل سارق فى هذه الفتره

انا كنت فى رمسيس وواحد بلانسر دخل فعربيتى من ورا وطبق الاكصدام لجوه ونزل بيقولى معلش سرحت..وعمل فيلم عليا هو واللى معاه وقاللى تعالى الفجاله وانا اصلحهالك على حسابى انا عندى محل هناك..قلتله ماشى وشاورت عقلى وانا وراه راح هو مكمل رمسيس وهو عارف انى وراه وعمال يكلم فى الموبايل وده قلقنى وانا حودت شمال ناحية القللى وقلت بلاش لا اروح عنده اخد علقة محترمة وتتاخد منى العربية..
وبصراحة انا روحت مخنوق وقلت ياربى انا ناقص مصاريف تانى انا ورايا التزامات وكنت فى قمة الحزن وكنت سايق متعصب اوى وبعد ماركنت عند البيت قلت انزل ابص واشوف حل الخبطة ايه..الاقى مفاجاة!!!

الاكصدام طبيعى جدا ولا فى حاجة وادور يمين وشمال لدرجة انى طلعت ابص على القدمانى من شكى فعينى ولا فى اى حاجة وشكرت ربنا جدا على اللى عمله معايا..وقررت اعمل رافعة ونش حديد عند الاكصدام ورا عشان اتلافى خبطات ورا

وبالنسبة للموتوسيكلات انا لما بلاقى منهم حد جنبى بقوله اتفضل عدى انت اهم واتفادى شره

وفعلا مفتاح العربية فأيدى حتى لو قاعد جواها باكل او فاتح الكبوت بشوف حاجة او بجيب حاجة من الشنطة او ببص حتى على الكاوتش

ربنا يرد عربية صاحبك ويصبره ويعوضه خير ويحفظنا كلنا من الشر

[massoh]

حدث معى السبت قبل الماضى 8 مساء وجاءت جولف خبطتنى من الخلف بصيت فى المرايا لقيت الجولف فيها 4 شباب منتظرين رد الفعل وطبعا علشان كان معى المدام رحت ماشى وقفلت عليهم اليمين علشان عاوزين يعدو منه لغاية ما وقفت عند جراج فى وسط البلد واتكلمت مع السايس كأنى اعرفه وهما كملوا ... ربنا يستر ولا تجرفكم تلك الحيل علشان تنزلوا ... كملوا علشان ربنا يسلمكوا وتروحوا لبيتكم واهلكم ولينا رب اسمه الكريم

[tarekomar66]

ربنا يستر ولسه ياما فى الجراب ياحاوى

[Abomar77]

السلام عليكم ...

تسمحلى انقل الموضوع دا وانشروا على النت عشان الناس كلها تعرف ؟

أكيد يا فندم وانا اسف على التأخير ....
بارك الله فيكم وحفظكم من كل سوء ...

[Abomar77]

مواصفات السيارة كاآتي :-
شيفروليه لانوس موديل 2010 - فضي
رقم السيارة :- ق ل أ 5489
رقم الموتور :- 4709651
رقم الشاسية :- 012525

وربنا يعينه ويلاقيها على خير ان شاء الله

[zaza_lanos]

لا حول ولا قوة الا بالله