أحذروا .... طريقة جديدة لسرقة السيارات

[Amr Axel]

ربنا يعوض عليه

يعني الواحد يعمل ايه تاني

احنا عمرنا ما كنا في القلق ده

انا طول الوقت بمشي بتلفت حواليا مش عارف التثبيتة هتيجي منين و ايدي ع سلاحي المفضل ( ننشاكو ) طول الوقت اينعم هو و لا ناري و لا ابيض لكن بما اني كنت بلعب كونغ فوو و مدرب عليه فيا ويله يا سواد ليله اللي هيفكر يثبتني

و ربنا يستر و يعدي الايام الحلوة ديه ع خير

[algentel2008]

ربنا يسترها علينا الكل لازم يخلي السنتر مقفول على طول

[algentel2008]

بس يارجالة انا شايف المرور كتر في الشارع وشدد كمان
ولا اية في حد شايف غير كدا

[Amr Axel]

بس يارجالة انا شايف المرور كتر في الشارع وشدد كمان
ولا اية في حد شايف غير كدا

للأسف انا شايف عكس كده انتشار اه لكن مش اللي يثبت نفسه
لو مفيش رتبة كبييرة واقفة بيكبروا دماغهم و يقعدوا يضحكوا و يتكلموا في التليفون
و الشارع بيبقي كله داخل في بعضه
ده اللي شوفته لحد دلوقتي
و كمان لاحظ ان السرقة حصلت ع الصحراوي اذا كانت الشرطة مش مغطية الشوارع كلها
يبقي الشرطة هتروح تقف ع الصحراوي مع ان ده اول الاماكن المفروض تأمينها

[DR.M]

استر يارب

[mohamed_e36]

بصراحه يا جماعه معلش هو اللى غلطان بس الله اعلم بظروفه ايه ساعتها بس انا لما حصل معايا موقف مشابه لده اول حاجه عملتها قمت نازل و شادد مفاتيح العربيه من الكونتاكت و دى اهم حاجه ماحدش فى الوقت اللى احنا فيه ده ابدا يسيب عربيته دايره حتى لو ساند عليها و ربنا يخفف عنه محنته و ترجعله عربيته

معلش هو اللي عمله ده رد فعل طبيعي اي حد فينا بيعمله لما عربيته بتتخبط وبعدين حتى لو خد المفاتيح في ايده مهو كده كده لوحدو وهيضربوه ويخدو منو المفاتيح
ربنا يسترها علينا

[mivec4111]

يا جماعه دا نصيب و قدرنا مش هنهرب منوو مهما عملنا في سيبوها لله و اللي ليه نصيب في حاجة مش هياخد غيرها

[tigernet]

يعنى الواحد يتخبط و يعد فى العربية و لا اكن فى حاجة حصلت

[أبو_حمزة]

اللى أنا شايفه ان التواجد الشرطى مكثف دلوقت اكتر من الاول و بيظهروا سلاحهم عن الاول كمان
لكن الرسالة اللى و صلت للخارجين عن القانون اثناء الانفلات الامنى ان البلد بتاعتهم لسه مشجعاهم لحد دلوقت
ربنا يسلم

[firstknight_eg]

انا ان شاء الله هنزل النهاردة اركب ديفندر خلفي

واي حد هيخبطني هطلع قدام بتاع نص متر ومرشيديرك وطراخ في عربيته

[ahmedb1]

خلي بالكم يا جماعة عند الطريق بتاع ابو الهول بتاع الهرم اللي بيودي على الدائري
المهم اللي حصل شفت لانسر فضي فيها اربع اشخاص و واحد بيشاورلي و الحمد لله ان كنت مستعجل فنفضت ولا كأني شفته و فجأة الاقي قدامي عربية نص نقل بيضة والراجل يمين شمال و فاتح الباب و طبعا جنبي الترعة و فجأة خد يمين جامد عشان يكسر بشمال وبيقفل الطريق وطبعا هبقى محاصر من ورا بالعربية اللانسر و لولا ستر ربنا ان دوست بنزين جامد ساعت مكسر يمين و عديته والحمد لله عديت فخلي بالكوا للامانة من الطريق دا بالرغم ان بيبقى في كمين في اخر
وطبعا اللي خلاني امشي في الطريق مضطر بسبب احداث الشغب اللي حصل في التحرير , والله البلد بقت صفر في الامان وربنا يسترها علينا جميعا