عربيات طويلى القامه ... العربيات الكبيره .. العربيات الواسعه ..

[marsguy]

الماتيريا هي ضالتك المنشوده

روح إركبها في أي معرض وشوف بنفسك

[ows212]

السيريون .....بحر
الماتيريا ..... محيط
وعن تجربة ..

[M_HaFeZ]

انا كنت فاكراك مركز على السيدان، بس ما دامت البونتو من ضمن اختياراتك فليه ما بتفكرش في السيريون؟ و هي فعلا في الرينج اللي انت حطه و اللي معاهم سيريون بيقولوا انها واسعة فعلا من جوه و اللينك ده فيه تجربة واحد طوله 195 سم مع السيريون http://www.nilemotors.net/Nile/showp...98&postcount=9

و بالتوفيق ان شاء الله :)

والله فكرت فى السيريون ياعلا بس المشكله لما بسأل واحد قريبى وخبرته فى العربيات مش قليله خالص
يبصلى بصه كانى باقوله عايز اشترى عربيه لاد صينى موديل السبعينات
ويقولى سوقها وحش وقطع غيارها غاليه ... السوق الوحش يعنى اعاده البيع

[M_HaFeZ]

الماتيريااا يا معلممممممم وهميةةةةةةةةةة :(

هتستقنيص موووووووووووووووت يعني

السيتي مس هتريحك عشان مبترجعش لورا اوى و انت طويل

الياريس ركبتها و كانت شغالة

البونتو لا مش هتريحك ركبتها و محدودة شوية

السيريون تحفة فى موضوع الطول بجد انا ركبتها و كرسيها نفسه مش مخنوق كدة

عربيتي السيراتو كرسيها اصلااا عالى اوى و هتلاتاح فى قاعدته لو بتفكر فى اختيارات

تانية غير العربيات اللى انت حاططها ..

معرفش حاجة عن البروتون

الماتيريا حلوه جدا من جوه بس من مشاكلها اولا زى ماقولت لعلا انها ديهاتسوا والناس بتخوفنى منها
وكمان شكلها صعب اووووووى بس من جوه حلوه ووللأسف مش هاعرف اقلبها على جواها زى الجاكت الدبل فيس علشان الناس تشوف الحلاوه دى ومتشتغلنيش :D
ده غير انها بره الميزانيه الحاليه وكمان واطيه ومصر مينفعش معاها الواطى

[OlaOsman]

والله فكرت فى السيريون ياعلا بس المشكله لما بسأل واحد قريبى وخبرته فى العربيات مش قليله خالص
يبصلى بصه كانى باقوله عايز اشترى عربيه لاد صينى موديل السبعينات
ويقولى سوقها وحش وقطع غيارها غاليه ... السوق الوحش يعنى اعاده البيع

يمكن ده كان من كام شهر.. إنما في الفترة الأخيرة العربية انتشرت بصورة معقولة ما تخليش سعر إعادة بيعها هايكون في الأرض.. إنما لو سعر الماتيريا في المتناول و شكلها مقبول بالنسبة لك فتوكل على الله و هاتها.. و عموما برضه اسأل كويس قبل ما تاخد أي قرار و استخير.

[M_HaFeZ]

بص ياسيدى
جر العرف عند عوام المصريين انهم لما يشوفوا واحد طويل راكب عربيه صغيرة
يقعدوا يتريقوا عليه
فتجنب للموقف السخيف ده انسي اى عربيه هاتش باك صغيرة فى الحجم

ده من الناحية الشكليه

من الناحية العمليه انت عاوز عربيه تكون مرتاح معاها

الياريس مش هتنفعك الدريكسون بتاعها واطى ، حتى وانت معاليه على الاخر وهتحس انك ماسك محبس حنفيه مش دريكسون

السيتى ممكن تنفعك لانها فعلا واسعه وعربيه شكلها ابن ناس

اما بالنسبة الجين 2 والواجا الحقيقة معرفش

لكن ايه رايك فى لانسر 1300 الشكل القديم ممكن تجيب واحدة خليجى على 90
عربية ممتازة وهتريحك ومناسبة لطوال القامة

بص ياباشا انا بالنسبه لى الياريس عجبانى علشان استهلاك البنزين الاكتر من ممتاز وكمان علشان عزم الموتور او قدرته الحصانيه ... انما غير كده محبتش ابدا شكل العربيه
هى من جوه شكلها مش وحش بس فقيره اوى ...
السيتى كانت مع اونا وبتقولى مش واسعه من جوه
اللانسر كان هيبقى اختيار ممتاز بس لو تقسيط ولا انت تقصد 2008 الشكل الجديد؟ لو كاش الصراحه مش دى الميزانيه خالص

[M_HaFeZ]

سيريون بقى مفيش غيرها

ياراااااااااجل ده انا كنت منتظرك انت او توت تطمنونى على الجين 2 :(
العربيه عاجبانى جدا جدا بس للأسف مش عارف اشوفها فى التوكيل لظروف عملى
قولت لو منفعتش الجين انتظر البيرسونا او اجيب ال واجا الجديده الكامبروا

[M_HaFeZ]

الماتيرا والسيراتو
عربيتين صالنوهم واسع فعلا
او كرولا 2003
صالون واسع بجد وتعرف تشوفلك واحدة في حدوود التمنانينات

والله ياكريم السيراتوا انا معجب بيها جدا رغم تحفظى على استعدادات الامن فيها (ودى من اهم خياراتى) بس برضه عيبها انها بره الميزانيه بفارق
الكرولا عربيه جميله من جوه بس المشكله ان الفلوس مش كاش وناوى باذن الله يكون تقسيط

[M_HaFeZ]

ياباشا طب ماتشوف النوبيــــرا
واسعة ومريحة وجميلة وسعرها 78000 مانيوال

هى عربيه محترمه بس قديمه شويه ولا انت مش معايا
وغير كده اسمع عن مشاكل الفرامل فيها

[Ahmed.Adel]

ماتشوف Nissan Sunny

[Ahmad Allawy]

لو الكلام جه بقي ناحية النسيان..
يبقي التيدا..
بس المشكلة انها هتبقي برة الميزانية بتاعتك شوية..
سمعت من اكتر من واحد انها واسعه وسع مش طبيعي..

[M_HaFeZ]

لو الكلام جه بقي ناحية النسيان..
يبقي التيدا..
بس المشكلة انها هتبقي برة الميزانية بتاعتك شوية..
سمعت من اكتر من واحد انها واسعه وسع مش طبيعي..

تمام يابوحميد
العربيه دى داخله دماغى اوى اوى اوى بس المشكله انها بره خالص

[Mzeid]

و الله كويس إن الموضوع دة إتفتح لأن أنا كنت عايز أسأل نفس السؤال ..
لأن أخيراَ والدي إقتنع إنه يغير الهمفي - ال 128 - و يجيب حاجة زيرو فكنت بقنعه بال GEN 2 بس هو مش متقبلها فأنا هسيبه يجيب اللي هو عايزه و هسلك أنا مع نفسي في ال GEN 2 عن قريب إن شاء الله بس المشكلة هو عايز يجيب حاجة واسعة قدام و ورا لأن هو طوله 187 CM و حاجة تكون في ال MID 80 إيه رأيكم أنا مرشحله الواجا و الأوبترا و هو عجباه النيسان ..
إيه رأيكم .. ؟!

[Noha.M]

3la fikra ya hafz el city was3a men gowa bs korseha bs howa ely mabyerga3sh awi le wara .ana khateby 190 cm we beyrta7 fi swa2et el city gdan .law enta toloh kda hatrta7

[fahd_628]

ياراااااااااجل ده انا كنت منتظرك انت او توت تطمنونى على الجين 2 :(
العربيه عاجبانى جدا جدا بس للأسف مش عارف اشوفها فى التوكيل لظروف عملى
قولت لو منفعتش الجين انتظر البيرسونا او اجيب ال واجا الجديده الكامبروا

ما هو للأمانة الجين 2 صالونها مش واسع اوى بس هوة معقول جدا و كمان ال Head room فى الخلف قصيرة شوية و على فكرة دة مش عيب جوهرى لأن فية عربيات كتييييير جدا جدا كدة و اولهم الياريس

بس انت لو فى الأسكندرية لو تعرف تروح كارفور عند الطارق حتلاقيها هناك كانت الجمعة الى فاتت موجودة حتلاقيها اخر عربية على الشمال اول ما تخش او تروح بقى ال Showroom بتاع عز العرب قدام كارفور !

لو من القاهرة بقى روح معرض لعز العرب