عربيات طويلى القامه ... العربيات الكبيره .. العربيات الواسعه ..

[mohamed ibiza]

اها فهمتك يا مان طب بص هات ابيزا 94 حالة ممتازة ب40 الف هههههه انا بعد فيها مستريح لما برجع الكرسي علي الاخر..........












Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzzzzzzaaaaaaaaaaaa For Ever

[Mzeid]

انا حتكلم بالنسبه ليا , انا طولى 186 سم ................ مش عارف حضرتك يا استاذ حافظ فى نفس الطول ولا اطول منى

انا لما بقعد فى ال131 برجع الكرسى ااااااااااااااخر حاجة خالص وبميل الظهر كمان ومحدش بيعرف يقعد ورايا :D .

انا حاليا معايا واجا وال131 . الواجا بسم الله مشاء الله واسعه جدا جدا وبرجع الكرسى وبقعد مرتاح جدا ....... وبيبقى فى مساحة كبيرة ورا الكرسى بتاعى " يقعد فيها واحد طوييييييل مرتاح اوى " .
الواجا من حيث المساحه الداخلية اكثر من ممتازه .
بس للاسف مافيش واجا فى التوكيل لانة وقف استيرادها بالشكل القديم وحينزلها تانى فى شهر 8 بالشكل والموتور الجديد , بس فى منها " استوك " فى بعض المعارض .

ممكن حضرتك لو عاوز تجيبها مستعملة فى عند عز العرب قسم للمستعمل حتلاقى واجا بريميوم " بتبقى بحالة الزيرو ومش ماشية اكتر من 40 الف كيلو ولسة فى الضمان " , وبيبقى تمنها فى حدود ال72 الف : 77 الف جنية ........ وهية اساسا تمنها زيرو 103 الف جنية . والميزه ان لو فكرت تبيعها مش حتخسر كتير .

لكن لو عاوز زيرو ........... اعتقد ماتفكرش فى الواجا .. لانك مش حتلاقيها وحتتعب جدا لغاية ماتلاقى واحده استوك زيرو . او ممكن تستنى الشكل الجديد .

بالنسبة للمتاح حاليا :-

الجين 2 واسعه مش قدام ورحبه جدا جدا ....... لانى قعدت فيها وجربتها " وكنت حشتريها " , لكن لما ظبط الكرسى على الوضعية المريحة ليا........... لقيت ان صعب حد يقعد ورايا وحيبقى مزنوق " حد طويل زيى " لانى ظبط الكرسى قدام ورجعت قعدت ورا .

بس هية الحقيقة كراسيها مريحة ومحستش فيها بأى ضيق " وانا قاعد قدام " .

حقولك على حاجة بردة كانت من ضمن اختياراتى فى الشراء " الجراند بونتو " من قدام مريحة بشكل لا يوصف ومريحة اكتر من الواجا كمان !!! " فرق الخبرة الايطالية :D " , تصميم الكراسى اكتر من رائع وبيدعم الظهر بشكل مش معقول بس بردة من ورا حتحس انها ضيقة شوية . ,

الاوبترا بردة فيها مساحه " شاسعة " .. بس للاسف غليت دلوقتى 90 الف جنية ........... غير انى كرهتها مش عارف لية احتمال بعد الاعلانات الهابطه الى عملوها :)


ولو عند حضرتك اى استفسار انا تحت امرك .

يعني أفهم من حضرتك إن الواجا واسعة من الخلف و الأمام و لا إيه .. ؟!

[ams]

يامعلم انا بقولك الرنج ده علشان التقسيط انما كمستعمل هيبقى فى حدود 35- 40 وده ميجيبش حاجه محترمه اليومين دول

اعتقد انه يناسبك مش اقل من large or medium family car عشان تقعد براحتك واللى وراك يقعد كويس

او small family car هتقعد براحتك واللى وراك مش هيعرف يقعد

معاك حتى 40الف كاش و 80 الف تقسيط

يبقى فى حالة الزيرو : small family car و هتكون اسيويه و هتضحى باللى ورا

يبقى فى حالة المستعمل medium family car : هتضحى بشوية راحة بال و ممكن تجيب حاجة زى الفيات التمبرا مثلا

شوف ايه الاهم و اختار

[MohabSaeed]

يعني أفهم من حضرتك إن الواجا واسعة من الخلف و الأمام و لا إيه .. ؟!

واسعه فى الامام والخلف .... انا نفسى لما بكون قاعد فيها بحس ان " صغير جواها " بسم الله مشاء الله فعلا كبيره . الواجا متميزه عن باقى سيارات السيدان فى نفس الفئة بمساحة الصالون والكنبة الخلفية .. ماتقارنهاش ب لانسر او صنى او الانترا حتى . من حيث المساحة هى اكبر من معظم سيارات الفئه المتوسطه .

ربنا يكرمك يامهاب ... بجد انتى طمنتنى وباذن الله احاول مع البروتون
العربيه الواجا عاجبنى الاستايل بتاعها اوى وقار ... والجنوط مدياها منظر محترم جدا
ان شاء الله نشوف الواجا الجديده وربنا يسهل وميكونش السعر معدى
بالنسبه للطول انا اطول من كده يامهاب الجراند عربيه جميله جدا بس عيبها السعر المتزايد وكمان الموديل اللى بينزل مصر مش التربو .. الاوبترا على رايك كفايه ان احمد حلمى بيعمل اعلاناتها وهى فى الاخر نوبيرا وموتور نوبير مع اختلاف التعليق والشكل بس موتور نوبيرا مش هشتريه ب 90 الف وقدامى خيارات تانيه زى الصنى مثلا
طيب البروتون يعنى مينفعش حد يقعد ورا خالص

ربنا يكرمك ويوفقك يا استاذ حافظ وتجيب العربية الى ترتاح ليها وتلاقيها مناسبة ليك .

بالنسبة للبروتون " اعتقد انك قصدك الجين2 " .. هية مش ضيقة للدرجة يعنى هيه مش سيات ولا 127 ... المشكلة فى ال "Roof line "مايل جدا لورا فتلاقى دماغك بتخبط فى السقف . بس دة بالنسبة للناس طوال القامه ............. لكن لوحد اقل من 180 سم مش حيحث بأى مشكله .

الحاجة التانية تصميم الكراسى الاسبور واخدة شوية من مساحة الصالون الخلفى " مساحة الاقدام " .

بس هى مش ضيقة لدرجة ان محدش يعرف يقعد مثلا . يعنى ممكن اقارنها مع النيسان صنى من حيث مساحة الصالون الخلفى , وان كان الجين 2 من الامام اوسع بمراحل من الصنى .


انا حقولك رأيى بالنسبة للصنى :- انا مش شايف فيها ميزه الحقيقة ........ غير ان شكلها الخارجى يوحيلك بالفخامة . بس لغاية هنا ومش شايف اى حاجة مميزه للصنى

خامات تقفيل دون المستوى ............لا تقارن بالانسر مثلا ... حتى الجين2 كخامات حسيت انها احسن !

التوكيل مش عارف يتعامل مع الشكاوى ووفيها عيوب تصنيعية كثيرة " من اراء المُلاك "

مساحة داخلية صغيره .. على عكس ماتوحيلك بيه ابعاد السيارة الضخمه

شكل قدم واتوقف انتاجة فى اليابان واستبدل بالنيسان تيدا " تيدا يعنى الشمس باليابانى :D يعنى صنى " !!!!!!!!!!!!!!!!!!
افتقارها لانظمة الامان مثل ABS والايرباجز .

وب 86 الف جنية !!!

بالرغم من عدم حبى للانسر بس حتى لو لانسر 1300 خليجى احسن بكتير من الصنى .


بالنسبة للجراند بونتو ......... العربية دية انا معاك انها 77 حصان .......... بس هية الحقيقة ممتازه وسعرها فى مصر ارخص من سعرها فى اوروبا " مش عارف ازاى الحقيقة " ...
بس انا حاسس ان احتياجات حضرتك فى عربية سيدان ... ف نسيبعد الجراند من الحسبه

[Mzeid]

واسعه فى الامام والخلف .... انا نفسى لما بكون قاعد فيها بحس ان " صغير جواها " بسم الله مشاء الله فعلا كبيره . الواجا متميزه عن باقى سيارات السيدان فى نفس الفئة بمساحة الصالون والكنبة الخلفية .. ماتقارنهاش ب لانسر او صنى او الانترا حتى . من حيث المساحة هى اكبر من معظم سيارات الفئه المتوسطه .

شكراَ على الإفادة .. جزاك الله خيراَ ..
:):)