ناوي تغير عربيتك امتي؟؟ و حتجيب ايه؟؟

[hazem_khidr]

السلام عليكم
بسأل سؤال لجميع الاخوه في المنتدي
يا تري ناوي تغير عربيتك امتي؟؟؟
يعني السنادي و لا السنه الجايه و لا كمان خمس سنين ؟
و لا مش ناوي تغيرها خالص؟
ولا حتغيرها لما تفتح في المصاريف ؟؟


و يا تري حتجيب عربيه جديده و لا مستعمله؟؟
و يا تري ناوي تجيب عربيه نوعها ايه؟؟؟؟؟
و لو انت راكب ياباني هل حتغير لياباني برضه و لا ناوي تجيب الماني مثلا ؟
و لو راكب موديل معين و ليكن جولف هل لما تغير حتغير و تجيب اخر موديل من جولف و لا حتغير الموديل .

و يا تري ناوي تجيب نفس الفئه اللي راكبها حاليا ولا حتغير الفئه؟
يعني لو راكب عربيه صغيره عربيتك المستقبليه حتبقي صغيره برضه و لا ناوي تكبر الفئه؟؟
و لو عربيتك كبيره هل حتستمر في نفس الحجم و لا حتصغره شويه؟
و لو راكب هاتش باك حتغير لسيدان و لا هاتش باك زي ما انت؟؟؟.
و يا تري ايه اللي انت حتحتاجه من عربيتك المستقبليه ؟

ارجو من جميع الاخوه المشاركه لمعرفه التطلعات و الافكار المختلفه لكل فرد
لتكون مرجعيه لكن من يقدم علي شراء سياره .

[mohamedzaki]

good topic

sorry for writing in english but anyway i liked the topic and what i think is that some of us ( me among them by the way ) like to chang and sometimes this change is not necessery but driving and having a new car is so much fun. so here is what i like to do in the future insha2lah.

i own a japanese car ( toyota corolla ) and i have to say that allhamdolelah japanese cars changed my old bad experience with my ol daweoo lanos. what i like most about my car is the exreme reliabilty as the car performance and feel never changes thank god and i feel it is a very good investment. but however i would like to have in the future insha2lah a BMW. i tried once a 318 old shape and the seeting and feel is like no other car. but you know what ? i dont want to sell my current car it is as if i have a wonderfull wife and dont want to leave her. i always prefer used cars because the huge price difference between a new car and used one so it gaves you the chance to really own a car with a price tag higher than what you can afford but at the end you have to accept the risk. so to make a long story short

current car : toyota corolla 1300 aoutomatic make 2002
futer car ( insha2lah ) : BMW 318i high line 2005 old shape
change time : lama rabena yefregha

[Nile_Storm]

ناوي ان شاء الله اغير كمان 3 سنين
بحاجه الماني فكترا استرا علي الاقل
وممكن سيفيك

[fahd_628]

ان شاء الله عن قريب جدا بس ادعولنا

[أبو_حمزة]

ان شاء الله على اواخر 2009
غالبا ها اجيب مستعمل موديل قريب بعد 2006 ان شاء الله
اما ها اجيب ايه فده ها يعتمد على الميزانية لكن ها ادور على احسن عفشة فى السوق

[theking2690]

مش قبل 3 او 4 سنين بإذن الله لأنها لسه مكملتش معايا شهرين

[SEATLOVER]

يا حازوووم يا بتاع المواضيع الجامدةةةةةة
بص يا سيدى انا عن نفسى
مستنى الالتيا لما تقع كسر زيرو .... بس هى تقع بس اةةةةةةةة
إن شاء الله ..إن شاء الله ....إن شاء الله

افهم انت بقى الباقى كلة

[sa3dawy]

إن شاء الله سنتين كدا ولا حاجة
هاجيب لانسر سبورت او سيفك او ممكن اضحى شوية واجيب باسات


==========
يرجى مراعاة كتابة لفظ الجلاله بطريقة صحيحة
مشرف القسم

[limo]

الانسر
-تقريبا مش هفكر ابيعها الا بعد 6 او 7 سنين لو لما تفتح بقها ايهما اقرب (انا بقيس بالحاله الماديه بتاعت دلوقتى لاكن مش عارف بعد كده ايه الى ممكن يحصل )
-ان شاء الله زيرو الزيرو ليه طعم مختلف عن المستعمل حتى لو كان كسر زيرو
انا نفسى اركب المانى (اوكتافيا او باسات )او يابانى (كورولا -سيفك ) بس الارجح المانى
-طبعا ايامها الواحد مش عارف ايه اى ممكن ينزل فى السوق فانا بقيس بجوده العربيات الى موجوده دلوقتى .
-انا عربيتى سيدان وان شاء الله الجايه هتكون سيدان بس انا نفسى اجيب عربيه هاش باج مانوال بجانب السيدان .
- الى هحتاجه من عربيتى المستقبله ؟
انها تكون معمره وبياعه لو جبيت ابيع ومشاكلها بسيطه .

[Mzeid]

هو أنا حالياَ في إنتظار ال GEN 2 بس بعد الشغل إن شاء الله - و بجد بدون مبالغة علشان محدش يفتكر أني ببالغ - إما ال CAMARO 3.7L أو أي حاجة SUV or SAV زي LR3 , Q7 , X6 , CAYENNE or SOMETHING LIKE .
و إحتياجي للعربيات دي علشان عندنا جين في العائلة وحش جداَ إننا لما نكون مسافرين نصيف أو نقضي وقت لازم ناخد شيل من هنا لحد بكرة , فأنا عايز العربيات دي علشان او بقيت 7 ركاب يبقى خير و بركة غير كدة تستحمل و تشيل .
و دي إن شاء الله خطتي المستقبلية بدون مبالغة أو حلم .
:):)

[فادى]

معايا حاليا شاهين 1600 موديل 2006, و مش ناوى أغيرها فى وقت قريب لأنها تلبى كل احتياجاتى حاليا.
لما ربنا يفتحها عليا انشاالله ناوى أطلع طلعة جامدة بقى بعد كام سنة كده, أما العربية المنتظرة بعد 10 سنوات على الأقل فمش هتخرج عن الماركات الألمانية و الايطالية و الفرنسية العريقة زى بيجو, فيات, مرسيدس, ألفاروميو(لو نزلت مصر مرة أخرى)لكن الفئة لازم تكون عائلية متوسطة أو كبيرة, ده طبعا لو معايا فلوس أما لو معيش فلوس فلن أخرج عن منتجات شركة النصر للسيارات لأنها أفضل ما فى الفئة الرخيصة.

[Karim_Monir]

معايا كرولا زيرو موديل 2007
ومن كل اللي بشوفو من العربيات دي ومدي اعتماديتها وتحملها ممكن اغير في خلال من 5 الى 7 سنين وان كنت ماعتقدش اني ممكن استحمل كل ده لاني شخصية ملولة وبازهق بسرعة
لكن مثلا لو مشيت كيلومتر كتير بفكر اسقط موتور 1.8 او 2000 في الكرولا وهاتبقي نقلة محترمة لاني بصرف كتير على عربيتي جوة وبرة ومخلي صالونها مختلف عن اي عربية عادية ومحدش بيقدر ده في البيع

لو هانقل بجد لفوق افكر في افنسيس وكويس انها مانيوال او لو وكيل نيسان احترم نفسة ونزل التيما او او كامري او ليجاسي دي عربيات بجد اتعملت للخدمة الشاقة
وطبعا لو الحاجات دي مش متوفرة بسهولة هاشوف البيمر لاني من عشاقها حتة 525 او 530 ومش بعيد 540
لاني بقي معايا طفلين ويمكن تلاتة قريب يعني بقينا عيلة والعربية مهمة ليا تكون كبيرة عشان انا كتير السفر
لكن مفكرش في الماني اوبل مثلا
يعني اقول الماني تبقي فولكس او بي ام او حتى سي كلاس بس انتو قولو يا رب
مهم قوي في العربية اللي اجيبها وافكر انقلها حاجتها تكون منتشرة يعني افضل البيمر عن الكامري للانتشار ورغم حبي للتميز الا انك سهل تميز عربيتك بحاجات كتير
لكن ماروحش اجيب مثلا فولفو S40 وافضل حاطط رقبتي تحت رحمة وكيلها

تسلم مواضيعك يا حازم

[PRO-DRIVE]

السلام عليكم
بسأل سؤال لجميع الاخوه في المنتدي
يا تري ناوي تغير عربيتك امتي؟؟؟

لما يبقي في فلوس

يعني السنادي و لا السنه الجايه و لا كمان خمس سنين ؟

معتقدش قبل سنتين او ثلاثه

و لا مش ناوي تغيرها خالص؟

اكيد مش حورثها للاحفاد :D


ولا حتغيرها لما تفتح في المصاريف ؟؟

اذا فتحت في المصاريف ممكن يكون حجه قويه للضغط علي ابويا :D




و يا تري حتجيب عربيه جديده و لا مستعمله؟؟

ان شاء الله جديده و اذا مستعمله مش حتخرج عن ماركات معينه


و يا تري ناوي تجيب عربيه نوعها ايه؟؟؟؟؟

اذا ربنا اراد و مقعدتش في مصر فيارب تكون انفينتي
لو في مصر حتكون علي حسب الميزانيه
بس غالبا حتكون ياباني او حاجه من قبيله فولكس اذا الماني

و لو انت راكب ياباني هل حتغير لياباني برضه و لا ناوي تجيب الماني مثلا ؟

صعب قوي افكر في استرا مثلا بس برضه علي حسب الفلوس وقتها

و لو راكب موديل معين و ليكن جولف هل لما تغير حتغير و تجيب اخر موديل من جولف و لا حتغير الموديل ؟

بحب التغيير بس امبريزا الجديده دي لو اتغيرت كليا في الفتره دي ممكن افكر فيها جديا اذا منتقلتش لفئه اعلي



و يا تري ناوي تجيب نفس الفئه اللي راكبها حاليا ولا حتغير الفئه؟

$$$$$


يعني لو راكب عربيه صغيره عربيتك المستقبليه حتبقي صغيره برضه و لا ناوي تكبر الفئه؟؟

$$$$$$


و لو عربيتك كبيره هل حتستمر في نفس الحجم و لا حتصغره شويه؟

$$$$$$


و لو راكب هاتش باك حتغير لسيدان و لا هاتش باك زي ما انت؟؟؟

انا بأمزجه و اوقات ممكن اقول انهرده مبحبش الهاتشباك
بعدين تلاقيني بكرا راكب سيريون او جولف :D اهواء

و يا تري ايه اللي انت حتحتاجه من عربيتك المستقبليه ؟

انها تكون قويـــــــــــــــــــــــــــه و مش بعيد تكون امريكيه لو مفيش فلوس كتير عشان السبب دا :D

عيبي ان تفكيري بيتغير بسرعه كبيره :D

[vet mitcho]

معايا سوبارو امبريزا 2008
ولما احب اغيرها ان شاء الله هاديها للحاج (ابويا) واخد منه عربيته سوبارو امبريزا 2007
العربية دي ماشاء الله في رايي هي بين الياباني و الالماني
هاخد بقى منه 2007 واضبطها برااااااااحتي (جوه وبره)
ده رايي دلوقتي
الا بقى لو نزلت حاجة اجمد من الاتنين وكان معايا فلوووووووس
ساعتها الله اعلم تفكيري يكون ازاي

[nasr-eldeen]

فكرة الموضوع جميلة جداً
أشكرك عليها
لانها خلت كل واحد يحلم شوية باللي نفسه فيه بجد خلتني اعيش حلم ولو قصير
انا معي لانسر اسبورت 2008 ونفسي اجيب عربية 4*4 بس ده ممكن يكون بعيد شوية انا نفسي في فورد اكسبلورر أو جراند شروكي بس في المرحلة بعد القادمة ان شاء الله
لكن ممكن في المرحلة القادمة السيفك سيارة شكلها تحفة والصالون مقدرش اوصفة بس بردة دي المرحلة القادمة ان شاء الله
وشكرا على الاحلام اللي عيشتهلنا