ناوي تغير عربيتك امتي؟؟ و حتجيب ايه؟؟

[Ahmed Hassan]

ان شاء الله التغيير مش هيخرج عن الاحتمالات دي:

1. سوبارو ليجاسي
2. اغير موتور عربيتي الحاليه لموتور اكبر.
3. بي ام الفئه الخامسه 523 و ما فوق.

جميع ما سبق مش قبل سنتين باذن الله

[abdelaziz-waleed]

اه يا حازم انت جيت على الوتر الحساس
الموضوع ده واكل دماغي اوي اوي اوي
انا عربيتي موديل قديم شوية 97 وعاملة كيلومترات كتيرة شوية 170 الف
بس انا صرفت عليها كتير ولسة بصرف عليها وهية متصانة في التوكيل من ساعة ما خرجت من المصنع
فكل ما افكر في التغيير ناس كتير تقولي اللي حاتزوده في عربية جديدة حطه في ديه هتلاقيه
ثانيا الواحد بيحس انه ما ينفعشي في البلد ديه انه يجيب عربية اكتر من 60 الف جنيه لأنها هاتتخبط هاتتخبط
بس انا بفكر اني ابيع العربية بتاعتي واجيب نفس العربية ولكن موديل احدث 2002 او 2003 مثلا لأني بحب الاوبل جدا

لكن مفكرش في الماني اوبل مثلا

اوباااااااااااا كريم بيخبط في الحلل :D:D شاهدين يا عشاق الاوبل
مالها الأوبل يا عم كريم. :p:p
منتدى الاوبل هايعمل اضراب عن المشاركات حتى يتم الاعتذار الرسمي
مع سندوتشات بيف برجر بالكاتشاب وزيتون كالاماتا لكل ملاك الاوبل :D:p:D:p

[memo_hefnawy]

والله يا حازم الموضوع ده تقدر تقول إنه لو النهاردة برأى أكيد السنة إللى جاية مش هايفضل نفس الرأى

ده فى أغلب الحالات لعدة أسباب

أهمها إن الإنسان بطبعه دائم التطلعات

و إن الظروف و الإحتياجات بتختلف لكل فرد من وقت لآخر يعنى النهاردة أنا سينجل لكن كمان سنة الله أعلم هاكون إتوكست ولا لأ و الله أعلم دخلى هايزيد ولا هايقل و هايختلف بنسبة قيمتها إيه

بس هاكلمك على الوضع الحالى بأجوبة سريعه على أسألتك:

------------------------------

يا تري ناوي تغير عربيتك امتي؟؟؟

إن شاء الله بدون مقاطعه لما يبقى عندها 5 سنين كحد أقصى


و يا تري حتجيب عربيه جديده و لا مستعمله؟؟

و الله لو الظروف تتيح جديد هايكون أفضل ماكنش يبقى مستعمل إستعمال خفيف يعنى 20-30 ألف بالكثير أوى بحالة نضيفة


و يا تري ناوي تجيب عربيه نوعها ايه؟؟؟؟؟

أتمنى أنقل على ألمانى من العيار الفوق متوسط على الأقل - يعنى جولف و طالع - مرسيدس سى كلاس...


و يا تري ناوي تجيب نفس الفئه اللي راكبها حاليا ولا حتغير الفئه؟
يعني لو راكب عربيه صغيره عربيتك المستقبليه حتبقي صغيره برضه و لا ناوي تكبر الفئه؟؟
و لو عربيتك كبيره هل حتستمر في نفس الحجم و لا حتصغره شويه؟

أنا عربيتى الحالية سيدان (ويرا) و معنديش مشكلة أغير لهاتش باك (خصوصا إن الهاتش باك بتفرق فى الجرى و الثبات و الشكل)
لكن معنديش إستعداد إنى أركب 4*4 مش بحب العربيات الضخمة على الأقل فى المرحلة الحالية
أهم حاجة تهمنى إن العربية صالونها يكون مريح و واسع (خصوصا الطول) أنا برجع الكرسى عادة على آخرة يعنى لما بركب اللانوس بحس إنى مزنوق و مش مرتاح نهائى على سبيل المثال


و يا تري ايه اللي انت حتحتاجه من عربيتك المستقبليه ؟

إن شاء الرحمن يهمنى :

القوة فى الآداء
القدرة على التحمل و الإعتمادية
قلة المشاكل و الأعطال
الصالون يكون فخم و مريح و واسع
التصميم الخارجى يكون شرس و رياضى - محدش يقولى طب راكب ويرا ليه :) بشكلها الجميل ده ههه لأن كل وقت و ليه أذانه و إختارتها فى ظل ظروف - أنا بتكلم على إللى نفسى فيه :) مش إللى عملته

العربية إن شاء الله تكون حاجة من دوول:

1- جولف - أو سيات ليون (هى هى الجولف بكماليات أفضل)
2- أتمنى إنى أجيب حته سى كلاس (ربنا يرزق)
3- بى إم 3
4- هوندا


عمرى ما هافكر أطلع من عربيتى الحالية لحاجة مقاربة فى الآداء يعنى عايز لما أغير أحس إنى طلعت نقله تستاهل مش أطلع من ويرا للانسر أو كرولا مثلا

مش هاجيب عمرى هيونداى مثلا أو بروتون أو ما شابه

[Chicco]

إيه المواضيع الجميلة ديه يا حازم باشا :)
في مصر معايا كليو ٢٠٠٧ و ديه كفاية قوي على الاسبوعين الاجازة اللي بنزلهم كل ٧ أو ٨ شهور.....عربية المدام بولو ١٩٩٩ و محتاجة تتغير قريب يمكٍن السنة الجاية إن شاء الله .....ممكن اديها الكليو و أجيب حاجة أوتوماتيك ....كورولا أو صني ......لو ربنا قدر و استقريت في مصر حاجيب عربية شاهين ١٦٠٠ و سواق ;)
في كندا أنا حاليا في تورنتو و على قد مشاوير المدينة معايا كورولا ٢٠٠٧ .....لما بحب أسافر باجر عربية .....إن شاء الله قريب إحتمال أسيب تورنتو و ساعتها ححتاج عربية للمشاوير.... و داخلة دماغي أوي ال-RAV4 خصوصا بعد ما جربتها.... 3.5L AWD limited هايلة و واخده تقييمات عالية أوي .....لو ربنا قدر و استقريت في كندا نفسي في Lexus IS ال-250AWD أو Audi S4 أو Infiniti G35

[أبو عبدالله]

ان شاء الله افينسيس الشكل الجديد
او ليجاسي من سوبارو
بس بعد اربع سنين كده ان شاء الله
بس قول يا رب ان شاء الله

[crazylambada]

باذن الله كمان سنتين
و حتبقى سيات ليون ان شاء الله و لو حصلت مشكلة في لفلوس حتبقى جين2 او فيات لينيا
ده ول مظهرتش موديلات جديدة السوق

[NaderNabil]

كمان تلات أربع سنين فيات جراند بونتو اوتوماتيك...أو كيا ريو 5 أوتوماتيك

و بعدها ان شاء الله مرسيدس c280 avantgarde ((بحلم:))

[mada121977]

يا تري ناوي تغير عربيتك امتي؟؟؟
هو مبدأيا الانسر انا جايبها قسط على 5 سنين يعنى ان شاء الله لما اخلص القسط بعد خمس سنين لو كان لينا عمر



و يا تري حتجيب عربيه جديده و لا مستعمله؟؟
طبعا الزيرو زيرو يعنى احساس انك راكب عربيه انت اول مستخدم ليها احساس جميل جدااا
و لو انت راكب ياباني هل حتغير لياباني برضه و لا ناوي تجيب الماني مثلا ؟
ان شاء الله يابانى برضه وربنا يقدرنى واقدر اجيب الانسر الجديده او المازدا 3 (بس يارب التوكيل بتاعها يخده حد تانى غير غبور )


و يا تري ناوي تجيب نفس الفئه اللي راكبها حاليا ولا حتغير الفئه؟
ان شاء الله نفس الفئه لانى متطلباتى العائليه والماديه تقتضى ذلك يعنى ماينفعش اجيب هاتش باك علشان انا عاوز عربيه عائليه ومش عاوز اجيب عربيه كبيره حاسس انها هتكون اعلى من اللى انتا محتاجله
و يا تري ايه اللي انت حتحتاجه من عربيتك المستقبليه ؟
اهم حاجه تكون اعتماديه من الدرجه الاولى يعنى ان شاء الله اقولها نروح اسوان ونيجى فى نفس اليوم تقولى ماشى :)وتكون قطع غيارها وصيانتها رخيصه وسهله وسعر اعاده بيعها يكون كويس :)

[ahmed_3omda]

موضـوع 100 100

وعليكمـ السـلامـ ورحمـه الله وبركـاته

أجابتي علي اسئله اخويا العزيز اللزيز حازم :D

يا تري ناوي تغير عربيتك امتي؟؟؟

انا ناوي اغير عربيتي الريتمو بأذن الله خلال تلات شهور :D

و يا تري حتجيب عربيه جديده و لا مستعمله؟؟

ناوي اجيب عربيه مستعمله هاتش باك تكون موديل 90 ومكيفه

و لو انت راكب ياباني هل حتغير لياباني برضه و لا ناوي تجيب الماني مثلا ؟

كل واحد بيركب عربيه بتمشي معا ظروفه الاقتصاديه بالنسبالي انا شايف ان الياباني موفر للبنزين ولو حفكر في شراء سياره اكيد حتكون ياباني لأنها سيارتي الشخصيه وححتاج اقل استهلاك :)

و لو راكب موديل معين و ليكن جولف هل لما تغير حتغير و تجيب اخر موديل من جولف و لا حتغير الموديل

و يا تري ناوي تجيب نفس الفئه اللي راكبها حاليا ولا حتغير الفئه؟

السؤالين دول ليهم اجابه واحـده .. لا حسب لو الموديل الحديث شكلو مقبول وقطع غياره متوفره اكيد حركب الموديل الاحدث :)


يعني لو راكب عربيه صغيره عربيتك المستقبليه حتبقي صغيره برضه و لا ناوي تكبر الفئه؟؟

انا بحب السياره الهاتش باك ومش حتنازل عنها مهما يكون :D

و لو عربيتك كبيره هل حتستمر في نفس الحجم و لا حتصغره شويه؟

حبيعها واجيب هاتش باك :D انا متعصب

و لو راكب هاتش باك حتغير لسيدان و لا هاتش باك زي ما انت؟؟؟

هاتش باك زي ماانا :D

و يا تري ايه اللي انت حتحتاجه من عربيتك المستقبليه ؟
الراحـه والشكـل المـقبـول وفتحه السقف نفسي فيها :D



انا عايز اسئلك بقا سؤال ياحازم انتـا بعد ماتبيع السزوكي بتفكر ف ايه ؟ ;)

[CryptonX]

ان شاء الله ان شاء الله في 2009 :)

و اختيارتي محصورة في الاتي :

لو فيه فلوس :

Peugeot 308

Mazda 3 Hatchback

ِAlfaRomeo 147

لو مفيش فلوس ( وضع طبيعي ) XD :

Kia Rio Hatchback

Brilliance FRV

[karmouty918]

بعد سنتين من التخرج ان شاء الله بحلم اجيب حتتة يبانى كدة Toyota or Nissan

[ams]

مبدئيا اى عربيه تقضى الغرض ان شاء الله يعنى من أ الى ب و هبقى سعيد بها جداجدا:D

Brilliance FRV

بعد 5 سنين اعتقد ان الصين هتكتسح السوق تماما يعنى اغلب الاعضاء اللى هيغيروا بعد 5 سنين غالبا
هيشتروا صينى;)

[gendi_52]

معايا كرولا 1995 وان شاء الله بفكر بتويوتا 2006 1300 اتوماتيك او لانسر 1600 فول اوبشن

[دموع الثلج]

انا نفسى اغير عربيتى بكره لو كان فيه امكانيه واجيب جراند شيروكى او فيتارا

بس مش عارفه الحلم ده هيتحقق بكره ولا بعد بكره ...........!

[bemocarlo]

Very soon insha2allah i will get my first car.and it would be one of those cars
nissan
persona
optra