هل فعلا الزيرو افضل من المستعمل؟ المفاجأة!!! لماذا المستعمل افضل في مصر؟؟

[zegzaag]

ربنا يخليك ليا
دايما رافع من روحي المعنويه كده
انا الفانوس بتاع الاشاره بعشره جنيه عشرين جنيه بروق بيهم العربيه
القديم عشان مبقاش ليه قطع غيار اصليه فبقة تايوان وتايلاند والبلاد دي بتصنع ليها قطع غيار وطبعا الايد العامله عندهم رخيصه والمنتجات رخيصه وجودتها معقوله

[AutoTycoon]

مختلف معاك بصراحة
مش في كل الحالات المستعمل احسن
ولا في كل الحالات الزيرو احسن

بعدين انت حر تعمل الصيانات في التوكيل ولا لأ :))
في عربيات زي اللانسر و الفيرنا و اللانوس .. مش لازم وكيل اساساً و اعرف ناس من اول ما اشتروها زيرو و هم بيعملوا الصيانات بتاعتها عند الميكانيكي و شكراً :)

[EslaM_NagY]

مميزات المستعمل في مصر:

7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو

مستني ردود يا شباب

هههههههههههههههههه انا فطسان من الضحك

اصل اول ما بشوف عربية زيرو فى تقاطع مبقفلوش عارف انه حيفرمل قبله ب عشرة كيلو

ويا سلام بقى لو ماشى جنبك فى الزحمة وحدفت عليه حتلاقيه على طووووووول لم نفسه بعيد عنك انما لو بالدبابة القديمة بتاعته ولا كان حيحرك ساكن.

[EslaM_NagY]

يعني مثلا بي ام ب 120,000 موديل 2001 بثمن السيارة الخرافية المهولة المستحيلة المتحدية للزمن التي لم يأتي لها مثيل في المجرة اللولبيه مجرة التبانة السيارة كيااااااااااا سيرااااااااااااااااتو

،
،

هههههههههههههه حلوة الحتة بتاعة السيراتو دى هههههههه
ميمنعش انها عربية كويسة بس غالية شويتين

[hossamhookman]

انت و الله فاهم
يا ريت كل الناس عندها الدماغ دى

[yassin_samir]

المستعمل للى عندة صبر و قدرة للتعامل مع الميكانيكية و التدوير على قطع غيار و استعدادة للاعطال المفاجئة و الغير متوقعه
و كل شوية يكتشف حاجة جديدة فيها عطل و عايزة تتعما من الاول
لكن الزيرو بتبقى مربيها على ايدك و عارف قدرة العربية على السفر و خلافة الا طبعا لو حاجة طارئة
و فى الاخر المستعمل زى البطيخة و انت و حظك

[yassin_samir]

و ابسط حاجة التكيف و اعطالة و الكاوتش و البطارية

[MOUSTAFA_SAAD]

كلامك منطقى بس ممكن تقع فى مستعمل يكرهك فى الدنيا

[ahmedsrs]

كلام جميل بس الى يجرب بلاوى المستعمل يهون عليه قرف الصيانات

[SAMEH_FOUAD]

الناس اللى بتقول عايزين نكهن القديم لان القديم بقى بيعطل كتير

انا واله لازم اشوفلى كل يوم بتاع تثلاث او اربع عربيات موديلات 2010-2011 عطلانين فى وسط الطريق وفاتحين الكبوت بجد والله دة تهريج فعلا وبدون ذكر اسماء عشان العربيات دية للاسف فية منها المانى كمان مش كورى بس

انا اعتقد ان الواحد دلوقتى يأمن نفسة كويس سواء مستعمل او كسر او زيرو لان فعلا الموضوع كلة بقى محصل بعضة

[egyptiandiver]

كسر الزيرو او الحالات الشاذه افضل حاجة في مصر

[MOUSTAFA_SAAD]

الناس اللى بتقول عايزين نكهن القديم لان القديم بقى بيعطل كتير

انا واله لازم اشوفلى كل يوم بتاع تثلاث او اربع عربيات موديلات 2010-2011 عطلانين فى وسط الطريق وفاتحين الكبوت بجد والله دة تهريج فعلا وبدون ذكر اسماء عشان العربيات دية للاسف فية منها المانى كمان مش كورى بس

انا اعتقد ان الواحد دلوقتى يأمن نفسة كويس سواء مستعمل او كسر او زيرو لان فعلا الموضوع كلة بقى محصل بعضة

اى عربيه مهما كانت قيمتها وارد انها تعطل وهى جديده بس ده مينفعشى يبقى حاله عامه

[mmffor]

العربيات القديمة بالذات اثناء تصنيعها كان يوضع في الاعتبار انها سلعة معمرة و غالبا سوف يتم الاحتفاظ لفترة 20 - 30 عام

حاليا بيتم اعتبار السيارات سلع استهلاكية يعني بيعملوا عمرها الافتراضي 3 - 7 سنين و لو صاحبها سحتجي اوي يبقى 10 سنين
للاسف هي دي الحقيقه



عموما انا نسيت اضيف ميزة اخرى للمستعمل
11- الجديد غالبا ملهوش قطع غيار على الاطلاق في السوق و خصوصا الموديلات الجديدة و في معظم الاحيان التوكيل نفسه مبيبقاش عنده اللا قطع الغيار الاستهلاكية زي سيور و فلاتر في اول سنة او سنتين كمان و لو لا قدر الله حاجه عطلت او حادث في بعض الاحيان السيارة بتتركن من شهر الى 5 شهور في انتظار طلبية قطع الغيار الجاية

على العكس في المستعمل بتكون قطع غياره انتشرت و متوفرة في التوكيل كمان و كمان في منها استيراد بنصف التمن او اقل و ده اسهل للصيانه او لا قدر الله للحوادث

[saadelden]

انا بالنسبالي اشتري كسر زيرو افضلي من الجديد
بس برا مصر هجيب جديد وشششششششش

هنا ف السعوديه العربيات انضف بكتير من مصر سواء مواصفات او رفاهيه او امان
انت بتبقى راكب عربيه مفيهاش الهوا

[elbeheri]

فى مثل هندى بيقول: او انت فقير اشترى سيارة جديدة

انا مثلا اول عربية لا كانت 127 واتخميت فيها لما اشتريتها عشان ماكنش عندى خبرة طبعا واتعلمت عليها وقعدت معايا خمس سنين اتعلمت فيها الادب من المستعمل
غيرت ليها ماتور - عفشة - جنوط - واتعمل لها سمكرة وبوية بالكامل

عشان كده افضل الزيرو عن المستعمل