هل فعلا الزيرو افضل من المستعمل؟ المفاجأة!!! لماذا المستعمل افضل في مصر؟؟

[د.محمود صلاح]

حالة الطرق في مصر لا تشجع على الزيرو

انعدام الأمان

ندرة اماكن الركن والزحام الرهيب

التوكتوك وفوضى المرور

غلاء التامين الشامل

ضعف الدخل والرواتب بالمقارنة بدول الخليج واوروبا اللي الزيرو عندهم اسهل من شراء علبة سجاير

[Elawany13]

حالة الطرق في مصر لا تشجع على الزيرو

انعدام الأمان

ندرة اماكن الركن والزحام الرهيب

التوكتوك وفوضى المرور

غلاء التامين الشامل

ضعف الدخل والرواتب بالمقارنة بدول الخليج واوروبا اللي الزيرو عندهم اسهل من شراء علبة سجاير

زود عليهم سائق التروسيكل والميكروباص اللى بيلعبوا لعبة السيارات المتصادمة على الأقل هتطلع بخدوش وفانوس مكسور
والعيال ولاد ......... اللى بيبهدلوا اى عربيه زيرو (حتى القديمة مبيعتقوش ) بيشوفوها ويرسملك عليها بالمسامير والمفاتيح ويعقد ويربعلك على الكابوت ويلعب سيجا

[Dr.SherifMansy]

اسمحوا لى اقول رأيي الشخصى المتواضع.

أنا جربت كده و كده كذا مرة.

الموضوع اولا نسبى من شخص للتانى و لكن داخل فيه عوامل كتيرة و بالتالى ما حدش يقدر يقول مع التعميم ان ده احسن او ده احسن... ليه بقى ؟؟

احنا للأسف بنفترض فى سوق العربيات عندنا ان فيه امانة و نزاهة و التزام بالكلمة و الوعود ، سواء من البائع او الوكيل ، و للأسف ده ابعد ما يكون عن الحقيقة عندنا...

كتير جدا من العربيات المستعملة بيكون فيها عيوب و البائع بيعتبرها شطارة و فهلوة لو قدر يخبيها عن المشترى ، و الغريب و المضحك ايضا انه البائع لو عنده ذمة و قال على العيب اللى فى العربية للمشترى تلاقى المشترى بيحاول يبقى هو الفهلوى و يخسف بثمن العربية الأرض ، او انه يتقمص دور شرلوك هولمز و يستنتج ان اكيد فيه مصيبة اكبر مادام البائع ذكر العيب الموجود فى العربية !!!

عربيات زيرو كتير جدا بتنزل عندنا و هى فيها مشاكل معروفة (طبعا معروفة بره مصرنا) و توكيلات اوروبا و امريكا رجعتها ، مثلا لفشلها فى اختبارات السلامة ، او ان الشكل ما لاقاش اقبال زى ما توقعوا ، او فيها عيوب فى الموتور و الميكانيكا ، و بالتالى بتنزل عندنا و تتصرف فى السوق زى الفل ، و هنا بيظهر غش التوكيلات فى تلصيم الأمور لحين أنتهاء الضمان و بعدها خللى العميل يشرب من كيعانه.

ده غير ان احنا بناخد اقل فئة و اقل اوبشنز باعلى سعر و للأسف ده بيمشى على الكل ، زيرو و مستعمل.

الميزانية بتحكم الموضوع ده بشكل كبير ، كذلك عدد من يستخدم السيارة يعنى هايركب فيها كام ، و هل اللى هايسوقها واحد ولا اكتر ، و هل سواقة هادية و لا سريعة ... كل دى عوامل بتحكم..

ما ينفعش يبقى عندى عائلة من 5 او 6 افراد و بدل ما اجيب mini SUV اروج اجيب بنفس الثمن عربية رياضية سحبها طيارة ...

ماينفعش اكون واحد ما بيفهمش فى العربيات و ماعرفش (معرفة وثيقة تمنع الغش و الخداع) ميكانيكى و سمكرى كويسين و فاهمين شغلهم ، و انزل اشترى مستعمل ... اكيد هاشرب مقلب محترم.

ماينفعش اكون واحد وقتى ضيق جدا و محتاج العربية ليل نهار و اشترى مستعمل ، اى مستعمل (زى ما قلتوا هنا) هايقعد سنة على الأقل بيفتح بقه كل شوية لحين الانتهاء من كل المشاكل الموجودة فيها ، و ساعات مش بتخلص تماما ، معنى كده انى اسيب شغلى و اعطل مصالحى و اقعد جنب الميكانيكي ، و هنا الزيرو ارحم ، يوم واحد بيضيع كل كام شهر و بيعدى.

ماينفعش تكون ميزانيتى محدودة جدا و غير قابلة للتجديد فى زمن بسيط و افكر فى المستعمل ، بمعنى انى لو مثلا كل اللى حيلتى يجيب زيرو فئة متوسطة او مستعمل فئة اعلى ، و لكن مش هايبقى معايا فلوس ممكن تتحوش لفترة سنة او اكثر ، هنا المستعمل هايبقى مشكلة لأن كل ما يظهر حاجة محتاجة تغيير مش هايكون معايا ثمنها ، و العربية هاتقعد تحت البيت لحد ما ربنا يفرجها ، يبقى هنا الزيرو ارحم.

بلاش الجرى فى الزيرو ورا اجدد موديل نزل و مافيش زيه خالص قبل كده ، الا اذا كنت بتحب تكون beta tester ، لأن العربية سلعة معمرة ، و ماينفعش اخدها اجربها و اشوف حلوة و لا لأ ، انا افضل اشترى عربية مشهود لها من قبل.

لو بتحب الأوبشنز العالية و كل حاجة تكون الكترونية فى العربية هنا المستعمل افضل و اوحش فى نفس الوقت ، أفضل لأن سعره هايكون فى متناول اليد بدون المغالاة الرهيبة بتاعة التوكيلات فى حالة الزيرو ، و لكن اوحش لو فيه sensor او جزء الكترونى فيه عطل ، لأن غالبا بيكون غالى جدا او مش موجود أو سريع التلف و ده احد الأسباب اللى خلت المالك الأول عايز يخلص من العربية.

علشان كده باقول الموضوع نسبى و داخل فيه عوامل عديدة بشكل كبير ، و بالتالى كل حالة هى فردية و يصعب تعميمها.

و تحياتى

[Dr.SherifMansy]

حالة الطرق في مصر لا تشجع على الزيرو

انعدام الأمان

ندرة اماكن الركن والزحام الرهيب

التوكتوك وفوضى المرور

غلاء التامين الشامل

ضعف الدخل والرواتب بالمقارنة بدول الخليج واوروبا اللي الزيرو عندهم اسهل من شراء علبة سجاير

حبيب قلبى و اخى العزيز اللى واحشنى جدا د/ محمود

كلامك صحيح مليون % و اضيف عليه ان حالة الطرق لا تشجع على القيادة اطلاقا ، لا زيرو و لا مستعمل...

اما الاسعار فحدث و لا حرج ، انا لسه قايل ان احنا بناخد اقل فئة و اقل اوبشنز بسعر اعلى فئة و اعلى اوبشنز...

و لا عزاء لمالكى و قائدى السيارات...

و تحياتى

[SYD]

حضرتك انا جربت الزيرو وجربت المستعمل
تجربتي مع الزيرو اني لما جيت ابيعها (مفيش عربية بتخلد، لازم هيجي يوم وتغير) خسرت في تمنها اكتر من 40,000 جنيه ضيف عليهم الصيانة وقطع الغيار يعني دخلت في حوالي 50,000 خسارة

لكن المستعمل
بتركبه سنة او 2 او 3 وتبيع ياما تخسر حاجات بسيطة او تكسب فيها لو السوق رفع

وبالنسبة للمستعمل في عربيات جميلة اوي زي الفولكس لو حالته نظيفة العربية بتصبر عليك لو عايزة حاجة يعني اقصد ان حتي لو أشتكت بسبب ان قطع غيارها معمرة ممكن تمشي علي عيبها شهر او اتنين لحد لما تدبر حالك

دي تجربتي
ورأيي الأخير ان المستعمل في مصر احسن من الزيرو

والله المستعان
،
،

[sheko_2000eg]

كلام معقول اتفق معاكم

[elbeheri]

الموضوع نسبي يعتمد على احتياجات كل واحد

[K9KI]

خلاص يجماعه نعمل حمله ضد الزيرو ونسميها الشعب يريد سيارات مستعمله

[moh19227]

موضوع لذيذ فعلا :)

[mrbond88]

اسمحوا لى اقول رأيي الشخصى المتواضع.

أنا جربت كده و كده كذا مرة.

الموضوع اولا نسبى من شخص للتانى و لكن داخل فيه عوامل كتيرة و بالتالى ما حدش يقدر يقول مع التعميم ان ده احسن او ده احسن... ليه بقى ؟؟

احنا للأسف بنفترض فى سوق العربيات عندنا ان فيه امانة و نزاهة و التزام بالكلمة و الوعود ، سواء من البائع او الوكيل ، و للأسف ده ابعد ما يكون عن الحقيقة عندنا...

كتير جدا من العربيات المستعملة بيكون فيها عيوب و البائع بيعتبرها شطارة و فهلوة لو قدر يخبيها عن المشترى ، و الغريب و المضحك ايضا انه البائع لو عنده ذمة و قال على العيب اللى فى العربية للمشترى تلاقى المشترى بيحاول يبقى هو الفهلوى و يخسف بثمن العربية الأرض ، او انه يتقمص دور شرلوك هولمز و يستنتج ان اكيد فيه مصيبة اكبر مادام البائع ذكر العيب الموجود فى العربية !!!

عربيات زيرو كتير جدا بتنزل عندنا و هى فيها مشاكل معروفة (طبعا معروفة بره مصرنا) و توكيلات اوروبا و امريكا رجعتها ، مثلا لفشلها فى اختبارات السلامة ، او ان الشكل ما لاقاش اقبال زى ما توقعوا ، او فيها عيوب فى الموتور و الميكانيكا ، و بالتالى بتنزل عندنا و تتصرف فى السوق زى الفل ، و هنا بيظهر غش التوكيلات فى تلصيم الأمور لحين أنتهاء الضمان و بعدها خللى العميل يشرب من كيعانه.

ده غير ان احنا بناخد اقل فئة و اقل اوبشنز باعلى سعر و للأسف ده بيمشى على الكل ، زيرو و مستعمل.

الميزانية بتحكم الموضوع ده بشكل كبير ، كذلك عدد من يستخدم السيارة يعنى هايركب فيها كام ، و هل اللى هايسوقها واحد ولا اكتر ، و هل سواقة هادية و لا سريعة ... كل دى عوامل بتحكم..

ما ينفعش يبقى عندى عائلة من 5 او 6 افراد و بدل ما اجيب mini SUV اروج اجيب بنفس الثمن عربية رياضية سحبها طيارة ...

ماينفعش اكون واحد ما بيفهمش فى العربيات و ماعرفش (معرفة وثيقة تمنع الغش و الخداع) ميكانيكى و سمكرى كويسين و فاهمين شغلهم ، و انزل اشترى مستعمل ... اكيد هاشرب مقلب محترم.

ماينفعش اكون واحد وقتى ضيق جدا و محتاج العربية ليل نهار و اشترى مستعمل ، اى مستعمل (زى ما قلتوا هنا) هايقعد سنة على الأقل بيفتح بقه كل شوية لحين الانتهاء من كل المشاكل الموجودة فيها ، و ساعات مش بتخلص تماما ، معنى كده انى اسيب شغلى و اعطل مصالحى و اقعد جنب الميكانيكي ، و هنا الزيرو ارحم ، يوم واحد بيضيع كل كام شهر و بيعدى.

ماينفعش تكون ميزانيتى محدودة جدا و غير قابلة للتجديد فى زمن بسيط و افكر فى المستعمل ، بمعنى انى لو مثلا كل اللى حيلتى يجيب زيرو فئة متوسطة او مستعمل فئة اعلى ، و لكن مش هايبقى معايا فلوس ممكن تتحوش لفترة سنة او اكثر ، هنا المستعمل هايبقى مشكلة لأن كل ما يظهر حاجة محتاجة تغيير مش هايكون معايا ثمنها ، و العربية هاتقعد تحت البيت لحد ما ربنا يفرجها ، يبقى هنا الزيرو ارحم.

بلاش الجرى فى الزيرو ورا اجدد موديل نزل و مافيش زيه خالص قبل كده ، الا اذا كنت بتحب تكون beta tester ، لأن العربية سلعة معمرة ، و ماينفعش اخدها اجربها و اشوف حلوة و لا لأ ، انا افضل اشترى عربية مشهود لها من قبل.

لو بتحب الأوبشنز العالية و كل حاجة تكون الكترونية فى العربية هنا المستعمل افضل و اوحش فى نفس الوقت ، أفضل لأن سعره هايكون فى متناول اليد بدون المغالاة الرهيبة بتاعة التوكيلات فى حالة الزيرو ، و لكن اوحش لو فيه sensor او جزء الكترونى فيه عطل ، لأن غالبا بيكون غالى جدا او مش موجود أو سريع التلف و ده احد الأسباب اللى خلت المالك الأول عايز يخلص من العربية.

علشان كده باقول الموضوع نسبى و داخل فيه عوامل عديدة بشكل كبير ، و بالتالى كل حالة هى فردية و يصعب تعميمها.

و تحياتى

مات الكلام

[amigooo]

بما أن فى شبة اجماع على انة فعلا الاستعمال النظيف افضل من الزيرو .. يبقى نكمل الموضوع .. ونقول اية العيوب الواضحة والسريعة الظهور فى سياراتنا ( سنسورز .. الميكانيكا .. الكهرباء .. العفشة ...... ) وطبعا مش المستهلكة مثل الكاوتش والبطارية ليكون كل من يفكر فى المستعمل على علم بعيوب السيارة التى ينوى البحث عنها .. ويبقى مرجع فى المنتدى لنا كلنا .. منتظر رأيكم فى هذا الاقتراح واشكر صاحب الموضوع .

[omaroof]

مع احترامى لجميع الردود مفيش حاجه مطلقه
بمعنى مستحيل المستعمل يكون احسن من الجديد الا فى حاله واحده وهى السعر طبعا
المستعمل
1-سعره قليل ( رغم غرابة اسعاره فى مصر)
2- كل الميكانيكيه لعبو فيه وعارفينه
3- معظمه زى بعضه فى الميكانيكا والتكنولجى البسيطه اللى فيه ( اذا وجدت)
4- قطع غياره كتير واسعارها معروفه وطبعا حسب موديل العربيه
عيوبه
1- مشاكله كتيرة ولو فتحت بقها (عيش فى الملعب)
2- العفشه بعد 5 او 10سنين فى طرق مصر الحبيبه طبعا كلكم عارفين بتكون تعبت طبعا حسب استخدام اللى كان شاريها
3- بتبقى العربيه اتعرضت لافتكسات الميكانيكيه وانته وحظك
الجديد بقى
1- اسعاره غاليه
2- قطع غياره برضه غاليه بالنسبه للمستعمل ومعظم الناس بتتجه لقطع غيار الاستيراد
3- الوكيل طبعا اسعاره نااااااااااااار وبرده للاسف فيه عمال فى داخل الصيانه غير مؤهلين وبيخترعوا
4- معرضه للسرقه اكثر او لكسر الزجاج بغرض السرقه
حسناته
1- عربيه جديده حاتبقى حوالى 5 سنين او اكثر من غير مشاكل مكانيكيه ( حسب استخدامك)
2-تكييف واوبشن موش حتلاقيه فى معظم القديم
3- موش محتاجه غير بنزين وغيار زيوت فى معادها
4- فرص تعرضك للوقوف فى الشارع بسبب الاعطال او تأخرك على الشغل معدومه
5- بترحمك من البهدله واللف على الميكانيكيه وبتبقى ثقه اعلى وامان اعلى

[Dr.SherifMansy]

اعتقد ان معظمنا اتفق ان المسألة نسبية و مافيش رأى حاسم ان ده احسن او ده احسن ...
كل واحد و ظروفه و احتياجاته.

و تحياتى

[yousef1978]

بس كل شيء وليه عمر!!
يعني مجيش أشتري عربية عاملة أكتر من 250 ألف كيلو ... واكون متوقع اداء محترم من الموتور

أنا نازل من الامارات من اسبوع بعربية ميجان هاتش باك عاملة 200 الف كيلو موديل 2007
ماشي بيها 3500 كيلو من هناك بسرعة من 130 الى 170 وما فيش فيها مشاكل

اسبوع واحد في مصر خلاني اقرر اركن السيارة في مكان مضمون وااجر تاكسي


انا حاسس اني داخل حرب في مصر مش باسوق في شوارع في القرن الواحد والعشرين


والله انا باحسد اللي معاه فيات 131

بنزين رخيص
قطع غيار رخصيه
ماشي براحته ومش خايف حد يكسرله العربية
صيانة سهلة
لو واحد كسرله فانوس ولا اكصدام مش هينزل حتى من العريية يبص عليه ولا هيرمشله رمش ةهيكمل طريقه بكل انشكاج وفرحة ولا كأن حاجة حصلت

[Mik_t4]

طبعا طبعا الاستعمال لو حالة نضيفة احسن 1000 مرة من اي جديد
دا الجديد ورقققققققققق
خصوصا فوانيس كرومبو